檀島咖啡餅店 (軒尼詩道)

营业中

休息中

去動漫展前食, 這裡出名蛋撻, 當然有叫..蛋撻$5: 由於已經傍晚時分, 不是新鮮出爐, 味道一般.茶餐$28: 跟普通茶餐廳的沒有分別, 味道一般~他們應該裝潢一下, 四周也有冷氣機滴水.

調查過程:晚上的蛋撻始終有些不新鮮的感覺,所以冇叫...叫左茶餐,炸朱扒湯烏冬加凍奶茶$30炸朱扒一流湯,味淡,要自已加料凍奶茶,好普通調查結果:普通過普通,$30略貴.ok.退庭

早幾日同個friend去食飯，D燒味都唔錯，不過就無拉拉比個侍應大佬寸，搞到好無癮

屋企既廳燈突然斷了, 要快快脆買番盞燈, 於是走過黎搜羅! 中午已過, 我選了個茶餐, $30, 雞絲意粉- 雞絲少得很, 意粉好在唔會過腍, 餐包- 細細個, 但軟熟好味道, 炒蛋- 圓形狀, 扁扁的, 熟少少, 凍奶茶- 茶味夠, 合格! 老公叫洋蔥豬扒飯, $37 - 我食舊豬扒, 超硬, 老公話咪健康lor, 無脂肪! 黎呢度, 剩食麵包/餅類, 其他既...唔太需要試啦!

朋友想食下午茶，就0黎0左呢度食蛋撻。0個蛋心真係幾滑，唔太甜，好有蛋味。雖然唔係話新鮮出爐，但係佢地都有0野heat住，所以食0個時有少少暖！不過可能我唔係酥皮0既粉絲，我就覺得唔係話好食到不得了囉!相反炸雞亦就令我好impress! 炸得好香，好有味，一流呀！雖然等0左耐少少，不過都值0既。凍檸茶，ok啦，無乜特別，一般茶餐廳0既凍檸茶。

和一位在外國回來的朋友仔食LUNCH，總應帶他去一些有香港特色的地方去。茶餐廳，應是最佳選擇擺！在灣仔區，帶佢去檀島食蛋撻都應該絛衰。吃中午飯總沒理由只吃兩件蛋撻，於是叫了兩份常餐和兩隻蛋撻，奶茶檸茶各一。餐飽有微溫，牛油不少，茶餐廳來說是中上水準；腸仔、煎蛋夠熱，但味道只屬一般，尤其係腸仔只是白烚，感覺不好。沙爹牛肉麵，間間茶記都可以食到，但水準十分參差，有的簡直像垃圾，而呢間都算可以。起碼是有沙爹味，牛肉淋也入味，份量勉強可以。蛋撻始終係檀島的賣點，可以以香、滑、鬆化去形容，假鬼仔食落似乎都幾滿意。而$5/個都係貴左d，不過出黎食野真係無得計，食物好味，食得開心就可以了！

約左老豆去會展睇澳卅個升學展,去之前老豆帶我去左檀島食番個lunch先!!!叫左個茶餐A* $30鮮牛肉通~鮮牛肉幾嫩,湯底好淡+炒雙蛋~唔峇我+凍啡~唔錯,微咖啡味濃好多快餐* $37菠羅牛肉飯~都ok既服務*個牙叔意外地服務態度幾好,我欣賞...整體黎講野食同杯啡係比一般茶餐廳高質素既,而且甘既價值得一試,但試過一次就夠拉!!!反而對佢門口d面包有興趣d,留番下次試...

我是灣仔人, 由細食到大, 佢地d沙翁超好味! 我通常都係食佢地d包而已, 好少好少入去堂食. 沙翁5蚊一個, 我覺得係全香港最好食的沙翁甜餐包都ok嫁!

Tried there for set lunch, my comments are:- Quite Dirty- Bad Services- Most importantly, the worst lunch set I have ever tried

放工臨走, 經過灣仔搭小巴, 指定動作一定買十字包, $4, 食過金華, 皇廷, 皇后, 車厘哥夫...每間既質地, 材料如提子乾, 橙肉等, 味道都唔同, 而呢度既口味最我! 今次買兩個, 我買既時候人太多, 否則我會再試下其他既包餅如拿破崙, 紙包蛋糕, 蝴蝶餅, 曲奇...唯有下次啦!

檀島服務, 簡直離奇. 打電話去叫外賣, 有以下對話:「送去五樓C 室」「五樓D 室? 」「五樓C, C for Cat」「我唔識英文喎.」心諗, 抄錯地址算啦, 外賣既人會打畀我. 可惜, 覆述電話時, 又係亂晒. 重覆左幾次, 都未講到我電話. 雖然, 鄉音唔係問題, 唔識英文唔係罪, 但我試過叫外賣時, 等左半粒鐘都未收到貨。打落去, 先知地址錯、電話錯、連叫乜野亦寫錯。檀島用下個腦啦, 你附近三條街, 數數埋埋, 最少15 間茶餐廳。佢本身已唔好食, 價錢亦貴(一碟飯+ 一碟茶= $55-$60), 你畀埋d 垃圾服務, 第日搵鬼幫襯.

5.26 (sat) breakfast今朝去灣仔開會前約同事黎食早餐黎到灣仔當然唔會又係老麥，但時間又唔多，去左mtr附近o既檀島個餐揀左炒雙蛋(好滑但幾油)、餐包、榨菜肉絲米&熱奶茶除左餐包唔係咁香之外其餘o既都唔錯8:45am食完，到兩點先餓好滿足o既一個早餐

全部也只$12~~~!!! ^ v ^但老實說，食物水準嘛... 即使是聞名的蛋撻也只是一般。在這裡，最好吃的，該是「懷舊味」。===========================================蛋撻，當然要從蛋和皮兩方面評價。蛋- 不特別香，也不特別滑。記得從前在泰昌((只是從前，現在的泰昌已大大退步了))吃過的，蛋超滑溜，蛋會隨著你的手的擺動而抖動，蛋味亦香濃。這才是一番蛋撻。皮- 這裡不賣曲奇餅皮，只賣酥皮。平常的頂多只有100層，但這裡的有128層。但是，太---厚---了。這麼厚，下的蛋漿會少了，害得蛋餡不足以營造「震騰騰」的效果，impressed 不到我。而且，餅皮的鹹味會導致蛋味不能發揮出來呀!===========================================蛋球- 就是「泰昌」的"沙翁"。放到第二天作早餐... 超級油膩!!! 我2年前吃過，那時覺得很好吃，比「泰昌」的更好吃。但恐怕以後也不敢再買了。===========================================拿破崙- 酥皮和texture較raw，「美心

星期六中午在灣仔的食店人頭湧湧，要找位子吃午餐原來實在不易，一心想光顧位於譚臣道的餐廳，從老遠已看到等入座的人流，連插針也難入，一向討厭等位的我，寧可帶着嘀咕的肚子繼續找吃，也不願留下來等位入座，時運低的我行過檀島門口，看見內裏人不多又有位，於是就決定走進去填飽肚，甫一內進就心裡納悶，原因此處的員工甚無禮貌，執碗霹靂澎爛，抹枱亂掃落地算數，衛生情况真堪矣！打開餐牌又係天殺價錢，餐湯加碟雞亦飯和凍飲的常餐竟要$37大元。唉！唯有怨自己時運低入了黑店，求其食過富貴常餐算吧！一落單轉過頭不用兩分鐘，整個常餐由湯、飲及凍飲又係以霹靂澎爛的方式一一掟到枱前，不用試也知一定係凉浸浸的冷飯菜汁了，那碟細得像泠盤碟的雞亦飯真是少得可憐，又凍又難吃，苦害得我求求其其食兩啖再飲完杯凍啡擺低$37蚊走人算數，以後全個灣仔無飯食都唔會再來。

買撻送禮,很多人也覺得買檀島最夠體面.包括小弟,也曾做過類似的動作.好吃嗎?酥皮夠酥化,蛋漿夠香,吃落比其他的出品甜...不過外賣回來,很難會有一杯香滑奶茶相伴,以汽水代茶,總是時晨八字不夾.可樂加蛋撻,相愛很難.