橋底辣蟹

营业中

休息中

今晚約老友喺「橋底辣蟹」飯聚，餐牌有介紹該店有成30年歷史，從鵝頸橋底的排檔到宜家的舖頭，一路走來確係唔簡單，單單看這本紅噹噹嘅餐牌也感受到歲月的歷練。現場唔算太迫，坐得舒服，我之前未嚟過但都feel到懷舊味道，除了單點外，亦有優惠套餐同孖寶菜，選擇頗多。我們就叫了孖寶菜：「招牌炒辣蟹」同「清蒸海沙巴仔」，辣蟹有分辣的程度，我哋揀小辣，當侍應捧來已聞到陣陣香蒜，顏色搶眼，每人手機食先影一輪才開始品嚐，雖知蟹鉗得兩隻，我手快夾起大鉗，鉗已預先扑咗稍裂更入味，蟹肉爽，食得到鮮味，小辣對我嚟講都好夠，不錯。孖寶第2款係「清蒸海沙巴仔」，size唔係大條，都夠2-3人食，但對食魚愛好者應該唔夠，講番條魚係新鮮嫩滑，配埋調較過嘅豉油係最佳拍檔，送飯一流。

跟朋友去食好嘢，今次去咗銅鑼灣食，嚟咗橋底辣蟹，好似之前幫襯過，但記憶中嗰時唔係喺呢帶。係好食嘅，但都唔算平，始終唔係真係大排檔環境，裝修都比較高級。食咗佢跟枱d花生，都幾脆，啱送啤酒，雖然見買一送一，無人一齊飲就算數。朋友唔食辣嘅，無叫招牌菜-蟹，點睇呢度都係主打辣嘢同蟹，見隔離人哋枱叫嗰碟辣蟹都幾吸引。叫咗其他香口嘢，椒鹽九肚魚同黃金蝦，黃金蝦同我之前元朗食過一次嘅差不多都係高 level 水準，落料夠，九肚魚炸得唔油膩，唔會成口油淋淋。唔想太熱氣叫咗一客粟米羹，粟米幾甜幾大粒。

凍冰冰嘅天氣就會諗起想食羊腩煲，今日收工即刻就同3個同事去橋底辣蟹食飯🍚4條女叫左6個餸🥘去到橋底辣蟹，當然必食佢既招牌菜橋底辣蟹，蟹超大隻，一上枱就聞到炸蒜🧄同香蔥既香味，啖啖既蟹肉同埋配料一齊食，好惹味🤤🤤好好食😋另外我推介羊腩煲俾大家試，佢嘅羊腩一d都唔蘇，仲好淋身，好好食👍🏻唔洗點腐乳都夠味佢既腐乳是師傅特別調製，不過對我來講就比較重酒味（個人口味唔同） 另外仲叫左豉椒炒蜆，豆豉鯪魚油炒麥菜，椒鹽九肚魚，北菇紅燒豆腐😍😍整體所有小菜既味道都唔錯！ 👍🏻👍🏻👍🏻最後仲有個陳皮紅豆沙作為飯後甜品，係呢個晚餐畫上完美句號。

上次去咗食橋底辣蟹，真係正🥳依家見佢有羊腩煲，天氣凍凍地食就最啱，暖身進補👍🏼即係去嘆吓～🔶雙冬黑草羊煲$268一大煲好足料！啲羊好軟腍入味，最鍾意羊腩塊肥美嘅皮🤤D汁有濃郁南乳香，十分惹味。入面仲有冬筍丶冬菇丶馬蹄，同埋好索汁嘅枝竹，跟煲送一碟唐生菜，最後涮一涮，索晒啲汁，正👍🏼🔶薑蔥魚雲煲 $85嚟到吱吱聲🥳熱辣辣！好夠火喉！依個價錢真心抵食，魚頭大又新鮮，份量多💗 薑蔥爆到好香口，魚雲入口惹味又有鮮味，佐飯一流。🔶花膠杞子燉雞湯 $58/位用不鏽鋼器皿盛載，好有舊式飯店Feel，燉湯味道較清，都好足料。最後仲有綠豆沙糖水送，so happy🥳

其實大約4年前都曾經到過橋底辣蟹，辣蟹固然係遠近馳名，但其實小菜，真係大份、抵食、好食、美味。又夠穫氣今日我兩人叫了5個小菜..加埋一都只係$550，但真係好飽。平日茶記一份晚飯套餐都70，80起跳。中菜店黎講真係好抵。 豉汁炒蜆色、香、味全部都有。炒蜆份量係超多，比平日小炒店仲要多，粒粒蜆肉又大粒，加上豉汁，中式穫氣味道都出曬黎啦。 鐵板黑椒茄子牛柳粒平日蒜片牛柳粒食得比較多，茄子比較少，用鐵板方式上，香口又keep住熱，但比較多汁，與平日乾蒜片牛柳粒有少少唔同，但味道好香口惹味，絆飯係一流。令人會keep住食。 麻辣雞煲跟菜一碟半隻超抵食$128，仲跟菜。辣度可以揀的，揀了少辣，都真係幾辣，而且麻。但配菜真係好強勁，菜吸曬麻辣味，惹味都不得了。 沙嗲粉絲肥牛煲沙嗲味，汁用黎絆飯真係一流，加上肥牛、粉絲及金菇等等，味道真係唔錯，平日我自己食小菜飯經常會叫，今日既份量真係好大份，而且抵食。 啫啫唐生菜煲香口，穫氣。配有蝦米、肉碎。其實食煲，真係好享受一打開「渣」一聲既感覺。然後一陣香口散發過黎。 最後，仲送了兩碗綠豆沙，唔太甜，十分好。好怕平日糖水太甜。兩個人真係好好飽，佢每一樣既份量

前兩日去咁銅鑼灣，行過駱克道一個位，見到橋底辣蟹，以前同friend食過，以記得之前唔係呢個位，原來而家搬咗嚟呢度。食過好食，決定又食下。佢裝修一d都唔「橋底」，似d靚靚中餐廳，位比較寬，又唔使同隔離枱坐得埋。不過我哋得兩個人，佢本身好多嘢選，個餐牌好多頁，全部都好吸引，我叫咗一向鍾意食嘅椒鹽九肚魚同黃金蝦，仲有粟米羹同鮑參翅肚羹。隔離枱叫咗辣蟹，個樣好正，不過我哋唔係好食得辣就唔敢叫喇~佢個黃金蝦好大隻，同埋好夠咸蛋味，應該落足咸蛋黃嚟整，見到個碟都有大量咸蛋黃碎。下次嚟幾個人會正d, 會選到多幾款一齊食。

銅鑼灣食店多不勝數，今晚來到不是太核心位置嘅中菜館食飯，呢段路唔多人行，但就有不少食店，所以都有人在門外等位。餐牌有多款菜式選擇。小食花生。《枝竹馬蹄黑草羊煲》啖啖肉嘅羊腩唔騷，配以枝竹、馬蹄、冬菇及生菜等，再配上腐乳醬，好味又補身，啱晒天氣開始轉涼補身一下，食到差不多加生菜烚一烚，夠爽脆。腐乳味經調較，唔會太咸。《橋底小炒皇》以前聽小炒皇唔係好知乜嘢嚟，不過每間酒樓都有其小炒皇，叫得多大概知是用什麼材料，韮菜、魷魚、花生、腰果，惹味材料炒埋一碟一定香口，爽脆口感，送酒首選。《菜遠花枝片》本身鍾意食鮮魷，呢道菜啱我心水，菜芯清清綠綠。白飯夠大碗，2個人share都夠食。飯後還有紅荳沙潤一潤，為晚飯更圓滿。

天氣凍，特別好胃口，惹辣的我，決定要吃辣暖暖胃，這間算是銅鑼灣老字號，原來已搬到這個新地址，舊分店暫時營業，好彩無白行。香港食海鮮，點少得避風塘口味，多款套餐都好抵食。招牌炒辣蟹蟹有分size，套餐是細蟹，花蟹雖然不算多肉，但肉質鮮甜彈牙，避風塘香脆帶辣勁，喜歡食辣要挑戰下～秘製欖角骨欖角少少鹹，排骨大件，有咬口，外面用糖炒到拔絲，甜味更重，有驚喜豉汁炒蜆點少得，豉汁鹹香，蜆肉都算多，乾淨無沙。薑汁炒芥蘭芥蘭鮮嫩，淡淡薑汁，爽甜暖胃。招牌橋底炒飯炒飯夠鑊氣，飯粒粒分明，原隻蝦肉爽口，帶子鮮美，份量足。

係時代廣場行完街想搵間中菜館晚飯，係鵝頸橋附近現橋底辣蟹嘅晚市孖寶套餐、小菜都好抵食孖寶套餐 💰4️⃣3️⃣8️⃣🦀橋底辣蟹辣蟹要咗微辣，蟹唔係好大隻但肉質鮮甜鮮嫩，炸蒜甘口焦香，脆而不湖，炸蒜撈埋綿綿嘅白粥超正口感，識食一定要咁食🤣🧄蒜蓉粉絲蒸聖子皇聖子皇有兩隻肉質都幾鮮甜，襯熱身肉質夠彈牙，面頭鋪滿粉絲、金菇、蒜蓉、辣椒一齊蒸超入味😋🐟水煮魚 💰1️⃣2️⃣8️⃣雖然唔係川菜館魚片都煮得好滑身，仲要無細骨👍其他配菜有豆卜、芽菜、雲耳同金菇，水煮辣度岩岩好P.s餐廳服務唔錯，主動提供膠手套比客食辣蟹埋單人均消費💰3️⃣4️⃣0️⃣🎈橋底辣蟹🎈銅鑼灣駱克道391號金禧大廈地下及一樓

朋友約我喺銅鑼灣食飯，佢問我想食乜嘢，我話不如簡單食吓小菜啦，朋友二話不說，就帶咗我嚟呢間餐廳😆；去到餐廳我問朋友：乜我哋食炒蟹咩？朋友話：陣間你就知😆朋友叫咗😆：- $58嘅「蟲草花紅棗燉赤肉湯」：燉湯先來，味道濃郁仲超級熱辣辣，天氣凍凍哋❄️，飲啖燉湯先食嘢，感覺良好😆- $58嘅「薑汁炒芥蘭」：芥蘭菜🥬新鮮嫩綠，口感爽脆，加埋薑汁一齊炒，簡單好食😋- $138嘅「豉汁蒸鱔」：大鱔肉質結實，味道鮮甜，加豆豉同醬油嚟蒸，特別惹味😋- $100嘅「霸王雞半隻」：皮黃肉白，好有雞味🐓，加埋薑蔥醬油，正😊- $68嘅「乾燒伊麵」：伊麵應該飛過水，感覺唔油膩，食落幾好味😆食完餐廳仲送咗兩碗糖水，朋友同我都食得好暢快，我讚朋友冇介紹錯😆

是晚與家人在此用膳～一坐下便有店員友善招待店員告知，店內最近推出了冬季限定的黑草羊腩煲：）我們點上一份，更會附送一籃生菜可以邊吃香嫩羊腩，邊加熱翠綠生菜；）不但是羊件入味，鍋中的配材也盡吸精華，滋味十分～沾上特調的腐乳醬同吃，更感惹味 😁😁其他小菜的味道也不錯！！咕嚕肉酸甜開胃，配飯一絕！！！炸豆腐外層金黃薄脆，十分香口～沙律蝦球份量不少，蝦球大粒爽彈～飯後更有店員為我們送上甜湯！！！是晚的是熱烘烘的紅豆沙喔

跟長輩吃飯 要選餐廳基本上都是中菜為主想到最近秋天是吃蟹的季節就帶他們來前陣子吃完覺得好好吃的橋底辣蟹看到這個明星照片牆 長輩表示未吃已經很期待避風塘辣蟹為了配合長輩口味 選了微辣的避風塘就是非常惹味 那些蒜粒配白飯也很下飯肉蟹肉質結實又飽滿蒜蓉粉絲蒸大元貝元貝很大隻又新鮮 大量蒜蓉非常香口粉絲吸滿蒜香和元貝的鮮甜 還有些金菇增加口感豉汁炒蟶子跟辣蟹是一個套餐原本想蒜茸蒸 店員推介豉汁 即管一試果然不錯 味道帶點微辣蟶子很爽口豉椒鵝腸鵝腸沒有半點肥膏 口感比較清爽 長輩很喜歡

👉好耐冇食辣蟹，網上見到《橋底辣蟹》⋯⋯係喎，就食佢啦～～同店員傾開，原來只此一家！！.👆坐低睇吓餐牌，啲孖寶套餐好抵食 ～ 最近天氣涼涼哋，就叫辣蟹 + 羊腩煲 = $628 ～ 比散叫平咗$120👏📌招牌炒辣蟹（1隻）原價$480 ～ 肉蟹🦀️大小適中，肉質新鮮結實點了中辣，辣味啱啱好，重點脆炸蒜茸真係超冶味，食唔停～～🥳📌雙冬黑草羊煲（跟唐生菜🥬）原價$268 ～ 一大鍋羊腩煲，羊腩炆🉐️夠腍又入味配菜馬蹄、枝竹、冬菇、中芹唔少得⋯跟埋一份唐生菜🥬，越煲越濃好夠味🤤。。。食完成身暖晒😄▶️ 茶 $10/位▶️小食（花生）$8

同同事食晚飯，喺鵝頸橋嗰頭左揀右揀行咗黎呢間「橋底辣蟹」，成間舖頭都好中式好特別設計。問咗經理有咩好介紹經理就介紹我哋兩個食個二人套餐，裏面就包含咗最出名既橋底辣蟹，勁多蒜頭爆出嚟又香又辣，啲蟹肉又夠實淨, 蟹鉗又夠大隻，成碟菜好豐富同埋好滋味。另外個套餐仲包含咗個豉椒炒蜆 好食得來，又夠新鮮喎！配埋豆豉食好正 仲有清炒時菜，啲菜心又夠靚又新鮮 仲好大碟添👍🏼又夠爽脆又夠甜二人套餐裏面仲包含咗一個佛跳牆，每人一碗裏面仲好多料 有鮑魚、香菇、雞肉，兩個人食個二人套餐真係啱啱好 服務都非常之唔錯。

今日家姐生日打算一齊喺銅鑼灣食餐飯，知道佢鍾意食海鮮類同埋蟹，就帶咗佢嚟呢間出名食蟹嘅橋底辣蟹。有兩層，地方好大，枱與枱之間有一段距離 唔會太迫聽到隔離枱講嘢。《D孖寶》$438有辣蟹一隻，同埋蒜蓉粉絲野蒸蟶子，我哋四個人額外嗌多咗兩隻聖子，$69一隻！孖寶抵食啲。辣蟹用椒鹽炒，好香避風塘味道，而且蟹肉新鮮，蟹肉嫩滑，又有鮮甜味，正！蒜蓉粉絲蒸蟶子都好好味，同樣係夠新鮮，又夠爽口！《避風塘BB骨》$88以為係細細舊嘅排骨，原來係豬仔脾，大大隻，而且入味，不過就有小小dry，可能炸得耐左少少，但係味道十分可以！《椒鹽海中蝦》$168因為大家都好鍾意食蝦所以呢個係必點！蝦好爽口，食得出係新鮮蝦，唔會無味，吸左避風塘嘅蒜香味。《野生姫松茸沙魚骨炖螺頭湯》$188一大煲湯，入面真係有大量嘅配料，十分足料！鯊魚骨一啲都唔腥，仲好淋好有鮮魚味，湯底飲起嚟仲有少少漿槳地，我感覺上滾晒啲骨膠原出嚟，好正，而且仲有豬骨同埋螺頭，食到好飽好滿足。 總括嚟講，橋底辣蟹每一款食物質素都唔錯 下次有機會一定會再嚟試其他菜式。