正村壽司 (已結業)

行完書展, 灣仔周圍d restaurant 都close得七七八八… 結果行左入呢間9半last order, 11點close ge restaurant.9點後入座$100減$30, $300減$90. 今次用到呢個優惠~~芥末八爪魚比一般ge較辣, 比較多wasabi… 不過八爪魚粒切晤碎… 好大舊…海蜇味道正常, 爽口帶酸玉子壽司, 三文魚三味, 三文魚腩壽司, 璋紅魚壽司三文魚三味, 三文魚腩壽司, 璋紅魚壽司都係正正常常, 壽司飯偏大舊, 醋味晤重, 不過味道晤差.值得一提ge係玉子壽司, 好軟身, 水分充足, 甜度亦剛好, 而且好有蛋味, 正!蟹子沙律都係青瓜, 蟹子, 蟹柳. 味道都係無咩特別, 正常.炸豪壽司卷麻麻地, d炸豪晤夠熱, 味道好一般鰻魚飯呢個就真係熱辣辣! 一食落口, 成身暖口西~ 不過d飯好爛, 同埋真係晤夠汁…一口玉子豆腐味道有d古怪之餘, 仲有勁鹹… 晤得!Overall: service麻麻地, 雖然服務態度ok, 不過d人叫極都晤肯加茶, 趕收工, 執野… environment方面, d 位好窄…

見好耐都冇去過大有商場，打算同朋友閒逛下，點知見到間壽司店，下午茶某啲壽司一碟有三件，見好似好抵又突然發覺自己有啲肚餓，就咁比佢吸咗入去。都幾大嚿，味道算好好味但又唔差用牛油同蒜片煎到好香嘅帶子炸蝦天婦羅熱辣辣，好味吞拿魚腩就一般芝士蟹籽軍艦，吞拿魚沙律軍艦，好味整體嚟講唔差，值得一試

嘩！下午茶係好平！但唔洗甘低質素下話....八爪魚勁乾...(價錢同板長下午茶一樣)，點解可以差甘遠！呢間野真係....omg!三文魚，無魚既味道...無言了唯一可以再order的是炸蝦！幾好味！又抵食~呢兩款我只試了一口，好麻麻......最後這個是我愛的牛油薯仔粟米!!!係幾貴...味道過得去的~~這家壽司店，我一定不會再光顧了！怕怕

每日提供十款價廉物美的午市定食，包主菜一款、沙律、豆腐、麵鼓湯及可樂一杯，仲有綠茶一包，自己沖，抵、正﹗雜錦刺身壽司飯($49) – 賣相水吸引，料足﹗圓圓煙韌珠珍米飯，上面灑上脆卜卜紫菜絲，配料有三文魚粒、魷魚料、蝦粒、燒玉子粒及牛油果粒，油香爽甜脆混在嘴裏，口感豐富，層次分明﹗豚肉生姜燒溫泉蛋飯 ($49) – 同事表示豚肉量多、嫩滑入味；刺破溫泉蛋，蛋味香濃的溫泉蛋混合生姜汁滲透珍珠米飯，超級yummy﹗沙律 – 清新開胃，有鮮生菜、粟米粒及少量小蕃茄，混合酸醋汁好夾﹗凍豆腐 – 豆味濃郁、嫩滑豆腐配芝麻醬，好味﹗麵豉湯 – 豆腐昆布麵豉湯料足，唔會過鹹。 醬油有兩款 – 昆布醬油顏色較淺；味道較淡；吟嚷醬油顏色較深，味道較鹹。

今天又是趕著出門，因此沒來得及吃東西，經過大友商場，靈光一閃想到正村，如果有Set Lunch的話，乾脆吃一頓好了，反正已經很久很久沒光顧過「正村」了。到了「正村」，有Set Lunch供應之餘，人客亦不多，無需等位，侍應安排我坐到迴轉枱，反正一個人，迴轉位反而更自在吧！尤記得當年在「正村」的姊妹店「壽司正」吃過魚翅壽司，感覺相當有趣，如今「壽司正」已然壽終正寢，不知現時的「正村」可有保留這款魚翅壽司呢？魚翅壽司也隨著「壽司正」而正式作古，「正村」亦源襲了「壽司正」的醬油二分法，分別提供吟釀醬油及昆布醬油。吟釀醬油較一般的醬油更多工序，最宜配合脂肪較豐的魚類，而昆布醬油則在醬油中加入昆布精華，令醬油更甘甜，最合白身魚及貝類。這種醬油二分法是「正村」的一大特色。「正村」的Set Lunch選擇還算多樣，最後點了一客三色丼定食。沙律及前菜定食包括了沙律及前菜，沙律是一般的生菜沙律，簡單的加上幾顆玉米，再配些酸醋汁。份量是不多的了，還好菜蔬尚算新鮮，只是醋汁太酸了一點而已。前菜是一口的麻醬豆腐，豆腐吃起來像「維他山水豆腐」，頗有豆香，配上濃香的麻醬，還是相當美味的。三色丼 三色丼包括三文魚，

自從上次食完魚生肚痛後，暫時不敢再到小店食生嘢。覺得集團式經營的餐廳衛生會有保證。此店正合我的要求。可能地點關係，當其他大型連鎖壽司店大排長龍時，此店仍是不用怎等位的。午市定食(有熟食、刺身和火鍋)的款式都算多。我點左魚生三色飯定食。定食包括沙律、豆腐、麵豉湯、魚生飯。沙律莱—新鮮豆腐—ok麵豉湯—普通魚生飯—有各種不同的魚生、幾新鮮店內環境簡單乾淨。食物質素有一定水準，價錢大眾化，當然會再光顧啦。

正村嘅分店位置唔近熊家, 所以幾張會員折扣coupon都從未用過, 橫豎剛好在大有附近, 用埋最後一張未到期的coupon啦~每天中午12時至下午3時是午市時間午市定食奉送沙律1客及百事可樂1杯三色丼$59, 三色乃帶子刺身、三文魚刺身及海膽刺身。 飯只得半碗, 涼涼的珍珠米飯帶黏性, 口感煙韌；三文魚刺身切得較薄, 魚味不夠濃、爽口帶子刺身厚件, 味道鮮甜、海膽刺身只得兩小份, 味道甘甘地並偏向苦, 唔得3PM開始下午茶, 指定壽司由一碟兩件就送多一件, 即是一碟三件, 抵唔抵就因客而異

我和朋友o岩o岩好夜晚9點到，剛好係宵夜優惠開始，我之前都黎過，食滿100蚊平30蚊.....食滿300蚊平90蚊等。餐廳雖然有bar枱，朋友想坐得舒服D，我地就等一陣，大概15分鐘左右就攞到卡位。我地因為食左下午茶，所以都唔係好肚餓，咁就少少地叫D野食。我地叫左3色刺身、熱湯烏冬、冷麵同豬扒鍋。3色刺身，包括有3隻蝦、3片三文魚片同3片帶子，因為朋友唔食蝦，所以我食晒D蝦，佢食晒D帶子，各取所需。三文魚同帶子size較細，食左落肚好似冇食過咁! D剌身新鮮程度都係一般，由於係食宵夜同呢個價錢，唔要求得咁多。我就冇食到熱湯烏冬，朋友成碗食晒，應該都OK!我就食冷麵，包括有素麵同抺茶麵2種，配有醬汁蘸，冇咁淡味。我結果食晒D抺茶麵、少許素麵，其餘比埋朋友食。以蛋汁配吉列豬扒o既豬扒鍋，有D汁，冇淨係食吉列豬扒咁乾，但我兩款都同讓鍾意食。以呢個豬扒鍋送烏冬同冷麵一流，好似食車仔麵咁。吉列豬扒都尚算鬆脆，當然唔及吉列豬扒專門店咁好食啦! 下次過開黎灣仔再食過，抵食!

今日lunch去左正村開飯，第一次見識到咩叫咸到苦...所以一放工就急不及待的要寫一個食評。平日幫襯正村都係食佢個是日set lunch，咁啱今日果個唔係好啱食所以試左個吉烈豬扒定食。等左一會，看見坐在旁邊的人都是吃這個定食，色水唔錯，以為無叫錯野食啦....點知我果個一黎到就發現自己太天真了，旁邊兩客定食個豬扒都係金黃色，我果個係豉油色，d蛋都變埋咖哩咁ge色.......好明顯係過左火或者調味太多，不過心想算了，應該不至於太差，因平常的水準都叫合格。一放入口，那塊豬扒不但不熱，而且一整塊都是硬的，連本應是脆的外層都是硬的。最致命的是它的咸度與喝豉油沒分別。吃了一兩塊已棄權...第一次有咸到苦的感覺，味覺被弄得連喝汽水都嘗不到甜品。希望可以改善下咁參差的質素...真是一眼都看得出跟正常樣子有分別...><

已經唔想去d大型連鎖壽司店, d質數越來越差, 聽朋友講呢間d食材幾新鮮, 約左朋友去灣仔, 黎開呢邊順便試下可能時間尚早, 都唔使等位, 而且有下場, 時間緊迫, 所以要快d手, 不過坐到一半已經有好多人要等位, 好彩姐XD叫我最愛既三文魚, 帶子, 見唔係差好多錢, 揀左件珍寶帶子壽司仲叫左黑毛和牛壽司, 雞軟骨串, 同埋多幾款壽司(時間太趕, 所以冇影到相, 唔記得左係咩@@)帶子同和牛超好味, 和牛入口即溶, 又濃牛味, 帶子好鮮甜, 不過呢2個係等得最耐, 因為要解凍喎其他壽司都唔錯, 都好新鮮不過雞軟骨唔係好得, 燒得唔夠燶, 同埋佢加左汁落去令到d雞軟骨"林"晒, 如果佢可以係鹽燒就好喇同埋佢冇我最愛每次必食既鹽燒牛舌囉整體黎講好滿意, 成日食日本野既我, 會多d幫襯, 最衰只係d分店唔太就腳

現在連鎖壽司店越開越多, 感覺開始有點像便利店一樣: 梗有一間係你左近.這天跟另一半去了灣仔, 下午3時都還未吃午飯, 餓得要命.經過大有商場, 看到有家壽司店不常見的~2個人壽司癮起, 便進去試試.周末時段還有下午茶優惠, 點2件變3件, 聽起來好像很抵~跟其他壽司店不同的是這家有2種醬油給你選. 一種是比較咸的吟嚷醬油, 顏色也較深; 另一種是比較少見的昆布醬油, 顏色較淡, 味道亦然.先上個海膽跟三文魚子~從未見過那麼爛的海膽..... 好像放了大半天放到出水一樣....膽粗粗吃下去, 苦的.......真失敗的海膽, 雖然我知道這種地方叫海膽也是玩命性質, 但也太離譜了吧?三文魚子很稀疏的鋪在上面...吃得不過癮.另外還點了三文魚, 吞拿魚, 鰻魚, 左口魚邊, 劍魚跟蟹棒.全部都很迷你小巧呢.....三文魚普通, 還可以的.吞拿魚很腥, 我能吃腥的就沒問題, 但另一半吃了一件便頂不住了....鰻魚魚肉十分散, 但醬汁還是可以的.左口魚邊, 我真的第一次見到切得那麼薄又小片的魚邊.....雖然左口魚邊出名油脂豐富, 但這個吃下去感覺不到, 只覺得有很多根....劍魚還是可以的.

心有不甘因為上回錯過下午茶時段, 今日實食無痴牙 下午茶時段以5:30 前落單為準我倆五點已就坐, 但店內只有一枱客人 我們分了兩次落單, 因為唔想一次過成枱都係食物會有強列的壓迫感 要講講 : 下午茶的優惠是一碟兩件的壽司會加送一件 (抵..抵..抵..) 再以東亞信用咭消費換來85折的三文魚刺身及加洲卷, 感覺更抵食 我們點了共十四碟壽司, 刺身等 (變相多了14件壽司), 味道不過不失, 總之食完無後悔或者肚痛, 唔好話我要求低, 我地只係睇餸食飯遮 火灸系列: 分別是鮭魚; 鮭魚腩; 長腳蟹棒; 帶子等 壽司分別有愛到死的玉子; 蟹柳; 鮭魚; 油甘魚, 鱆紅等刺身有: 三文魚 卷物 : 加洲卷 軍艦 : 三文魚子; 螺肉等 (紫菜如上次食過一樣腍) 最後以可樂加芝麻雪糕作結 (喜出望外雪糕上付上脆口的朱古力蛋卷)

第一次用東亞信用卡的優惠 半價2人餐不用等位就有得食~ 有卡位和壽司枱位, 卡位望街景感覺舒適侍應勤卡斟水, 服務一流食物足以3人食, 天婦羅不錯, 帶子壽司有驚喜~ 牛肉鍋好甜 可以跟炒飯食中和加一後 $220. 寧靜的環境, 抵呀!~

記得漆咸道的正壽司闢門大吉後以為在香港引退原來靜悄悄地搬到此而且經營了一般日子, 改名為正村 剛剛過了下午茶優惠時段 五點多的時間人客不多而我們被安排坐四人枱 有趣的是醬油也分了兩種, 但樽上又無提示 我就發揮的天生的敏銳嗅覺, 再加味覺分分辨 得出 昆布醬油顏色較淺; 吟嚷醬油顏色較深 , 但如前食家所提及… … 好咸為免醬油會蓋過魚的味道, 所以我選了前者 由於我倆食力不弱, 其點了廿款食物 灸鮭魚壽司; 鮭魚壽司 ; 鮭魚腩壽司; 三味鮭魚壽司: 同三文魚有仇其中最美味要數鮭魚腩, 其餘質素平平 希靈魚壽司: 鮮黃色的魚面, 食落去就有點似食蟹子, 有點Chok Chok 脆, 魚味較淡而且帶點點點腥味加州手卷: 紫菜腍已扣分, 幸好料足而且還加了牛油果口感更香滑 軟殼蟹 手卷 : 奇怪此卷的紫菜是半腍, 但軟殼x 凍冷冷, 皮厚如面具, 差! 長蔥鮭魚腩卷 : 正常玉子壽司 : 冷冷涼涼的甜蛋, 做到一層一層甜蛋夠厚又美味, 飯夾在正中份量比蛋小唔知點解每次食蛋都有一種幸福既感覺 整體的壽司飯沒有死實實感覺較濕潤份量也較小 熱食 牛肉鮮菇串:, 牛肉卷著

這晚約了友人在灣仔晚膳，但兩口子(豪)無頭緒，路過大有廣場見有數家食肆便進內逛逛，就這樣選了"正村壽司"用膳，這時大概19:30不用等位，見舖子不大侍應不多所以沒大期望，不難吃便收貨...選了和牛火鍋放題$108/位，限食90分鐘，如浪費食物100g/$10︰‧2人1小鍋海帶湯底，味道OK；‧主菜︰即切超薄片和牛約12片/碟，灼2-3秒就熟明顯肉味(正!)，食完可再加，只吃了2碟因要留肚試壽司；‧配菜︰豆腐/金菇/鮮冬菇/芋絲/油揚/黃牙白/蟹柳/魚蛋/牛丸/小棠菜/蘿白，全部切小件同樣可再加， 想吃那款加那款，而飽肚的烏冬/白飯/拉麵，你叫才上亦可不吃，沒迫你吃飽肚點(試問有幾多家？)， 日本的豆腐、蘿白真的好味！鮮冬菇也不錯，加叫了豆腐/鮮冬菇/油揚/蘿白/黃牙白及烏冬， 加單的份量會多2-3件，大胃的再來2碟和牛片已經回本。 已經飽飽~但為食我倆要試手握壽司，+$60/位任食指定壽司，傻傻的我們吃飽才+， 店長向我們說要落火鍋單時加才可因為有時限，不過今次可讓你們加吃，但你們已吃飽壽司也吃不多， 右吃不化算噢~還向我們解釋散叫較化算(老實呢~)，最後點了5款壽司，因為