櫻島麵包餅店 (已結業)

呢間麵包舖以集團形式經營，成日都有新鮮出爐包點。最鍾意食杏仁條($1.5)同拿破崙($2)，十分鬆脆，價錢又平。其他迷你中式餅如老婆餅、蓮茸穌等都係$2個，好抵食。

大合桃包($4.5)﹕麵包新鮮出爐，外層又薄又脆，上面佈滿一粒粒嘅芝麻，美味可口。內層軟熟，加埋d合桃粒粒，超好食。

尋日....行過MK O個間櫻島...比佢既新出品葡撻吸引住!!!哈哈哈~因為自己不嬲都中意食...見佢岩岩出爐而且又抵食..就買左半打番屋企同家人分享!!!(之前都試過佢既蛋撻...好抵食...好好味)回家和家人立即試試..比發覺認真唔錯...!!!!!值得推介一下!!!!!!!!下次經過要試下佢其他出品先得....

接小表弟到打波，路經這兒。他被店裡香味吸引，建議（實為「扭計」）買件剛出爐的鬆糕。杯戟：三蚊個，有朱古力、核桃兩款。質地勁油，吃得整個咀巴油淋淋。味道香甜，頂部烤得奇脆。朱古力粒或核桃粒，只在頂部，糕身是plant。似乎下了相當泡打粉，彈性超强。沒牛油味，大概店家以其他食用油脂製作，故那麼便宜。好油膩，只吃了下脆脆的頂部便丟掉。

又係蛋撻,咁o岩新鮮出爐,超熱.最熱係D蛋,熱到食唔入口,要好細啖咁食,而且甜度適中.蛋撻皮為酥皮,都算多層,好鬆化.蛋撻size較一般食到o既細,但好食就得啦.

有時去旺角都會去買一大袋麵包回家俾大家做早餐. 佢地d菠蘿油係即叫即做, 我成日都見人買. 我就無試過, 買過佢地既菠蘿包都幾好味. 佢地d麵包價錢真係好平啦...係旺角區真係少有d麵包都ok架

$3一中條抺茶瑞士卷, 蛋卷好鬆軟, 抺茶味亦好香, 真係又平又正!

有一日路經肚餓買左d麵包同蛋撻...麵包同蛋撻都熱辣辣...好好食~~價錢又平,超低食! 酥皮蛋撻都好正,鬆化唔油~之後有frd生日...試下d蛋糕啦...都好正wor...我食過mango同cheese cake..mango $80-1lb, $200-3lbs...blue bur cheese $128-2lbs...你話係咪好抵喇...仲有d cheese cake唔係cafe好lau果d...口感好light!!!!女仔一定鍾意~~買麵包試下呢間...無介紹錯架~

路經美孚分店，見有食品剛出爐，遂光顧。購買了一枚蛋撻和三條杏仁酥條。食品： 1. 酥皮蛋撻（$2/件），可選曲奇或千層酥皮撻底，點了酥皮。酥皮相當之有層次，層數算多。體積亦因為價錢較低而略細小，三啖便吃完。鮮奶蛋餡料甜度適中，質感尚可。 2. 杏仁酥條（$1/條），味道跟賣相一樣的令人失望。千層酥皮的質感一般而已，著色不足，不是「黃金啡」，而是暗啞灰褐色，烤得相當之差，簡直係浪費了那片千層酥皮！評語：迄今，個人覺得「美x西餅」的杏仁酥條，質素之高，此店可謂望塵莫及！當真的「一分錢一分貨」？！

呢間係旺角既櫻島麵包店成日都有新鮮出爐麵包,價錢又平,好低食!D蛋糕都唔錯,我最鍾意就係佢既芒果蛋糕,一磅都好似係八十蚊左右.除左D麵包蛋糕平靚正外,店員服務都唔錯,仲有個後生靚女.上果排下午茶時段,我仲成日行過去幫襯,不過,依家好耐都見唔到佢.應該係無做.不過,芒果pancake 就麻麻...好少芒果肉.

呢間麵包店都有提子士干賣. 無論外型同味道都十足十大班o既提子士干, 不過價錢就平d. 如果無記錯, 好似係$2.5或者$3. 附近廣華醫院o既姑娘成日都黎呢間麵包舖幫襯, 可想而知質素唔知嫁!

呢間麵包舖雖以鹿兒島的一個地方名命名，但非有任何日式的東西賣，有的盡是港式麵包西餅。可取之處是亦是自家設置麵包工場，所以好多麵包都新鮮熱辣。好多時行過都會幫襯的，就是酥皮蛋撻，2蚊個，流量快所以幾時都熱辣辣。酥皮不算多層，但幾鬆化亦不算油膩，底部焗透，不會有一層油皮在底，好抵食。如果見出爐的話，果度的蛋糕仔都好食的。