歇腳亭 (粵發大廈)

营业中

休息中

以前喺大埔返工💼,收工成日嚟飲返杯珍珠奶綠🧋~今日經過附近食晚飯,見到佢新出咗兩款勁靚嘅甜品😍😍!少女心嘅粉紅色夢幻花漾QQ杯有花茶水晶啵啵🌸~食起嚟有啲玫瑰香,仲有啲花茶凍同蘆薈🪴~而淺啡色嘅晶鑽粉粿QQ杯就有冬瓜茶水晶啵啵🫖~仲有水晶凍同埋粉粿QQ~呢兩杯甜品都勁igable📷~我一拎到上手,旁邊嘅小妹妹都忍唔住流露出艷羨嘅眼神🥺~鍾意食彈牙甜品嘅朋友😋~呢兩款水晶啵啵有樣有食力💗,記得唔好錯過!Klook 3%優惠碼: HELENCKLOOK

夜晚同屋企食飯，食飯前買返杯楊枝甘露。🍹🥭呢一杯好似之前夏天都冇見過，應該係新出嘅睇個賣相都OK，比想像中好飲，都食到好煙韌嘅西米，好香芒果味，不過飲到最後就有少少淡。

台式的手搖飲料，無論在台灣、香港，甚至在已經興起飲這玩意的國家與地區來說，是一個非常方便的飲品。以香港為例，當我們開車出門，甚至是行街行商場，總會遇到一間台式飲品店，買返杯台茶，隨走隨飲。是次，人在大埔而又沒有需要入大埔墟。本以為會同一杯珍珠奶茶無緣，但太太突然記起，近賽馬會診所那頭一有間，於是我就開車入大埔舊墟，而就在路邊，我就看見可愛的《歇腳亭》了。我就把車泊在店前，買奶茶。這次只要了一杯珍珠奶茶。可能是老闆在場，店員都非常之落力去服務每一位街坊。我的一杯奶茶，茶色雖是普通，但飲落口，茶味同奶茶絕對是一個 balance。而且，粉圓給得夠多，感覺就是份外的開心。因為，飲珍珠奶茶既目的，其實就是想要多一點粉圓，邊飲邊咬下而已。幾好，幾快手的一間珍珠奶茶店。最開心的地方就是可以把車泊門口，即買即取即開車走。

一般人喝台式飲品，都會選擇珍珠奶茶，但我每一次來的時候，都會選擇學黑糖珍珠鮮奶，因為實在太好飲了，前提係如果你唔怕肥的話，黑糖珍珠的味道，擁有非常濃厚的黑糖味，絕不虛假。

夏天熱辣辣最想飲清涼野，成行成市嘅台式飲品店百花齊放，今日行去太和火車站，經過歇腳亭買杯珍珠奶茶。落單叫左杯最熱賣嘅珍珠奶茶等左足足20分鐘先有得攞，不說其受歡迎程度有如深圳喜茶，要等20分鐘，如果真係咁受歡迎都值得等嘅，不過點解要等咁耐，原來係因為有朋友光顧（舊職員），除了要先幫朋友整，還有全店職員不忙同朋友聚舊，令落單，出單，出飲品次序大亂，令先買應先享受嘅客人要等十五二十分鐘。遇到朋友閒聊其實無可厚非，亦不能阻止，但是飲食業員工應該要尊重自己工作，尊重顧客。

約了閨蜜新居，佢先車我哋一齊去到大埔墟附近買外賣，先去呢間買台式飲品，去到門面好細，一貫紅黑招牌，只有一個櫃檯，一個叔叔看店，店內外全部係餐牌，台式飲料選擇好多，花多眼亂！我哋先落單，之後買好其他野再返來攞，返到叔叔剛好包緊，佢仲好好，知我要影相就停手等我影埋先袋！仙草凍奶茶（$18）獨立封口，唔會倒瀉，涼粉滑溜爽口，叫了3分甜，奶茶茶味幾香滑，3分甜所以仲飲到茶甘味！好味！手感芋頭鮮奶（$28）閨蜜飲衛生方便，又好味，配料選擇多！又可以揀甜度，大愛台式飲品

唔使＄20一杯珍珠奶茶，要求唔會太多啦！店員服務都OK！比完錢排隊都要等5-10分鐘，通常去大埔踩單車，我都會黎呢度買奶茶飲。因為單車可以泊係前邊望住，企喺度飲完先走又得。款式真係花多眼亂，有人揀咗淺紫色嘅芋香珍珠，甜到不得了，真係得個甜字，甜到飲唔出係乜嘢味道，不過反而咁樣佢話啲珍珠甜甜地幾好味，又有咬口。珍珠奶茶啲味就唔夠茶味，亦都係太多奶，我明明已經講咗少甜，不過最後變咗小冰，甜到來自台灣，算係不錯。

細細個開始就係奶茶精，日日都想飲杯奶茶，有時買唔到茶記奶茶就會買台式奶茶！成日未飲過奶茶，奶茶癮起去左歇腳亭買仙茶凍奶茶！可以選擇甜度，我不愛太甜，當然選左微糖，加埋小小涼粉甜度剛剛好！我更喜愛仙茶多過珍珠🤣大大杯$18最近加左價，係消暑同頂奶茶癮的選擇！另外值得抵讚的係這間店的職員及老細服務良好，係另人繼續想光顧的另一個原因！平時有好多學生起到買，今日好彩唔需要等好耐！lucky 😆😆😆😆

今日天氣悶熱，行過歇腳亭買咗杯細嘅珍珠奶茶飲，雖然加多兩蚊有杯大，但一個人真係飲唔晒，唔想浪費，我要左3分甜、少冰同混珠！我覺得3分甜啱啱好，唔會太過甜，同埋我好鍾意珍珠同奶茶一齊嘅感覺，滑嘟嘟的，真係好鍾意飲！

食完脆卜卜天婦羅..想飲D野降降溫 行行下見到歇腳亭既BANNER..新出既幻彩飲品好似好吸引 買左「星河鳯梨冰」同「海洋青檸水晶」 搖兩搖就有好靚既漸變效果.. 真係好靚呀!!!!! 「海洋青檸水晶」好FRESH味道不錯.. 但酸左少少..又酸又冰..成個人醒唒XD 「星河鳯梨冰」甜左少少.. 貪得意而買.. 一次就夠

歇腳亭款式多多 揀都揀有排 朱古力奶茶？普通珍珠奶茶？不如試下新既花茶 漸變式 超fancy 但真係貴d既 排隊時間都唔長既 都係等五分鐘就可以 芋頭奶其實都not bad 可試！

飲品對辨，價錢相宜。飲品足料，綠茶益力多倒足三支益力多落去。另外，最欣賞係兩位老闆非常敬業樂業。兩位永遠滿臉笑容，態度一流，勁Nice。人客叫熱飲，老闆會主動問陣間飲(整熱D)定即刻飲(無咁燙)。有次鋪頭無哂益力多，老闆即刻去隔離便利店買。又有次想加布丁，老闆有錢唔賺，主動同我講加左會無咁好飲。老闆沖得有心，人客飲得開心。