櫻田日本餐廳

想試鐵板燒好耐，經朋友推介，就膽粗粗黎左呢度試鐵板燒喇。 我地都揀左最經濟實惠既2個鐵板燒，可以share黎食。我揀左一個係海鮮既，另外揀左和牛，當然都叫左碟壽司試下。餐廳上菜都唔會太快，就返我地食野既進度。先黎左個蕃茄沙律，可能因為太肚餓既關係，第一淡入口已經好清新開胃，更加添我進食既意慾。蔬菜都好新鮮，蕃茄同沙律醬酸酸地，好岩夏天食。上菜既員工都會先上凍同生既野先，俾我感到佢地係有次序既，之後上左壽司。Wa~~好靚呀！我一見到既時候已經好鍾意，因為佢有唔同色彩，而且一粒粒既魚子都好晶瑩剔透，我都食左黑色魚子同wasabi魚子，黑色魚子味道重d，咸咸地既，味道好香 ; 而wasabi我初時以為會好辣，因為佢成塊壽司都鋪滿哂，但原來食落去真係唔會好辣，而且唔會刺鼻，相比wasabi醬仲冇咁辣。三文魚燒得好香口，又好肥美，我點左檸檬汁又另有一番滋味。蟹腳同象拔蚌超讚！蟹腳好鮮好甜，只係用筷子就好容易拆開蟹肉。而象拔蚌好爽，本身唔會有好多既調味，反而我更加食到象拔蚌原來既味道。到和牛出場，師傅唔係燒到全熟，但我食既時候都有少少韌，如果生d會嫩滑d。則邊有豆腐、茄子，好好味。最後上埋炒飯，個

前幾日細佬畢業，同左佢去沙田既櫻田日本餐廳度賀一賀佢，兩個人叫左鐵板燒午餐。我見係日本餐廳，食刺身壽司當然唔少得。有北寄貝、油甘魚、火炙三文魚......可能因為佢係酒店既日本餐廳，唔會好似出面餐廳有d壽司會好hea，佢d飯好彈牙，應該係日本米黎既，而且我好鍾意佢會擺一d沙律醬係個火炙三文魚上面，好好味。之後拎左關東煮，都幾入味。我食左少少之後要留返個肚食鐵板燒，因為一入去既時候已經聞到好香既鐵板燒味，留哂口水喇。先黎左個鴨胸肉，有好多蒜片鋪面，切得岩岩好一口一件，而且唔係好油膩。鵝肝食落去好有酒味，好奇之下問左餐廳d員工，佢地話原來有用酒去整，用錫紙包住黎煎，所以d味可以完全入哂去，我見好少會咁入味，我同細佬都每人叫左2份，好似好過份tim~龍脷魚柳係我既favourite, 我平時都好鍾意食魚，經鐵板燒之後味道更加香濃，又好燙口，熱辣辣食魚係最正既。我叫左海膽炒飯，細佬叫左雜菜炒烏冬，一客既份量唔算好多，但對於我黎講都ok，我細佬唔夠食都可以再叫。炒飯配上海膽感覺矜貴左，但烏冬就冇咩特別，好似普通烏冬咁。加左隻溫泉蛋黎食，真係好好味，我地食左3隻，一出就俾人拎哂，下次要一出就第一時

我成日都好鍾意食日本野，今次揀左櫻田日本餐廳試下。聽講平時都會有日本人去食，我諗質素都一定幾好。我同個Friend 2個人叫左個九州料理套餐Share食，都有成6道菜，我地2個女仔都食到好飽。其中有沙律、刺身做冷盤，D刺身好新鮮，同埋好大件，最啱我!餐廳員人問我地試唔試下D清酒，既然一場黎到，梗係食盡所有日本風味既野啦，佢介紹左「富久長」俾我地，飲落都好有果香，甜甜地又易入口，好適合女仔。到熱食有鮎魚鹽燒，D魚燒出黎好香，咸咸地。水魚聽就聽得多，但就冇點去試過，原來好「林」而且都幾多肉，連埋風舞茸同湯一齊食，香濃既味道留左係口入面好耐，好正!其他仲有和牛燒，炒飯，仲有日本雪糕做甜品，呢餐真係好豐富好滿足。

The sashimi is super fresh, the sushi is grapped wonderfully which is not too hard and not too loose. It's only the miso soup is a bit salty. Salad and fruit are fresh, desserts are delicious, the main courses can be ordered unlimitedly! Everything there is considered "Perfect"!

睇完 Picasso，就黎左呢度食lunch。之前已經 book 定位。而家做緊 鐵板燒日本廣島蠔 semi lunch buffet，$228 一位，有信用卡優惠，幾抵食。雖然野食唔算好多，但係未試齊所有野，已經好飽了！對我來說已足夠。餐牌上的item 是任點的，我特別鍾意個鴨胸同埋炸蠔。至於自助bar 台方面，主要有刺身、壽司、青口、關東煮、dessert。刺身好新鮮! 有大量既三文魚! 正! dessert 得數款cake，只試了朱古力味，中規中矩，唔特別。

睇左報紙介紹櫻田日本餐廳，因為用信用卡有折，所以琴日同左男朋友黎試下。我地夜晚黎到，員工話佢地新推出沖繩黑豚料理，我見都好似好多野食，又有我最鍾意食既刺身，聽講正宗既日本黑豚肉好貴，我見都幾抵食就點左呢個餐。佢地都好專業，先出左d剌身先，有黑豚肉、吞拿魚同三文魚3款，好大件同好肥美。黑豚肉連埋d沙律一齊食，可以平衡本身既肥膩，好有清新爽甜既口感，我急不及待好快就食哂喇。之後上左泡菜卷，用左燒既黑豚肉，入面包住泡菜同埋紫菜，辣得黎又好惹味，值得推介。好似平時既東坡肉咁，但就比較juicy同鬆軟，唔會好似出面咁韌，點黃芥辣同埋d飯一齊食，都唔會覺得膩。鐵板燒大蝦好香，味道好吸引，可能佢即叫即燒，食物被捧出黎既時候仲有煙出既，d蝦好大隻好新鮮，正!下次可以試下佢既其他食物，我諗都應該唔錯既~

媽媽節LUNCH.. 第一次嚟食.由.男友帶路...與他的家人LUNCH...這裡的環境不錯...不太噪吵...有些客人坐鐡板燒枱...我們的是普通枱都係半自助餐....魚生真係好新鮮..北寄具.一咬就咬開..一D都唔UN .八爪魚係鮮美....咸味唔重/...三文魚..油脂分佈平均..壽C飯口感很好..唔會死死實實咁仲有其他關東煮...幾款沙津都好好食....雖然唔會好似.其他先助餐有成幾十款食物..但這裡的日本食物是貴精不貴多的..而且我還見到..魚缸裹有很多很大隻的鮑魚..真係好想食仲佢..

很多年沒來過了, 以前多是來食其鐵板燒, 印象中不平宜, 但味道不錯的! 地方不大, 裝修過 , 坐滿也不過60-70人左右! 食buffet 不會很迫!所謂semi-buffet, 前後自取, 主菜落order , 是日6款, 牛, 雞, 豬, 魚, 烏冬及炒飯, 任點任食, 但宣傳單上的牛油海老及三文魚則欠奉! 有小小被騙之感6款都食過, 1st order, 由於當時人小, 所以份量大D, 後來的無論是賣相及份量都有點不同 , 味道方面, 除了烏冬不好外, 其他的都不錯, 特別是魚, 好香! 牛及豬都好jiucy, good! 魚生只有4款, 三文魚, 八爪魚, 金鎗及北寄貝, 不過好新鮮! 而且refill 好快! 壽司款式比較多, 不過每次款多量小, 稍為人多的時候, 要等等, 其中以火灸三文魚及鏝魚最受歡迎, 而且taste good! 卷物中則以牛油果為罕有, 手快有手慢等!二款關東煮就麻麻, 略鹹!甜品也有5款, 試了二款 cheese cake, 一般般, 很蛋糕!全日最差的是竟是生果, 買手問題, 哈蜜瓜好生, 無味!如果加汽水任飲, 就perfect 啦!

日本菜在港真是令人花多眼亂，無論貴與平也能一一找到，而且總有一間在附近，總數真的比便利店更多，種類更是多不勝數，由最普通的便當以至最高級的懷石料理也有。當中價錢不便宜的鐵板燒算是少數之一，雖然近年來多了一些平價鐵板燒店，但水準真的不太好，而且食材質素也很不太好。鐵板燒本已是一種高消費的菜式，而且佔用位置也比其餘日式食肆為大，所以在日益壯大的日式放題店下，只做鐵板燒的放題店卻仍是廖廖可數。今次就到了沙田帝京酒店內的櫻田日本餐廳來享用，而且早前曾在該酒店的食評比賽中嬴取了$1,000現金卷，所以最後結帳的價錢都只是幾百元。這個套餐除了任食鐵板燒外，還包括刺身、沙律及甜品等，鐵板燒的項目也有多達17款，所以這個餐必定令人捧腹而回。環顧四周，燈光柔和，給人一種舒適的感覺，而且還有一大個魚缸，內裡全是鮑魚及龍蝦。吃鐵板燒當然要坐在吧枱位，因精髓所在就是可以近距離欣賞師父即場烹調的功夫，看見他們清脆俐落的手勢，一下子已將面前的食物製作好並放在客人面前。先點取一些沙律及刺身熱一熱身，煙鴨胸沙律普普通通，沒有太大的驚喜。刺身種類相當少，幸好質素不錯，三文魚及由甘魚同樣新鮮肥美，只是劍魚的質素有些出入，

每次同大學d frd re-u都要負責諗食咩，但又次次都話食呢食去都係個d……今次睇到廣告呢度有和牛shabu shabu，啱晒佢地班”邊爐友”~哈哈睇左餐牌後，我決定食 M9任食和牛，在等湯底期間，可以任食串燒，佢地呢方面都幾細心，唔駛等勁耐先有野食 ~good! 軟骨雞肉棒 – 混入細細粒軟骨，口感爽口雞軟骨串 – 愈咬愈有嚼勁雞肉串 – 好香口，香濃BBQ味雞翼餃子 –雞翼外皮香口鬆脆，內裡餡料十足，正!!湯底很清甜，用龍躉魚熬成既湯，魚味非常非常濃郁，味道似蕃茄魚湯既清甜，但呢個更好味，之後撈起魚肉，肉質纖維結實，我都飲左好多，因為熱騰騰又清甜，太好味啦~香檸酸汁 (左) – 最like呢款醬汁，酸酸地，好惹味白芝麻醬 (中) – 味道香濃黑芝麻醬 (右) – 好香芝麻糊味，和牛蘸上黑芝麻醬後，味道幾特別一盤極豐盛的野菜，有皇帝菜、冬菇、腐皮福袋、獅子狗、烏冬、嗚門卷、魚餅、魚丸、栗米、蝦餅等，最特別是腐皮福袋，一咬開腐皮就有年糕流出，質地煙煙韌韌，good!! 除此之外，皇帝菜都ok，口感滑身，食極都唔覺飽~睇見佢地攞盤”主角”M9和牛出黎既時候，真係心裡面嘩左一聲，和牛色澤

近日提到日本，大家心情都很沉重，但星期六返半晝放工後，突然好想食日式料理，所以到經常幫襯的櫻田，0係櫻田食semi-lunch buffet都係第一次，buffet種類選擇ok多，首先拿了幾款壽司，整體不錯，如果壽司飯再加多些醋，那就更好味燒三文魚: 很香口，好香燒烤味，好爽脆，而且三文魚入口即溶，讚! 魷魚: 爽口滑身加州反卷: 配料極多，啖啖粒粒魚子，口感豐富，很重芝麻香味蝦壽司: 生蝦鮮甜刺身方面，初時都有問店員關於刺身的來貨，而且都聽到其他食客問同樣問題，他們都很用心解答，而且buffet區有列明魚生來源地，起碼消除我原本既疑慮，如果係其他國家入口既食物，咁我都食得安心既，實在係大愛日式料理，其他地方入口既都好啦，我唔想以後冇得食日式野，嗚嗚三文魚: 真的要推介，三文魚很滑身，有點入口即溶八爪魚：很juicy, 唔韌身北寄貝：鮮甜，爽口彈牙立魚：爽口新鮮吞拿魚：入口即溶，塗上醬油及wasabi後，更加好味除壽司刺身，見到有串燒、天婦羅、關東煮、炸蟹蓋、炸薯餅、鐵板野菜等，我選擇了關東煮和炸蟹蓋；關東煮ok, 配料很清甜，軟腍入味，但我個人較喜歡伴熱湯食; 而炸蟹蓋都不錯，不油膩

想食自助餐，同小朋友一起，又唔想去咁遠。到沙田近近地，屋企人話去過2+2，就去酒店另外一間日本餐廳-櫻田。預先訂座，未到12:00PM，可先入座等候。場內播放著東瀛音樂，小朋友聽得出同平時的音樂唔同，佢話聽後，令佢好開心。環視四周，食物種類不多。刺身有四款:立魚/三文魚/北寄貝/八爪魚-幾新鮮，北寄貝沒有鮮甜味道。壽司有鰻魚卷/加洲卷/吞拿魚/甘蝦/炙燒三文魚。前菜類:日本茄子，第一次食，幾特別。明太子，一般啦。仲有幾款。熱葷有四款:關東煮/炸蟹蓋,雜菜蝦餅/炒雜菜甜品:綠茶和果子/竹炭蛋糕(冇竹炭味的)/冇味的芝士餅 水果類:西瓜/菠蘿/哈蜜瓜推介食物:小朋友-蟹蓋(好味喎)我-八爪魚刺身(新鮮)屋企人:炙燒三文魚壽司(入口即溶)主菜要了三款:天婦羅配喬麥麵，幾健康，清清淡淡。燒三文魚配炒飯，有腥味，配炒飯，小朋友話屋企炒泠飯好食D。鐵板燒香菜羊扒，上菜睇見得幾粒，入口幾嫰滑，不過是凍的，點算叫做”鐵板燒”呢?(個人覺得主菜要比返多少少誠意做好D，三個主菜，除了天婦羅較好，另外二個都是可以不吃的)食物大多都是一般的味道。加價到$198，似乎有點兒不值。大小劃一收費。但舒服的環境和良好

朋友請客去食日本半自助buffet, 我第一次食呢間日本餐廳, 周圍環境同播放住日本歌好有東瀛味!食物好新鮮, 所有刺身卷物可以隨意任攞, 仲有好多沙律同前菜! 我自己就order左天婦羅喬麥麵, 天婦羅係即炸, 好好味!甜品蛋糕好味, 有cheese cake, 特別係竹炭蛋糕,唔似一般蛋糕咁軟身, 食落去有d竹炭味, 我食左幾件呀! 仲有綠茶菓子, 皮較薄身包住綠茶蓉, 味道有綠茶既清香,必試! 不得不提呢度既員工好有禮貌, 笑容好燦爛, 食物同環境都好滿意,令我地好享受呢一個中午! 會再回來!

之前聽朋友介紹過帝都酒店入面有一間日本餐廳叫櫻田, 日本菜好好味, sat行過見佢地有semi-lunch buffet 都係$168,仲有discount… 咁就去試下喇!我地12.30入到去, 環境好舒服,坐係sofa位,可以望到師傅整野食同鐵板燒! 衛生同野食新鮮係我對日本菜既基本既要求! 壽司,熱食同甜品就自己出去攞…行出去聽到其他食客狂讚刺身新鮮,夾落去好軟身, 即係正喇….有三文魚,吞拿魚,魷魚,甜蝦,卷物………… 樣樣都好鮮甜, very good!熱盤我食左關東煮, 好味!仲有好多冷盤, 沙律,冷麵………自選main course有五款, 我要左天婦羅喬麥麵, 一睇就知係即炸既, 喬麥麵好爽口!!食埋甜品, 有我最鐘意既啫喱糖, 仲食左乳酪味既奶凍… 正!呢度Service好好, 收碟快, 又成日幫我地加水, 笑容親切有禮! 估唔到沙田有一間咁出色既日本餐廳!!! 朋友真係冇介紹錯既!!!

為左預祝同寶貝既紀念日.午餐就當然選擇大家都愛食既壽司喇. 見到櫻田有好多美食.就決定去試試.本來約左1300.去到12點度已經好餓.於是行去問下有冇得早d入去.佢好有禮貌既一句：好既.冇問題.請呢邊. 坐正係鐵板燒(台)前.so good 所有既服務員態度都好好.一開始先拎左三文魚.蝦.吞拿魚.尤魚.樣樣都好滋味. 仲有湯飲.本來聞到d味..唔想飲..飲左入口.又幾好味啊.幾驚喜的一個湯.跟著就食d熟食.串燒.好似小丸子既波.(不過唔知叫咩. )跟著就要食鐵板燒既野喇.鐵板燒香草羊扒.菜又好味.羊扒又非常美味.連我最唔仲意食羊扒既人.都比佢吸引左.食左幾舊.有個衝動同寶貝交換. 鐵板燒三文魚.(配炒飯.)幾好味的.不過開始飽lu.~~寶貝就拎左幾舊生果同甜品黎.cheese cake.草莓蛋糕.菠蘿.非常好味. 呢餐.真係抵.仲有openrice既coupon.食得飽飽去行街.為呢日既行程留下左好好既回憶.