橋田臺灣牛肉麵 (已結業)

今次去嘅餐廳，真係發現咗個小寶藏，起先我見個招牌牛肉麵，真係"撩"到我個食慾喊爹娘。餐廳氣氛佢唔緊唔慢，啱晒招呼三兩好友，悠閒食飯。首先黎個"足球波"咁大份嘅涼拌青瓜，清脆得嚟唔會過鹹，真係做開胃前菜嘅上佳之選😘。講真，個牛肉麵真係一絕，湯頭暖笠笠，每一啖都好似焗住心窩。牛肉經低溫慢煮，鬆化得嚟又保持咗肉質嘅彈牙，食落去真係"夾"到無朋友👌。啱啱好嘅油花分布，令到每啖牛肉都無得輸，嗜好者必試。而家講面，我選咗幼面落去。典型嘅台灣食材，但佢個彈性同口感，又有少少義大利面嘅feel，食落去一啲都唔"拍住邊"。啲面攞落香港嚟，依然保持咗原汁原味，食住食住，真係"過癮"！總括而言，朋友，食牛肉麵，記得要揀一間心思思精心煮嘅店，今日呢間，絕對係我地嘅幸福之選💖🍜。

同樓下果位講一樣，牛肉麵既肉，無論肉味同質感，食落去似豬多個似牛，個湯底......係肉骨荼味，但用來做牛肉麵，幾有新意，熱奶茶微温，同凍無分別，店裡人手不足，服務沒有係正常既，本人倒不介意，反正食完就走，但食材同湯底方面店家真係要注意下

牛筋味道正常，但牛肉食落勁似煲湯豬肉。一啲牛肉味都無，一絲絲的肉口感乾柴，有啲似西絲骨既肉。不過已經打去餐廳求證，餐廳聲稱是慢煮牛肋條，但咁樣既口感都叫慢煮，相信廚師應該煮食技巧一般。很失望，不會再試。

好耐無行到黎青州街,依到位置好偏僻，唔係之前黎過都搵唔到,裝修台灣文青風格,依區小有,環境好舒服,單拖黎食番佢個招牌牛肉麵,涼拌青瓜,佢個牛肉麵咁多年都無加價,都係52蚊,依家出面食碗台灣牛肉麵都要6,70起跳,依間鋪個特色係佢牛助條係用低溫漫煮處理、好感軟琳重帶有小小油脂甘香, 湯底有藥材牛骨的味,我自己鍾意食幼面，食番佢個基本楊春幼面所以無轉到佢其它面、佢有新竹米粉同刀削面可以轉,係依家通賬時代、依個價錢依個質素,值得推介朋友黎試

看過門面的剪報，得知小店是從觀塘的工廈遷出，搬到紅磡現時的地址。看見不同的報道，即管到小店一試，結果........食物味道強差人意😢今日點了花雕醉雞新竹米粉配芝士奶蓋綠茶走冰走甜。花雕醉雞花雕醉雞，雞是有雞味的，但肉質較粗劣，而且醉雞味非常非常淡，根本吃不出是花雕醉雞，失望 😞新竹米粉湯底亦較鹹，吃了幾口已吃不下去了 😔😔食物不行，唯有寄望飲品的質素。芝士奶蓋綠茶走冰走甜對比起坊間的芝士奶蓋，這裏的質素確實有一點遜色，芝士奶蓋鹹香的靈魂完全失掉了！而綠茶茶底，味道亦有點像加工味道，不太好喝。店員是helpful的、勤力的，可是食物質素和味道真的有待改善！

收工6點半，由於屋企唔煮飯，即刻走落去紅磡廣場對面青州街，橋田臺灣牛肉麵，叫咗個野菜豬扒稻庭烏冬，再加一隻糖心滷水蛋，試埋個金沙芋泥丸，跟埋杯招牌紫糯米奶茶🥤豬扒煎得好有質感好香，係冇醃過嗰種，點下佢哋嘅豆豉辣椒醬，惹味中滲透住肉香，烏冬精緻幼滑較腍，我比較鍾意食爽啲生少少🤏糖心蛋都照點辣椒醬好味😋芋泥丸外脆內軟唔算甜，杯紫糯米奶茶就好特別，一路飲一路嘴嚼煙煙韌韌嘅紫糯米，呢間店夠寛樓底高，環境都悠閒好舒服下，店裡又不斷播住啲流行歌曲，可以慢慢享受著一個愉快嘅晚上😎#野菜豬扒稻庭烏冬#糖心滷水蛋#金沙芋泥丸#紫糯米奶茶橋田台式料理 — 在橋田台式料理

見今日天氣咁凍🥶想食一碗熱辣辣嘅牛肉麵見呢間鋪標榜用慢煮牛肉 仲見外賣仲做緊9折仲包埋野飲就試下佢 我本來都非常期望 諗住拎返去慢慢嘆 返去都唔洗5分鐘路程買左兩碗麵 分別係牛肉麵同炸豬扒麵佢有分湯嘅 但一摸上手發現唔係好對路 裝麵個碗竟然完全唔熱😳 心諗湯熱都一樣啫點知成碗野根本完全唔熱 係連微溫都稱唔上 啲麵又糊哂 連標榜signature嘅牛肉都真係麻麻地 炸豬扒當然都係煮左好耐咁 食落當然又係凍又淋哂 完全唔知自己食左啲咩 完全係非常差嘅體驗 無下次🥲

識我嘅人都知道我鍾意食台灣菜🤤🤤，所以今次就講下我新試嘅台灣菜啦，仲要咁啱開係我屋企附近。平時好少寫食咩外賣嘅食評，因為啲賣相通常都麻麻地，好難影得靚🤣🤣。但依個真心賣相幾好，所以都想寫下😎。依個便當有好大個溏心蛋，仲要有明顯既流心效果😭😭。同埋佢嘅肉燥份量好多，不過啲肉燥有啲幹身。依個價錢黎講性價比真係好高😛😛❤️。🍽台南香菇肉燥溏心滷水蛋便當: HK $48好味指數👅：🌸🌸🌸🌸

店面不大～裝修帶點文青風，一到午餐時間不管外賣還是堂食都會排滿人～主打牛肉麵，也有其他台式料理☺️👉🏻73℃低溫慢煮半筋半腩滷水乾拌麵 $52(包飲品)是不是真的73℃低溫處理我不知道🙈😂但牛肉真的已燜煮到一咬就能咬開，而且很入味，尤其牛筋位置，軟稔帶點Q🥰很好吃👍🏻👍🏻 老闆也很大方，肉量給得不少🤩 底下的麵吸滿滷汁的精髓，沒有不好吃的可能😌 非常滿足的一碗牛肉麵💯🎈總歸一句：堂食跟外賣都吃過幾次，水準都在👍🏻 繼續會回頭☺️

之前見到網上面不停有人介紹呢間牛肉麵，因為呢度嘅牛肉麵係用慢煮嘅方式烹調，係比較少見嘅方法，今日就專程來紅磡試一試慢煮嘅概念幾好，煮出嚟嘅牛肉比較鬆軟，唔會有韌嘅質感。今次試咗紅燒牛筋腩麵，牛腩味道唔錯而且質感鬆軟，但牛筋有點臊味，而且仲有少少牛毛。慢煮牛肉質感雖然好，但牛筋的味道可以有改善空間。此外，牛肉麵嘅湯底比較鹹，建議配搭麵餐原本預設嘅台灣粗麵會較為合適，因為如果轉配新竹米粉，米粉會好吸湯，最後會令到食嘅時候會感覺更加鹹。😅

疫情無得去台灣, 這家台灣面食及便當可以比你一些寬慰。點了招牌牛肉麵,材料同湯底用功十足, 有驚喜！套餐台式奶茶就一般基本系奶精、速溶品質！下午茶時段仲有8折,真系超值.值得推介.

行街行到攰，食飽至歸家。呢間牛肉麵已經食過幾次，保持水準。麻辣半筋半腩牛肉湯麵（特辣）$5275°C慢煮半筋半腩，口感軟淋唔癡牙，聞到好香嘅麻味，食落又唔會麻到嘴巴腫，好容易接受的辣😋。麻辣半筋半腩牛肉乾拌麵（中辣）$52材料一樣，只係麵底唔同，好似油麵嘅質地但完全沒有梘水味👍。各有千秋，一樣咁好食😋麻辣口水雞.38雞肉好嫩滑飲品跟麵餐有特價凍冬瓜檸檬茶$14有1角檸檬，仲有仙草粒粒，冬瓜茶飲落唔算太甜，檸檬再多啲味道應該更搭配😄岩鹽奶蓋綠茶$14綠茶好清香，奶蓋都好滑，但唔係好覺有鹽嘅咸味，同唔夠挺身。

本身想食附近既餐廳但係行到去既時候 又突然好想食台灣野🤣諗左好耐決定唔好嗌2個牛肉麵 試試佢其他野btw 佢無分早午晚餐係實行全日制既套餐形式所以我地嗌左一個半肉半筋牛肉麵一個逢甲鹽酥雞麵仲包一杯野飲珍珠奶茶 係台式口味!!茶味淡淡湧出 以平民套餐黎講 非常OK!!香芋珍珠 我就無試 應該都係正常野逢甲鹽酥雞麵麵既湯汁 - 白肉骨湯比較清淡 但個肉骨湯係好濃既亦唔會覺得口渴雞就啖啖肉 唔會太油 亦唔會太多粉漿牛肉麵 轉左新竹米粉湯底應該加左d蕃茄味牛腩同牛筋真係慢煮既超軟淋 味道亦十足 非常入味

係一條無咩人行嘅街發現美食！入咗呢間叫左個低溫漫煮牛腩便當，十分有驚喜。牛腩肉質入口即化，牛根有肉香味。絕對係用心之作。不過野飲可能有待改善，台式飲品味道有d似舊時嘅味道。

這家位於紅磡的台式小店不得不說真的十分隱蔽🙈不過隱蔽也是有好處的～那就是環境清幽！！🤣食客們來享用食物..基本也是不需要排隊便能進去👭小店有一幅大大的壁畫告知所有食客..它..是從台北過江龍來的！！🤣雖然它的主打是牛肉麵但這次還是點別的🤣🤣1. 🐖瑞芳酥炸豬扒麵 $46麵條與炸豬扒是分開放的👍🏻炸豬扒所沾的炸粉不算太多的確能做到酥炸的效果🤤味道不俗🍽😙2. 🦑酥炸花枝丸 $36炸花枝丸台式經典小食😌說實話也很難不好吃吧🤤💕3. 🥤岩鹽芝士奶蓋綠茶 $24台灣美食又怎能少得了台式飲品？懷着滿心歡喜的心情點了這杯飲品可惜的是...這杯奶蓋卻讓人蠻失望的🥺芝士奶蓋的味道十分奇怪...或許..只因這口味不是我的菜吧🥲