正九清湯腩 (常安樓)

营业中

休息中

正九清湯腩係香港一共有五間分店，今日去左油馬地分店，我大約兩點左右到達餐廳，餐廳已經大排長龍，其中一半係大陸同胞，可見餐廳係國內受歡迎程度。- 崩坑腩河平時係香港麵店食開牛腩河，今次試一試其他牛既部位-崩坑腩。崩坑腩牛味非常香濃，肉質腍中帶爽，食落比較煙韌，油脂香非常豐富。河粉唔會煮到好稔，而且好吸汁，清湯湯底油而不膩，- 腐乳通菜腐乳同通菜永遠係最佳配搭，通菜炒得好翠綠，而且葉既份量比起根多好多👍🏻餐廳凍檸茶都唔錯😌除左崩坑腩之外，正九清湯腩仲有崩沙腩、爽腩其他美味既牛部位，下次一定要試埋佢！

昨晚在油麻地做完美甲，走去醫肚，行經呢間「正九清湯腩」，喺門口已聞到好香牛腩味，突然間觸發咗我嘅味蕾，於是走入去食個簡單晚餐。➰ 清湯牛筋河 （另加牛丸和蘿蔔）湯底味道鮮甜，牛筋好軟糯而且有彈性，兩粒牛丸夠曬Q彈有嚼勁，而蘿蔔又夠清甜兼冇渣，再配埋爽滑嘅河粉，簡直大滿足。➰ 腐乳通菜呢度啲腐乳通菜食過一次之後會上癮，所以係我必食之選。通菜灼到剛剛好，啲菜葉重好翠綠，配埋極香濃嘅腐乳醬，好鬼正。➰ 凍檸賓利賓納唔會過甜，配合埋酸爽嘅檸檬，感覺超正。

今日喺旺角行完街， 諗緊食乜晚餐， 又唔想食得太飽， 想清清地咁食， 路過油麻地見到呢間正九清湯腩， 餐廳有唔少香港人嘅comfort  food， 就入咗去試試。 餐廳環境算係一般裝修， 但係佢賣嘅係真材實料， 主打唔同部位嘅牛肉同清湯， 亦都有小食。 另外店員嘅服務好熱情， 令人好舒服。 我哋眼闊肚窄就叫咗唔同嘅菜式 1） 清湯牛三寶河（ 牛腩牛筋牛肚）- 河粉幼細軟滑，清湯清甜， 牛腩肉質嫩滑， 帶點油香， 牛肚爽滑， 牛筋軟淋， 值得推介 2） 正九牛肉羹河 - 老公覺得河粉爽滑彈牙，牛肉打成球狀， 食到新鮮嘅味道 3） 紅油抄手- 香辣美味， 餃子皮薄餡靚， 將河粉沾上紅油味道一流 4） 酒味醉雞- 肉質先嫩， 淡淡嘅酒味， 好香口 如果大家喺旺角行開街， 想食清淡， 可以嚟到呢間性價比高嘅餐廳！

哈哈今次嚟清湯腩挑戰唔食牛肉(bushi)其實係朋友唔食牛啦 所以就嗌咗其他嘢食可以share。🍜魚蛋米+紫菜 $38+8麵底選擇好多 幼麵粗麵伊麵米粉米線上海麵清湯底清清淡淡帶啲鹹味 無咩味精感👌🏻魚蛋同魚片各3件 口感爽滑彈牙唔係麵粉感 加嘅紫菜絕對係點睛之筆 索哂湯底嘅鮮甜味 🥟紅油抄手 $25第一次喺港式餐廳食紅油抄手 絕對係個幾新奇嘅體驗😙感覺似係菜肉雲吞配搭紅油抄手做法抄手皮薄餡靚 好容易睇到薄皮透到入面嘅菜肉餡醬汁麻麻香香帶啲黑醋香氣 係食完會好滿足嘅味道🥢腐乳通菜 $19兩個派別 有人鍾意炒埋一齊鑊氣滿滿嘅 有人就鐘意分開點我兩樣都鐘意🤣呢度屬於後者 都幾貼心脆嫩嘅通菜配搭鹹香濃郁嘅腐乳好出色！

今日係公司加班後。感覺好大壓力。想食好少少慰藉下公司上的壓力。所以隨街行找一間。可以令我心花怒放的茶餐廳。剛巧經過見到一間好有趣名字的茶餐廳。所以就入左去放鬆心情。**清湯牛腩/牛肚/牛筋**以其清淡而不失鮮美的湯底，展現了食材的原汁原味。牛腩的肉質經過長時間的燉煮，變得軟嫩入味，入口彈牙。湯汁清澈透明，卻散發著濃郁的牛肉香氣。每一口牛腩都彷彿在舌尖上輕舞，讓人感受到肉質的彈性與鮮甜，牛肚和牛筋則增添了不同的口感層次。牛肚的脆嫩與牛筋的Q彈相互交融，讓整道菜的口感更加豐富。清湯的鮮美與牛肉的香氣相得益彰，讓人不禁想要一口接一口，讓人感受到廚師對食材的尊重與用心。**腐乳通菜**通菜的脆嫩與腐乳的濃郁相互輝映，為整體的用餐體驗增添了一抹亮色。腐乳的香氣恰到好處，讓人感受到一種獨特的風味，既能解膩，又能提升整體的味覺享受。正九清湯腩 (常安樓) (油麻地)油麻地文明里11-13號常安樓地下1號舖

放工去旺角行街，朋友話帶我這間著名的正九清湯腩, 由於我非常喜歡牛腩, 這就正合我心意了.在眾多的選擇中, 我就點了牛三寶撈麵，裡面有牛腩、牛筋和牛肚，份量十足。淋身的牛腩，軟嫩的牛筋，搭配濃郁的腩汁，讓我吃得津津有味。朋友則選擇了咖喱牛腩飯，咖喱香氣四溢，搭配淋身牛腩和薯仔，絕對是必試的美食。+8元仲可以飲埋凍檸樂, 真是大滿足了.坐在餐廳等候食物的時候，留意到不僅僅是本地客人，還有很多遊客光顧，真的證明了這間店的受歡迎程度

同朋友在電影中心睇完戲後時間不早，大家都好肚餓就在附近覓食。經過見到正九清湯腩的店內還有不少客人，遂提議在此晚餐。既然店名是清湯腩，我和朋友們都是點牛腩麵食。牛腩可選肥、瘦或半肥瘦，任君選擇，加$8可揀崩沙腩、坑腩或爽腩。太餓的關係，我也沒思考太多，點最基本的半肥瘦清湯牛腩河。牛腩肥瘦相間，肉與肥膏比例恰好，肉質稔滑，帶牛味及油脂香。湯底清香夠味，不會鹹。河粉幼身爽滑，不會煮得過稔。牛腩河的味道著實不錯，難怪將近10pm，店內的客人也不會太少。

今年第一個八號嚟臨前翻屋企途中，落地鐵前見到竟然哩度都有間正九，里面有蔡瀾題字哦🤩梗食飽再翻屋企啦🤣🍜清湯崩沙腩粗面果然每塊都肉質鮮嫩，味道濃鬱，搭配清澈嘅湯底，鮮美又清爽😋要肥瘦落單時記得講哦😉🍝牛三寶撈伊面入味嘅牛腩、牛筋、牛肚和超能吸味嘅伊面混合喺一起，口感豐富層次，唔食必後悔😝🍲正九牛肉羹爽口彈牙嘅牛肉羹都系手工捏制，直接食或者搭配醋，碗底仲有蘿卜超開心😚落單嘅靚女好好人，見到我另外叫腩汁蘿卜提咗我呢個都有蘿卜，驚我太多👏🏻🥬腐乳通菜翠綠份量足，爽脆嘅口感與濃鬱嘅腐乳結合令到味道更加豐富😋食飽飽出嚟仲好好太陽，巨滿足😋慢慢走過對面就可以去搭地鐵好方便😝

我今日放工後，約同好友去位於油麻地文明里11-13號常安樓地下1號舖的正九清湯腩開餐，餐廳裏面，人頭湧湧，好熱鬧呀！環境舒適，坐得舒服。我點左個 清湯牛坑腩湯河，好友點左個 清湯牛三寶（牛腩、牛肚、牛筋）撈麵，另外點左個 淨菜肉雲吞1碗，油菜（芥蘭）1碟，飲品係 凍檸蜜1杯，凍菜蜜1杯。清湯牛坑腩比較清淡，原汁原味好多，牛味濃郁，有咬囗，河粉份量不少； 牛三寶的牛腩軟腍入味，牛肚好食，牛筋好味，麵質爽口；菜肉雲吞好咬口，芥蘭青嫩好食，檸蜜和菜蜜清甜好飲。

Fafafoodblog為食花太郎 正九清湯腩 🍴淨菜肉雲吞 42 蚊勁足料 應該自己包 菜新鮮 豬肉彈牙 餃皮夠薄 正 🍴炸魚皮20 蚊好香脆魚皮要黎點湯食正🍴咖哩牛腩飯62 蚊加哩汁甜辣適中 牛腩入味彈牙 仲有d薯仔撈飯 唔錯🍴清湯牛三寶河 64 蚊轉坑腩加8 蚊腩筋肚 爽彈牛肚 入味牛筋同轉左坑腩 好煙un口感帶d肥膏 d牛油撈埋d河粉一齊食 唔錯🍴腐乳通菜19 蚊🍴凍檸茶少甜加8 蚊#牛腩 #牛河 #牛筋 #牛肚 #炸魚 #雲吞Score 平均分< 7.5/10>Taste 味道：👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#正九清湯腩油麻地文明里11 至13 號常安樓地下1 號鋪~~~~~~~~~

要數香港人的Comfort Food，牛腩麵肯定佔一席位。清湯腩靠食材原味悉心熬製，要真材實料才做得出水準。爽嫩有咬口的爽腩、半肥瘦帶油脂香的坑腩、夾在兩層筋膜中肉質嫩滑的崩沙腩，啖啖牛味，再喝一口清甜牛骨湯，大滿足！清湯的味道不會掩蓋牛腩的鮮美，讓人吃起來非常舒適。而且牛腩富含膠原蛋白，對皮膚和身體都有很好的滋養作用。河粉有很韌的彈性，不會斷, 有彈牙的口感; 麵條通常會用煮熟的蛋麵，口感柔軟而有嚼勁，能夠更好地吸收湯汁的味道。牛腩和蘿蔔是一個完美的搭配，蘿蔔的甜度，清而不搶味，同時，蘿蔔也將湯汁吸收充分，入口鮮美味濃郁，正好能把牛腩的肉香襯托出來而不污染它的本味。

今晚想同屋企人食個快嘅，個肚子唔算好餓，路經呢間粉麵店，出名食各款牛腩、牛丸等，所以就入黎了：1）雙拼： 牛爽腩加紫菜米粉（飲熱鴛鴦）第一次食真正嘅牛爽腩，真係爽口彈牙的，一啲都唔黏牙，紫菜爽口，口感爽脆，唔會糊口嘅紫菜 。湯底冇味精㗎！熱鴛鴦：正宗港式味道，一定要試呀！滑溜有茶香，同時有咖啡香！2）牛三寶米粉（牛肚、牛腩、牛筋）+凍檸茶呢碗將牛腩轉牛坑腩試一試，咁樣就可以試到多一款牛腩👍🏽👍🏽👍🏽牛坑腩脂肪均勻，牛筋煮得夠腍，好容易咬開，牛肚一啲都唔韌，爽脆口感！你鍾意食牛的話，一定要叫呢個。凍檸茶有港式茶餐廳的水準，好飲！餐廳有舒適卡座，服務有禮，唔會催人落單，食店乾淨整齊，價錢合理。

在油麻地街边的一家清汤腩店，店内干净整洁，桌椅不多，用餐高峰期可能需要等位，建议大家饭点早些去或者错峰用餐服务人员态度很好，上菜速度也很快，无需等待太久，点完餐三五分钟就可以上齐菜品种类丰富，价格还算合理，有清汤饭和多种面可以选择，想吃重口味的也有咖喱饭和面、口水鸡等可以尝试我点了一份咖喱牛腩捞面，也有其他面可以选择，换成捞面要多加钱。咖喱很浓稠，是我喜欢的咖喱味道。牛腩一碗有十多块，块头都不小，而且炖的十分软烂入味，不会塞牙，老人也可以吃。但口味清淡的人不建议点这个，咖喱本身就咸加上捞面本身就带腐乳汁就更咸了，如果捞面可以不加其他酱汁就更好了

好耐冇食過清湯腩，經過文明里有間正九就走咗入去試吓。見正九喺唔同地區都有分店，的確令我好奇佢嘅質素如何。如果要叫坑腩爽腩崩沙腩要另外加$8 。我自己就編號坑腩咁所以就叫咗一個牛坑腩撈粗麵。因為食撈粗麵先可以keep到面質夠晒爽彈，呢個係我個人嘅偏好。牛坑腩唔算太肥，但都算係腍嘅。如果想食肥啲可以落單時同夥計講聲佢都會俾啲肥嘅牛腩你。成碟面係OK嘅。我另外加咗一份腩汁蘿蔔，呢個反而比到驚喜我。蘿蔔又甜又入味，渣都冇。食完蘿蔔啲汁仲可以拎嚟撈埋啲麵食添。

朋友知道我鍾意食牛腩，今日喺旺角附近食下午茶就大聲我哋呢一間係油麻地嘅牛腩粉麵，我哋叫咗每人一碗牛腩粉再加一碟魚皮，大家share🙈 今日就食咗幼面，呢一間店舖嘅位置都幾好坐，都唔會話太迫，如果唔係就好難進食🙈先講吓佢啲牛腩，牛腩嘅味道發揮我覺得都唔錯，肉同埋肥膏嘅比例，我覺得都可以接受，食落都有牛香味，而且咬落去唔會太硬，有少少驚喜，幼面就正常質素，整體同牛腩配搭好！魚皮就幾好食，非常脆口，兩個人分享一碟就差唔多，因為始終炸嘢，作為小食，我覺得好好食，有機會買返屋企打邊爐🙈🙈