樸生 (已結業)

朋友生日飯聚選擇了樸生。所選套餐包自助區、任食炸雞、火鍋同肉類。湯底簡左泡菜蕃茄同雪濃湯，前者個湯底好濃味開胃！後者就較清淡，似牛奶湯。炸雞比想像中ok，唔乾，加埋芥末醬pass。肉就普普通通，一份兩塊肉，雞豬牛都有。自助區兩點左右沒有太多人，可以在自助區慢慢選擇，食品種類不算多，有火鍋配料、煎餅、炒年糕、炸物、甜品等等。最特別的是有自選石鍋飯，店員會主動講解點整同幫手。（有溫泉蛋）最後店員上蛋糕仲主動幫手影合照，感覺唔錯，好親切（唔收切餅費抵讚）下次有機會會試下晚餐（價錢好似$148/1）

我都屬於半個青衣友，最近知道青衣城開咗一間新嘅韓國食店，大排長龍，終於有機會可以去試，睇吓係咪心目中咁好食。裏面主打都係韓國嘅素食而且送上健康為主，我哋二話不說叫咗少少熱點，有自製韓式牛粉絲鍋同人蔘雞窩，韓國牛同平時出邊食到的牛有點不同，明顯係試得出比較甜同用料較上盛。平時覺得自己體質麻麻地可以試吓呢個人蔘雞煲，仲記得以前去韓國好鍾意叫因為嗰邊好出名，用料十足，好少喺香港可以食得到，但係呢一間用料好豐富，有成條人蔘大大條喺裏面，而且仲有成隻雞喺裏面燉，好味好補身，甘甘甜甜，都幾好食。仲有我好欣賞佢嘅半班可以自己落手落腳整！我朋友玩得好高興，戴上膠手套之後，拌上紫菜，有杞子同埋冬菇仲有蝦乾、香香脆脆，個飯仲係暖嘅。我都可以整成10粒飯團，大大粒放落口度而且口感豐富，感覺雖然樸素但充實。最後甜品方面我選擇了士多啤梨素奶凍，一想到吸引有粉紅色的士多啤梨醬鋪滿奶白色的拉動上鮮甜香滑的口感在口中翻滾着感覺像二時吃的士多啤梨啫喱一樣。相信下次如果想同朋友聚餐唔想咁肥膩可以揀呢一間韓國主打素食餐廳！

估唔到第一次喺openrice寫食評，係要寫比呢間垃圾！已經過咗一排，但依然對呢間野好嬲！記得有次同男朋友去完迪士尼，諗住去青衣城食野，之後佢收2230，但係嗰時已經9點15分左右，佢仲叫我地入去，話有得食。點知入去揀好湯底，再揀埋肉，本身在外面個人話肉可以再叫，點知原來唔係，第一次我地只係叫兩碟肉，但係叫第二次嘅時候，佢就話「唔好意思，我地叫可以叫一次，第二次要加錢」。如果係咁當初我地唔會叫兩碟，加上出面個人嘅說法又唔係咁。去到9點45左右佢地已經開始要收出面枱嘅野，提我地10點就會收。其實打邊爐大家都知要啲時間，結果呢次所謂打邊爐，就係一野倒曬所有野落去，狂放入個肚。之後10點之後，就係咁提我地佢地收工！喂！先生，你地趕收工就唔好叫我地入去食，或者你喺出面講清楚幾點收入面嘅野，問下我地有無問題！呢間野真係食咗都脊骨落！如果可以真係一粒星都唔想比！服務真係零！

今日去左青衣接一個朋友放工，佢話公司附近開左一間韓國餐廳，另外仲有素食自助餐供應，岩哂一班想keep fit既朋友啦。今晚朋友帶我去試下餐廳既水準！8點準時到餐廳人客都有好多，我地好快就點好菜啦！自煮年糕配上純素粟米豆腐湯底，配料叫左本菇、羽衣甘籃、蝦。年糕凍冰冰，要自己煮熟先食得，煮一陣滾左，年糕入口好煙韌糯香重，配上純素湯底非常比較淡口，朋友食得比較清淡所以就好鐘意。香蔥海鮮煎餅，煎餅唔會好厚粉，入口好香口煎餅邊脆卜卜好正，香蔥份量多所以味道更加濃郁，海鮮份量都唔少，每一口都好滿足，我好鐘意呀！萵筍牛蒡凍豆腐，我好鐘意食豆腐，入口好滑溜而且豆香都好突出，凍豆腐入口冰冰的，好岩夏天食！石蠔紫菜湯，蠔肉大大隻，入口鮮甜唔會腥，我地都好鐘意食蠔，所以都好欣賞，湯汁唔會好濃好咸，正！泡菜素豬肉生菜包，素豬肉經過調味之後同豬肉味道好似，微辣配生菜包，感覺清新輕易！我地另外叫左兩杯飲品，薑汁菠蘿沙冰和青瓜西柚玫瑰茉莉冰茶，甜度唔高味道清香！我地再叫左一個桃味極重的白桃軟雪糕杯！

在網上訂位明顯註明網上訂購有優惠，當去到現場説是沒有優惠，所以不要用網上訂位是騙人，訂位前最好用電話問清楚，避免吃虧是自己，明去一場或正價收費，小心被騙，這處未必是想像中好吃，食品不是那新鮮

餐廳環境還可以接受，員工態度尚可（除了一位比較高級的男侍應，態度極差，好似我欠佢錢的面口一樣！講野語氣好串！食物就簡直係俾垃圾人食！俾埋d急凍打邊爐料，刺生勁少款又唔新鮮，無味道的！仲要得90分鐘時間！咁就收我$300位！一次無回頭！#唔試過又點知伏

青衣打邊爐今天小小馬跟小牛牛心血來潮想吃個暖呼呼的鍋這家店看似普通火鍋放題不同的是他還有很多熟食也可以加價無限享用炸雞肉類海鮮生魚片等等 但小牛牛跟小小馬胃口都很小所以選的最基本的午市放題而已小小馬選了特別的人蔘雞湯～味道很香甜 看得到人蔘紅棗枸杞可說是真材實料但這家店最厲害的不是火鍋而是自製食鍋拌飯相當多配料可自選搭配將將將將把整個石鍋塞滿滿了料放到桌上的爐子上頭加熱5分鐘就香味撲鼻再來看看自助區暖暖煲湯蔬菜 種類不多比起其他火鍋店算遜色不少辣魚蛋～這算是熱食區裡比較好吃的😅還有自製棉花糖～很有趣呢只可惜我們的棉花糖弄出來都小小一撮總而來說食物麻麻地食鍋拌飯是亮點之一但對專程來吃鍋的人可能會覺得東西太少火鍋爐很淺很難使用少部分熟食像是煎餅涼涼的有點可惜另外店員服務態度很差打邊爐不推薦想吃自製石鍋拌飯的朋友們可以來試試

青衣城商場裝修後，多左唔少新食肆，見到呢間下午有做放題又有做午市套餐，而且價錢仲好平好似唔錯咁😶嘩!午市放題打邊爐，仲有好多野食都係$108一位😲不過我地無食任食，叫左午餐，$65左右，牛肉石頭鍋飯同豚肉手拉麵，兩樣都唔錯。牛肉石鍋飯料夠多，加埋辣醬撈埋食，唔錯，性價比高豚肉手拉麵有驚喜，麵質爽口幼細，口感唔錯而且辣辣地好惹味!午餐仲可以任飲無味精老火湯同飲品😁抵!下次會試下任食邊爐，因為見出面有好多韓式料理如泡菜餅、炸雞等都係任食

喺青衣站座機鐡去旅行，未出發先興奮，以韓食開展我嘅旅程。依間樸生係以素食聞名,入面有素食區,有興趣朋友可以戴上藍色絲帶,便可以進入專區我們最後點了人參雞湯,食韓餐點少得人參呢圖文相符，好大隻雞好足料，大大支人參，但雞肉好滑,而且好大份另一樣必點係拌飯韓式炸雞同張相一個樣，好大件，雞肉新鮮好味，炸得唔油,又靚又食得健康！飯係要杯特色飲料，原粒藍梅馬格利，酒味唔重，仲有粒粒鮮藍梅 價錢唔貴,食物有水準,質素唔差,下次同朋友會再黎

任食火鍋炸雞自助餐！青衣城新餐廳！我估應該都開左幾個月，一直都無物為意，今日見到就同屋企人黎試下啦！二百蚊到可以任食火鍋、炸雞同其他熟食、甜品。價錢唔算好貴。雞肉、黑毛豬同肥牛都可以任叫的。今輪肥牛肥左少少，雞同豬都幾新鮮同嫩滑。因為我地人多。所以揀左兩個鍋，人蔘雞同海鮮部隊鍋。只雞都唔細，入面有米飯，有淡淡既人蔘味。海鮮部隊鍋有蝦、青口同蜆等。其中一格係芝士鍋，有芝士味望個樣都覺得幾補。蔬菜同丸類可以自行係出面夾，有娃娃菜、翠肉瓜、粟米、菠菜丸、芝士腸、木耳等。名符其實既部隊鍋！除左部隊鍋，仲有可以自由配搭既石頭鍋飯。有粟米粒、泡菜、牛肉、雞肉、溫泉蛋等。材料幾多，可以揀自己鐘意既，多少自己決定！可以剩食配菜唔放石鍋，就甘食都得。亦可以放石鍋，用火鍋個電磁爐整熱，幾分鐘就食到滋滋聲既石全鍋飯啦！自助區仲有唔同既熟食，等緊火鍋既時候食最岩！海鮮餅最好味！材料好多，又有蝦，煎到脆脆的！甜品有仙草、紅豆抹茶蛋糕同朱古力噴泉等！抹茶蛋糕好濃，好香抹茶味，配甜甜地既紅豆好味！仲有自助棉花糖機整體上唔錯！推！

下午茶抵食，大概60元就有石頭鍋飯包熱飲，50元有湯麵包熱飲！石頭鍋飯比湯麵更好食！辣雞辣辣地好開胃，豬肉都唔錯！今次原本想試hotpot buffet, 不過食物不太吸引，所以叫左tea set.

今日路經青衣城見到有一間新開嘅韓國餐廳，裝修幾靚仔，而且係分兩邊，一邊係素食半自助餐，一邊就係好特別嘅韓國野。對於我呢個食肉獸，當然就係揀散叫果邊。打開menu，好多選擇，咩都可以自己揀。先點個傳統石頭鍋飯，揀左春川辣雞，仲可以加配其他配料，我地就加左粟米同菠菜。韓式傳統又點會少得炒粉絲呢，所以叫左個豬肉炒粉絲呢D澱粉質嘢。潮流興食炸雞，我地都叫返一座炸雞山先（青檸牛油果麻藥炸雞），再加一個泡菜芝士豬肉卷，同埋一個牛蒡凍豆腐。食咁多炸嘢，飲品就叫返杯健康嘅羽衣甘藍沙冰。（沙冰應該都係健康，除非唔係）順帶一提,素食區要戴一條藍色絲帶先可以入去,不過入面選擇真係幾多石頭鍋飯熱辣辣，再加韓式辣醬，撈一撈，攪一攪，非常好味，咁多蔬菜好健康。醬油蟹唔會太濃味，味道啱啱好，好多蟹膏，而且都幾肥美，其實好好味，好邪惡。極度邪惡嘅炸雞山出場。炸雞外脆內滑，牛油果醬好特別，帶少少酸味，同炸雞好配合，根本唔洗再點佢配嘅韓式辣醬，己經好夠味。青檸牛油果麻藥炸雞泡菜芝士豬肉卷其實外面係腐皮，裡面有芝士泡菜豬肉，非常好味，腐皮好脆，裡面仲有肉汁同芝士，唔會好乾。鍾意食辣嘅，可以點埋辣醬，更加惹味

本來一家人開開心心來吃飯，怎料遭到員工無禮兼態度恶劣對待，規矩限制多多，但事前没有好好解釋說明清楚，當我們散叫小菜落完單後又話不准咁要迫令更改後每人—個套餐，即是要加錢，加錢不是問題，但為什麼落單前沒有説明，落左單後飲左湯後才説不能散叫要加錢？分明是打死狗後講價，员工態度恶劣，經理亦如是無禮，問題簡單覆雜化，其實只要員工一開始落單時説明不能散叫要每人—定要一個套餐便可以，而不是落左單後上埋湯才話要加錢，總之食到一肚氣，食物環境一般，就算有靚的装修門面，但只要幫襯過一次，就不会有下次了

聖誕節一家人去完綠田園BBQ，响事先無安排底下居然訂到一直想試果間樸生韓國料理。呢間鋪特式係一鋪兩味，左邊係素食放題，右邊係火鍋放題，所謂魚與熊掌，二者不能兼得，捨素菜去打邊爐也！向左走向右走當然識揀，$198一位火煱放題，小朋友有八折，老婆挑了海鮮部隊鍋作湯底。入面泡菜任食白飯任裝，個人非常欣賞呢度地道泡菜，真係可以食兩碗飯！當然唔少得韓國炸雞，入面有多種特式醬汁可供選擇。最神奇係有得任食韓國醬油蟹，之不過要每位加多$880，咁乸脷當然無試。呢度仲有綿花糖機俾客人自制綿花糖，係哄小朋友超強利器。

星期日冇野做同朋友係青衣城搵野食。呢一間係青衣城都開左一段時間，但係一直都冇乜機會試。今日朋友話想食，咁就坐左入去。呢間野嘅食物都係日、韓為主。我見佢午市都好似有得打邊爐，但係我連早餐都冇食，唔想食得太重口味。咁我叫左個魚生飯。整得好靚仔，咁三文魚腩有八塊。我自己本身中意食三文魚腩，因為佢食落去香過普通三文魚好多😋😋飯嘅酸我覺得啱啱好，食得幾開胃。好快就食哂😣😣其實份量都唔細。沙律醋就反而落得太多，味道太重。🤢🤢另外佢嘅嘢飲係自己任沖，見到水面浮左一層野，可能個杯唔多乾淨定本身柚子蜜真係會沖到咁。自己飲得唔太安落。飲左半杯就冇飲🤦🏻‍♂️🤦🏻‍♂️