正宗印度餐廳及酒吧 (銅鑼灣道)

营业中

休息中

去到港島一定好想食d特色既野就心血來潮試下印度菜再加上之前食印度菜既感受,係偏濃味同味道特別,都想試試味道有咩唔同：一入去我見到裝修好有特色藍同黃襯托得非常好再加上好愛佢個4種醬料有啡色味道酸酸甜甜黃色味咖哩綠色青綠色小小辣又好香橙色甜甜辣辣再配合薄脆餅又香又脆,再加上超愛佢口感,又唔油膩又特別.跟住主菜黎啦有印度咖哩既魚肉,魚肉好滑,又新鮮,配汁都超正；再加埋個好愛既薄餅,入面啖啖蒜蓉味,同加上好香牛油味,最後再叫左杯 Shirley temple既特飲,真係好滿足；對印度菜既感覺又有一個新印象😍位於大坑道銅鑼灣道58號地下

大坑區除咗文青咖啡店，我最熟悉嘅仲有滑蛋叉燒飯。推介一下比較特別嘅菜式，印度菜。老實講我都比較少食印度菜，其實搵唔到其他餐廳比較。但個人認為呢度嘅菜式都算係BB級印度口味，完全適合香港人，真人實測食完腸胃狀況都非常好。總之係唔錯嘅嘗試！🌟Chicken Madras中文意思係椰汁咖喱雞，味道香濃，帶少少辣係有後勁嗰種辣。加上另外叫嘅牛油薄餅真係超夾。雞件都好滑。🌟Vegetable Jakfrezi我哋都係睇圖片點菜，呢味菜式有西蘭花同椰菜花，用上茄汁之類嘅醬汁微微帶酸，食落好開胃，蔬菜煮到好冧身。

Authentic Indian food spotted in tai hangLove this cozy place with a comfy blue and yellow toneThe free appetiser with 4 pairing sauces are simply awesome You can ask them to keep it for your later courses No bones chicken tikka is moist and tenderSlightly crispy on the skinAnd it’s served real hot that the smell from the pan simply filled up the entire restaurant Spinach curry with fish is also super fulfillingDefinitely a better choice for those who want something lighter and less strong

今日黎到大坑搵食，揀左呢間印度菜試下。呢到裝修已經好有印度風情，店員同廚師望落都好似係印度人🙈同朋友兩個人叫左個魚嘅瑪沙拉咖哩同Cheese Naan呢到嘅咖哩選擇真係好多，有成10款，所以揀左個平時少見嘅瑪沙拉咖哩。落完餐送左個脆片小食，有4款dip一齊上。大家記得係將需要嘅dip 畢起放係自己碟食，唔係直接點。🙈🙈瑪沙拉咖哩餐牌話係用左唔同香料同yoghurt 整，食落的確唔會太辣，點住naan 食好正。魚塊都好滑冇腥味👍🏻，另外咖哩係用小火爐上，一路食一路keep住熱辣辣👍🏻Cheese naan 一份有4件，熱辣辣上枱，不過比起芝士味覺得有更多咖喱味😂

話說小編平時真係比較少食印度菜，前排聽朋友話大坑呢一間印度餐廳味道都幾正宗，所以決定同朋友試吓，藍黃色外牆好易認，位置唔算話好多，但餐廳選擇一啲都都唔少！今次同朋友都有叫咗幾款試吓，味道唔錯有驚喜印式椰汁咖哩配雞肉 $98咖哩下面有個蠋台仔可以維持住個熱度，咖哩好香椰汁味，建議大家可以叫多份烤餅一齊食，好惹味香口烤餅 $25烤餅一上台既時候覺得勵大舊仲長到去張枱，食落去都幾香口鬆軟香炸雜菜 $42平時比較少見，雜菜炸完仍然保留水分，都幾特別

呢間十分之搶眼的印度小店，喺中央圖書館附近，方便之餘仲可以訂位，雖然餐廳比較細但係服務都好貼心，店員幾親切又容易溝通。點餐後會有脆片配上四種醬汁，可以試晒各式各樣的印度香料。我們叫了一客masala chicken curry, 不會太辣，很合香港人的口味。配上蒜蓉Naan, 啖啖蒜香而且煙銀，一上枱嘅時候好墟冚，因為大大塊，而且熱辣辣！飲品方面叫了mango lassi , 酸酸甜甜的乳酪加上芒果嘅香味，令人一喝再喝～

某一晚友人心血來潮竟然想食印度餐😂 來到這間自稱正宗印度餐廳吃不了辣 仔細挑了兩款應該不辣的菜: 一碟羊肉一碟飯試試。🌈來了四個source和幾塊脆餅逐個source我們都一一試了 有款偏薄荷 有款特別辣 但四個都有辣味 我們兩個吃不了辣的廢人只好淨食脆餅😂 🌈印式雞柳炒飯 $108 想不到飯會是這賣相 友人一向不會食前打卡的人也拎起手機影了張😂 和我們一向的飯大不同 又黃又橙 比起我們食開的飯更長更粗 食落似剪短了的麵條 味道有新鮮感 完全不像平時的飯 沒有米香 但味道不錯 特別是雞肉 又嫩又多肉 想encore雞肉😂🌈Tandoori lamb 鐵板羊肉 $158第二碟是香噴噴 冒著熱氣“炸炸聲”上枱的羊肉份量大大份 每一口都是肉 不會太羶 羊肉嫩口好食 沒有奇怪的香草味 值得一試！🌈當晚餐廳客人頗多 一枱走了一枱又來Server不多只有一人 所以不要太心急 要讓她忙完一樣再一樣😂

我唔識分印度菜🇮🇳正宗與否，雖然我去過印度旅行😆；亦都唔會見到有印度廚師 / 印度老闆 就話係正宗印度菜😆，不過我絕對識得分印度菜🇮🇳好味與否😆；呢日午飯時間喺大坑，經過呢度，記得好耐之前食過，印象中幾好味，咁就決定食過番尋味😆叫咗 $108嘅「Lamb Madras」，$32嘅 Garlic Naan, $32嘅「印度奶茶 Masala Tea」😆Madras 源自印度南邊，佢嘅咖喱裏面加咗椰汁，令味道更香更濃；羊肉就炆得好腍，有濃郁羊肉味，仲一啲都唔羶😋。Naan有兩大塊，掛咗喺個架上邊，熱辣辣，食落幾煙韌，沾咖喱羊一齊食好夾😋。Masala Tea 就幾香幾滑😋，飲完一杯仲係覺得口乾，再叫多杯，一共飲咗兩杯😆

之前都有去過大坑覓食，有經過幾間小店都覺唔錯想試下，今日趁星期六得閒就去一試究竟。今次食嘅係印度菜，佢由印度人打理，地方唔大但幾別緻佢有好多唔同種類嘅咖喱可以選擇，仲可以揀素菜或者唔同種類嘅肉一落完單就送上小食，之前食開印度菜都會送，但呢間嘅醬料種類比較多，辣嘅唔辣嘅都有Chicken Tendoori一上枱已經聞到好香嘅燒烤味，黎到仲熱辣辣燒緊。呢個印度烤雞充滿香料嘅味道，肉質比較厚實，辣辣地好惹味Beef Korma呢個白腰果汁咖喱充滿奶油嘅香味，而且唔會辣，佢睇落細細碟但其實食落都幾多肉，牛肉炆得又淋又入味Garlic Naan個烤餅超大塊，滿滿嘅牛油同蒜香，配埋咖啡喱食一流Mango Lassi 自從飲左一次之後每次食印度菜必叫一杯Mango Lassi，甜而不膩，飲到停唔到口

食印度菜就一定會食咖哩🇮🇳，好配服印度咖喱可以有好多款，真喺可以話係博大精深🧐！唔知道你哋又中意食邊款呢？.📍瑪沙拉咖喱雞（$98）Masala Chicken Masala可以話係草根最中意食嘅一款咖喱🍛，貪佢味道較溫和質感又creamy，迎合到草根唔多食辣嘅口味🤭。呢個Masala比平日嗰啲辣少少🔥，份量唔算多，不過雞肉配上咖喱嘅味道的確唔錯🐓👍🏻。.📍Garlic Nann（$32）話說草根都食過幾間唔同嘅印度菜，發現Nann🫓嘅口感真係間間都唔同🤫。先到呢一間嘅賣相好友睇頭，用架吊住2塊Nann，蒜蓉味唔算強🧄但口感煙韌👍🏻有咬口🤤，配埋Masala食真係好正！.📍咖哩角（$52）Samosa 咖哩角有成個拳頭咁大😳，新鮮熱辣辣炸出🔥，外層非常香脆，但又完全唔油膩🤟🏻。羊肉碎塞滿成個咖哩角🐑，用咖喱炒過加上有印度香料 💛，非常惹味仲要濃而不蘇🤟🏻，真係非常好食👅!.呢間位於大坑嘅印度菜味道又真係唔錯，價錢感覺上就比較貴咗少少🤏，而且食物份量唔算多，始終都係港島區價位。.

前菜胡椒脆片 有4個醬可以點羅望子、薑黃、辣醬、薄荷醬我最鍾意食羅望子醬 甜甜地好開胃個醬好凍 如果可以室溫個口感會好啲奶油咖喱雞 呢個岩晒唔鐘意食重口味嘅人。味道係偏甜嘅咖喱味，唔會有好強烈嘅香料味。鐘意佢以一個鍋下面有火熱住嘅形式上，一黎打卡好睇，二黎要夠熱先好食。乳酪烤餅呢個乳酪烤餅有一層層口感，唔會太油太濕亦唔會太脆，口感岩岩好。一份有4塊，點奶油咖喱雞食個份量岩岩好。初頭擔心印度菜會唔會環境衛生差咁啲，黎到發都好乾淨企理，而且裝修好有異國風味，可以有一個度假心情嘅下午！

正宗印度餐廳及酒吧 (銅鑼灣道) 見上次食個間印度餐廳咁正，去左大坑食另一間印度餐廳午餐🥰印度椰汁咖哩雞 （Chicken Goan) $98椰汁味重，中和左咖哩既辣，令到呢款咖哩偏甜，好好食🥰🥰個雞好嫩，配搭咖哩一齊食，真係好入味😆😆個人覺得呢個咖哩真係好有驚喜😆咖哩真係必叫！下次嚟一定要試下佢其他既咖哩！印式香料炒飯（Jeera Rice）$58由特製印度香料整成既飯，好特別，有別於中式米飯，呢款偏長，同埋食落有啲似米粉😆😆咖哩雞餸飯真係一流😋熱鍋烤餅（Tawa Chapati） $25 嚟到熱辣辣，爭啲拎唔到上手🤣🤣烤得啱啱好，表面有啲焦脆，入面勁鬆軟，真係好正到想再encore😚真係好啱點咖哩嚟食😋呢間餐廳有好多款烤餅，大家可以揀自己中意既口感去叫唔同既烤餅嚟食🥰脆餅（配送）呢款同熱鍋烤餅質感好唔同，呢款係脆口既，而且有特製印度醬汁配送，配搭起上嚟都唔錯架🥰🥰呢到既員工都好nice😆😆好有笑容，而且係外藉人士，熱情有禮🥰🥰餐廳座位都幾舒適，裝修都係印度風格😆如果大家想試下印度菜，呢間都係唔錯既選擇嚟架❤️地址：大坑銅鑼灣道58號地舖整體評分：4/5味道：4/5環境：4/5抵食：4

今日冇食早餐就要去大坑整d野，搞掂已經餓到傻，經過見到呢間印度餐廳，裝修唔錯又唔洗等位就毫不猶疑入左去食curry😻兩個人太餓所以叫左兩份咖哩，兩份naan同一個小食😂佢仲有前菜胡椒薄脆，實夠飽✨Fish Korma - 白腰果咖哩魚，幾特別，因為有加d cream, 所以比普通咖哩淺色，亦唔會太辣；魚大概有5-6塊，都幾滑~✨Butter Chicken - 係我每次食印度咖哩都會叫嘅款，因為都係唔會太辣😂雞粒已去骨，幾易入口。但整體兩個咖哩都係比較稀身d淡味d~✨Cheese Naan - 我本身以為佢係拉芝嗰隻，但佢用嘅芝士係比較清d, 同埋乾身d, 所以芝士味唔會太出，但值得讚嘅係雖然呢款比較薄身，但整得幾脆又唔會太滯✨Garlic Naan - 一上枱已經夠吸睛😂好大塊呀，呢款就厚身d 幾有口感，但唔太食到蒜香味，不過點curry 食係正嘅✨Paneer Pakora - 其實係炸芝士球，同平時食開嘅芝士唔同，似水牛芝士，清清地✨Mango Lassi - 好大杯，重乳酪味，幾開胃

大坑區好多高質餐廳 近鬧市得嚟又不失寧靜今次放工就嚟咗試吓呢間印度餐廳😛餐廳外觀好有特色！藍白黃嘅組合好搶眼店內座位唔多 食食下都幾full 可能最好都要book定 而客人都係以外國人為主💁🏻‍♀️點完餐就會送上每枱必有嘅頭盤— 印度薄脆！兩大塊而且擺盤好靚😛 附上四種醬 詳細每種醬叫咩就真係記唔到🤣綠色係薄荷醬 酸酸yougurt咁幾清新右下紅色就比較甜 似甜酸醬😛 我自己最中意左上橙色同黃色都係辣醬橙色後勁勁啲 黃色就似芥末醬老闆娘好細心 問定我地想一齊上定逐樣黎我地就揀左上雞先～叫左半隻雞 大概四件左右 兩個人分剛好鐵板底一上枱熱辣辣 啲煙過左幾分鐘先散😂雞肉微辣 重香草味 但偏乾可能真係係鐵板上太耐 應該早啲夾走🤣前面點唔完嘅醬宜家又大派用場啦點肉食又係另一種享受👍🏻 多一種層次～咖喱都有10款 而價錢就按肉類黎分 有雞羊牛魚蝦Korma幾有驚喜！有忌廉嘅creamy 又有果仁香甜而不膩 又唔會好辣 食到停唔到！羊肉份量都唔少 又唔會好羶👍🏻而且一直有火熱住 微溫咁食再加分！食印度咖喱一定唔少得naan😋都有成16種選擇 我地就試下牛油～見人地啲naan好似烤鴨咁掛起上 但我地個

去開中央圖書館，想搵個地方歇歇腳飲杯野。但係銅鑼灣嗰邊又遠又多人，所以決定近近地向大坑方向搵食行到去大坑咁啱開始落大雨！咁啱係眼前就有間印度間廳及酒吧，啱哂，入去坐坐飲杯野都好。舖頭小店放咗幾張檯，裝修好有印度風，仲要好乾淨，抵讚！店員仲好nice好有禮貌。餐牌有好多唔同款式嘅咖哩，仲有中英對照圖文並茂好方便點菜。叫左mango lassi同gunner，另外再加左個chicken tikka無骨燒雞。Mango lassi 芒果味好濃郁，超解渴。Gunner係ginger ale加薑啤再加柑橘類調味，超夠薑！無骨燒雞用鐵板上，係雞下面加左一層生菜，所以啲雞熱得黎又唔怕會燶，好細心。雞肉好入味而且用胸肉，一啲都唔肥，而且香料好夾，食到停唔到口。每枱仲送一份薄脆，配上4款醬汁，口痕㗳兩啖辣得黎幾過癮！走個陣停咗雨，先發覺佢哋有每日唔同嘅promo，下次一定要返黎再試其他菜式