樂記煲仔飯粥麵專家

营业中

休息中

話話某夜晚買粥外賣時，同個收銀(疑似二代)講想要多D蔥！！佢話無蔥呀!! 我話“吓...咁大鑊，無蔥食粥點算？？？佢話無呀！！！我就自己口噏噏話“有冇搞L錯呀,咁大間粥粉面舖無蔥”仲未有耐收工....於是有個姐姐過來問我咩事，我話個收銀哥哥仔話無晒蔥喎，姐姐就即刻話有有我幫你搞，我先順番D。 (喜歡蔥嘅人食粥冇蔥很不爽，too bad)唔憂做唔想做就唔好做!! 做食係靠咩？ 除咗要好味之如，比少少人情味好唔好！！！！算吧，祝您好運！！

之前去過陳漢記食煲仔飯，點知轉左手叫樂記，點我最鍾意食嘅北茹雞飯，點知中左伏，雞老，又咸，又冇飯煎，同個蒸飯差唔多點解要畀咁貴價錢食個蒸飯食個北茹蒸雞食都係三十幾元，對於我平時食嘢冇要求的人都覺得難食，應該冇乜人接受到。另外服務態度差，伙記黑口黑面，件衫都幾污穢，叫佢過嚟落單佢好惡死咁，你睇唔到我做緊嘢咩，等左差唔多7至8分鐘先過到嚟落Order,總括嚟講一定冇下次，而家明白，點解d人要北上消費。

一行足，食幾轉呢間令人驚喜嘅食堂，單係講起佢哋嘅煲仔飯同生滾粥，已經流晒口水添🤤！首先，個煲仔飯真系叫人回味喎，飯香而且粒粒分明，底層嘅飯皮又鍋巴香又脆，啖啖肉嘅爽口花蟹配上佢，正！再來，生滾粥完全系大熱天氣下嘅清新選擇，幼滑到冇朋友😉，每一啖都食到海鮮嘅鮮甜，隨時都令我諗起嚟多碗～話嘅，個腸粉都唔係睇門口，賣相吸引之餘，口感滑溜，個醬汁更加系絕配，完美呈献。如果你問我會唔會再返去，我諗我答到你：「食完一次，仲想食多次！」整體來講，呢度嘅美食同服務都算系頂級㗎啦，想食道地港式滋味，就唔好錯過啦！👍👍👍

原本抱住“陳漢記”的舊招牌來試吓呢間“樂記”食嘢，点知中伏了，食物一般，伙記和收銀極寸咀，當你未叫食物時，稍一選擇慢D就走人，跟後想問吓有關食物材料，又變臉，試問來食嘢啫，点解要受氣……更離譜嘅，連埋單也要受氣，當企在櫃面足足等了數分鐘（當時只得我1個人），我不奈煩問女收銀員，可否埋咗我張單先？佢回答：你唔見我多嘢做咩！原本我還可包容下嘅，但眼見她的態度甚差，而且根本對電子外賣單應付不了（唔識使用），還牽強接單，實在令人憤怒，相信日後還是朝著這個態度做生意，外賣單接不下來時，還影響食堂生意添……

一向鍾情煲仔飯嘅我，見親舊時陳漢記條龍都係望門興嘆，到轉咗手改咗名路過都見有條龍，直到早前有日 6 點左右行過竟然唔駛排隊，於是今晚的起心肝去幫襯。我哋第一時間揀咗個白鱔排骨煲仔飯先，然後就揀咗魚腩粥同炸兩。估佢唔到先上炸兩，賣相唔錯，一食落口即刻好似條油炸鬼咁謝晒，淋嘅炸兩點會好食？好在腸粉夠滑我先比 2 粒星。跟住上魚腩粥，無乜特別，平穩。最後期待已久嘅煲仔飯，我哋已經好有耐性焗咗好耐先開蓋，隔離檯嗰煲一齊上，佢開咗蓋加豉油同了散咗，我裝到無乜飯焦，仲特登再等多陣先開，可惜到我哋食嗰時都係無乜飯焦，無晒啲精華 😭😭😭😭😭總結成餐飯係有啲失望嘅，分分鐘大 x 活啲煲仔飯性價比仲高，完咗個心願，可以 take out from my list!

呢幾日天氣開始凍，最啱食煲仔飯！7點去到已經好多人排隊，等左成個鐘！叫左二個小食：白灼牛柏葉同香辣魚皮。二個都好惹味！當然唔少得食煲仔飯，叫左黃鱔排骨煲仔飯，份量真係超級多，而且多飯焦，令人返尋味😝

叫左個淨牛筋腩，仲話係皇牌金牌，本身好期待。一見到個顏色都睇落唔對路，瘀黑色，碟嘢要成$188, 但有三份一都係邊邊角角嘅肉。一食落口更加出事，非常硬，根本咀嚼唔到，猶如11歲小朋友啱啱上網學完就煮出嚟咁差

黃鱔臘鴨煲仔飯 黃鱔份量多肉質Q彈無骨好食，臘鴨有啲鹹，米飯幼細口感爭啲，而且比較濕，飯的份量比較少男士應該唔夠食。 叉燒腸粉 腸粉份量出奇地少，如圖8匙羹顯示已經有半條，第一次見識到，而且不夠熱，相比下去感覺叉燒份量多。1800左右坐下點餐，(煲仔飯供應時間要1800後)已經要等位，安排坐位有一點混亂。大部份食物都唔夠熱，份量較細，而且安排座位有啲混亂，而且來錯餐的機會也比較多，聽到隔籬枱也有這個情況。

大埔墟出名多美食，經過見到呢間，專食煲仔飯粥麵，過咗中午都好多客人，但可惜要夜晚先有煲仔飯。 不過見佢哋啲粥麵選擇好多，仲有我最鍾意嘅😋招牌花蟹粥🦀只係$59，好大碗又有好多件蟹身及蟹膏😍，外殼軟身比較易食，生滾粥熱騰騰又夠綿滑，我成碗清哂😂牛腩有好多款揀，有坑腩、崩沙腩，及原汁新鮮牛腩，原汁新鮮牛腩肉味香濃較有嚼勁，麵底爽口😚最後配即炸鯪魚球，每粒漲卜卜☄️，入口彈牙爽滑，蘸上蜆蚧醬食更惹味

以前去陳漢記必叫煲仔飯同白焯鵝腸⋯估唔到接手咗之後慳成本慳到咁😭 接手個老細仲話係陳漢記忠粉，因為唔捨得冇得再食返先接手⋯但搞成咁真係唔會有下次⋯⋯⋯唔記得每樣幾錢，兩樣外賣夾埋$170幾白灼鵝腸⋯⋯⋯⋯難食到爆⋯係雪味勁到爆炸嘅發水鵝腸⋯以前用新鮮鵝腸⋯所以覺得$90都正常⋯而家個陣鹼水味⋯真心食兩條都唔想再食呢個煲仔飯還好～足料，有齊臘鴨髀、臘腸、潤腸、臘肉。有飯焦，飯有炭香味，算係keep到水準

秋風起🌬️又到左食煲仔飯的時候喇，朋友強烈推介樂記，樂記煲仔飯淨係得晚市有，日頭賣粥品粉面，聽講煲仔飯一流之餘，啲粥品都唔差😋🤎白鱔臘味煲仔飯加啲秘製豉油再焗一陣，打開飯香濃郁，底部有香脆飯焦，臘味有臘腸，潤腸同臘肉，餸的份量好足，白鱔咬落肉質爽脆爽脆🤎黃鱔臘鴨脾煲仔飯大大隻臘鴨脾好多肉，啲咸香令米飯更香，黃鱔肉質相對比較軟腍，食完個人都暖笠笠🤎凍檸檬可樂叫煲仔飯緊係要叫杯凍檸樂gurgur佢😋😋🦥樂記煲仔飯粥麵專家大埔運頭街91B號地舖🌲🌲🌲🌲🌲🌲🌲🌲🌼懶好食指數：4.5/5🌼懶住去指數：4.5/5🌴只想懶住食、懶住玩、歡迎餵食🌴💤🦥得閒就Follow吓，不過懶得Follow翻你🦥💤

呢排天氣開始轉涼,即刻就想食煲仔飯🤩放工唔想煮飯,就同老公喺屋企附近食埋飯先返去啦!🌿白鱔滑雞煲仔飯熱焫焫嘅煲仔飯一上枱已經聞到非常香🤩平時好鍾意食魚嘅我就揀左白鱔配上滑雞根據餐廳嘅圖片教學💁🏻‍♀️先開蓋疏水蒸氣,再倒入豉油,再蓋上蓋子焗多30秒就食得喇!白鱔肉質好彈牙,而雞肉就非常嫩滑,米飯完全吸收晒配料嘅精華,令米飯更鮮味甘香,煲仔底部更有焦香嘅飯焦😍🌿蠔豉花蟹粥平時喺屋企整蟹實在太多功夫,所以出街食係最好嘅,好鍾意佢地個粥底夠哂綿滑,而蠔豉及花蟹亦大大提升左粥底嘅鮮甜👍🏻🌿叉燒腸粉腸粉皮夠薄而且好滑,有入口即溶嘅感覺,叉燒偏瘦帶有甜味,配上豉油絕對係最佳配搭😋

大埔呢間樂記煲仔飯前身係好多明星都去食的陳漢記，後來老闆將去轉手比熟客，改為依家的樂記，但好多老夥計都仲喺度，原班人馬為大家服務🥰🥰太耐冇食，今次去食返啲玻璃腸同煲仔飯先！💂🏻‍♀️《炸腐皮卷》$39一碟有六件，即嗌即炸！皮薄多餡，炸到脆卜卜，又熱辣辣🤤完全食唔停口，而且個腐皮好有豆香味，餡料又唔會太鹹🙆🏻‍♀️做小食真係啱啱好~評分: 85/100💂🏻‍♀️《叉燒玻璃腸粉》$28玻璃腸係經典，每一枱都必點一碟，出面好少餐廳做得個粉皮咁薄🤤皮薄到晶瑩剔透，可以睇到入面啲餡，配埋叉燒餡，食落軟滑又口感👍🏻👍🏻👍🏻評分: 88/100💂🏻‍♀️《臘味肉片煲仔飯》$73嚟到一定要嗌煲煲仔飯，今次叫個臘味肉片煲仔飯😍因為娘娘係食肉獸，但食煲仔飯要有啲臘味先會特別香，所以有呢個配搭簡直fit 👍🏻肉片唔會鞋口，好嫩滑！臘腸又有酒香味，啲飯粒粒分明入哂味😍😍底部啲飯焦真係精華，天氣開始凍，大家快啲去食。評分: 90/100總結：仲有好多唔同款的煲仔飯，總有一款啱你！另外牛腩河都多人嗌，下次會試試去。🥰大家入大埔一定要試下呢間經典。頒發軍階：上將🎖🎖🎖🎖

📌樂記大埔區相當出名的粥店以煲仔飯、玻璃腸粉同牛腩最受歡迎🥢餐牌主要包括生滾粥、腸粉、潮州粉麵等粥麵全日供應，煲仔飯就係晚市供應🔖艇仔粥午市套餐有一款粥配腸粉/ 糉，碗粥比想像中大碗，份量好足生滾粥粥底熱辣軟綿，裡面有豬皮、牛肉碎同花生🥜粥底本身好夠味，額外加咗窩蛋🥚蛋香令味道更升級🥣🔖蝦腸腸粉皮薄身幼滑，玻璃腸粉名不虛傳蝦肉份量適中🦐配上甜豉油，經典港式滋味😚🔖牛肚牛丸米米粉可以加腩汁，味道更濃香牛肚煮得入味，牛丸好有驚喜，牛味濃而且口感爽彈，下次嚟都要再點😙🔖鹹肉糉跟餐配上鹹肉糉夠晒滿足，識食緊係加砂糖，鹹中帶甜味道豐富🤭🔖油炸鬼每次食粥都好期待食香脆油炸鬼可以選擇原條上或者碎上幾貼心

🇭🇰香港的美食绝不仅仅在繁华喧闹的油尖旺新界九龙很多大型住区都有地道的本港美食这家位于大埔墟的三十年老店，远离了游客却有陈小春、胡杏儿、洪天明等明星的钟爱🏠前身陈汉记为老板王永亮先生为报答姑父于90年代初在此设立，今年老板功成身退熟客接盘，乐记延续其原班人马，情怀依旧肠粉、生滚粥、粉面、煲仔饭…一站式满足走近店内的一刻放佛穿越到了熟悉的港剧中明档里的市井烟火气，时间放佛都已停滞了🐂清汤牛腩每条肉丝都入味，萝卜吸满汤汁牛腩与牛骨一起煲熬数小时，因此绵软可口精华溶于汤中，推荐软腍而牛味香浓的崩沙腩🥢水晶肠粉是每桌必点的招牌，风靡三十年看起来都晶莹剔透，吃起来又够细腻爽滑整粒的白虾赛如珠宝，鲜汁由内而外流溢🐖惊艳的脆皮大肠，将入口即化做到极致皮脆甘香、肥而不腻，很有嚼劲和韧性软糯的肠碧处理得很干净，尽管放心吃🍜伊面很劲道顺滑，吸收了骨汤的精华先喝上口看着清澈见底，实则浓郁的鲜汤搭配Q弹的牛丸，来香港旅行就已经圆满💁经常有街坊邻里帮衬的老店，非常亲切员工多是大姐阿姨，笑脸盈盈，不耐其烦普通话的听说也比较流利，吃完慢慢坐 ❗️PS：全天营业，我来吃的午餐和下午茶招牌煲仔饭系列晚餐才出，早点来排队哦