橫浜水產磯燒+遛Local Bar@Grill & Hot Pot (已結業)

橫浜水產今日黎到呢間橫浜水產食Lunch，聽講佢地出名水產磯燒，不過今日諗住食個普通Ｄ既Lunch先，佢地既中午定食都相當豐富，價錢合理。坐左係張有得打邊爐同燒烤既枱，不過因為只係食定食既關係Ｄ爐蓋住左，員工見我地好有興趣咁就打開左個蓋比我地睇下，原來入面有兩個爐，等你可以同時打邊爐同燒烤，遲Ｄ再黎食既時候一定要試下！講番定食，二人行叫左兩款定食加個炒雜菜，每個定食都有跟沙律、麵豉湯同甜品，麵豉湯唔係超咸個Ｄ，熱辣辣幾好味。定食分別叫左燒饅魚飯同埋火炙壽司set，饅魚肉厚味濃，啖啖肉好正，火炙壽司有成７款共８件壽司，每件都好好味，有Ｄ平時少食到火炙版既壽司都有。額外加既炒雜菜都幾多，唔太油唔太咸。最尾送既甜品係朱古力慕斯，好香朱古力味，作為成餐最尾一道小食非常之適合，其實呢個餐仲送埋野飲，所以呢兩款定食都幾抵食架！

雖然天氣好熱，但係依舊仍然會好想打邊爐或者食燒肉，但係到底揀邊樣好，唔使揀，可以兩樣一齊食見到介紹位於旺角呢一間餐廳可以一邊打邊爐，一邊食燒肉，於是就book咗枱餐廳除咗旁邊嘅座位之外，仲會有私隱度較高嘅房，呢啲啱晒一大班朋友嚟，又唔使驚嘈親其他食客餐廳有幾款唔同嘅套餐放題，而我哋就揀咗特選牛肩肉加埋刺身拼盤除咗肉類需要向店員落單，其他配料都可以出去自己攞，配料嘅選擇都幾多，牛肉同埋豚肉既質素都幾好除咗火鍋或者燒肉配料之外，仲會有壽司或者其他熟食，可以醫一醫個肚先首先會上左刺身拼盤打邊爐我哋揀咗蕃茄湯，番茄湯味道都好濃，唔會係淡到水咁嘅湯底，打邊爐囉隔離就係紙上燒肉，可以一邊燒野食，一邊打邊爐，一次過可以滿足晒三心兩意嘅朋友

心血來潮又想去食打邊爐，今次就book咗間任食嘅日式燒烤火鍋，非常之抵食，每個人都係$200姐，仲送一盤刺身。兩個人食都有四款刺身，每款有四天，分別有三文魚，油甘魚，牡丹蝦同埋北寄貝，每一件刺身都好厚切，啖啖肉，而且都幾新鮮，等緊水滾嘅時候嘅開胃菜。等緊嘅時候出面仲有其他壽司天婦羅嗰啲自助，啲壽司都有好多款，而且做得好精緻，軟殼蟹，芝士三文魚，葱吞拿魚都齊。最後揀咗個三文魚味增湯底，有好多椰菜，同埋裏面有幾舊三文魚喺度。肉類有牛肩肉同埋黑豚肉揀，侍應推介肉類用返燒既，可以燒得好脆口，而且肉味好濃，我個人就鍾意食牛肉多啲。火鍋配料都有好多款揀，連出前一丁都有，我最鍾意係佢有好大舊嘅豆卜， 索湯一流。臨走嘅時候仲送甜品，係朱古力奶凍，有啲黑朱古力嘅味道，唔會太甜，個樽仔好得意。

呢間餐廳有齊火鍋、烤肉同刺身一次過食齊你想食既野呀今次試下嚴選美國牛肩肉火鍋放題+刺身套餐先 刺身船上面有三文魚、甜蝦、北寄貝、油甘魚每樣刺身份量適中冰凍得黎又新鮮係個唔錯既頭盤選擇！ 北海道360牛奶鍋黎喇湯底配有南瓜、粟米烹煮岀甘甜味任食肉類有美國牛肩肉、穀司黑豚豬、雞腿肉亦可以自助取火鍋配料有餃子、紫薯、芝心丸等任君選擇～ 一片片紅潤的美國牛肩肉浸入北海道360牛奶浴吸收哂牛奶精華！ 湯底的牛奶味滲透入牛肩肉內咬開味道濃郁可以唔洗點調味料都得

星期日就梗係想瞓晏啲既，一起身已經過咗早餐時間。不如食多d啦！知道譽發廣場有間日本餐廳，連午市都有放題食！地點又方便，於是就約朋友過嚟食晏啦⋯門面，一出升降機就到了！我地坐左喺窗口位，落地玻璃，好光猛！一邊嘅牆壁有幅日式古代壁畫，令成個地方好有日本氣氛！坐喺一間咁有日本風嘅餐廳，望住高樓大廈嘅景觀，感覺的確好有趣！餐牌，呢個時間可以選擇午市定食，亦可以選擇放題。今日咁肚餓當然要揀放題啦！揀左《嚴選美國牛肩肉+刺身套餐》放題任飲紙，選擇唔算多。雖然寫住「晚市」但午市時段亦都適用自取食物，蔬菜類同丸類為主。《刺身頭盤》先上刺身，店員提醒我地最好食左先，唔好等了都幾新鮮，冰鎮過既刺身凍凍地，食完好開胃！上圖係牛肩肉（上面）同黑豚肉（下面），可以無限任添！個人中意鐵板煎既整法，鐵板上放上牛油紙，掃左一層薄薄既油，煎起上嚟香氣撲鼻總括黎講可以有三種食法：1）打邊爐2）鐵板煎3）打邊爐之後，再放喺鐵板上煎黑豚肉好薄，好快就熟。煎到脆卜卜！岩岩拎起，肉上既油仲滾緊架！燒甜薯都好正！尤其是燒過牛肉之後，喺同一個位置放上甜薯，微脆得黎又熱辣辣，表面帶有牛肉香另外推薦嘅就係四方形嘅年糕丸！首先將舊年糕丸卓

打邊爐 香港人一年食唔少，但磯燒加邊爐我想大部分人都未去過。旺角呢一間橫浜水產就以呢個特色風格做賣點。店不算好大，但都坐得幾滿。坐低後當然先去食物bar行一圈先啦!有熟食提供，呢個係日式煎餃，皮脆內熱，邊食邊吹水一流。除左煎餃，仲有三文魚壽司卷~用料不錯，壽司卷幾新鮮。套餐先到刺身盛合，有4款刺身，三文魚，油甘魚，北寄貝，甜蝦。厚切刺身味道非常甜，食材肥美，我喜歡這裏用食用海草伴碟，賣相加分。小食方面小不了中華沙律，雞腳，螺肉等等任點。吃小食後，就選火鍋食材。選擇還真多，而且食材都很整潔。360牛奶海鮮湯底好豐富，香噴噴，乳白湯底非常清甜。而磯燒方法不容易煎燶食物，看我煎多春魚這些難度5星既食物，無痴底，又無燶，剛好金黃色，真係無得彈。火鍋當然少不了飲品任飲~最喜歡熱柚子蜜~最後還有可愛朱古力布丁。非常的飽。不錯。

呢間橫濱水產有得食刺身又有得打邊爐仲有得磯燒，多元化又有新意。日式既設計，好像去左日本咁！火鍋料非常多元化，有魚類可以比客人燒，非常特別！蔬菜方面有好多選擇，燒紫薯仔同菠蘿都非常好吃！非常推薦！火鍋醬料非常多，可以慢慢調岩自己喜好既味道。醬料位置上面有熟食，今日係薯餅同壽司，熱辣辣出爐非常香脆！灸燒芝士三文反卷，非常豐富既材料，後面仲有我最愛既青瓜卷！刺身頭盤，擺盤非常好，食落無腥味，唔錯嚴選美國牛肩肉，脂肪分布算不錯，打邊爐既話普通建議用燒既方法，可以保留更多既肉汁，牛味較出！穀飼黑豚肉切得較薄，入火鍋不錯，用燒既方法會較韌！另外有冷盤，所有冷盤都出色，泡菜無化學味，其他都夠調味！另外仲燒左少少丸類同芝士腸，用燒真係比較好食，香口少少！整體黎講算唔錯，飲品仲可以任叫，唔怕食到口乾，有得磯燒真係加分！

朋友帶我去食位於橫浜水產磯燒，是香港第一間有半爐火鍋+半爐磯燒餐廳，一次滿足晒2個願望，最平只需$198就可任食。裝潢好有日式風格，集火鍋，磯燒，海鮮，刺身於一身～可以打邊爐同時BBQ！任食有自助形式，有熟食壽司、炸粟米薯餅，味道幾有水準。丸類、菜類、凍盤也是自助。先來刺身併盤，每檯一碟，新鮮度不錯，鮮甜！而肉類是要向店員點牛肉幾新鮮，至於豚肉太肥。火鍋有自選湯底，有八款湯底，包括橫浜昆布湯、蕃茄濃湯、日式豬骨湯、三文魚味增湯、日式沙嗲湯、辛辣味泡菜湯、360牛乳海鮮湯、壽喜燒！選了蕃茄湯底，因為某些要再加錢。火鍋旁邊是磯燒爐。燒牛肉多汁juicy~牛肉、蟹柳、冬菇、午餐肉，吸引濃郁蕃茄湯底，味道十分夾。芋頭、金菇、豆腐、芝士魚蛋，味道也是不錯粟米好甜，最後一定要食烏冬。

想要一次過滿足兩個願望，又想要磯燒之餘，又可以打邊爐，呢度絕對滿足到了！今日一家大細黎到，大約等左3分鐘就有位， 由於我有帶BB嚟，餐廳仲好貼心咁安排嬰兒座椅，非常抵贊。餐廳內既既壁畫都非常有特色，色彩鮮豔，而且仲有VIP房間餐廳內的食物主要係自助形式，食幾多拎幾多 ，一啲都唔浪費，選擇都幾多元化最合我心水嘅一定係呢啲日式凍小食，非常惹味，而且仲有我最鍾意嘅泰式鳳爪， 真係食幾個round都唔會悶餐廳嘅飲品亦都非常特別，有花茶、沙冰及果汁奶昔等，非常吸引沙冰同出面幾十蚊一杯既同樣美味，賣相都好好未開始食其他野之前，會有指定嘅刺身拼盤送俾我地，值得一讚刺身非常新鮮，特別係原隻大蝦夠鮮甜正式開始打邊爐，揀咗牛乳湯底肉類係一盤一盤咁上，食幾多order幾多， 肉類都係薄切，輕輕拖十幾秒就食得 而入口油脂幾平均蔬菜類都幾新鮮，都係比較大路嘅油麥菜同生菜等等由於已經食到太飽，磯燒嘅部份只能淺嘗總括而言，呢間都算係一間食物多元化嘅餐廳任飲台式飲品係佢嘅賣點之一

譽發大廈係旺角一幢頗多食市嘅大廈😋今日同同事去咗呢間有得燒又有得烚嘅任食😁揀咗個$198任食任飲套餐任食嚴選美國牛肩肉及穀飼黑豚肉任飲超過20款特飲👍🏻而自助區有大量食材可供選擇，同樣地都係任食燒菠蘿好正，大家最尾必定要燒返舊😁種類多，任君鍾意拎嚟燒定拎嚟烚，多咗一種煮法，原來會過癮好多😂😂醬汁區自己調配，仲有少許熟食壽司，卷物粟米薯餅刺身拼盤，都幾新鮮😋冷盤可以開開胃，一陣食多少少落肚😂泡菜推薦👍🏻燒多春魚好好味，金黃色而豚肉味道不錯，豚肉本身已調味，個人認為燒比烚好食，燒乾水分更可享受豬肉乾質感，脆卜卜😎湯底有5至6款選擇，而呢款就係日式沙爹，都幾夠味，所以唔需調味料都夠😁嚴選牛肉肥瘦適中，味道不錯總括嚟講，呢間任食比起其他來得過癮，唔單止有得烚，仲可以燒，你仲可以燒完再烚，烚完再燒亦得，材料種類多，環境又舒適， 落地大玻璃仰望街景，不錯不錯，值得推介

今日同同學一齊食呢間，事緣原先book果間雞煲過咗時間，又見到樓下派街招，所以一試。一入去7點人不多，有基本熟食，但選擇不多，吃$268套餐，有以下看法：優點：上菜快，基本即叫即來，牛豬任叫。菜類丸類任取。飲品有熱有冷，還不錯。有板燒和邊爐。缺點：刺身和丸類不太新鮮。外面取的食物有蚊。冬菇有沙。座位通風不好，很熱。外面自取食物選擇不多。炸物太耐淋灑。埋單+1後每人$295，感覺不抵食，因為食物選擇不多和不夠新鮮。

今天約了一個朋友下班後晩餐，那就找了一間靠近地鐵站的餐廳，這間餐廳雖然比較細小但勝在交通方便，今晚我們是一下火鍋配刺身，這樣就可以配合到我們兩個不同類型的選擇，先說我的牛肩肥牛和五花腩，肉質柔嫩，又新鮮就是簡單上鍋水煮一下已經很快熟，加上湯底是骨頭制成，所以味道又香又濃再加上其他的配菜新鮮同各式各樣的丸子選擇真的夠多又夠飽而我朋友的魚刺身，新鮮之外還帶有淡淡的海水味，只要加一點醬油已經是非常之足夠，所以一餐實現了二個類別的口味。

#油麻地美食～旺角有好多放題燒肉or打邊爐💃🍽️，但要結合兩種食法係一餐真係好難得！ #橫浜水產餐廳 就ok！ 😝因為我偏向中意食鐵板燒肉，而我有些其他朋友又中意打邊爐，依度可以滿足曬我地所有需求haha💃今次我地愛牛肉們當然選擇左食左: 極上美國牛小排放題+ 魚生刺身 + 海鮮套餐呢度重有多款小食，壽司肉丸 同菜選擇🍣十分推介把日式餃子放到鐵板燒整！！😛好正！醬料吧配火鍋料～多款飲品😻😻肯定有款岩，推介紅茶綠茶配不同口味！#水蜜桃女仔最愛💕地方好近地鐵站呀！！地址：油麻地彌敦道558-560號譽發廣場8樓

男朋友一向都好鍾意打邊爐，雖然而家夏天非常熱，但間唔中佢都想過下癮😂😂😂見到依一間放題都幾平，就一於入去試吓啦😂😂我哋揀咗每個人$198嘅套餐，美國牛肩肉放題加刺身套餐😀😀我哋叫咗個沙嗲湯底，沙嗲湯底係幾濃郁，好入味，食物都唔使點豉油都好夠味😀😀😀出面係一個自助區，可以自己隨便夾想食嘅食物！款式都算多！不過我係鍾意食蔬菜類，所以我都覺得好夠😌😌😌要讚一讚就係佢嘅飲品類型幾豐富，好少放題會有依啲飲品！所以我都忍唔住嗌咗幾杯❤️❤️❤️

最近見好多人推薦呢間餐廳性價比唔錯決定試一試。餐廳有幾個plan選擇，簡左比較經濟$198火鍋加刺身。火鍋選左泡菜湯底，湯底好入味，泡菜都唔會太酸，比想像中好食好多。落單後會先上一份刺身拼盤，造型唔錯，刺身亦都新鮮。出面亦有自助區，有不同類型丸、菜十分豐富。亦有部分日式冷盤，如:中華沙律、木耳、螺肉等等，更有小丸子。套餐有美國牛肩肉和穀飼黑豚肉，牛肩肉牛味夠濃，豚肉亦都好滑身。而飲品亦都有好多選擇，試左巨峰提子和芒果味乳酸，味道唔會太過藥水味，比較偏甜。