橋香園雲南過橋小鍋米線

营业中

休息中

之前有個夜晚要去上環整嘢, 一出地鐵站見到有間米線就入去醫醫肚先~ 我叫左韭菜餃小鍋米線 (小辣) $35, 價錢就比九龍區既米線舖明顯係偏貴少少架喇, 不過港島區既餐廳都預左係貴d~ 湯底係酸辣湯底,  味道都還可以吧, 有少少肉碎有少少酸辣味咁~ 但餐牌上明明寫配料有芽菜但都冇比我既 (但因為趕時間就費事再問佢了)...不過就比左好多芫茜同韭菜. 其實粒韭菜餃都幾好味, 但得兩粒咋~ 最重要係米線份量真係相當之少...比其他米線舖既下午茶餐仲要少....明明唔係食緊下午茶餐!! 食完根本都唔飽整體性價比都幾低丫! 唔會再幫襯....

逢星期五既我返工特別醒神，因為有得出街食lunch ah ma hahahaha 🤣🤣🤣 今次簡左食無咁heavy ge 米線，咁食完返去就無咁容易恰眼訓喇價錢喺中上環黎講算公道呢碗係同事叫既，見到啲米線係比較幼身，食落無譚仔咁彈牙；豬潤我唔食的所以no comment 我就叫左個小辣既薯粉。但所謂小辣可能連譚仔十小辣既一半都無；薯粉就夠哂爽口彈牙，而且感覺比米線健康；肥牛無雪味；腩肉就正喇：切得夠薄身，脂肪同肉層次分明，食落軟淋淋又夠肉味，下次一定要再食過！

今日放假約左朋友去蘇豪影相影相之前當然要醫下肚先啦咁啱黎上環買菲林買完經過呢間野作為麵痴黎講未食過當然要入去試下啦間鋪比較細間同環境比較窄由於星期六關係間鋪都相對少人啲相信平時返工日子係爆哂人要排隊望一望個餐牌其實都幾多餸揀而價格喺中上環呢頭黎講都算正常既我叫左肥牛腩肉腐竹米線同埋食麵一定要多西多蔥先正等左10分鐘度就到肥牛屬於正常火鍋貨色好就好在唔會食到有雪味腐竹煮得剛剛好唔會話煮到爛哂重點推介係個腩肉腩肉林身之餘煮得好入味而且脂肪比例剛剛好好有肉味唔會覺得好肥膩既感覺“金獎腩肉”果然名不虛傳！

侨香园很好吃啊！该店交通也很便利，就在上环A2出口对面。为什么评分这么低，这么少！不是很懂。必须来挺一下！总体感觉味道都特别正。除了米粉以外，西多士也很棒！然后你要吃焗饭，意粉也都有。而且价格也很公道。平均50多即可。如果吃米粉的话，一般都会要肥牛，腐竹，但好像能加的菜品都味道不错，随便乱加吧！不要虚！就是环境确实稍微差了点。但是相比很多评分高，但环境也很差的所谓名店。感觉没什么可诟病的。所以请放心去吃！

同事想食米線 所以今日又去左食 點左2款配料 包括最愛的肥牛同海鮮魚卷 我叫清湯 米線份量夠少 配菜我全要無走 最出眾係酸菜 味道酸酸地又唔會過濃 都幾開胃 對比其他出名的連鎖米線店 呢間算不過不失 唔係特別好

我一向都鍾情粉麵，以前鍾意食另外一間連鎖米線，但近月覺得嗰間多味精，少左食。最近多咗嚟上環，試左呢間。食左腩肉米線，少辣（本人喜愛辣味但唔係好食得辣）。如餐牌所示，佢本身配有芫茜葱芽菜炸醬，還有自製芽菜，我一律都要，也可按個人喜好走。我信佢係自製酸菜，因為味道比一般甜而且酸味不太濃。個人係好鍾意呢啲配菜嘅，我未見過配菜咁多嘅粉麵，啖啖米線都食到配菜，啱哂我胃口（但我承認未必人人喜歡）。我去完一次之後有encore，所以米線相片是分兩次拍的。冬菇是第二次去嘅時候叫的，都算好大舊。

點左3個餸，等左個２０分鐘終於到我。　返到公司發覺３個餸錯左兩個。打比佢地, 佢地話無晒卥水旦, 叫我落去退返錢. 一來一回搞左我大個半鐘.....成個lunch比佢玩晒. 其實佢都唔係第一次錯, 我上次去3樣餸錯左1樣, 但果樣餸我可以食, 所以就算. 諗住比多個機會佢, 點知, 無改善, 仲要更衰. 去兩次,兩次都咁~~ 100%錯~~ 叫我點再去?!

在10月中，我經過上環永樂街的 <橋香園雲南過橋小鍋米線>，見到增設意粉、撈麵…等！平日幫襯買外賣來試試！ 配熱飲 +$6 / 凍飲 +$9我先致電落單，去到等收錢便攞得，方便又快捷！ 外賣午餐：茄汁豬扒意粉 & 熱檸檬茶會豬扒意粉 $38 茄汁超多， 食落好濕，看起來好像一碗湯麵！加入洋蔥烹調，香氣十足！調味很合胃口！ 意粉軟硬適中，一大塊豬扒，剪碎上容易入口，肉質鬆軟又入味！熱檸檬茶 +$6我從未嚐過苦到似涼茶的檸檬茶！簡直苦不堪言！淺嚐好幾啖便放棄了！

今日去上環橋香園食米線，我點了清湯，結果上來一份大辣的米線。我同服務員話sorry我點左小辣。其中一位服務員話：”不是我寫的單我唔知“。。我指其中一位中長捲髮的服務員說是她寫的單，結果她答”也不是我“。。不可以這樣推卸責任吧？難道你們不是同一家店嗎？我說我一定不可以食咁辣，只能食清湯。其中一個服務員居然端來一碗清湯對我說你在這裡洗一下就可以吃了。。天哪。。聞所未聞。結果隨便吃了幾口，下午胃痛因為食左辣。我懷疑辣湯是別人吃剩下來的。。非常氣憤，絕對不會再去，也不推薦，因為可能是其他人食剩d野！

我好鍾意食米線, 旺角荃灣米線都食過, 這間味道還不錯, 就是米線量少到我一個女仔都吾夠, 上次聽到個男老板鬧個員工, 米線好大碗, 已經不想再幫襯, 如果不是上環冇好食的米線, 絕對不會去食, 吾夠飽,肉仲多過米線

以前有試過威靈頓街的舊舖，感覺不錯。昨天到上環覆診，搜尋openrice發現它在上環開了分店，便去試試。下午2時過了繁忙時段，不用等位。點了菜便坐著等。米線上枱，可能近期已被譚仔俘虜了我的味蕾，感覺只是一般，再看一看價錢，同譚仔不遑多讓，覺得有點不值。最後終掉檸茶，甫放下杯，女侍應已立即上前問可否收拾杯子，感覺極之趕客，我想又沒有人等位，又過了繁忙時間。。。走時已經下了決定，以後也不會再光顧。😪

近期屋企裝修，所以搬咗去家姐上環嗰度住，變咗上環之友～ 呢間係家姐嘅近期至愛嘅飯堂，不論堂食定拎走，佢幾乎差不多隔日就嚟食一次，南記相比之下啲餸冇呢度咁多款式同特別，呢頭又冇譚仔～ 所以一定要寫下食評支持下！！ 加上家姐超級鍾意食芫茜，每次黎都必定叫佢哋要落多d芫茜，佢哋又好好服務一定順應家姐嘅要求，所以家姐非常支持呢間店！！ 湯底除咗芫茜之外，仲會有芽菜，酸菜，韭菜同葱～因為我哋都好鍾意食車仔麵，最鍾意叫好多嘅餸，所以每次睇都最少叫四個餸～ 四拼小窩米線＄53，每次黎都必叫炸響鈴，好脆！！ 浸少少同埋食簡直一流，正！！ 滷水大腸又係必叫，醃得好好味！！ 冬菇，超級大舊同切得好厚，真闊佬！！ 試過金獎腩肉同埋肥牛都好正！！ 呢幾款餐廳話來料貴，所以就要再加多一蚊～ 另外呢度叫檸樂同可樂都係同一價錢加＄9～呢度嘅米線有水準，特別鍾意啲餸，好味抵食～

2年前黎到上環返工，發覺食野選擇唔多，係大約一兩個月前有一晚收工，見到有間新野裝修緊，已經有個招牌名掛起左，叫做橋香園，即刻上黎開飯望下是什麼料子，睇完食評有d都唔錯，終於有多個選擇，唔洗成日食南記，等到佢開張即刻試試佢，聽人講牛肝菌好食，自己試過都唔錯幾好，仲有幾樣推介，就係蘿蔔，冬菇，肉筋條，都係幾好食，平均一星期都會食一兩次，不過水準就真係麻麻地，我自己本身可以食到好辣，而每一次都係叫大辣，有時會叫勁辣，但係每一次個辣都唔同味，有次叫勁辣仲比左清湯我..........我一打開碗心諗點解一d紅色都冇，唔通呢個係勁辣既玄妙之處!? 一試真係便知龍與鳳，清到不得了，其實味道本身係唔差，不過就真係要認真keep下比辣既水準

在一星期前，我發燒兼喉嚨痛，睇了三次醫生至今仍未好番！  個人最怕睇西醫，食西藥令我口淡又眼瞓！為了即將出發大阪之旅，無奈地睇西醫令自己快些好番！食西藥，少不免影響味蕾及胃口！近日經過上環永樂街，見到一間新開張的店子<橋香園雲南過橋米線>，如果食重口味的米線真是最好不過！這是中環威靈頓街的上環永樂街新分店！ 我從未幫襯過中環店！平日中午走來買外賣，絕大部份食客等候堂食，小部份等候外賣！聽店員講，這裡佔地兩層，我印象中，以前這舖位是牙醫醫務所！後來又試過短期租約！在行上好幾級樓梯那層全部是卡位！見到食客坐得不算迫夾！總比隨時攝多一兩人的圓枱好得多！不過，在炎熱的天氣下，躲在店內等外賣，就算有冷氣及風扇，我都覺得侷！主打供應小鍋米線及撈米線 小鍋米線：單併 $35/ 雙併 $41/三併 $47/ 四併 $53撈米線：單併 $37/ 雙併 $43/三併 $49/ 四併 $55個別配料另 +$1雙併小鍋米線 $41 (金獎腩肉+$1，腐竹配清湯)等上 10分鐘便取得外賣！ 以新餐廳來說已經比預期快！少油而酸香醒胃的湯底，足以令人喝完一湯匙又一湯匙的上癮！配料包括：大量芽菜、少許