影片
营业时间
今日营业
06:30 - 20:00
星期一至日
06:30 - 20:00
以上资料只供参考，请与餐厅确认详情
衛生程度: 店員放包入夾包箱，唔冚蓋攤凍，店門對住大馬路，啲塵入哂去，見過烏蠅飛嚟飛去，僕喺啲包上面，店員都冇理。店員唔移開啲包，就喺度抹嚟抹去。食物質素: 蛋撻，蛋冇蛋味，深黃色到似顔料。 綠茶燒餅，餅皮綠得好怪，疑似加咗色素。雞尾包、墨西哥包、椰絲卷、菠蘿包、紙包蛋糕等， 都唔係實心，食空氣。叉燒酥、奶油筒、奶油筒、蛋撻酥皮、老婆餅嘅酥皮，有膱味。合桃酥唔脆，似放咗好耐。服務態度: 其中一個身材矮小， 體胖，頭髮紮起，操鄉音嘅中年店阿姐好惡，非常冇禮貌。問下一款餅會唔會再出， 佢話冇之後，仲要串多幾句: 「乜咁野蠻㗎，係要呢款，呢度有咁多款，揀其他喇」，「揀唔到，有選擇困難症吖!」
继续阅读
櫻桃🍒麵飽西餅🇭🇰呢排超人氣麻糬波波大家都排到癲咗🥺決定同呢間街坊小店大比拼吓🤭﹎﹎﹎﹎﹎﹎﹎﹎﹎﹎﹎﹎﹎﹎﹎/脆皮麻糬波波🥖 $4@1 $11@3/ (2.9/5)唔係新鮮焗起但係見攞喺盤都仲漲卜卜好飽滿🥰菠蘿皮脆卜卜 但係食落偏甜🙈大約8-9分 入面明顯空心啲 食到煙韌口感但係偏硬同難咬🥲同jamesbonbon相差幾遠🤫﹎﹎﹎﹎﹎﹎﹎﹎﹎﹎﹎﹎﹎﹎﹎﹎
继续阅读
❤️🔥超推薦爆漿流心朱古力麻糬波波❤️🔥🐭 米奇老豬Vol. 198🐷［櫻桃麵包西餅］琴日介紹完麻糬波波嘅性價比之王之後今日爲大家介紹另一間都幾抵嘅 😚而且呢間多好多分店 唔洗一定入大埔就買到～不過聽姐姐講d QQ波都幾受歡迎㗎中午就一定買到嘅 但收工時間5、6點就要睇彩數啦 🤭.🐖🐖《朱古力QQ波》🐖🐖💰$4/1粒 $11/3💰呢個賣相拍得住JBB 😎就算拎到返屋企都仲係漲卜卜 ～室溫食嘅話會偏硬身d 勉強算煙韌嘅但叮熱左之後即刻level 🆙入面嘅朱古力勁流心 🤤不過朱古力分佈就比較隨心 大家睇想都見有一個嘅橫切面幾乎係朱古力失蹤 🙈但另一個反而係勁多 🤗.對比返上一個post介紹秋田嘅朱古力QQ我就覺得櫻桃嘅朱古力味出色d嘅～但論煙韌度 我就prefer秋田嘅菠蘿皮QQ波.❣️🐭總評分🐷❣️味道：8.9/10服務：N/A環境：N/A CP值：✴️ 中高 ✴️ ENCORE：✅ （已回購無數個）.📍櫻桃麵飽西餅 (大埔)📍 📎大埔鄉事會街46號地下🧷其他分店：⚠️ 未必間間分店都有，但老豬喺大埔、元朗（兩間都有）、九龍城都有見過 ⚠️九龍城衙前圍道112號地舖元朗元朗安寧路75號地舖元朗又新街7-25號元新大廈地下3及10號舖大圍積信街1-3號地舖旺角廣東道1061號地舖長沙灣永隆街3號地舖粉嶺聯和墟聯安街9B號聯發大廈地舖深水埗基隆街262號地下
继续阅读
櫻桃麵包一直係我的首選麵包店. 各種飽都做到軟熟又好味. 只是做三文治時感到方飽太薄. 買厚切的話， 兩片夾起來又太厚！ 所以希望櫻桃把薄切的飽加厚小小. 而且太薄的飽放入多士爐太鬆， 烘完後片麵包都彎曲了！
继续阅读
呢間野d阿姐串過地盤咕哩，唔好話請我食，貼埋錢我都唔會再食，買半打蛋撻，5個d皮都碎，好聲好氣同佢講蛋撻唔好咁喺個模登出黎，佢居然話平時蛋撻一定都會係碎，叫我可以唔買黎食，嘩。。。好似我求緊佢俾我食咁，我只係想講買20蚊野我唔需要5星級服務，但唔係咁嘅態度，一定唔會再去呢間野買包，情願俾貴幾蚊去入面街買，呢間野請埋d咁嘅員工仲話喺大埔開20年，我住左喺大埔四十幾年都未試過買野可以買到成肚氣，又唔係特別好食，絕對唔會再幫襯。
继续阅读
您可能会有兴趣的...