歇腳亭 (已結業)

叫朋友幫我買 平時都飲開㗎喇 明白有時配料唔齊 但喺其他分店買店員都會講聲 無西米就唔飲楊枝甘露啦😂比在平時我自己都會轉其他嘢飲真係第一次遇到無配料直接拎其他嘢俾人🤷🏻‍♀️買得就係要齊d嘢 真心好無禮貌嘅 做唔到杯野飲就唔好接單或者起碼問下睇下客轉唔轉野飲🤷🏻‍♀️突然由西米改寒天比人🤷🏻‍♀️完全唔係嗰回事😂無西米嘅楊枝甘露講出嚟都幾好笑…完全唔啱飲…俾錢買難受🙏🏻又嬲又晒錢🤷🏻‍♀️

今日收工撘車時收到老公嘅order要杯珍珠奶茶大嘅自己就唔係太想成日都飲 手搖店但係每一次老公想飲珍奶 都順便嗌埋一份當係獎勵下自己啦咁今日如常都係去藍田嘅歇腳亭嗰度買嘢飲因為自己其實都買過好多次買慣埋熟收銀呢個女仔之前未見過同埋指甲非常之長吖我仲喺度諗點解做飲食業啲指甲可以咁長因為我知道做飲食業其實係唔準gel甲嘅何況佢啲指甲係超長咁跟住就買咗杯珍珠奶茶甜蜜乳霜芒果綠茶 咁我order時候就話要杯珍珠奶茶大喇甜蜜乳霜芒果綠同埋買個膠袋因為其實環境好嘈啦所以女職員聽我order時候其實已經盡量個頭哄埋嚟聽我講嘢我自己講嘢唔係太大聲所以我覺得哄埋去同佢講嘢因為大家都有帶口罩唔怕口水會噴到對方女員工話佢聽唔聽唔到最尾嗰句講乜原來佢聽唔到第二杯我係嗌咩嘢飲佢問我你係咪想要芒果綠茶我諗咗幾秒我就話係 因為芒果綠其實即係芒果綠茶簡寫佢畀咗張單我等咗一陣我先發覺原來張單個價錢係貴咗佢係幫我落咗芒果綠茶加甜蜜乳霜 佢而唔係幫我落咗甜蜜乳霜芒果綠 因為我次次都係買呢兩杯嘢飲所以基本上我都見過價錢係貴咗不過我就冇出聲啦因為我都知佢好明係新嚟嘅其實貴幾蚊我都冇乜所謂嘅到我拎野飲換左第個接更嘅員工講叫我下次

放學之後，心郁郁想去飲杯台式奶茶，就叫咗平時最鍾意飲嘅仙草凍奶茶，25蚊大大杯，走冰走甜，即使走咗甜都未至於話好談，而仙草凍更是很滑溜， 製作過程都好快，唔需要等很耐。

臨收舖嗰陣買咗杯double全家QQ奶茶，因為平時都有飲開唔知係咪因為臨收舖無心機沖，飲得出同平時係好唔同難飲咗好多，如果阻你收工會係無心機沖咪話收咗舖囉俾錢買難受

🥤寒天奇異果綠茶本身expect呢杯飲品會酸酸地，但最後係甜多過酸。我嗌左半糖，但依然係好甜。飲品係綠茶底，但可能因為糖漿太多，所以令到茶味唔出，好似飲緊糖水咁。

因為好近地鐵站所以成日經過都會就去買番支嚟飲，係因為見到有個幾靚嘅姐姐喺度沖嘢飲，不如最好飲嘅就係芋香混珠奶茶荔枝椰果奶茶同埋布甸奶茶，多珍珠又夠飽，有時仲可以當一餐正餐咁食。啲珍珠好彈牙(唔似一啲林啤啤嘅珍珠)想飲但飲嘅珍珠奶茶就食呢間啦

近年嚟有關黑糖嘅飲品喺香港都幾流行，成日經過見到唔同嘅飲品店都有好多人喺舖頭外面排隊。今次行經藍田匯景商場，見到有歇腳亭，聞到甜甜嘅香味，心思思都想飲番杯，於是就買咗杯 😋冲繩黑糖烏龍奶茶 (凍) ($22) (加珍珠$4)Oolong Milk Tea with Brown Sugar and Pearls- 烏意茶味道都幾突出，茶底都幾香濃- 黑糖味道都好濃，甜甜哋，雖然係黑糖，都係成杯嘢飲都唔會好甜- 大小珍珠size唔同，成個口感層次提高咗質地Q彈，食落煙煙韌韌，好有咬口如果下次有經過歇腳亭嘅分店，一定會再飲番杯😋

個收銀掛住玩手機唔理你已經算，買完杯野問佢有無紙巾，明明眼前就有都話無，我話：咪有囉之後就話唔比得，買凍飲比張紙巾是正常不過的要求，估唔到都唔比得，仲要西你面，比錢買難受

每次經過藍田匯景都一定會去幫襯share tea買杯手感芋頭鮮奶飲夠晒凍又有濃濃芋奶味最鍾意它既細細粒芋頭口感芋粒大小剛剛好~最怕太爛的芋泥口感味道又唔會太甜 值得常飲 哈哈

得兩個員工，收錢個個又無表情又無禮貌，好似我得罪佢咁又無主動問要咩size，直接幫我揀買，芋香珍珠奶茶超級難飲飲左幾啖成杯掉左，啲芋香粉未搞暈唔到有一粒粒既粉，飲落去成杯野好‘結’，好其怪

前日買左啲小食，小食有啲辣，所以去買左杯大蜂蜜鮮桔飲，解辣一流，不過我唔記得左叫少甜，我就覺得有少少太甜，下次如果要買，我一定會少甜少冰！不過，整體黎講都好好飲既！

今日經過藍田匯景嘅歇腳亭心諗好耐冇飲過就嗌咗杯凍嘅黑糖珍珠鮮奶其實之前我飲過覺得唔錯點知今次呢杯唔知咩事啲鮮奶好似用水溝過嚟 超多冰 黑糖珍珠都幾好食今次啲奶真係唔係好掂 好失望添

自從黑糖珍珠奶茶好hit之後,我就去到邊飲到邊,今晚又突然間想飲,屋企附近有得一間有得賣, 咁唯有都頂住先!由於去到嘅時候都已經九點幾，完全冇人等，即刻叫咗一杯黑糖珍珠鮮奶茶，心裏面打定輸數冇得同銅鑼灣嗰幾間出名嘅比較，但一試之後又唔係咁差喎，黑糖味好香珍珠又有咬口，係略嫌甜左少少，但基本上同銅鑼灣果幾間都好近似，以後如果好想飲都有得頂住先啦！

掃街黎講，有野食就一定要有埋野飲藍田匯景選擇唔算多，要麼許留山要麼歇腳亭，講真，今次可能係我第一次飲佢既產品事源係聽人講，近期大熱既黑糖鮮奶，佢唔使排隊得黎唔錯咁咪試下囉都係聽人講，佢d 黑糖好似好甜下，咁咪諗住少甜，原來無得少甜即係咪本身杯野係咪除左黑糖珍珠已經無落其他糖先然後諗起想少冰，呀冰都唔可以少架和唔通驚少左冰要加多d 奶(後尾飲到底，發現勁多冰，多到有成半杯，我飲其他間都未試過好啦，買完，現場有3,4個人買左飛一齊等緊嘩，沖幾杯野都等左3個字到先拎到濃乳厚黑糖珍珠鮮奶（hkd30@1)見到唔係用日本牛奶都真係算謀取暴利，雖然對比起其他出名店鋪黎講，佢真係唔算要排隊（不過無咩人都等左3個字，味道黎講，d 珍珠比濃厚黑糖包圍住，搞勻d 先好飲，算係中規中距啦。同樣hkd30蚊杯，不過我寧願排隊飲老虎堂。多謝收看

態度差到一個點，排我前面個兩個大媽買兩杯野飲時，已聽到有個職員大大聲呼喝個客。到我時，我一如以往咁order 珍珠奶茶加胚芽，一直都冇咩問題，今日第一次係匯景呢間買，就個職員又彈出黎話唔得咁買，要胚芽奶茶加珍珠咁買先得！（其實實際上都係一樣既野，點解要咁執著？）我問點解，有咩分別，個職員講左一大輪野，意思兩款既糖有分別，我話飲左咁耐都冇分別！跟住佢講重點，公司要求咁點，因為價錢相差「$1」！我就話哦！為賺多「$1」就可以迫客俾多$1，你要我咪豪俾你囉！其實已經唔係好飲，仲要受咁既態度！唔係突然想食珍珠，匯景只見得呢間，唔係都唔飲佢！真係倒錢落海好過！