橙皮咖啡

营业中

休息中

係見到火炭有間咖啡店諗住去試下，個名叫橙皮咖啡咁肯係去飲橙皮朱古力咖啡，但係飲落去冇橙味，甜甜地都易入口既咖啡，整體黎講不過不失。叫嘢食個時，叫漢堡冇漢堡，叫牛角包冇牛角包，問店員有咩推介又答唔出，最後叫個雞肉潛艇，面頭有芥末醬，入面有不名既辣醬搞到個潛艇又酸又辣，如果係咁辣嘅就不如加個符號提下客人啦，總體係難食，食唔到一半已經放棄左。整體既消費感受好差，同改下個名會好啲，等人唔會對杯橙皮咖啡咁高期望。

咖啡很香，偏向堅果味都幾大杯，值得一飲熱狗好足料，成個面都係芝士，好香肉味仲要即叫即整，熱辣辣食好好食仲有好多貓貓裝飾作為養貓人之一，好欣賞為貓貓出一分力的店主

喺火炭松頭下路有個商業中心，好多喺火炭工作嘅人都叫佢做玻璃屋，喺玻璃入邊原來都有好多美味嘅餐廳，今次我就揀咗一間叫做橙皮·咖啡嘅餐廳食午餐，依間餐廳好骨子，雖然鋪頭細細，但都有好多人嚟朝聖，入到餐廳服務員先叫我哋喺門口影低餐牌，再帶我哋去座位坐，一睇餐牌發覺有好多嘢食，有burger、pizza、飯及意粉類，喺眼花撩亂唔知揀咩嘢食之際，見到隔籬枱食個burger食到津津有味，於是都跟手嗌咗個手工牛肉芝士漢堡。落完單之後，服務員會幫我哋用酒精搓手液消毒雙手，好貼心嘅服務。手工牛肉芝士漢堡Burger size好大個，望落已經垂涎三尺，手工牛肉好Juice，鮮嫩嘅蔬菜，蕃茄加埋啲蕃茄醬汁，真係好好味，可以encore。

從外賣地鋪到商場店有坐位餐廳都一直咁like 你地咖啡👍🏻記得以前因為地鋪關係，揸車停低未行埋去你已經記得我口味🫶🏻真心好有Heart。咖啡味濃，唔係求求其其。今日你哋入左鋪有位坐🫰🏻仲正🤭有得係TEA TIME 時間黎Hea 下🤗你杯咖啡真係叉電好幫手😌今日試埋你哋個手打牛肉芝士漢堡🍔😁爆汁，爆晒汁。即係好juice 囉，面包個皮又焗到脆脆地，加埋蕃茄嘅甜，芝士既香，perfect 因為我係下午茶時間去，無乜人🤣都幾好坐，可惜要返工作戰

因為要到附近上課外活動，故此晚飯要到火碳一帶找晚飯。由於上堂位置於工業區內，又未到駿洋村，故此在此商場內尋找食物。這次是我近3星期內第二次光顧此店。店鋪非常細小，內裡大約只有十張枱。可能剛到放工時間，卻未到食飯時間。兩次店內的人流未算爆滿。餐牌內容如下：鎮店之寶當然是橙皮咖啡，雖然沒有強烈的橙味，但朱古力咖啡不差。第一天的晚餐居然不在大餐牌內，芝士蜆肉意粉：因為個人為食，額外點了一份芝士肉丸拉絲芝士配合肉醬的安格斯肉丸，極度邪惡到第二次光顧時，到店希望再嘗美味肉丸，可惜已經賣光不過老闆向我推介另一款自製菜式，雖然沒在餐牌內，但聽見是肉丸改良，我就二話不說，就試下新菜這款老闆研發改良的新款菜式，就是魚子醬煙肉安格斯肉丸。比邪惡肉丸更邪惡的魚子醬煙肉肉丸。老闆還拎酒支出來，打算一起飲酒配小食。可惜一會還要上堂，無法飲酒，否則一定飲飽食醉。本人不是住在火碳區，所以不會經常光顧。看見店內職員跟其他客人（附近居民）都有歡樂聊天，相信這間餐廳比起一般餐廳，多了一份熟悉和親切感。如果未曾試過邪惡肉丸，推薦一試。

第1次來臨呢間cafe~ 聽到隔離食客食到個burger "sha sha" 聲，已經知個漢堡好脆口，真係忍唔住要叫黎試下！ 當食物黎到時，店員好細心幫我地消毒雙手，值得一讚👍👍個芝士漢堡真係好好食，個包夠脆口（我至愛），而且個漢堡啖啖肉，配搭埋芝士，茄汁同埋黃芥末真係冇得輸！ 有食物點會冇野飲，叫左杯橙皮朱古力咖啡，味道唔太甜，岩哂我口味😋😋聽住店舖嘅音樂好relax好chill , 岩哂同朋友一齊黎tea下吹下水！

一入店環境好舒服，但有啲枱就未執所以呢樣差啲，其他都幾好而店員見我入鋪頭都好有禮貌，態度非常好而店內有好多貓嘅擺設又有啲貓嘅畫，應該老闆好喜歡貓，所以等食果啲對眼可以望下店內嘅環境，如果坐窗邊就望到出面嘅環境，所以如果大家想放鬆下不失為一個好選擇。一見到餐牌原來想食牛角包但望落啲有個迷你全日早餐係度，之後就叫咗迷你全日早餐試，下次先試牛角包同特別啲嘅咖啡，今次試咗呢個同飲凍朱古力咖啡，下次先試梳打咖啡，因為應該下次會再嚟。