檸雞一動麵包雞

营业中

休息中

落咗咁多日雨终于都好天，系时候出大埔揾食，途经见到呢间唔太起眼嘅小店，主打面包鸡，睇落几有特色，一于买黎同太太今晚撑枱脚。面包鸡每日现烤，唔会隔夜，只系简单用盐、糖及秘制鸡粉调味，烤全鸡要一小时制作，食午餐前order，食完饭去攞就时间啱啱好，新张期间仲有手打柠檬茶送添，天时暑热边行边饮真系份外解渴。烤全鸡用餐厅自制保温袋包装，拎上手时好坠手，隔住袋都可以闻到阵阵香味，袋面仲有推介几种食法，相当有心思。返到屋企第一时间开餐，撕开包装纸后香气更浓烈，全鸡好大只，食落鸡肉好嫩滑，食得出系新鲜鸡，烤鸡腌得好入味，秘制鸡粉更能带出鸡嘅鲜味，沾埋餐厅送嘅辣粉，辣辣地好惹味。外层面包烤得香脆，吸收晒鸡汁后夹鸡肉食又系另一番风味。