檀島咖啡餅店 (軒尼詩道)

营业中

休息中

日期：2008年2月20日阿M同事請食蛋撻，無熱騰騰出爐既滋味，仲有餘溫，仲keep到脆卜卜既餅皮，沒有蛋味，but幾滑下．在此多謝同事．．．

暫時無人能比的檀島沙翁. 雖然係減肥大敵…久唔久一次啦! 唔係人生好苦悶架!的確, 除了蛋撻同沙翁, 佢其他真係非常麻麻!

我覺得lee間野係得蛋撻係幾好食其他野貴到死服務又差又唔好食仲有雖然話蛋撻ok 但元朗寶城仲好食

响灣仔閒逛。口痕，買一件义燒酥止痕...酥皮硬過石頭，厚過枕頭，餡料又少....勝在夠飽肚...總好過求其食街邊嗰D唔知揾乜嘢嚟做嘅咖喱魚蛋...但以酥論酥，佢真係難食得可以...

今朝又黎呢邊開會....轉一轉早餐- 花生醬厚多士, 茶走少甜, 花生醬有少...一開四件, 完全唔均勻- 大細塊, 麵包烘得幾乾, 包心都幾乾, 成塊好似餅乾, 唔好食!

星期日有特別任務, 十點幾出到灣仔.未吃早餐的我要吃點東西以免稍後發軟蹄.裏面多人, 至少沒有檯是空的, 所以都是搭檯.之前一晚吃得太豐富, 所以都是吃點清淡點.要了個D 餐, 有厚油多, 牛奶麥皮, 奶茶.奶茶先來, 唔錯有茶香, 奶和茶份量恰當.厚油多厚就夠厚, 不過就勝香園差了一段, 只塗一層牛油, 沒有牛油漬的多士厚烘得脆, 還可以.牛奶麥皮冇牛奶味, 好淡, 我懷疑係唔係要自己落白砂糖...不過幾健康下.大慨我食多士已被勝香園竉壞, 所以只有ok 面.翻看舊食評, 可能是這裏的文化, 伙記真的都唔聲唔聲, 但勝在效率快.

Went there for afternoon tea. Drinks bad, food bad, service bad, and too pricy for what it worths. Totally disappointed.

一年前黎開呢頭開會....仲記得都係叫早餐C! 茄蛋治, 茶走少甜, $23! 方包軟熟, 不過無得留邊, 蕃茄同蛋既分量幾唔少...係杯茶走既少甜幾乎係走甜...茶味澀!

一直都提倡酥皮才是最好,非一段曲奇皮那種死實實的感覺可比擬一直在想192層的酥皮口感如何,今日一試,那種鬆化非筆墨所能形容,但可惜的是蛋香略為遜色了一點見網友推介蛋球,不忘一試一口咬下,其皮之脆,甜味之適中無與倫比,值得一試再試

金華一役後，對茶記的好感度增加不少；重陽假去灣仔參加展覽，順便兜落檀島吃個quick lunch。　炒蛋多士及沙爹湯米，前者滑但油膩，後者不過不失，反正當是打底倒不會太在意。　又香又滑的蛋撻是主要目標，可惜時間不對，蛋撻仍然溫暖卻沒有熱辣辣出爐滋味。除了蛋撻，又口痕叫了雞尾，這個根本是凍的，又沒有豐富的餡料，吃兩口就放棄。　啊，還有奶茶也是一般。　雖然是次行動經歷一般，但未影響我繼續找尋茶記的決心~~

此店的食品, 尤其麵包, 是很好的, 但是衛生及管理真的要改善, 他們的員工小便後是不洗手的, 後門又有惡臭ｏ希望東主看見此版后加以改善, 否則真可惜, 以后又小了一歴史悠久食物又好的餐廳ｏ

一點鐘吃午飯，幸好一走進店內就有位子，我要了茶餐($28，凍飲另加2元)，包括榨菜肉絲公仔麵- 幾好味炒雙蛋- 超級無敵油淋淋，但因顧住跟朋友傾計，所以吃了大半才發現，唉凍咖啡- 好濃，讚普通吧！

$55, 可以買到一碟咖喱豬扒飯, 一杯凍奶茶, 貴得厲害. 咖喱飯的汁太少, 當豬扒舖在面時, 竟然睇唔到有咖喱汁, 似食白飯. 整體都係不過不失, 遠遠談不上好吃, 也談不上極難吃, 只係唔明點解入間地痞茶餐廳, 都會咁貴. 去中環CANTEEN 食飯, 都唔駛呢個價啦.

窩蛋免治牛肉飯：窩蛋不翼而飛，但食味佳！雲吞麵：大大粒，味道也好，抵！

今日見完counsellor 之後過左黎檀島買左蛋撻同蛋球總店的蛋撻的水準比將軍澳分店的好多了~酥皮唔會過厚之餘o的蛋又嫩滑~好耐無食過咁有水準的蛋撻了=w=但個蛋球就好唔得，超油每啖都好似吞油入口咁...最後我頂唔順o的油，咬左幾吙就放棄了...蛋撻超正蛋球唔得一個笑一個喊‧打勻變OK。