正冬火鍋料理 (已結業)

今日午餐又嚟正冬飲茶，但今次唔食一盅兩件，而係試食簡簡單單的蒸餸飯❗ 不要輕看簡簡單單的“梅菜蒸鯇魚”飯，鯇魚嘅新鮮、梅菜嘅鹹香及蒸魚時間的控制， 一試便知廚師嘅功力；正冬廚師做到“恰到好處”❕最驚喜的是鲩魚底下放有豆腐卜，正❕所以嚿鯇魚畀我食到淨番條骨❗ 另外，價錢經濟實惠，加埋9蚊茶錢，都係💲41❗ 超抵食呀❗

今天難得跟老公撐枱腳，本來打算到OpenRice 👀火鍋推介，但他卻説試下正冬火鍋，之前食過湯底好正，而且門口可以👀車，8:30後不用等位，首先叫了醉🐔湯底連一隻大🐔有埋兩粒雞子，叫了一碟牛拼盤，有五款牛但只有兩款好食，要298元，也叫了雲吞拼水蛟，餐牌上沒有雙拼要問侍應的，但雲吞巳變，水餃也普通不過算不上好食，叫了一罐汽水，兩個人最後埋單660，最後我問他，你幾時食過，他說1年半前😨其實覺得頗差，味道不好，以後也不會再去

與老闆及同事下班後，選擇了這家火鍋料理試試。走進這家店，本來是因為地點方便，火鍋又唔駛諗菜式。點了象拔蚌刺身、手切肥牛、花竹蝦刺身、炸魚皮、菜、菇、響鈴，還有紅酒，飽到呢特別要推介手切肥牛，肉味夠鮮甜，有驚喜！花竹蝦刺身更加無得輸。整體價錢合理，待冬天到了，打算再去食多一次👍因為地點實在太方便，新鮮是推介點。

前日用openrice訂位,但去到太子正冬火鍋，店員話冇收到訂位指示，咁我比電話佢睇證明我有訂位，但員工話收唔到到位指示，咁我話冇所謂，咁我問佢用唔用到優惠10蚊一碟安格斯肥牛，未坐低又話可以，到坐落晒，又話唔可以用，不斷講講講，本來我都想走人，但朋友話算，唉，咁好。間野環境真係好一般，又嘈又迫，d野食又冇乜特別，乜野手切肥牛同快餐店打邊爐差唔多，叫左一碟牛，一碟丸，一碟豬，一碟鵝腸，再加幾碟菜，價錢都過千，唔會再黎。

一班同事臨時決定打邊爐, 見正冬有位就無諗咁多入左去。野食普通,牛肉無味, 就食物而言完全唔吸引,為左飽肚的話,根本唔洗俾依個價錢食一餐。叫加湯,結果淨係加左清水, 本來已經無味嘅湯, 更加無野需要形容, 去吉野家都有幾種湯自己加。雖然都無咩期待,但係真係估唔到, 連埋單俾錢都受氣。張枱就對正收銀隔兩步, 諗住唔洗麻煩人, 自己出去埋單,筆都無俾就叫我簽佢張單,之後碌完卡我自己走兩步俾同事簽,個阿姐喝住我,😕😕攞走走數咩, 攞埋支筆當紀念品咩, 有眼都知遞緊俾人簽名喇,仲 喂! 喂! 喂! 答完佢俾人簽名,仲遞番支筆同單俾佢。收晒錢就開始鬧客, 話點知邊個簽攞走晒d野...駡唔停, 同佢講 , 之後阿姐出絕招話人咁無禮貌又咩咩咩...哇! 想輕鬆食餐飯, 點知攞黎賤, 做咩自己去櫃枱埋單, 埋到俾人鬧。阿姐文化唔同, 趕客走又如何

天氣開始凍，今晚就同家人一齊到旺角試一間新火鍋點先晚上7點30到店，都未算太多人，而餐廳內並沒有卡位，全是圓桌，但係又唔會太逼，因為佢會係每張桌既隔離放一張長方形小桌放置火鍋料，所以桌面上唔會放到無位擺。大圈為芫荽雪梨湯底，清清地，而中間則是麻辣底，鴛鴦鍋不用加錢。麻辣鍋底見到有好多大辣椒，麻子數量則不多，而面層都多油，入口只有辣，沒有香，並沒有麻，對於嗜辣之人一定會好失望雞身較乾身，骨頭較大，肉質並沒有雞味，相信是雪藏雞，完全沒有新鮮的味道。生蠔洗得算乾淨，但蠔身較細粒，沒有太大的腥味，可一試。羊肉片有輕微的”so”味，不會un，肥瘦分明，算是不錯。全晚最喜歡及有驚喜一定係呢道魚卜，因好少火鍋店可點，而且價錢也不貴，好有咬口，好味道！埋單三個人連加一菜水，合共$499，價錢可接受，但食物就真的平平，如是不貴的自選火鍋可一試！

朋友轉左新公司工作, 大家下班時間都晚, 所以特登搵左這家地理位置較方便的火鍋店聚一聚舊。哩間火鍋店都幾好, 有火鍋又有刺身,價錢方面都算合理既。店員推介左個大大隻象拔蚌兩食, 既可以刺身食, 又可以放落去打邊爐, 好新鮮, 好清甜。之後我地都有order多個鯛魚, 但係份量就無象拔蚌咁多, 魚味唔係好濃, 不過都算幾fresh下既。不過火鍋配料就普普通通, 我地有叫到一盤大既本地手切牛肉, 但係味道上一般,  份量亦唔算多。跟住都有叫到脆肉骨腩, 但係就唔係幾抵啦, 得2舊魚腩, 大部分都係魚骨, 魚腩, 其他既四寶丸和枝竹就普普通通剌。

Countless times eating at this hotpot branch and always a pleasureThey now offer more dishes on the sashimi part (geoduck for one, priced at 490$ with some free dishes) but we remain sober in our choice.This time we tried the crab soup hotpot (195$?), there was indeed a crab shell but to be honest there was not much crab flavor in it. Better stick with the spicy or pork bone or fish soup.We got 2 rounds of A3 wagyu beef (250$ each), dumpling, meat balls (the cheese balls were missing the cheese

收到想食雞煲宵夜，路過正冬見到宵夜時段半隻雞鍋都係四十幾蚊，好唔好都試下啦一黎到個煲超大，入面肯定唔只半隻雞，同埋係亂汁，雞尖都搵到三隻。。不過呢個唔係重點唔知係咪我唔鍾意甜食既關係，我覺得個煲實在甜得好唔正常，係落左蠔油加大量糖同味精，慌死 D 客飲酒飲到冇晒味覺咁，加埋湯都仲係沖唔走陣甜味，最勁係連豉油都甜都冇朋友。。講返火鍋料，叫左碟手切牛，好食，好大碟另加左碟菜，又係好大份總括黎講如果想平同食飽飲酒既話黎正冬完全冇錯，又或者鍾意甜雞煲都可以試下，可惜唔係我杯茶。

   勁鐘意打邊爐嘅我！叫啲刺身食住等當然少不了！今日見經理過嚟話象拔蚌抵食就試吓！全部食物都好新鮮！個子母鴛鴦湯底水準都好好，中間四川麻辣湯夠麻又夠辣！外面嘅清湯底有蘋果丶雪耳夠曬滋潤！$468一條象拔蚌咁抵食去邊度揾？😝

約咗13個朋友去試下正冬～訂咗8點半～去到唔洗等位～店內環境一般，比較舊，而且無電視～環境比較窄，枱同枱之間距離好近，好易撞到後面講反野食先～都係例牌會叫牛，響鈴，手打丸，炸魚皮，魚片菜嗰啲牛肉幾香同滑。響鈴可能皮太薄，一夾會斷開兩節。其他野一般～無特別另外我地叫咗3種刺身，象拔蚌，生蝦同生牛肉～味道一般，夠爽口，但部分有少許腥味生蝦好普通，可以接受，不過唔會有「梅」既感覺生牛肉就真係無乜香味，同埋太過薄，夾都難夾起埋單每人$250左右，以有叫刺生黎計唔算太貴不過質素只係尚可接受，所以下次會試其他火鍋店～

昨晚想打火鍋，朋友見不用等位，就入去坐低左，以為價錢貴，所以人不多，點知，唉1. 手切牛肉又老又鞋.........冇乜牛味，食完碟牛都無 mood 再 order2. 叫水餃，但又黎左雲吞。雲吞形狀又奇怪3. 鵝腸最好，油香肥美4. 菜，山根，四寶丸，，雞肉，其他野都係一般成日上錯菜，d 野又麻麻，唔怪得旺角都不用等位

好特別好好味, 麵包蟹多糕就唔洗講. 食到中尾段d蟹糕味染滿整個湯底, 成個湯底好多蜆肉好多菇. 食唔晒 仲點左- 牛肉粒 <---- 好難食, 咬唔到- 美國桶蠔 <-- $128得4隻, 不過好大隻- 四寶丸- 娃娃菜- 魚麵- 豆卜汽水 *22個人6折後埋單$52x, 環境麻麻有人食煙不過預左, 服務麻麻地, 唔點理人 

去完婚展落旺角八點幾，想打邊爐又唔想等，於是就行入正冬，第一次亦相信係惟一一次。樓下個層無晒位，我地坐上一層，感覺好差，樓底矮，又有橫樑，企起身都頂到，不過見坐低食又唔想周圍行，算啦。重點評論：鴛鴦鍋：出面鴛鴦通常係清湯配沙爹，而佢係清湯配麻辣，都無所謂，但個麻辣係我食過咁耐最難食！辣係好辣，但一d香味都無不特止，仲苦既！淥左d竹笙同肥牛，真係好難入口……清湯個邊，就係好清……肥牛：個侍應話幫我地落個"中"既肥牛，我地三個人，又唔算特別好，就"中"啦，拎到埋黎，好大碟下，以為咁抵食，望一望餐牌，原來佢唔係分"大""中""細"，而只係得"中""細"，咁即係大啦…覺得有d唔老實，不過怪就怪自己無睇清楚啦。生蠔：有6隻，上台已經唔大，淥完之後都好難搵下，無咩肉食，口感相當麻麻。其餘我地叫左竹笙、羊肉、雲吞、白菜、四寶丸、墨魚麵……實在乏善可陳，尤其係湯底已經糟糕既時候。我地仲叫左渣夏枯草，見住佢用支裝鴻x堂既倒入個壺，你不如一人俾支我地啦！埋單七百五十幾，每人二百幾，真心唔抵，失望。

早前同朋聚會最初想選擇小肥牛，估唔7點walk in 已經無位。好啦！揾一奸食過又ok嫁啦。入到去只得小貓三四隻已经覺得好奇怪。以前部唔喺吟嫁！ok啦，坐低咗個侍應問我地飲mug。我地叫咗個酸梅湯，之後便叫野食。食物都OK。1個牛肉，1係漳紅功刺身及其他啦。我地食完條鱼之。個侍應問我地要唔要招鹽！my own fault. 我無問使唔使錢。最後我地比咗$30炸咗條唔脆魚骨 (by the way, 小肥牛是免費的) OK唔係問題回為我有食呀嗎! 最後帳單$20位茶錢!!! 從都無人話開茶比我地。我起初以為叫先收好似D蒜椒吟.. 我of course同個侍應。他還好抵死吟答「你要唔要、我宜家開比你」我都走啦走大佬! 茶錢唔係問題、最少都做吓樣放壺茶係枱呀。 Disappointing!!