欽記粉麵

营业中

休息中

八月下旬‧有雨原本只想來喝杯咖啡的，但見隔離吃這裡的魚蛋粉，幾吸引，又要了一碗來吃。河粉夠熱，已嬴了一半。魚蛋細細粒，魚味淡淡的。炸魚皮反而幾鬆脆，而炸魚片就比魚蛋好吃。最好的還是河粉，雖然有點厚身但切得夠幼細，是好吃的。再去東記買一份炸排骨，吃得滿足矣。

如果與一些年青朋友說去魚蛋檔,對方可能只會想到,在街頭篤串魚蛋.如果與同輩,或前輩說去魚蛋檔,對方可能掩住個咀偷笑.魚蛋檔亦可與"雞竇","架步","一樓一"等地方,存在相同意義.這次獨自去魚蛋檔,大家不要想埋一邊,其實是大埔街市內的"欽記",全因此檔口與熟食中心另一間"洪記"一樣,只賣魚蛋粉,沒有其他,如果你說想吃牛腩,恐怕會被人恥笑.平日的中午,熟食中心有如賓墟,每一個檔口都有自己的地盤,在"三小姐"旁邊的欽記,一位難求,好不容易,才找到個"單丁"位坐下.淨賣魚蛋的欽記,來到極其量說:蛋河,蛋麵,蛋米,或者加底,走青,加料等等.此魚蛋粉的組合,是有魚蛋, 魚皮,魚片,但來到魚片已賣光,便加多幾粒魚蛋代替.魚蛋與洪記一樣,搓得細細粒,外型圓渾,魚味濃鮮,質感彈牙,沒有混合著碎魚骨在內,很不錯.魚皮酥脆,湯底比較淡了一點.另外上的辣椒油,論辣度不是太強,但感覺刺激,加少少連河粉一起吃,將本來清淡湯河粉活化.生意太好之緣故,由落單到魚蛋粉上桌,也要待上十至十五分鐘不等.賣$18一碗的魚蛋河,也是便宜.

今日去大埔踩單車 為咗唔食咁飽 加上欽記出名 特意到來一試這裏獨沽一味賣三寶(魚蛋,魚片同炸魚皮) 配米粉,麵或河粉 單拼18 雙拼或剩餸23 三款選擇無得你諗 一味要快 但我覺得最困難o既地方係嗰度D枱 基本上你坐邊都可以食唔同鋪頭o既食物 但係唔識分楚河漢界係好難搵佢哋落單 等了廿分鐘先有位 一坐底就點了兩碗 那位女侍應說要等廿分鐘先有得食 那刻我心入面諗 一碗魚蛋粉洗唔洗等咁耐呀 但我都幾鍾意佢哋嗰份嚣張 不斷同客人講唔好等 叫第二間食 完全唔怕得失客人 郤又好多人願意等 唔怕畀人窒 幸好早叫 過多十分鐘全部售罄 想食都冇得食 廿分鐘後我兩碗粉到 一食確實好味 魚蛋雖然細粒 但係彈牙好味 魚片不過不失 個湯幾清 不算好飲 最重要係嗰d炸魚皮 平時我唔係好鍾意食 今日郤爭住食 真係美味非常 極力推介 加埋都係36蚊 抵食 單純食味道就好 但如果大家注重環境或服務的話 那就不要來了 可能你會受氣

前幾天去大埔找朋友. 朋友帶咗我去大埔墟街市欽記魚蛋粉. 嘩! 入面人山人海.等了十分鐘才找到位, 落單時伙計話魚蛋粉要等三十分鐘 .果然三十分鐘後魚蛋粉到.  先喝一湯. 湯底鮮味, 顏色清澈. 魚蛋有濃濃的鱼味但質地是軟軟的跟一般魚蛋有些分別. 朋友推介厚身有骨魚皮, 可惜賣晒, 只好吃薄皮, 薄皮味道不過不失. 河粉就淋了一點.

炸魚皮是魚蛋的副產品，潮洲人有個好習慣，就是不會浪費食物。用門膳和九棍魚肉做魚蛋，將魚皮(或有骨)炸脆來配襯味淡的魚蛋粉，為簡單一碗魚蛋粉增添層次，樣食客將門膳的皮肉骨一併吃掉。因為要將魚皮連骨都炸脆，火候很難控制，所以坊間大多只有無骨的炸魚皮。近年魚皮變得“妹仔大過主人婆”，自立門戶跑了出來變成零食，也成了火鍋配料，浸湯不浸湯吃，釋隨尊便，反而把忘記魚蛋了!香港人對炸魚皮要求也提高了，好吃的炸魚皮必需新鮮，以當天早上炸起最好，入口才夠香脆，浸了湯依然挺身，魚皮要薄粉也當然要夠薄，連調味也要講究。炸魚皮變得比魚蛋更受歡迎，給人家吃掉光了，那魚肉反而變成了副產品，難怪十多年來魚蛋粉價格沒太大得漲幅。今天兩口子來到了欽記粉麵，正是為了它的炸魚皮。欽記的炸魚皮有兩款，有普普通通薄薄的，也有有骨較硬身的，而今天來到正是想試試那有骨的。之前在蔡潤記吃過又濃又硬似石頭的有骨炸魚皮，本來經已心死，但看過雜誌介紹欽記後，從燃我心中的冒險精神，決定再探究它的美味真諦。來到時正直午飯時候，人很多，熟食中心內每張枱也加了膠凳，跟鄰枱的食客背貼背，坐在膠凳上還不斷被撞的感覺很差。同枱還有個小朋友不斷在包雲吞，

又係幾十年老字號，不過咁多年只幫襯過一兩次，事關本人由幼稚園開始就係洪記粉絲，可能因為細細個未懂食，屋企人就經常帶我去洪記。欽記既味道、用料、食材、手藝、辣椒油都跟洪記有八、九成相似，但依家全部變晒，係變差左 ~魚蛋鴛鴦加底走蔥 ~ 魚皮炸得脆口但好很咸。啲粉麵都過腍，麵發過龍又腍又無蛋香、粉就腍劈劈，湯又唔夠熱，只係溫。辣椒油唔同左，無左以前陣甜味，依家就辣左，但係又唔香。加底份量夠重，真係勁飽，唔似得其他麵檔加得幾條。魚蛋保持水準，魚味重而彈牙，好味。侍應阿姐好好笑容，好親切，但啲野食唔掂呢。只係廿蚊，勁平囉，但最緊要係好食，得個平字係無用架。

其實呢個欽記, 係佢未搬黎新街市之前,即係仲係舊街市(變左停車場了)果陣,細細個爸爸媽媽已經帶我黎食,直到宜家, 都食左10幾年了,幾乎每個星期日都會去食~佢d魚蛋粉, 唔只d魚蛋夠彈~個湯仲要好正, 唔落豉油都ok不過最好味既當然係佢d厚魚皮, 正! 魚蛋粉　　-> 今日d厚魚皮賣哂, 得薄果種　　-> 都係厚果d(即係有骨)好食d　　-> 水準一如以往~　　-> 不過係要等成半個鐘喲

在大埔綜合大樓三樓既大排檔,大多數都是由舊大埔臨時街市搬到此地,所以歷史悠久,味道亦有保証,但欽記魚蛋粉.........就以大不如前了!!在舊大埔臨時街市時,雖然只開半day,又熱又要等上好幾個字,仲要輪枱落單,又無得添食,但總係心思思想食,尤其是傳统魚蛋粉配魚皮,真正而家唯一可推介的,也是魚蛋粉配魚皮,但不要太大奇望,粉沒以前那般滑,魚蛋水準就一時時,時咸,時OK,但乃彈牙,仍可一試既........

朋友話佢次次weekend都會去呢度食旦河，重叫我一定要試下，佢話有情意結~旦河($17)︰一黎到，心大有d失望，因為個湯好透明，而且湯同河粉既比例差一點距離~一飲d湯，真係好淡，我先問自己o係朋友眼食野已經係淡，我都覺得淡，同行既友人話冇味~ 加左辣椒醬就有少少味~ 試個炸魚皮，都ok炸，不過聽講係佢自制魚旦後剩下既魚拎去炸，如果係真既，都幾有heart~ d河粉滑，好可以碗粉真係冇味...失望~

一碗炸猪扒面怎麽能滿足我的胃口，等猪扒面的時候我去隔壁的欽記買了碗魚蛋河。我真心覺得碗魚蛋魚片河如果不是有辣椒油的加持，根本比賣十元一碗的素質更差，河粉一舊舊不是散開來的，魚蛋超細粒，湯底如白開水。。。OMG

眼見大家評語唔錯，於是今日決定一試。首先服務的確唔錯，但如果唔係經各位介紹實在唔知有乜選擇。自己叫左河粉麵雙併，坦白講份量並未如想像中大，祗可以算ok，而且碗既尺碼太細，所以要食得比較小心；試一下湯底更加失望，鮮味欠奉；再試河粉同麵更加無言 --- 麵硬唔彈，河粉亦係硬同厚身，浸多一陣再食結果都係無分別。再試埋魚旦、魚片同魚皮，前兩者 '林' 唔彈口，後者有少少咸，不過浸一陣湯淡翻少少再食就ok。整體黎講，全碗粉麵同想像中有好大既分別，可以講係極度失望，相信唔會再有機會再試。賣點 : 價錢合理 ($17)、服務態度好缺點 : 粉麵魚旦湯底等完全同美味扯唔上任何關係

年廿九，上去街市買碗魚旦鴛鴦返屋企食吓，超多人，走去阿姐到ORDER咗鴛鴦加底厚皮外賣！唔好睇阿姐年紀唔細，但記性好勁，一個ORDER，啲客坐到周圍到係，佢到可以記到，勁！外賣咗返屋企，一碗加底嘅魚旦鴛鴦真係好大碗，多到食唔晒，又係用兩個碗分開盛上，一碗湯，一碗粉麵，返到屋企要用一個大碗合併，如果唔係啲湯根本倒唔到落碗粉到。倒晒啲辣椒油落碗粉到，勁辣呀，但好正，河粉就淥得時間唔夠，因為中係一嚿嚿。今日嘅魚旦幾爽口，魚皮都夠脆！^^

呢間魚蛋粉，我由細食到大，讀書時期差不多一星期食3-4次。而家人大咗，因工作關係，亦搬了出九龍市區住，都較少去食。最近星期日返大埔整頭髮，見有少少時間，就上去街市食返碗。我最鍾意食佢到既鴛鴦(即2種粉麵)，而且魚蛋好爽好有魚味，但最好味莫過於佢地既炸魚皮，因為而家好少地方真係用魚既魚皮做，炸得好香而且連魚骨都炸得好脆。而佢地既麵亦唔係到到食到，總之一句~超正。

大埔墟街市內的熟食中心"欽記"絕對是食魚旦粉首選,不過坐位有限,絕對要眼明手快呢度d魚旦唔好睇佢細細粒,不但夠魚味而且仲好彈,魚片雖然薄薄地但一樣咁好食,我最鍾意係佢跟埋炸魚皮,d炸魚皮好鬼香口好味,有時食一碗未必夠,我會去"阿婆豆腐花"食埋碗豆腐花就剛剛好

今日心血來潮想食欽記魚旦粉，其實星期六，日唔主張去食，因為會細碗啲一去到大堆人，所以我一定係外賣，早餐連午餐，把心一橫，阿姐：「鴛鴦加底厚皮！」，前排開始，欽記又做咗一啲為外賣客好，但唔環保嘅舉動，就係麵還麵，湯還湯，每一個碗收你一蚊，搞到一碗粉要$21，實在有點過份，最搞笑就係普通又係用呢個size碗，我加底又係呢個size碗，咁即係點呀？返到屋企打開碗粉，根本你冇可能將碗湯倒晒入去碗粉到，我又要搵隻大啲嘅碗去將呢兩碗嘢合拼，又要洗碗，食外賣就係唔方便快捷啫，真多餘！講返食物，今日嘅魚旦唔錯，頗彈牙，麵係用熟麵，淥得冇過林，好味。其實成日睇雜誌都有提及呢間魚旦粉，我由細食到大，由臨時街市，食到依家呢個豪華街市，其實論服務真係冇雜誌所講嘅寸到極點，短短三、四分鐘，見到落單嘅阿姐對每個客都係極有禮貌，多謝前，多謝後，客客氣氣，比外賣我時仲講：「小心呀，阿妹，多謝！」唔知道點解本雜誌次次都話人寸，我諗...寫稿果位人兄對禮貌有極高要求吧