權記雲吞麵

营业中

休息中

今日到這間吃雲吞麵入到去，我點了一碗招牌雲吞麵，我細妹想點其他，便問呀姐有咩麵．．點知佢剩係話：兩碗雲吞都＝　＝好．．唔緊要佢都算抵，１１蚊有４隻大大粒雲吞，而且配料新鮮，唔錯：〕

好慶幸屋企附近有間咁平既雲吞麵店，平時我都會外賣淨雲吞，而家加左價喇，但都接受到，加上出面好少搵到間黃底紅字既十蚊雲吞麵店有咁大粒既雲吞，蝦又新鮮，實屬難得。

20071210分店也算不少，以“雲吞面”掛帥，老牌子，應該不錯。價錢已經頂不住市道升了一元，但也依然屬於便宜。今天第一次試，卻有些失望，從湯到雲吞都極鹹。好處是這種傳統雲吞，鮮蝦與豬肉各半，口味有所互補，用料也新鮮。見街坊客甚多，想是我那一碗師傅下錯了手？

十蚊雲吞麵, 相信大家都不會抱太大的期望, 是夜都是因為不太餓, 所以只是求其的點了一個雲吞麵想不到這個的水準比想像之中好, 雲吞有5粒, 不算少吧! 蝦肉不是頂級但都尚算是新鮮的, 麵質的皂水味重, 不過正合我杯茶, 哈哈, 十蚊雞, 你重想點?

尋日同朋友去食,,叫左個雲吞牛腩麵,,,點知等左一陣都未黎,,原來唔見左張單之後雲吞入面d蝦有少少味...牛腩變牛筋...好得人驚=﹏='''以後都唔去食啦

在網上找不到炮台山分店(福元街天橋底)，便留言在此，請見諒。全日都賣十元一碗的粉麵是怎樣的呢？今天揭開謎底。首先是快，在門口看見好像沒空位，正想離去，阿姐巳極速發現有客结賬，將我安頓在角落位。行入去時，阿姐又巳極速收拾好枱面。隨意叫了雲吞米，才坐下，竟然看見阿姐正將雲吞米送來，從落單到送上，只需约十五至二十秒。有點兒吃驚，雲吞麵是香港的招牌食品，難道随時都要體現香港人的高效率精神？還未回過神來，目光落在碗上，份量十足又是另一發現。四粒雲吞大如40mm的乒乓球，米粉也是滿滿的一大碗，像對我立下戰書：你能消滅我們嗎？能！如果雲吞是新鲜的。其實内心充滿恐懼，萬一.....雖然不是特別好，但比起一般粉麵店，也不遜色，以價錢和份量計，實屬超值。米粉淡淡的，正合我意，不想浪費食物，勉力吃完。今天的湯底是比其他麵店較淡，是偶然如此，還是大家都注重了健康？下次我不會叫雲吞了，我想試魚蛋河。

星期六lunch唔太肚餓, 但諗起之後要做運動所以就係附近買碗麵, 之前成日近過呢間, 見佢好似幾企理同平就買碗試下牛腩麵($10) - 牛腩已預先整好放係個盤到, 唔係好似其他粉麵店即叫即切, 牛腩同牛筋都整得幾淋, 同埋有好香陳皮味, 麵食落都幾爽口, 個湯底好濃味, 整體唔錯仲有阿姐d服務態度幾好, 多謝前多謝後

我老豆同阿媽就最鐘意去權記食麵因為呢度又平又足料無論係雲吞麵定牛腩河都係頂瓜瓜

食完雞蛋仔,仲要食少少野...自己唔熟北角,唔知邊度有平野食,但記得上次黎過呢度食,所以又黎番呢度...上次見到有人包緊雲吞,今次有...雲吞麵有4粒雲吞,都幾大粒,裡面有幾隻蝦,蝦唔腥唔臭,味道都ok ga...今次d麵比上次少左鹼水味,進步左...個湯底都算甜...如果大家平平地食野唔高要求都可以黎呢度ge...

久唔久行開呢度都會入去權記食番碗!試過雲吞、鯪魚球、牛腩,個人覺得鯪魚係最好味!其實十蚊碗仲想點丫!但係你唔好以為佢收十蚊碗就一定係好差喎!要求唔高的話可以試下架,油菜都係加五蚊!真係好抵架!!!!!

今晚我個女話想食麵，行下行下就見到兩間麵店，一間就專賣清湯牛腩麵，另一個就專賣雲吞麵。我個女話想食雲吞都，咁我緊係就佢啦。一入到去見到大大隻寫住‘全日１０蚊’，再睇睇牆上餐牌，叫乜野麵都係１０蚊，咁就叫左一碗招牌雲吞麵、柱侯牛腩河同油菜。心諗，１０蚊碗都唔慌會有乜驚喜，點知雲吞都一到，呢碗麵出面食差唔多１６至２０蚊啦！有四大粒雲吞既麵，麵同湯都係一般，不過雲吞真係好唔錯，大大粒得黎每粒平均用上５大隻鮮蝦，而且ｄ蝦仲好新鮮，啖啖肉，１０蚊貨仔食到２０蚊貨色，底！之後呀女仲話要食多碗淨雲吞呢！

雲吞面($10)一碗真係好平, 而且味道方面都唔係差架. D雲吞都好正, 算係又平又正之作

午餐食雲吞米一碗加油菜啱啱好。油菜一般，雲吞大大粒，蝦有蝦味，又彈牙，湯則一般。$15有這樣質素實在不錯。

裡面的服務態度太差，我說Ｄ麵要硬Ｄ，但沒聽到。說給伙記聽佢地又不理！

此店, 有多間分店...相信很多人也食過特別回應此食評... 因為環境,服務,食物水準均較其他好..10元..夠飽..仲想點??