樂都冰室

营业中

休息中

員工服務態度非常差，會大聲喝客人，自我不作檢討。員工會招乎客人，客人需自己拿餐牌，倒水，收拾枱上的食物。食物等45分鐘才到。早餐的沙爹牛肉麵完全没味道……餐廳清潔度非常差……

第一次見到要排隊既冰室，仲要係食早餐咋! 頂住一個大大的太陽, 企室外露天地方排接近15分鐘才有坐置，總算等到室內冷氣位。如果需要水或碗，就可以係自助區搵到排隊既時候已經睇左menu, 覺得選擇類型頗多，所以一坐低就可以落單，每張枱有一個貓頭鷹台號，入來才發現除左室外室內，另一邊仲可以帶小動物如狗仔一齊食早餐呢。但落單後，等待早餐既時間都好耐，實在太多單了吧。自選A配B蜜汁叉燒米 配 美式熱狗，長香腸 + 3蚊叉燒一般，但熱狗唔錯大衛扒餐: 黑毛豬扒點左個最貴的，但味道一般。反而奶油豬仔包不錯

黎到元朗錦田山區工作又到了午飯時間啦～叉燒蛋飯我黎啦～去到見到執了喎⋯⋯失望。無了叉燒蛋飯食唯有選擇其它啦～見到對面有間樂都冰室就試下啦～坐位都幾擠迫，不過冷氣夠。點了個薑蓉煎雞扒飯，蜜汁叉燒煎雙蛋飯同豬仔餐肉煙肉煎蛋飯。送到來一看～發覺薑蓉煎雞扒飯製作一般雞扒像雞件，雞肉無了雞味而且炸到雞肉無了肉汁，旁邊同事食的蜜汁叉燒煎雙蛋的叉燒得豉油，另外豬仔餐肉⋯⋯算啦。感覺回到中學時期在校內或附近食的學生餐(快餐）同學要咩～夾夾夾⋯⋯給錢。整體都一般有改善空間的～加油喔

無意中發現此冰室 已經嚟過幾次 覺得店家對食物質素要求的態度是超出一般冰室的水平雖然食物種類也都是一般茶餐室差不多 但一些細節也處理得唔錯 值得一試唯一有小小意見就係 每次音響都開太大 影響悠閒氣氛

等好耐都冇人執枱，又冇人下單⋯熟人招呼先，其他人⋯等下吧，全店只得一個女人可以下單收錢，其他人只負責執頭執尾，落錯單又大有大聲兇人⋯真係有回到6-70年代的感覺⋯有人治冇法治～環境方面～室內室外都有蚊～食個早餐一腳蚊懶～上菜速度非常緩慢～座位窄，2個人去，放2個餐已經沒位剩～有小朋友的話，要抱住坐～不方便～總體食物都可以，比普通茶餐室好D，如果我係熟客應該會有D分加下⋯可惜我唔係⋯冇下次了～👎🏻👎🏻👎🏻

熱狗太硬，完全沒有心去做，食物沒什麼驚喜，服務一般，叉燒三文治賣相一般，還可以的，叫了焗飯，味道一般，下單時，女服務員下單的時候，有催促的感覺，總恬而言，不會再光顧！

去錦田行下，唔經唔覺行到這裡「天空之城」。原來這裡有很多餐廳，就隨意入左間tea 1 tea.公司三文治（茶餐）+ 焗豬扒飯公司三文治份量十足，蛋，雞肉，番茄，火腿.......應該都有7-8種配料！👍🏻👍🏻👍🏻👍🏻焗豬扒飯就等得比效耐，因為我相信佢地真係有order至焗，豬扒又多又林，唔會太乾太實，飯底係蛋炒飯，飯多汁多，唔會好似快餐店食幾啖已經無晒飯見底.👍🏻👍🏻👍🏻👍🏻👍🏻

食物質素好好服務好有親切感包類好新鮮好鬆軟這裡的創作人已故的梁伯伯梁太是Daddy Mummy好友好掛住梁太太的印尼千層糕好掛住他們的笑臉好掛住以前樂都餐廳條樓梯啫喱加淡奶希望現在的樂都可以發揚光大用食物令食客開心我總覺得好的食肆有它私有的吸引力令人開心令人感動加上好的食材 有質素的保證合理的價錢那怕只有一次的光顧再加上這裡有好多露天位方便放狗狗人士踩著單車的車友架車人士也有適量的泊車位大家坐得舒服自然便會有再來的時候加油💪🏻一定支持

一入到去已經無人招呼仲要自己去拎餐牌🤷🏻‍♀️等左10分鐘都無人執枱、點餐🤷🏻‍♀️到幫你點餐既時候態度差到你以爲爭梗佢錢食物無其他評語講得咁好食，完全失望下次一定唔會再幫襯！！！

超豐富超地道的港式冰室早餐~個餐玩法係：主食粉麵搭配包類或腸蛋種類多，而且配搭都好好~最喜歡配菠蘿油雖然邪惡D,但係真係好好味，首先個包夠新鮮，溫度仲係暖o既，牛油又好足，面頭菠蘿仲好脆脆添，香港的傳統口味！平時係麵包店買一個菠蘿油都要十蚊啦，哩度成個餐加埋麵加埋熱飲都係38蚊，本人認為極抵囉。沙嗲牛肉麵絕對係港式早餐o既靈魂，牛肉要醃得好，麵質都好關鍵，而哩間店D牛肉呢係有醃過o既，我略嫌淡味左D,但係麵呢就好用心揀得好好喎，口感彈牙唔易化，正！熱奶茶係我至愛，每日必飲，茶味夠，而且佢地用哩隻奶特別香滑，我吓次再去八掛完話比大家知係咩牌子P.S.:哩間店早市爆到七彩，特別是星期六日有Outdoor位，所以有好多狗友都會帶埋狗仔黎聯誼吓！所以要早D去攞位。Indoor就枱窄D囉，用滕椅都舒服o既，不過搭枱就窄D囉！

下午茶試食，意想不到既驚喜。呢度雖則都幾幾隔涉，好少人會專登尼搵食，機緣巧合揸車經過又有位泊就試下。呢間元朗幾十年老字號而家喺呢個新位置假期都好好生意，都要等十幾分鐘先有位。叫左下午茶餐公司三文治同杯凍檸茶。價錢就一定比普遍茶記貴少少，杯茶正常無失望，茶味同甜道都好合理接受。最想讚個公司三文治，真心講句而家間間茶記冰室d公治都係好公式化，無新意加無心機製作，但呢度個公治食得出用料有誠意，同埋唔覺油膩，絕對對得住價錢，下次翻轉頭都會再叫😋👍👍

楽都餐廳--兒時常常幫襯的西餐㕔，今年1月1日已經搬往錦上路附近的高甫村旁，又可以重溫兒時的回憶😉不可不試它的羅宋湯，雑扒餐、焗豬扒飯、紅豆冰、海南雞飯.......每款食品也是老闆用心炮製餐廳外圍環境清靜，侍應服務態度好、食物品質一流、最難得價格相宜、老闆不會將價就貨無論是一大班朋友或是三五知己，樂都餐廳也是一個很不錯的選擇如果增加多些甜品，例如當年時常在樂都吃到的馬豆糕、紅豆糕⋯⋯便錦上添花了