正宗山西刀削麵皇

营业中

休息中

呢間都好多分店 荃灣葵芳都有之前都食過幾次 不過第一次試年糕！觀塘呢間舖頭勁唔顯眼 有d難搵😂有豆漿送 唔使加一單拼刀削湯麵 ($54)叫左個豬手年糕 年糕形狀勁似薯條🤣食落勁煙韌又幾好食喎！而家份量都好多 食完勁飽至於豬手就一般 有3件 好難咬不過味道係ok嘅另一個麻辣豬頸肉刀削麵 ($55)麻辣都幾辣 豬頸肉煎得幾香排出黎賣相都唔錯 刀削麵就正常啦😌

午餐最鍾意食呢間麻辣刀削麵有好多唔同嘅套餐選擇辣同唔辣都有仲有湯麵同埋撈麵今日食咗碗麻辣牛肚拼牛展刀削麵麻辣汁配埋勁多蒜蓉超級惹味份量好多湯底又夠濃郁啲麻辣汁令人愛不釋手簡直食唔停口仲有飲品送添正👍🏻

呢度差唔多係飯堂，觀塘返工差唔多一個星期都會食一次，落單姐姐已經記得我地口味超推薦魚蛋大辣、年糕魚蛋即炸🥰勁新鮮。年糕係條狀而唔係片狀。湯頭又甜😋熱辣辣超好味

平時不嬲幫襯開，咁佢啲冷撈比較辣，咁我就要求辣另上，其實不嬲都係咁，之前嗰個員工都好好服務態度，食開都可以俾我另上，點知有一日有個類似老細咁嘅肥老，平時冇乜見佢，佢幫我落單就話冇辣另上，我同佢講不嬲食開都有，佢話唔冇，其實講真嗰句，辣另上好難咩？😅只不過將啲辣放喺另一個兜度，算啦，你冇另上，之後仲要喺隔離冷嘲熱諷，不斷同啲員工講，不嬲都冇另上嫁wor,又講咩等我話下嗰個員工先，點會俾人另上嫁，講真嗰句你拗贏個客有咩用？你講完冇另上我都冇同你嘈，你仲要喺側邊冷嘲熱諷？為咩？by the way，唔會再幫襯你囉。

我地好鍾意食麵，特別係有麵粉香味嘅麵，例如粗上海麵、刀削麵。今次推介呢間基本上係我地平時嘅飯堂。今次叫左麻辣刀削麵，一個配麻辣豬軟骨、一個配麻辣牛𦟌。刀削麵係即叫即削，條條麵都粗身，有一定厚度，充滿麵粉香味，仲要煙靭有咬口，配合清徹但味道香濃嘅湯底，超級好味😍至於兩碟餸都係同湯分開上，擺左好多蒜頭，好重口味，麻辣味十足，份量都好足夠。但係牛𦟌就質素一時時，有時候係切得好靚。嘢飲就配左豆漿，唔算好甜，食麻辣嘢飲豆漿最啱。消費價錢：兩個人100蚊左右結論：飯堂餐廳名稱：正宗山西刀削麵皇 (觀塘)餐廳地址：觀塘康寧道58號地下

地鐵站行過去都要12分鐘左右，附近仲有間好好食既車仔麵，行前多小小就係刀削麵！店鋪細細，店員既樣比較兇神惡殺🤣，落單既時候又幾nice喎～落完單後，廚房就開始削麵啦，開放式廚房都幾光猛整潔，大約8mins就有野食lu~麻辣大腸刀削麵$50麵質超級正！有咬口但又唔會覺得食緊麵粉咁，份量都好多，因為好好食既關係一定食得曬！🫢餸既份量都好足，麻辣醬好惹味加落個湯到無得頂。。大腸都好入味good 👍🏻

今日係官塘做完野, 就咁係官塘搵左間餐廳食lunch本身午餐時間, 加上附近好多學校, 我又見到呢間有位, 就入左去食餐廳唔算大, 大部分都係學生, 剛坐低就8成滿, 叫完野食都坐滿了間餐廳名叫刀削麵王, 咁當然要食刀削麵, 佢有分湯面, 熱撈, 同埋冷撈我未試過冷撈, 咁就叫左個麻辣豬肚冷撈刀削麵, 等左唔算耐, 好多就上左個樣唔錯, 食落都幾好味, 刀削麵好煙韌, 好好食份量都唔少, 作為一個午餐黎講食完都夠飽不過就略嫌貴左少少, 淨係一碗面都成$62, 以官塘區既物價黎講係幾貴但係都值得一試

🍜白菜豬肉雲吞刀削麵 -$58雲吞餡料豐富但皮較厚🥲刀削麵即場手製，煙韌彈牙，食落非常飽腹。加啲豆瓣醬食用會更好😂🍜麻辣手撕雞刀削麵 -$57麻香多於辣味，實際未辣至噴火😂但味道較重同有味，適合重口味嘅我😎

雙拼套餐（$60）🍲鴨腎、白菜豬肉雲吞、刀削麵賣相：🐧🐧🐧味道：🐧🐧🐧🐧刀削麵分湯上，以普通外賣膠兜盛放。刀削麵餅黐作一團，需要時間人手逐步分散。鴨腎數量頗多，起碼有十片以上，而且每塊均為厚切，十分抵食。白菜豬肉雲吞一共有三隻，一夾起就即散爛掉，不夠實身。味道方面，刀削麵煙韌有嚼口，跟濃郁湯底配合，非常入味又不算過鹹，湯底不會過重味精或過油。鴨腎滷水味足，厚切嚼口十足，不會過韌，高度推介。白菜豬肉雲吞內餡份量少、質感散亂，雲吞皮過薄一夾即碎，不太推薦。樽仔奶茶（+$11）賣相：🐧🐧🐧味道：🐧🐧樽仔奶茶以自家製膠樽裝載，容量約200毫升左右不算多。味道方面，茶味茶香有，奶味偏少，茶身不夠香滑偏澀。外送等候時間：🐧🐧🐧在平日晚上6點幾下單，約需時30分鐘送達，與預計時間相約。🐧❤️結語：鴨腎必食推薦🐧❤️。

去開觀塘附近，想搵D野食，醒起上次食過嘅刀削麵幾高質，所以今次又來了😂去到餐廳係五點鐘，堂食一枱客都冇😨門口就有幾兜外賣等攞~有個後生員工抹緊枱~餐廳光猛乾淨，坐得都幾舒服~睇左陣餐牌，好快就同朋友叫左兩碗刀削麵~🐷豬手大腸刀削麵、熱豆漿 ($50)D (食送)好多😍豬手兩大舊，可惜肉唔算太多😢大腸好多粒，又整得好入味😋刀削麵有厚度，唔係薄薄一條，煙韌有咬口，一碗絕對夠飽😍🥛熱豆漿略嫌甜左少少😐🍲水餃雞翼刀削麵、凍豆漿 ($50)🐥雞翼2隻，都幾大隻，整得幾淋~🥟水餃3粒，唔知係咪淥得唔太耐就放落麵度，食落D餡唔夠熱，感覺一般🤷‍♀️刀削麵，上面講左就唔再講了😂🥛凍豆漿，感覺上好飲過熱豆漿😂最後兩位埋單共 $100，質素價錢成正比，可以再有下次👍

我嗌咗個外賣刀削麵， 配菜為牛展和豬手， 另外加咗個泡椒雞，但係都拎咗返去屋企食先至發現佢變咗做大口水雞，仲要係五十幾蚊嗰隻， 我諗應該係落錯單，係幾好食嘅不過口水雞嘅體驗唔係幾好。。。

今日放工順便買晚餐，諗起泡椒豬手超好味。就去康寧道正宗刀削麵，買了三個套餐及三個小食。原本想叫湯麵，但回家搭車也要半小時之多，分湯上又怕倒瀉，所以最後叫撈麵。回家麵已暖了，吃了感覺不一様，還是堂食美味多點。唯有自行加熱，令其回復熱度，才能夠入口。還是泡椒豬手及泡椒牛柏葉非常吸引，保持一樣水凖，特色推介不錯。泡椒牛柏葉：爽口美味，泡椒香辣味道不錯。泡椒豬手：豬手皮質爽口彈牙，配上濃厚泡椒醃製,口感不錯！

喺OpenRice首頁好味滋訊發現一間「正宗山西刀削麵皇」，收工一於和伴侶去試試，去到見小店裝修以綠色為主，地方乾淨，簡單舒適，廚房係開放式可以見到一個高大年青人有技巧地削麵，另外還有2位年青人係廚房幫手💪🏻我叫咗麻辣豬軟骨刀削麵（小辣），伴侶叫咗餃子雞翼刀削麵，2個套餐都係配豆漿。一碗熱辣辣刀削麵由一位青春無敵😚女侍應送來，見湯色清澈，喝一啖…湯味香濃但唔鹹，麵條有麵粉香味，條條刀削麵都係薄薄的，麻辣豬軟骨係小碟另上，入口香濃軟滑…Juices 😋色香味俱全，辣得有層次…係香辣，唔係辣到麻木；伴侶叫的餃子🥟雞翼刀削麵同樣入味好食，佢哋豆漿夠凍唔太甜😋兩個套餐加埋$100，另外見餐牌有飯及其他小食很多選擇，我哋已經諗住下次食煎小籠包及小食還有主食刀削麵啦🤣

正宗山西刀削麵皇 刀削麵現點現做，沿用正宗製法，堅持不用機器，全手工製作今次過到黎食 酸菜魚刀削麵,麻辣水煮魚刀削麵 滷豬頭肉 選用由四川帶黎既食材香料,特別正宗香辣麻勁 魚肉嫩滑 刀削麵條煙韌彈牙,吸左辣汁一齊食味道更鮮酸菜魚片刀削麵 酸香清新 不麻不辣只酸香 開胃清爽 魚片份量多又嫩滑豬頭肉滷過再加麻辣汁,又香又辣,肉質好彈牙有韌勁消費$122評分8/10地址： 觀塘康寧道58號號地下

熱撈刀削麵配豬軟骨及東坡肉刀削麵有勁道東坡肉肥美而不膩凍檸樂跟餐叫$4咋會再來幫襯………………………………………………………………………………