正品蕃茄湯麵店 (已結業)

荃灣大壩街真係好多食店，行幾步又一間，又鄰近荃灣廣場及荃新天地，行街、睇戲、食飯都好方便。今日又再次幫襯正品蕃茄湯麵店黎得依度，緊係食蕃茄麵啦，今次叫左人氣之選脆炸雞扒蕃茄麵，香芹湯底。雞扒原件另上，炸得熱辣辣，好香脆。香芹蕃茄湯好濃味，仲有蕃茄肉。午餐連飲品只需$48。除左麵之外，仲有飯可選擇，好多元化。湯底可以四選一，友人要黑胡椒蕃茄湯都好夠辣味。見到隔離枱食客，叫了香煎墨魚餅拼燒雞扒飯，真係好大碟，而目測雞扒都好大塊。karman_kong人多黎食可以叫埋小食一齊分享。

🥢荃灣超濃真正蕃茄湯蕃茄麵🥢荃灣除了出名是好多米線店之外，仲有好多好好食的麵店，今次就介紹呢間我覺得好正嘅蕃茄麵店🥢腐皮墨魚卷湯麵 $48湯底可以四選一 :香芹蕃茄湯酸菜蕃茄湯黑胡椒蕃茄湯風味辣蕃茄湯🥢因為係朋友介紹第一次食，店員無提及到可以揀湯底，所以俾咗香芹蕃茄湯🥢湯底真係用上新鮮蕃茄制成，還有蕃茄肉在湯入面，可以成碗飲曬，墨魚卷是即炸的，未浸湯的部分有少少脆口，雪白的墨魚滑帶少少粒粒墨魚，有咬口之餘仲食得出鮮美🥢麵是橙紅色的蕃茄麵，食落帶少少蕃茄清香，口感QQ 煙韌口感，加埋蕃茄湯一齊食蕃茄控必食🥢除了有墨魚卷，另外有餃子，雞扒的配料可以選擇正品蕃茄湯麵店地址: 荃灣大壩街29號安康大廈地舖(荃灣廣場對面）

隊長肉餅蕃茄麵($55 包熱飲)🍅主打蕃茄湯麵，口味分為四種，包括香芹蕃茄湯、酸菜蕃茄湯、黑胡椒蕃茄湯、風味辣蕃茄湯。酸酸甜甜，夏天醒胃一流。肉餅值得一試，兩大塊之餘，仲要好足料👅。

好耐之前同朋友食過一次，蕃茄面幾特別。昨晚就帶屋企人黎食。全家都叫咗最出名嘅隊長肉餅，分別配番茄麵或者飯。我就要咗黑胡椒蕃茄湯底，係冇得揀辣度嘅。湯底唔辣，配以蕃茄同洋蔥。食落除咗有自然嘅蕃茄味仲有胡椒嘅香味，幾特別。呢個比起阿媽叫嘅風味辣番茄湯好味，因為風味呢個只係加咗普通嘅辣油。 可惜，今次比上次黎食，肉餅水準下降咗，有d鹹。

突然既8號風球😵·🍅隊長肉餅蕃茄麵配肉碎蛋濃湯（$56）好愛好愛啊💓💓推推推薦👍🏻👍🏻蕃茄麵條色澤有粉紅，口感QQ彈牙😍煎肉餅浸落湯變得較淋身⋯不過仍然覺得好好食皆因調味及加入馬蹄爽口，煎過更覺惹味👍🏻👍🏻湯底茄味濃郁～加埋肉碎蛋係無敵架💓覺得比星座冰室更正正·🍅 墨魚餅蕃茄麵（$49）家姐點既～交換一塊墨魚餅😆相比起煎肉餅，墨魚餅比較遜色🥴雖然一樣大大塊，但口感過淋又無咩味😵·🥢腐皮卷配茄湯（$36）又係必點👍🏻👍🏻👍🏻😆每條都漲卜卜😆好食到叫媽媽學整🤣·📍正品蕃茄湯麵店荃灣大壩街29號安康大廈地鋪

星期日的中午，天氣炎熱。經過荃灣廣場附近，看到這家蕃茄湯麵店，心想吃蕃茄湯麵可以開開胃，適合炎熱天氣沒甚胃口時吃。而且看到店內沒太多人，我就不太喜歡人很多很擠的餐廳，所以就試試吧！餐廳枱與枱之間頗闊落，坐得挺舒服。我點了腐皮墨魚卷蕃茄黑椒湯麵。蕃茄配黑椒原來很塔，酸酸甜甜加上少少辣的黑椒增加了番茄湯的層次，很惹味！然後麵的質感頗特別，QQ的，第一次吃這種麵質，不油膩，幾特別！整體也不錯, CP值高，會再光顧！

呢間餐廳主打就係佢嘅番茄麵，聲稱用新鮮蕃茄製造，所以就試咗佢嘅肉餅同埋墨魚餅番茄麵。面質唔錯，湯底亦好有番茄味，仲有啲蕃茄肉，肉餅還不錯，不過墨魚餅就應該落咗好多粉,麻麻哋。更加重要係肉餅同墨魚餅都係煎嘅，但係直接放落碗麵裏面，啲脆皮都浸到淋哂，扣左啲分。

🍅蕃茄控最愛荃灣廣場附近有一間蕃茄麵專門店首先佢麵係用蕃茄製成 然後湯底又係用蕃茄煲真係茄味濃郁 仲有5款蕃茄湯底口味選擇例如香芹 酸味 自家製辣味 胡椒 肉碎蛋午市餐單仲有特別口味-冬陰公(小辣).最好食嘅配菜一定係腐皮墨魚卷外皮炸得香脆 入面就係墨魚滑.CP皇就係隊長肉餅拼墨魚餅飯因為小吃就甘單點都已經$30但呢個飯先$51 就有齊肉餅&墨魚餅各兩塊個人認為肉餅比墨魚餅好吃😋不過略咸墨魚餅就好似巨型墨丸咁 幾幸福架再配上葱油撈飯 完美配搭

蕃茄湯有幾種口味，揀左酸菜蕃茄，飲得一啖湯已經覺得超甜嘅茄膏味，麵底無驚喜，墨魚春卷有四大條，不過都係平平無奇，總之味精係未行出店外已經完全揮發緊喺囗入面，唔會再食

晚餐時間，正煩惱吃什麼好，經過此店，見到有蕃茄湯麵，決定試一試。點了一個人氣蕃茄湯麵套餐，選擇了黑胡椒蕃茄湯底。湯麵一到，已聞到陣陣好香的黑胡椒味，立即試一試湯，蕃茄加黑胡椒兩者很配合，令湯底味道加了不少分。至於其他餸就屬普通，不話不失。

去開荃灣，帶住bb，只可以揀啲無咁多人，又比較闊落嘅餐廳，整條街多間食肆，佢比較多位，又可以移動枱櫈，就入左去了！我地叫左兩個下午茶餐，都係蕃茄麵，另加左雞翼同菜，不過食物質素好失望。我地落左單，好肚餓，但等左好耐都未有野食，首先上了兩杯飲品，飲品都快飲完了，還未有菜上，之後再上雞翼，雞翼食完了，麵還未到，十分無奈。老公個雞扒麵到先，佢快食完，我個麵都仲未出，最終足足等了半小時才上齊食物，等到bb都坐唔安靜了⋯我叫了章魚餅，有點似魚旦，味道還可，蕃茄湯就好清，無乜味，但都幾多蕃茄。油菜就不太好了，很「梅」的樣子，「梅」到未食完職員以為喺墊底菜想收走⋯雖然鋪面闊落又不多人，但真係等得太耐了！希望鋪頭可以改善下啦！

經過荃灣廣場附近搵野食，就是旦揀一間，見到未食過就入黎食下不過味道失望之餘，服務就一般。點了下午茶雞扒蕃茄麵，熱檸檬茶。雞扒蕃茄麵，味道真係沒咩特別之餘，蕃茄味係好淡，如果講到話係推介就真係幾失望下，蕃茄本身都有係碗麵內不過好少，但蕃茄湯味太淡了，所以覺得唔太好。雞扒就沒有甚麼特別不過感覺太油了，有一塊，份量唔算大。熱檸檬茶，與出面普通質素一樣，沒有甚麼特別。環境方面就一般，不過侍應就唔講野，一叫落單一陣就過黎，點完沒有對單就走了，不過幸好無落錯，佢真係一句聲都無講過 總結味道唔掂，唔會再食。

每次想食得健康，好多次都諗起呢間嘢，原因幾簡單，蕃茄！其實呢間嘢由佢一開始開未到一個月，就已經試過，選擇剛好，有肉有齋有茄有蛋有辣有唔辣，比較喜歡佢整體性嘅好。慨念以茄底行頭，好啱重視多左健康嘅朋友，所以都做得幾好。今日一個人下午四點未食午餐又唔想食到晚飯都無肚食，所以揀左呢度。叫左雞扒茄腸麵下午茶餐。其實佢有幾款湯底，大家可以試哂都得，因為的確不俗！雞扒分開上，保留乾脆感，仲有菜放底下吸油，堅貼心！你睇個湯底有幾清就想食，愈打愈想食！好了眼訓，下次我呢個長期顧客會再再再幫襯！(有嘢飲加八蚊一枝凍豆漿，但不是重點，影都費事)

今晚放工又同老婆出街拍拖食飯，之前係附近食完飯見到這間蕃茄湯麵，同埋大部份以墨魚為主打，所以今晚就過黎試下。 椒鹽魷魚鬚 : 外面沾了粉炸到脆卜卜，粉不太厚，有咬口，味道咸香，不會太膩。腐皮墨魚卷湯麵 : 有4條墨魚卷，外層香脆，墨魚膠彈牙，湯底好香濃蕃茄同黑胡椒味，麵條都有蕃茄味，好好味。 (湯底有四款可選擇；麵餐跟一杯野飲) 隊長肉餅炒蛋飯： 肉餅肉質鬆軟，但炒蛋炒得過火，好乾，如果係炒滑蛋就完美喇！(飯餐跟一杯野飲)

呢間鋪頭近荃灣廣場，之前有一次無意中嚟到呢間餐廳食嘢。全間餐廳都係食蕃茄，由蕃茄麵到蕃茄湯底味道都好濃郁。男朋友叫咗R07，煎嘅墨魚餅有兩塊，分量十足，好味道十足。仲有奉送餐飲！而我叫咗一個番茄腐皮卷湯麵，亦都有餐飲（熱）奉送，如果轉凍飲要加兩蚊。麵係蕃茄麵，湯底係濃郁嘅蕃茄湯底，蕃茄湯底都有幾個湯底可以俾你揀：西芹蕃茄湯底，黑椒蕃茄湯底，麻辣番茄湯底，另外湯底唔算太油膩。不過番茄湯麵嘅份量就會比飯是嘅份量少一點。總括而言，下次都會再幫襯！