權八居酒屋 (已搬遷) 新店位置

餐廳近日推出一式3款鍋物套餐(每日11:30-18:00都有供應), 一個價錢嘆齊前菜、刺身、串燒、天婦羅同甜品‼️鍋方面大家可以有豬、牛、雞既選擇💁🏻‍♀️裝潢走居酒居風格, 以木柱同昏黃燈光為主, 環境寬闊舒適🏮望出去仲有個360度環迴立體弧型商場景👍···前菜/小食：✶沙律菜🥗食落爽脆新鮮, 仲額外加左洋蔥🧅配上芝麻醬味道很ok✶蔥花雞蛋卷🐥凍食, 帶點juicy感, 蔥花巧妙地提升左口感層次✶薄脆片🐟 咬落勁脆卜卜, 仲有個沙律醬比大家沾住食···刺身/串燒/天婦羅/甜品：✸魚刺身🎣唔太食刺身嘅我都覺得廚師整得好神奇😂食到有wasabi味, 但一啲都唔攻鼻!! 再加埋面頭啲蔥絲一齊食, 真心一啲腥味都無🤩✸ 串燒🍢分別有雞肉串, 免治牛舌芝士棒同秋葵, 全部都有水準地發揮☺️✸天婦羅🍤有蝦, 南瓜🎃甜薯🍠 同葉🍁全部都好薄粉得黎夠脆口✸日式甜品🍵係軟糯既抹茶紅豆蕨餅♨️ʜᴏᴛᴘᴏᴛ· A5日本和牛壽喜燒 $498﹟鍋物既配料都唔少, 有豆腐, 菇🍄, 菜, 粉絲, 同雞蛋😚而主角A5牛大家睇相都見到係呈粉色, 牛脂分佈平均, 靚靚雪花紋❄️牛有2大片, 食落口係超級嫩口同滑身, 第一次食

小編呢頭打完篇野話佢服務食物質素高、o個頭又自打嘴巴！真係夠曬諷刺、呢個立春應曬景！事源今日2月3日小編打去叫外賣，我都已經意識到佢lunch時間肯定忙爆、我就12:20打去落order已經要求1點九至拎架啦。去到差不多2點至拎、確認order食物齊、衛生問題所以我都冇一盒盒開黎睇啦，唸住佢咁專業應該唔會錯，做錯係我呀！做乜咁老定、咁信佢！真係好唔開心！竟然我最鐘意食既雞泡魚乾可以唔比沙律醬我既！即係等於你order碟鹹魚肉餅飯冇比飯你一樣！係會死人架我真係好鬼嬲呀！已經番左屋企即係硬食啦。打去問佢點，佢話唔好意思因為執前菜o個位新黎執漏左，即係我要承擔佢既錯誤、仲話lunch時間比較忙，真係唔該曬，即係叫我lunch唔好order啦，我明白了。完全明白、可以咁都得。即係叫你肚餓唔好食嘢先，因為佢地會做錯野。了解，我唔會再order、放心。真係唔知佢地幾時忙幾時唔忙、下午茶又會忙架wor、6點前肯定好忙啦d客趕住食、6點後又好忙架d客叫外賣。小編奉勸大家如果鐘意呢d水準、可以繼續幫襯。我、不了！仲有就係我拎外賣既時候發現已經完全係凍，即係你order外賣無論你話1個鐘or2個鐘之後去拎

[🇭🇰香港- 銅鑼灣].超多款式,超飽肚嘅下午茶餐‼️食完唔洗食dinner🤣先有壽司同卷物,再黎串燒同日式小食,最後嘅甜品除咗有我最鍾意嘅“椰汁南瓜白玉子“,仲有另外三款;咁多嘢食兩位先$388(另收加一),平得黎質素同以前一樣👍🏻係咪真係超值先?😌.🔻🍽 權八居酒屋📌 地址: 銅鑼灣希慎道33號利園一期4樓.#tummysready #tummysreadytoeat #tummysreadyinhongkong #tummysreadyatcausewaybay #tummysreadyforjapanese #tummysreadyforyakitori

打電話去訂枱，第一次時，聽到接聽人員講英文，但我照講中文“你好，我想訂枱架。”，但一直無人再出聲同被人cut線。第二次打去，依然聽到對方講英文，以為對方唔識中文，我就轉講英文“Hello, I would like to reserve a table for 2 on 22Feb, Sunday." 對方立即話“what table",所以我重覆一次話想訂枱再糾正返原來星期日係21號。點知，對方突然話“你講中文啦，扮咩者？”，我好驚訝點解會咁既態度。到最後，佢問我想坐榻榻米定普通枱，但因為未去過，所以問對方“唔好意思，因為我未去過唔知咩分別，但可唔可以介紹一個比較靜少少既位置俾我地？”。佢話“咁榻榻米囉，但要跪要除鞋架，不過我地到時星期日好忙架，唔得閒有咁多招呼，亦都唔會寧靜，你諗下啦下！”原本好期待同朋友試呢個下午茶，但呢次預約都係取消吧......

差不多個多月無堂食，食肆為自救，大家都進攻外賣或者afternoon tea或者early dinner 嘅戰場。 上星期介紹完1957 & CO嘅十里洋場盆菜，今日講下佢其一個brand，權八居酒屋，一個精美又抵食嘅下午茶。 冇錯，嚟緊仲有幾個1957 & CO下午茶巡禮可以推介，因為實在係超值抵食之作，唔推都對唔住自己。 星期五嘅晏晝同屋企四個人四點幾食下午茶，碰巧假期，感覺特別休閒，同平時權八居酒屋嘅感覺截然不同，多了一份懶洋洋嘅感覺。 聽朋友推介食呢個下午茶，$388二人份，非常豐富，於是乎午餐都冇特別食得多嘢，集中留肚試下呢度嘅出品。 先來兩杯飲品，咖啡、奶茶、可樂連酒精都可以揀，選了一杯手工啤酒再加一杯清酒，happy Friday就是這樣煉成，平時係老銅，兩杯酒加埋都要百幾蚊。 下午茶分三部曲，先睇第一份。 先上場的日式小食有枝豆、飛魚子蟹肉沙律、三文魚壽司丶吞拿魚壽司丶芝麻炸蝦反卷。 本來想等成個set單影相，但呢度上菜十分井井有條，你食完頭款先會上主菜，咁我就唔客氣啦。 枝豆和蟹肉沙律當然係正常水準，最鍾意嗰舊吞拿魚

趁假期和閨蜜到銅鑼灣睇傢俬，逛得倦了，想嘆番個精緻的下午茶，就諗起利園內的一間日式居酒屋，權八。它的下午茶套餐非常精彩，鹹點方面包括有日式燒雞翼、燒粟米、燒茄子、燒牛舌、燒蝦丸和燒雞球。小食方面，有刺身壽司，大蝦壽司，日式扁豆和沙律。甜品方面的，還包括有芝士蛋糕，日式糯米糍，mousse和綠茶小糕點，再配上兩杯凍飲，簡直就是一個盛大的下午茶, 簡直就是超值啊！

位於銅鑼灣的權八，是一間獲前日本首相青睞的日本過江龍居酒屋。權八的本店在東京銀座，該店面積有近六千尺，是當地少數的巨型居酒屋之一。經翻查之後才知道，權八深得日本政府歡心，在2002年前美國總統喬治布殊訪日，當時日本首相小泉純一郎就邀請他到權八吃飯，體驗獨特的日式盛宴! 而香港的權八，同樣走傳統江戶時代的居酒屋路線。裝潢以木色為主，感覺舒適優雅。日本風的榻榻米個室更能看到庭園景觀，懷舊的裝修設計，令人有置身於日本旅遊的感覺呢。和風下午茶 $388/2人 這次光顧權八，是為了品嚐全新推出的 和風下午茶! 下午茶包括: 4款日式小食、3款壽司、5款串燒、4款甜點 和 2杯白鶴純米酒 或 手工啤酒 或 無酒精飲品。供應時間為 每天的2點半至5點。 採用日式方盒呈上的和風下午茶，感覺別緻，氣氛高雅。廚師把餐廳兩大主打菜式 串燒和壽司 融入下午茶當中，讓客人可一次過品嚐到招牌菜啦。 日式小食包括: 枝豆、飛魚子沙律、炸鮮蟹肉餅 和 唐揚雞柳。餐牌的招牌名物 炸鮮蟹肉餅，果然好好吃呢~ 酥香酥脆的炸漿，包裏著軟滑香濃的蟹肉洋蔥，內餡猶如奶油般的幼滑質感，很美味呀!壽司包括: 三文魚、吞拿魚 和 芝麻

呢間係利園嘅日本餐廳，之前晏晝嚟過但係冇晒位～ 再訂位嘅時候見到有岀Tea set好吸引，就book左今日黎食😍Tea set ($388 for 2) 可以揀酒類飲品黎計都幾抵！-🍱日式小食知豆，飛魚子沙律，炸鮮蟹肉餅，唐揚雞柳🍣壽司三文魚，吞拿魚，芝麻炸蝦反卷🍢串燒燒雞翼，蒜片豬頸肉，日本番薯，杏鮑菇，燒粟米🍰甜點椰汁南瓜白玉子，蜜瓜糯米糍，芝士蛋糕，是日精選蛋糕 (抹茶蕨餅)🍶包兩杯飲品可以揀純米酒，手工啤酒同埋無酒精飲品-壽司幾新鮮，另外炸蝦反卷都好好味，隻蝦夠晒新鮮大隻！最吸引就係呢盆串燒，雞翼同埋呢個豬頸肉都燒得好香好惹味😍另外日本番薯同粟米呢啲簡單食材都做得好好味，另外炸雞同蟹肉餅都好特別值得去試！甜品選材都唔錯，有埋抹茶蕨餅☺️ 配紅豆食一流😎 另外椰汁南瓜白玉子，係類似南瓜椰汁露嘅甜品，有兩粒白玉，如果少啲甜就更加好～另外飲品其中一杯揀咗白鶴純米酒，清清地既米味，但係酒味都幾重，鍾意酒類飲品嘅人不妨試下😆

疫情一路都無好轉，晚市又禁堂食，唔少餐廳都出盡奇招吸客！就連銅鑼灣呢間日式居酒屋都變陣，推出和風下午茶，人均 $200 有找就有齊前菜、壽司、串燒、甜品，仲有清酒飲，啱晒樣樣都鍾意試少少嘅我！疫情價！和風下午茶人均 $200 有找！Tea Set 通常都會諗到英式 3層架，而呢個和風下午茶就以 3個便當盒作擺盤，分別裝有多款日式鹹甜點，色彩繽紛，打卡起嚟一啲都唔輸蝕！雖然唔係喺酒店食，但環境都相當舒服，而食物份量唔多，樣樣都有少少，以其他 Tea Set 作比較，兩人份都係 $388 (另收加一服務費)，都算值得一試！鹹點有居酒屋風味來自日本嘅權八本來就係專注做居酒屋，所以鹹點方面有一定水準，當中串燒更係用日本備長炭燒烤，加上調味適中，好有日式風味。不過前菜同壽司方面就唔係太突出，單純邊傾計邊送酒都係可以。跟餐必揀暖清酒平時日本餐廳嘅甜品都係普普通通，本來無抱太大期待，不過呢間反而這幾好食，特別係椰汁南瓜白玉子，椰汁同南瓜香滑濃厚，好啱冬天食，而蜜瓜糯米糍唔止外型可愛，仲有點點清甜，可以消消滯。至於飲品，除咗一般嘅無酒精飲品，仲有得揀白鶴 純米酒 或 手工啤酒，配串燒一定要飲呢！氣氛休

自從下午6點成了死線之後，下午茶彷彿成了餐廳的救生圈，甚至乎不少酒店都推出 take away afternoon tea，換了係年幾前，真係諗都無諗過。不過就係因為大家都疫境求存，的確令食客可以用較低廉的價格去享受美食。1957集團旗下的四間餐廳，先後推出以 signature  菜色包裝的下午茶，早前的「安南」餐廳下午茶，更是超筍價$238，已經又點心又有粉麵，仲要包飲品，CP值令人難以置信，難怪優惠一出，即刻火旺。今次輪到「權八」出招，下午茶有四款日式小食、壽司三款、串燒五款及甜品四款，當中包括了招牌手握壽司、炸鮮蟹肉餅、唐揚雞柳同椰汁南瓜白玉。以不到$400（加一當然另計）價格，除了正常飲品，竟然可以品嚐兩杯白鶴純米酒或手工啤酒，如果係平日 happy hour 點都要幾十蚊杯啦！始終係大型日式餐廳，除了一般的座位外，更有「榻榻米」房可供選擇，大家訂檯時記得講聲。由於下午茶有即烤串燒，建議大家同侍應交帶一聲，不妨食完小食同壽司，之後先再食熱辣辣既蟹餅、雞柳同串燒就最啱 timing，而且餐飲竟然有白鶴純米酒提供，用串燒佐酒真係無得輸。日式小食餐前先送上日式小食，枝豆用鹽漬過，帶

同同事嚟食lunch慶祝生日，見到個lunch menu已經十五十六唔知揀咩好，因為樣樣都好似好正！食咗前菜先，都係啲基本款開胃小食～同事叫咗個A5和牛香蔥伴麵（本身我都想揀），佢話個牛好正，冇揀錯！我就叫咗串燒定食，貪佢種類多啲，果然賣相都唔錯！！調味剛好之餘，溫度都適中～加翻定食個飯就夠曬飽！環境雖然冇特別影到，但非常舒適，日式裝修好到位，好似真係去咗日本咁～有挖洞座位，類似榻榻米咁，不過枱下面有得比你放腳～幫同事慶祝生日仲有得幫手寫名同happy birthday字係甜品度，非常體貼！慶生可以去試下～

本身打第一次電話去話冇位，再打又話有位，4:30 去到，仲有tea set喎，有小小壽司，冇乜特別，唔係話唔新鮮，個沙律同枝豆係普通野，串燒都冇乜野特別，個蕃薯好甜，甜品其中一個係南瓜杯，幾好味，入面有雲尼拿雪糕，飲品揀左熱嘅清酒，$388+10%， 我覺得價錢可以，不過唔好期望過高，係比較普通嘅，但個環境都幾舒服

今日同同事team lunch, 由鰂魚涌特登搭車去銅鑼灣到食。 老細介紹食權八， 上網見到d食評都ok。我叫左個宮崎和牛set 已經係set lunch里面最貴個個388， 諗住平時自己1定唔捨得食咁貴， 難得阿公俾錢去食， 但都少失望。個set包左miso soup, salad, 前菜：除左個茄子前菜有少驚喜， 其他2樣都冇咩特別。和牛黎左得8小件， 第1啖係好有炭烤味，已經入口即溶，但真係略欠貴左d。跟餐有餐飲同甜品， 個甜品竟然係芝士蛋糕， 好口明顯係同其他餐廳買， 同間日本餐廳有d格格不入。388蚊真係唔係好值， 如果係288我覺得合理d。

2020.9.15 🥳生日飯🥳食物質素依然咁好💗最正係原板海膽😋🈵️仲有A5和牛壽喜燒，磯煮鮑魚超好食，天婦羅又係正。總之樣樣都好食🌷 《是日晚餐》🌷原板日本海膽 $2,400(新鮮uni 邊個會唔鍾意🈵️)☀️三文魚刺身2切 $76☀️牡丹蝦刺身1尾 $98 (超級大條，又爽口又creamy)☀️赤鯥魚刺身1件 $118☀️A5和牛壽喜燒 $488 (好好好大一塊，waiter幫手煮埋，油脂分佈剛好，唔會太油，正)☀️磯煮鮑魚 $198 (煮得剛好，一啲都唔un，爽口，好正。連露筍都新鮮都不得了，脆爽)☀️特上天婦羅盛 $248(炸漿剛好，仲有2件炸海膽食yummy ，蟹鉗1件，海蝦2條，正。仲有秋葵，粟米仔等)☀️活鰻魚串燒 $68 (燒得剛好，依然咁好味！)☀️炭燒雞泡魚乾 $88 (好野味)🍈日本蜜瓜 $128/份🍹Yuzu Mojito $98🥃清酒獺祭 $148

夜晚都比較貴，所以友人揀佐平日黎試呢度既lunch慶生🎂🎂好少黎利園呢邊，估唔到商場入面有間咁日式既餐廳! 係門口都已經覺得幾grand~入到黎我地request佐坐卡位，係好似Tatami咁要除鞋入去坐，餐廳岀面仲有一個用石頭砌成既地，係日本既感覺呀😍角切魚生松葉蟹肉魚籽飯($198)一個字:鮮！所有魚生好都好大塊好厚切，食落口係勁滿足有幸福既感覺🥰份量都好夠每樣魚生都3塊左右👍🏻👍🏻炭火串燒定食($268)串燒有牛雞🐷仲有蔬菜類既菇，青椒同露荀各一串，串串一食落口真係有陣炭爐燒既味！調味同燒既時間都岩岩好！牛一食落去好juicy有少少脂肪同勁有牛味，加上調味應該有檸檬汁，鹽同黑椒，簡單但完全帶起牛既原味道😍😍十級讚!!!每個set都配前菜，沙律，味增湯，甜品同飲品，好飽好滿足既一餐💓一定會再encore!!為食指數:4.5/5性價比指數:4.5/5推介指數:4.7/5