檸雞一動麵包雞

营业中

休息中

有一次鄰居買咗呢個外賣同我哋一齊食，食過之後真係返尋味！今日經過大埔，特登過嚟買外賣，返屋企慢慢嘆。菜單好簡單，每日新鮮現場烤焗，手工製作，無添加劑，仲要拒絕隔夜。就係呢個堅持，所以先有咁好食嘅焗雞。$198原隻焗雞,材料都好簡單,一隻新鮮雞，麵粉，雞蛋，砂糖，秘製雞粉，仲要預先訂製。我哋冇預先訂，可以選擇即時等一個鐘。唯有下次再食，咁就買咗焗雞髀餐，焗雞翼餐，即時局等咗十分鐘左右。晚上七點都好多人等外賣。返到屋企打開做熱辣辣，啲執漏曬出嚟。雞髀肉好新鮮。

平時喺大埔住 食嚟食去都係嗰幾間🤣今次見到廣福道開咗間新嘅外賣店🫶🏻裏面除咗有招牌嘅麵包雞之外 仲有多款美味嘅住家飯種類 大約都係$50左右👍🏻今次就試咗佢哋嘅招牌羊腩飯 而家呢個天氣開始凍 食羊腩就啱晒啦 每日新鮮製造 羊肉味香濃唔算好蘇 個人覺得炆得好入味 鍾意食羊嘅千祈唔好錯過另一款就要咗排骨 排骨啖啖肉 而且非常入味 食落去唔會有碎骨 比起坊間嘅更加好食 主要係冇味精🤤如果想飲佢哋嘅手打檸檬茶 食套餐都只係加$10 真係好抵 買來返屋企做晚餐就啱啱好啦🥰

誠心制作大埔小店推加客飯😋😋小店除了麵包雞外，最近仲推加三款客飯，小編見到當然要試試啦！仲知道小店全部肉類都是新鮮肉而不是雪藏肉，非常誠心制作呀！還每天新鮮制作，超香噴噴。🌸招牌牛腩飯🌟🌟🌟🌟🌟牛腩炆得好淋身，完全唔會癡牙，份星十足，牛腩下還放了娃娃菜，可以解油膩感覺，牛腩汁撈白飯食，絕配呀。🌸客家炆鴨飯🌟🌟🌟🌟🌟份量十足，炆鴨除了有鴨件，還有鴨內臟。全部都炆得好入味，唔會太咸。炆鴨底還有娃娃菜。白飯軟硬適中，撈埋炆鴨汁十分惹味。🌸客家炆排骨飯🌟🌟🌟🌟🌟排骨同樣炆得好淋，而且仲非常易咬，新鮮排骨肉質非常嫩滑，排骨份量十足，排骨底有娃娃菜，配埋白飯超滿足。

招牌菜式係麵包雞，以麵包包住雞肉焗製幾有新意🍖麵包雞即叫即整，需時大約一個鐘，可以預先WhatsApp或者打電話落單🎈麵包雞包裝方面好細心，有錫紙同保溫袋保持溫度，隔咗大半個鐘食依然熱辣🍖雞肉以秘製雞粉醃製，無過多添加，味道鹹香食到新鮮雞原有鮮味，肉質滑得嚟有彈性👍🏾保溫袋上印上3款建議食法1：麵包、雞分開食原汁原味🍗麵包食落有嚼勁，雞肉本身滑嫩有肉汁成隻雞脾拎住食或者撕成手撕雞咁食都得，食到唔同風味2：麵包沾上雞汁食麵包沾上雞汁，索晒雞油香，鹹甜交錯而且好飽肚🥖3：麵包包住雞肉食好似食三文治咁，少少麵包加上多多雞肉，口感豐富

大埔墟美食多，最近發現咗一間新開嘅小店，叫做:檸雞一動麵包雞😋佢哋嘅麵包雞每日新鮮現烤，用秘制雞粉，雞肉散發出獨特嘅香味，好滋味👍🏻而且雞肉鮮嫩好juicy ，勁多肉汁！鬆軟嘅麵包點雞汁真係無得頂！再嘆番杯手打檸檬茶，清新可口美味🤤我好欣賞小店堅持用心製作，拒絕隔夜，so yummy !!提提你，如果好似我咁想食一隻雞，記得提早一個小時order 定喔😋咁就唔洗等了✌🏻下次再買chicken wing bread先

一日新娘潭遊車河加野餐😍今日風和日麗，一邊望住大海🌊一邊嘆麵包雞🐔環境氣氛能點綴一頓簡單既午餐🥳🚗朋友住大埔介紹依間外賣店，雖然店舖位置吾起眼，但取外賣非常方便，啱晒揸車人士，泊係店外面行幾步就可以取外賣🥤手打檸檬茶，吾甜，清香青檸味，帶有少少回甘，仲有新鮮青檸條條肉，正😋🥢真係無介紹錯，有驚喜，原隻雞份量十足大大隻，熱辣辣，即食時麵包皮還有少少脆卜卜內裏煙韌，包著雞肉吃又得，或者沾著雞汁又很juicy，雞肉烤焗香噴噴，很入味，雞肉很滑嫩🌟隨送手套辣椒粉🌟新鮮即烤所以要預早一小時預訂

落咗咁多日雨終於都好天，係時候出大埔搵食，途經見到呢間唔太起眼嘅小店，主打麵包雞，睇落幾有特色，一於買黎同太太今晚撐枱腳。麵包雞每日現烤，唔會隔夜，只係簡單用鹽、糖及秘製雞粉調味，烤全雞要一小時製作，食午餐前order，食完飯去攞就時間啱啱好，新張期間仲有手打檸檬茶送添，天時暑熱邊行邊飲真係份外解渴。烤全雞用餐廳自製保溫袋包裝，拎上手時好墜手，隔住袋都可以聞到陣陣香味，袋面仲有推介幾種食法，相當有心思。返到屋企第一時間開餐，撕開包裝紙後香氣更濃烈，全雞好大隻，食落雞肉好嫩滑，食得出係新鮮雞，烤雞醃得好入味，秘製雞粉更能帶出雞嘅鮮味，沾埋餐廳送嘅辣粉，辣辣地好惹味。外層麵包烤得香脆，吸收晒雞汁後夾雞肉食又係另一番風味。

「摩羯」颱風吹襲香港，雖然收早，但風勢頗大，最理想就係買外賣返屋企慢慢嘆。大埔新開左間麵包雞店，試業期間特別抵，幾十蚊就有一份麵包雞，仲送一大杯現沖既手打檸檬茶，我二話不說就買了兩盒返屋企試試。仲買多一盒鹽焗蜆仔，$69一大盒，蜆仔隻隻新鮮同無沙，肉質鮮甜，幾抵食既。從包裝都能感受到店家既用心，外賣既手抽袋同盒都好靚，拎到返屋企時食物依然熱乎乎既。第一次吃麵包雞，真係幾特別。老闆很貼心，響等雞既時候有親自指導我麵包雞既吃法。回到家發現，原來包裝袋上也有說明，清楚易明。家人試完讚不絕口，尤其係我媽，佢話吃得出係新鮮雞，肉質嫩滑，調味都好入味。雞汁可以用來沾麵包，或者將雞肉夾住麵包吃，麵包和雞肉都有煙燻的香味，味道唔錯。除了雞，我想特別讚一下嗰位沖檸檬茶的小哥哥。佢響我落單既時候即時沖茶，手法純熟，沖之前還會洗手，呢點令我食得特別放心。檸檬新鮮，茶味濃郁，甜度也剛好，手打青檸檬茶同鴨屎香檸檬茶2款都試咗，真係幾好飲。大家不妨試試呢間麵包雞，肯定不會失望！