正宗印度菜館

营业中

休息中

我同屋企人其實都幫趁左呢間印度餐廳有好幾年喇，佢真係好正宗。雖然佢間舖有點舊有點細，但啲野好味緊要過其他野囉。我知好多人嚟都係食set lunch, 但其實佢其他野都好好味，而我地嘅推介就有咖哩羊肉、雜菜咖哩角，烤雞肉卷食咖哩一定要配Nan, 我地鍾意揀牛油口味，因為咁就唔會搶左咖哩本身味道。不過要提醒一下， 佢啲菜如果寫左係辣嘅話就係堅辣😵，唔係講少， 所以唔食得辣嘅記得同店主講聲，佢會幫你減辣的😊。又或者可以點個沙律中途清清口。其他有幾味炸物都好香口好好味，但就好鬼熱氣架。不過我地通常都係食左先算，冇有怕，最多出去飲涼茶嘅啫。鍾意食印度菜嘅人一定要去呢間試下。

有一年以上無去了，成日都心思思，今日二人跑去吃了鷄肉餃，烤羊胸，羊肉卷和咖喱鷄，全部吃清，飽滿滿的。風味口味不變的好，員工也一樣，值得再次再次再次去吃，下次吃下烤鷄件和瑪莎拉雞。

個個去九龍城都食泰國餐，不過今日就忽發其想去試呢間印度餐廳。餐廳格局好舊英屬時代feel，杯杯碟碟都有一番懷舊味。食物方面就叫左午餐咖喱羊薄餅，薄餅（Nan）甜甜的，少少炭燒味 十分香口，而咖喱羊，肉就唔係好食得出，因為一混左咖喱啲味就咩肉好似(哈哈)。不過羊就無羊羶味，怕羶嘅朋友都合適。至於重點係個杯熱印度拉茶，印度待應會係你面前拉，己經有驚喜。而茶(masala tea)就有種神壇嘅味道，令人念念不忘，就好似去左印度一轉咁~同港式奶茶嘅香大相徑庭！午餐$58多到食唔哂，有湯有飲品，又食到正宗印度菜，相當高CP值！

［正宗咖喱王］入九龍城成日會經過尼間印度菜館，今次決定同友人入去試下有幾正宗入面的環境唔錯，以TiffanyBlue 和白色為主調，望落去好舒服仲有酒吧位午餐餐牌，同預期一樣，有好多咖哩。睇下餐牌，lunch選擇和價錢都可以接受而最後同友人都點了咖哩羊肉薄餅，不過我選擇了中辣，挑戰一下印度拉茶～～哇，好正！最後上菜，三碟咖哩羊肉友人的小辣，而我的是中辣印度的辣不能小看 中辣真的很辣但配Naa 味道就中和不少而羊肉沒有羊羶味

又去九龍城搵食，原來除左泰國菜，仲有正宗印度菜！店面唔算大，裝修有復古感覺，環境寧靜坐得好舒服。午餐meun簡單直接，就係食地道印度咖哩跟餐配嘅前菜，應該係胡椒烤餅，脆脆地辣辣地幾香口，醬汁唔太清楚係咩，但一齊食幾夾Set lunch可以揀咖哩角、春卷或餐湯，同友人各自點了咖哩角及春卷，兩樣都炸的好香脆咖哩角入面係滿滿嘅薯蓉，加上超脆嘅外皮好香口！主角終於出場，咖哩好香，亦冇相像中好勁嘅香料味，而且可以揀辣度十分貼心，本人覺得小辣岩岩好，友人點左中辣食到出哂汗，愛辣嘅朋友可以挑戰羊肉煮得好'林'，咖哩入味之餘仍然保留到羊嘅肉味，味道真係唔錯。薄餅烤得好香，亦唔會太乾，出面脆得黎入面煙韌，本身塊餅冇咩味，所以夾咖哩食一流！店家全部都係印度人，味道好正宗，而且份量好大，一個女仔做午餐都未必食得哂，推薦！

九龍城真係美食天堂, 有選擇困難症既人係呢度開餐會病情加多2錢重, 今晚同友人又再戰於此, 選擇食印度菜, 果真好出奇呀!!等位期間見到好多印度人都幫襯, 心諗應該唔會差得去邊, 好....................一於照等(最後等位足足等左成粒鐘)見到佢有套餐, 岩岩好六人, 就叫呢個啦 ($599)先上左個胡椒脆餅, 配上三款醬汁(綠色: 薄荷; 紅色: 酸辣; 另外一款係酸洋蔥), 夠晒香脆, 個人黎講覺得個紅色汁好味道燒烤精選 - 熱辣辣鐵板上, 食物包括魚, 鷄, 羊肉, 肉質都幾好, 唔會太乾; 個配襯洋蔥好甜, 友人連一片都唔放過, 通通清晒呢款係雜菜咖喱角, 外型隻隻飽滿, 唔油膩, 切開見到入邊係有薯蓉加埋雜菜一齊整, 入口時小心燙口呀, 唔辣又好味!鮮蝦咖哩, 咖哩羊肉, 瑪莎拉燴鷄一次過上, 配埋印度烤餅(蒜蓉牛油味)辣度同濃味黎講, 以羊肉為第一, 鮮蝦咖喱入面隻蝦都幾彈牙, 咖喱汁唔辣但好香, 而個瑪莎拉燴鷄個鷄件一啖一件, 個汁伴烤餅又係一絶, 三款汁都比我地全數點乾淨呢款印度香飯, 係旅遊節目就見得多, 食就第一次食, 飯粒比較長身, 煮得好乾身