權記燒臘(總店)的食记– 香港粉岭的粤菜 (广东)烧腊茶餐厅/冰室

博士

等级4

467

20170228--是日接近下午六時三十分，到聯和墟街市權記斬料。店內還剩白切雞兩隻，跟燒味師傅落單半隻白切雞($55)半隻白切雞--雞肉實在，不會梅，雞皮爽脆油脂不多，雞味有，但不多。全隻是$110，半隻$55沒加價錢。以價錢和味道來說，在同區外賣白切雞來說，算是外賣加料首選。年初二時，在此店買了雞和燒肉作開年飯餸菜，當天大排長龍，但鄰店就不見此情況，相信食客也是懂得選擇的。燒肉在早上八時買的，中午約一時還是皮脆肉嫩，值得一試。

20170228--是日接近下午六時三十分，到聯和墟街市權記斬料。

店內還剩白切雞兩隻，跟燒味師傅落單半隻白切雞($55)

81 浏览

1 赞好

0 留言

半隻白切雞--雞肉實在，不會梅，雞皮爽脆油脂不多，雞味有，但不多。全隻是$110，半隻$55沒加價錢。以價錢和味道來說，在同區外賣白切雞來說，算是外賣加料首選。

年初二時，在此店買了雞和燒肉作開年飯餸菜，當天大排長龍，但鄰店就不見此情況，相信食客也是懂得選擇的。燒肉在早上八時買的，中午約一時還是皮脆肉嫩，值得一試。

(以上食记乃用户个人意见 , 并不代表OpenRice之观点。)

分享
推介

已推介
检举

张贴

评分

味道

环境

服务

卫生

抵食

用餐日期

2017-02-28

用餐途径

堂食

人均消费

$37 (其他)

肥髀媽

等级4

2.6K

公司拜神，今次試呢間燒肉（其實無開名，不過見到師傅手袖有商標，再問知情人士）外送到公司餐廳，連師傅負責斬料，呢間燒肉斬得幾靚，有排盤，唔係亂糟糟的！一件每層都分明！皮棗紅色夠脆，唔會皮肉分離，肉淋身又唔會好鹹！仲有啲肉汁！正！第一次食拜神燒肉係好味嘅

142 浏览

0 赞好

0 留言

(以上食记乃用户个人意见 , 并不代表OpenRice之观点。)

分享
推介

已推介
检举

张贴

评分

味道

服务

卫生

抵食

用餐日期

2016-07-27

用餐途径

外卖送餐

用餐时段

午餐

ShadowMoon

等级4

249

今年適逢公司成立8週年, 大老闆話一於要趁呢個機會答謝全體上下打拼多年o既同事, 特別隆重其事從「權記」訂o左隻聘禮金豬, o係上星期五8週年記念當日舉行切燒豬儀式兼有免費燒肉午餐益大家. 咁隆重o既盛事又有o野食, 幾大都要親身現場直擊兼試味啦! 聽秘書小姐話, 公司一向有幫襯開「權記」. 佢o係粉嶺同上水都有店舖, 而要訂大大隻o既聘禮或酬神金豬, 就可直接同設係元朗o既燒烤工場訂購, 佢又話訂呢隻金豬大約俾o左HK$3500左右. 咁大陣仗, 我就更加想知呢間舖頭金豬所提供o既質同量與及全套服務, 係咪物有所值. 唔講咁多, 立即去片:切燒豬儀式預定係下午1點舉行. 隻金豬 (見下圖)同埋附責運送 / 幫手切燒肉o既「權記」燒臘師傅早已經o係中午12點準時到達我地o既office. 金豬頭同尾都有大大朵紅花裝飾, 以保溫膠袋包好放o係燒豬木盤上, 旁邊仲有一把開豬儀式專用o既聘禮金刀. 而燒臘師傅著上整齊o既公司制服到場侍候, 可見整套服務係一絲不苟.接近1點, 陸陸續續有同事返回office等待重要o既時刻, 金豬此時已被解封, 同事們爭住影相. 從近距離睇, 呢隻金豬 (見上

今年適逢公司成立8週年, 大老闆話一於要趁呢個機會答謝全體上下打拼多年o既同事, 特別隆重其事從「權記」訂o左隻聘禮金豬, o係上星期五8週年記念當日舉行切燒豬儀式兼有免費燒肉午餐益大家. 咁隆重o既盛事又有o野食, 幾大都要親身現場直擊兼試味啦!

聽秘書小姐話, 公司一向有幫襯開「權記」. 佢o係粉嶺同上水都有店舖, 而要訂大大隻o既聘禮或酬神金豬, 就可直接同設係元朗o既燒烤工場訂購, 佢又話訂呢隻金豬大約俾o左HK$3500左右. 咁大陣仗, 我就更加想知呢間舖頭金豬所提供o既質同量與及全套服務, 係咪物有所值. 唔講咁多, 立即去片:

切燒豬儀式預定係下午1點舉行. 隻金豬 (見下圖)

同埋附責運送 / 幫手切燒肉o既「權記」燒臘師傅早已經o係中午12點準時到達我地o既office. 金豬頭同尾都有大大朵紅花裝飾, 以保溫膠袋包好放o係燒豬木盤上, 旁邊仲有一把開豬儀式專用o既聘禮金刀. 而燒臘師傅著上整齊o既公司制服到場侍候, 可見整套服務係一絲不苟.

金豬close-up: 影相o個陣, 感覺到豬身仍然散發出餘熱!

118 浏览

1 赞好

0 留言

接近1點, 陸陸續續有同事返回office等待重要o既時刻, 金豬此時已被解封, 同事們爭住影相. 從近距離睇, 呢隻金豬 (見上圖) 估計有最少有20 - 25斤左右. 驟眼睇, 除o左前膊同鼻樑位之外, 全隻豬都燒得相當麻皮不特止, 麻皮o既氣窿好細, 好密同分佈得好均勻. 當時我估計呢隻金豬o既質量起碼都有中上o既水準; 而影相時我亦感覺到隻金豬散發出黎o既暖氣, 表示佢o係o個朝早o岩o岩燒好就即刻送過o黎office. 咁有效率, 令我同一眾同事都非常期待.

隆重o既一刻終於來臨! o係感謝過同事們多年o既努力同貢獻之後, 大老闆連同幾位部門主管, 手起刀落, 向住金豬o既頸頂插入 (見上圖). 聽到入刀o個一下相當順利, 冇任何硬掘掘o既聲響. 一路切落去o既時候 (見下圖)

大老闆o既刀勢去得好順, 意味住呢隻金豬係上等貨!

142 浏览

1 赞好

0 留言

過程清脆利落, 可想而知呢隻金豬係皮脆肉嫩o既上品.

大老闆o既手勢咁順, 亦意味住今年公司上下都順風順水. 意頭最重要嘛!

大大隻金豬分贓到3大個到會盤: 靚靚紅肉多過白肉.

176 浏览

1 赞好

0 留言

完成隆重o既開豬儀式後, 燒臘師傅好快趣咁係10分鐘內將整隻金豬斬件起肉, 分成3大盤燒肉分俾唔同樓層o既同事享用. 見到每盤燒肉 (見上圖) 裡面, 紅肉佔絕大多數, 白肉實在唔多覺眼. 隨手囉一件切好o既燒肉一睇 (見下圖):

分贓後o既金豬: 麻皮香脆鬆化, 件件燒肉嫩滑可口! 超正!

120 浏览

0 赞好

0 留言

肥瘦均勻, 麻皮好薄燒得好平均. 食落口, 紅肉好嫩滑, 多汁又唔太肥, 麻皮薄得o黎好酥脆, 冇一塊有任何乾憎憎硬掘掘o既感覺. 將咁上好o既肉同麻皮一齊食, o個種美妙既感覺實在非筆墨所能形容.

呢隻金豬可以話係咁耐以o黎食過最好味同最高質素o既燒豬, 唔食多幾件真係對唔住自己同大老闆o既一番好意.

我相信公司o既同事們都有同感, 因為留o係office o既兩大盤燒肉, 唔使5分鐘已被掃光!

可見大家都係識食o既.

總結: 秘書小姐後來補充, 話淨係隻金豬大約要HK$3000, 即係話運送、租用禮刀, 同埋燒臘師傅o既費用, 大約係HK$500左右. 從今次o既食品同服務, 可以睇得出呢間舖係好有水準同效率. 站係大老闆o既角度o黎睇, 搵到間咁好o既燒臘舖頭, 用呢三千幾蚊去慰勞一o下同事們, 實在值得. 更難得o既, 就係我地有口福啦!

下年係公司9週年記念, 大老闆, 你識做啦?