歐樂仕飽餅專門店

营业中

休息中

自從買過一次呢間麵包店的麵包後，再冇去過其他麵包店，每次都只幫襯呢間麵包店。食家兒子未夠2歲，都食得出呢間啲麵包較好食，點名要食呢度的麵包。平時光顧次次都有3-4人排隊，每次5pm 後去都只剩返少量餐包選擇，好多都賣晒，只買到方包。呢度啲麵包好受街坊歡迎，日日新鮮。款款麵包都好實在，真材實料的麵包，不是空氣包/空芯包。傳統港式麵包中，兒子最喜歡提子包（好多提子）和叉燒包（好多叉燒餡）。前排推出的酸種千層酥蛋撻買咗好多次，每次都食得出麵包師傅有不斷改良不斷進步個蛋撻皮，令到個酥皮好脆口，食得出好有心機做，好有心去令啲食物更加好食。同埋價錢實惠，唔洗$10就食到酸種千層酥蛋撻，街坊價好親民好鍾意！唔洗去hashtag B排隊食貴貨呢排臨近新年，見出咗多款中式賀年食品，角仔食得出有花生醬喺入面，另外食咗個芋頭蝦酥餅，好香芋頭味，手工食品，好脆好好食！

放工走過小店，見到漲卜卜的皮蛋酥，就慰勞一下自己的辛勞，9元正，小店舖來說感覺有點貴，但看了看其實體積又係比其他店舖大少少的，所以價錢上仍是接受得到的。小店姐姐算細心，問我使唔使再包好啲！我回應不用了，因為我要速食一族。打開紙袋，個酥本身一定唔係熱，望落去算完整，酥皮無散閙。咬入口！嘩！驚艷的紅色紫薑，－大片，絕對估唔到，紫薑下皮有大半隻皮蛋，反而平時色住皮蛋的豆蓉就是薄薄的一層，整體唔算甜，但好有層次，看得出及食得出來的層次呢！除了大牌以外，小店的酥餅確實有亮點.

路過，肚餓隨便買豆沙酥及老婆餅，豆沙酥嘅豆沙蓉正，唔會死甜師傅話係自家打的。老婆餅，都好好食！仲好平，每件$6。常常話小店值得支持，其實應該係，要多謝小店，我哋街坊才有平靚正好味耶食！