歌德(美式)餐廳酒吧 (已結業)

見到在豉油街口的易拉架，標明啤酒全日買一送一。於是昨晚便去了一試。坐下後，侍應好鬼忙咁行來行去，要個餐牌都要等勁耐。之後，點了一客雞軟骨和兩杯嘉士伯生啤(因為冇其他選擇)。兩杯生啤先來，入口都係咁啦，冇乜特別，跟住飲了差不多成杯酒，雞軟朤都未到，催了3 次，酒過幾巡，雞軟骨終於來到。賣相好得，入口都ok，夠脆同醃得頗入味，蘸些晒了七味粉的沙律醬同吃，更滋味。跟著因酒完，所以買下侍應是否買一送一，誰知侍應話唔係，只有一款樽裝啤酒做緊此promote，我跟同理論了三句，也是沒結果，佢堅持沒誤導，算！我都冇嘢好講，只有一句，冇下次囉。

呢間除左用"不知所謂"來形容, 都無乜詞語好用1) 叫左好耐杯水, 次次都話等等, 三四次先有2) 食物普通, 你係屋企都食到的意粉.3) 四週d人食煙, 有想死的感覺.

好耐唔同老公與亞哥出旺角食飯，老公話女人街多左好多新食店諗住試下啦！咁亞哥話想食西餐就見經過Co Co Duck咪試下囉，以前去過荃灣個間D食物都ok好食咪同佢地試下！入面裝修環境好舒適(有D似老尖M1劈場)，服務都唔錯(雖然佢地班侍應都有D感覺係"港式西餐服務態度")！點知…加$22個餐湯同餐飲就出事啦！我老公食緊個set salad時就食到幼綱絲，仲刷損左口腔！咁我老公就同侍應哥哥講，點知佢"二話不說"就走個salad，過左一陣D野都無人埋黎講話知道呢件事及話同餐廳經理溝通一下！跟住我就同一位應該係餐廳經理講啦，先同我講去了解件事，因為佢話無人同佢講有咁既事情。o個個moment比我感覺係咪唔出聲就當無事發生，之後有位哥哥(同我落單o個位)解釋話佢收到同事通知去廚房了解！當然我相信無餐廳想有咁既情況發生，但係我直覺一間餐廳發生呢D特別情況係咪要即時去問下個客有無事(有無整親)？而唔係去廚房問個明白。咁如果個客向個場落樓梯跌倒時，咁餐廳負責人應該點做呢？希望呢件事之後佢地知道有呢D特別情況時應該點做啦！有一樣值得一讚既係個黑豩西冷好爽好多汁，唔係亦唔似D普通豬扒厚切！不過如果十點半後

早幾晚一行六人到此晚餐...本以為所有食肆禁煙之後, 不再要食二手煙....同行的也有是吸煙者, 起初還很自律, 他們會到店外吸煙, 但後來發現附近也有人在場內吸煙, 他們就向職員取了個骰盅當煙灰盎, 場內職員不但從無勸阻, 而且更視若無睹....煙霧餐廳!要了幾份牛柳, 當中有要7成和8成熟的, 但來到卻是一樣的半生熟...

今日好偶然地去左旺角,同朋友想搵間靜靜地既地方食飯傾吓計. 上到去得幾枱,個環境ok.兩個人叫左,1)nachos2)buffalo wings3)papaya shrimp salad個nachos有d噥,叫係三個入面最好食.雞翼就唔係buffalo style,想學又學唔足. 沙律,真係差($78),係一嚿嚿木瓜加幾隻蝦撈d 普通既salad dressings. 另加一杯凍0蜜, 同加$22跟餐價(包drink + soup)其實都知唔係咩美式餐廳, 不如話西餐重好啦!

星期六晚睇完戲已經十一點，外面人頭擁擁，唯有轉入女人街搵食。今晚想飲西湯，紅或白湯，就吃西餐啦，看到這裡還有宵夜。上到去無乜人喎，原來係bar 來的，有幾台睇波，有幾台吃飯。坐得幾舒服，好開心人無人吃煙，如果未禁煙我係唔會上來的。order去煙三文魚沙律，三十多元，好細好細碟，加了廿二元轉餐，怎知無紅白湯，得黃湯，南瓜忌廉，其實係南瓜鷹粟粉"顯"湯.... order了一個什扒，十分之咸，求祈食左就算。但求可以坐下，點知一食完餐飲都未到就收晒d野，碟刀叉都唔緊要，連tissue 同埋餐紙都收？我地又未賣單，一定唔會再落order嗎？算吧啦~ 走的時候見到有人煲煙，唔通呢度就係申請左豁免禁煙既地方？

同個好耐無見既朋友食飯, 地點朋友就選呢度, 因呢間已經係旺角算幾好坐晚餐栗米湯- 望個樣好稀沙律- 望落去幾新鮮, 但食落帶點苦白汁煙三文魚扁麵- 煙三文魚份量都幾多但有D腥, 個汁又係太稀同淡, 麵亦太淋凍O茶芝士辣醬栗米片($38) - 份量都幾多, 以咁既價錢都幾抵食, 焗得幾香脆用來送酒唔錯

與友人在旺角搜尋食肆時被待應非常熱情地招待,所以到來試試裝修都幾勁,成層有3間,包晒中西日式,最後同朋友去食西式~各自點了一個main course,我要了露荀炒天使麵,朋友叫了鰻魚炒飯,main course 送salad & bread,但要加$22 先有soup & drink,service 很周到,bread & soup 亦很不錯,salad 就一般啦,多菜少醬,但..........main course 很爛.......炒天使麵勁多油,多過平時去食"干炒牛河" 個d,朋友的鰻魚被切到極細粒,食左入口都唔覺~食物真的有待改進,但裝修氣氛service都很好不過這樣的食物似乎不值此價所以我唔會再去西餐部

午餐.....其實睇餐牌d野食唔算好吸引.....不過我向來鐘意試新野......不過,都只係叫左個唔知咩咩焗豬扒飯咁~因為其他果d個人唔不太喜歡~1個餐有沙律,餐包,餐飲,主菜~算係咁~我自己叫果款我就ok鐘意,個fd個龍琍柳意粉都ok~另外果個就唔知了.....食物普通左少少......有勁多部TV~有有線的~睇波就岩.....有1隻小小小虫虫向隻碟度,扣分~

地方是難找一點，但是格局不錯。雖然有一道菜錯了，侍應的態度(要讚senior supervisor, Terry)很好。食物質素可以，最愛魚柳。3人食，$261。