正記茶餐廳

营业中

休息中

星期日放假一起身已經係下午茶時間😆搵到呢間茶餐廳就去食返個tea。呢度有室內同室外，室外可以帶埋寵物🦮隔離有個地方可以免費泊車🅿️近排天氣幾涼爽，就揀咗室外。-常餐：沙爹牛肉公仔麵+奄列多士 $48-吉列魚柳沙律 $42食物味道：正常發揮，符合呢個價錢啦😅-環境：坐室外都幾chill，附近環境都幾空曠-服務態度：充滿”港式文化”😆不過去得茶餐廳，我個人嚟講唔會話好有要求-埋單2人$96，人均$48，好抵

今日遊車河經過呢度附近，就兜入嚟望吓有咩好食。見到呢度有得停車，就泊架車過去睇吓。一坐低梗係望吓個餐牌先竟然有魚乾蒸腩片食，我梗係即刻嗌一份嚟試吓啦。嘩，一上枱嗰陣香味真係不得了呀。魚乾好香口，而且腩片唔會好多肥肉成件事真係好幸福😋😋😋😋😋食食吓見到有班電單車友入嚟食嘢，其中有兩個熟口熟面，望真啲原來係森美同張繼聰。😂😂😂咁即係證明呢間餐廳好食啦！明星都專登過嚟食野🩷😋😋😋😋

喺掃管芴村嘅正記茶餐廳，裝修得宜，提供咗室內同室外坐位，非常適合行山後嘅休息。中午時分客人都唔少，但我哋因為天氣炎熱，選擇咗冷氣充足嘅室內座位，感覺好舒適。食物上，我哋點咗乾炒牛河同雪菜肉絲米粉配多士火腿奄列，都可以加錢得到飲品。乾炒牛河熱騰騰送上，味道惹味，而雪菜肉絲米粉雖然味道平平，但都算可以，就係份量稍嫌不足，火腿奄列味道標準。至於飲品，凍檸樂同凍檸茶都算正常，冇乜特別。呢間茶餐廳嘅食物質素同服務都令人滿意，冷氣尤其充足，非常適合行山嘅朋友停留補充能量。員工嘅服務態度亦好，使人覺得賓至如歸。下次行山經過，都會再入嚟休息同享受美食。

呢間咁嘅茶餐廳4:30去到問佢少少嘢好似好趕收工咁樣問佢收幾點佢話5:30先收工咁我都係飲杯檸茶食個下午茶九個字乜都完啦如果唔想做就唔好開啦咁不如你大大個牌喺度話俾人聽收幾點我哋有六個人 佢又覺得唔做呢單生意好似唔抵我哋嗌咗檸檬茶炸薯條同埋呢個鹹蛋黃雞翼鹹蛋黃雞翼賣相一般，但係食落個味道真係唔錯嘅除了服務態度下完山，有個地方坐低食嘢環境唔錯同埋佢嘅價錢都好相宜，$40一個下午茶餐你問我我就唔會再嚟啦，寧願搭車出去市中心搵啲好食啲

這間餐廳非常適合揸車人士餐廳隔離可以泊車，遠離城市嘆個下午茶可以帶狗狗🐶🐶🐶去的，餐廳服務都唔錯。叫左湯麵餐就非常普通，沒影相，不建議叫😅😅應該炒粉麵會正啲下午餐：🍗🍗🍗炸雞髀沙律就好食😋😋😋😋係即炸熱辣辣皮脆肉嫩，環境是一流。下次要試吓炒粉麵，應該都唔錯。如果假日無野做去呢度食嘢都係唔錯既選擇，價錢都係正常茶記價錢，唔需要同人迫☺️☺️☺️☺️☺️附近仲可以去行山，上山前都可以過黎補充體力先行💪🏻

經過，諗住入去食一餐，未食過啲咁難食嘅嘢，但係冇辦法，附近唯一選擇，附近可能新屋苑多，冇乜得揀，所以都好多人幫襯，啲嘢好鹹好難食，服務態度一般，可取嘅可能係免費泊車

今日跟朋友一起來到掃管笏村傳道，順便在此附近享用午餐。📍位置：就在村口附近，可以乘搭K53巴士到此。🏠環境：有室外露台座位，並設有大的太陽傘，但客人會在此抽煙，所以吃午餐時就吸二手煙，而室內空間不大，普通茶記裝潢。🤵🏻服務：挺快手上菜，態度不覺有網上說得那麼差。🍽️午市：提供套餐，包熱飲。🥢雞扒撈丁🍝+🍫熱朱古力 $60雞扒煎得皮脆肉嫩🤤，調味適當，不會過鹹，公仔麵淋上少得可憐🥹的瑞士汁，但不會過腍，正常水準😗。🥢乾炒牛河🍝 + 🍯熱菜蜜 $59朋友點叫，試吃了幾口，牛河炒得乾身😙不油膩，醬油上色均勻👍，牛肉片不多但可口，整體不錯☺️。🥢欖菜四季豆雞柳飯🍛 + 🍋熱檸水 $51朋友點叫，賣相不錯，亦是第一個上菜的餐，味道不差，朋友都清碟了🤣。🥢蟲草雲耳蒸肉片飯🍛 + 🍋熱檸水 $51朋友點叫，蒸肉與飯分開上，味道不清楚。

最初看到其他食評便不願來幫襯，但周末散步經過正記就不防坐低嘗試一下。今次來一個正面分享☺️食物方面覺得不錯，正常茶記食品，最值得讚賞便是速度，下單後秒速送到兩杯凍奶茶🧋，奶茶多奶味道我喜愛的👍🏼下午茶叫了一客農場熱狗，新鮮即製有溫度。另外，我也叫了一碟Honey至愛的乾炒牛河，熱辣辣河粉炒得乾身味道合格，送餐速度幾滿意！整體在村內的一間茶記可以服務吓附近街坊及行山人士算是不錯的選擇😃另外，看見一隻好乖的狗狗🐕在餐廳裡周圍走，好似跟每一位食客打招乎，但係原來不是餐廳養的但好似街坊咁對人好友善也比你摸一下，非常可愛喔，令心情很愉快😍

真係好小會令我要寫食評 。但今日真係一定要寫。叫左兩個外賣。 食完2啖咸到爆食唔到。 掉左。 好心打返去同佢講。 都係諗住提下佢地叫廚師注意下，都係諗住要咩補償 。 係個接電話個個話下次叫外賣講返聲送返比我。 其實都無諗住再食。咁咪算囉。 點知再打返比我，話店長話如果有咁既情況。要我拎返盒外賣落去再整過比我。要比廚師試下係咪真係有問題咁咸， （真係難想像客人食過要叫廚師再試既心態係咩？） 話唔會下次賠比我 。聽到真係火滾。 我會貪你個餐咩。我叫得外賣都係唔想周圍走。 仲叫我拎返落去，都已經講掉左啦。我打去係想提下佢地， 留意下d 味道無理由咁咸。 但打返來同我講好似比我感覺覺得我佢咁。真係無下次

行山經過幾次，平時見佢客都唔少，外面看起來都好似幾relax，以為好食，今日便決定來光顧，點知中伏。室內話只有6張枱（不知怎計6張），枱同枱沒有1米距離，背貼背，一張枱已不大，還要中間隔個板，而仍防疫及2人一枱關係，因為一般餐廳都只安排2人一枱，友人同我便隔板就坐，怎料點餐時，他們要求同排而枱，話因枱少及繁忙時間（但目測仍有2張吉枱），友人同我要求分單，好讓至少有一個距離，也不用同陌生人同枱。但是，那個阿姐見有新客，便不停在我們耳邊講要並排而坐，不要餓親其他人，讓多點人食飯。。。都唔知好心定什麼，食物質素已不佳，又不是便宜，再加上語言及服務問題，如果旁邊有另一間，真係好想立即走人，唯有我食完自己走先，友人同我一致認為唔會再光顧 。明白小店要生存，但也有要防疫及公德。

行完山回程途中，又攰又餓既時候經過呢間茶餐廳，見到有下午茶食就即衝入去😆。 🍴腸蛋麵$38 (配熱飲)蛋2隻腸仔2條，太腸蛋煎得幾好，係燶邊既。麵就普通大光麵，如果要出前一丁要加5蚊呢。 🍴炸雞中翼拼薯條$39 (配熱飲)雞翼炸得幾好食，出面香口，調味亦唔會太鹹，薯條就不過不失啦。🍴紅豆冰 (跟餐加$10)望落去黃黃地，其實係個杯既顏色啫，係正常味道黎既。入面竟然有雪糕！驚喜！我地係臨近收鋪時間去既(堂食只到6點)，員工係度清潔，一路聞住d清潔用品味一路食🙈，但餐具同環境都有d污漬，可以改善。不過行完山去醫肚都ok既。

今日秋高氣爽，同朋友去咗屯門千島湖行下山，享受下個假期。行完山之後就同朋友路經呢間茶記，見裝修好似唔錯，又餓餓地就試下佢啦。入到去唔算好多人，4個人叫4個餐，大家都諗住好快有得食啦，食完就搭番車出去市區，點知一坐就9個字，嘢飲都無杯。三催四請之後嘢食終於嚟到，我都冇乜期望，都係普通茶記嘢。食完搭車個時，我再上一上OpenRice 睇下大家啲食評，原來係無進步過。。。呢單嘢實係要介紹仇家嚟試，浪費時間一流。

新搬入村住 開頭幾日冇煲煮野食 又唔想行到出黃金海岸咁遠 見有間茶餐廳 就試試佢😌本身都冇期望 以為普通茶餐廳 結果食落幾有驚喜仲有得揀坐室內定室外 有風吹埋黎幾正新入伙 太多野搞 餐餐喺正記食 都未厭🤤早餐同下午茶都幾抵 午市好多地盤工人黎食Menu都幾多野揀 價錢好良心 店員仲好Nice添😉睇黎以後又多個藉口唔煮飯lu🙈

未食野，先受氣，下午5點去到，未到cut單，男職員埋怨我地咁遲黎，又話假日好多單，又話好多行山客，又話平時只做村客，又話d單做唔切個個都係咁等，又叫我地等45分鐘，又著我地快d叫，之後對我們重覆又重覆訓話5分鐘。。唔做生意咪算，咁對客人，大開眼界。

返工前嚟到呢間餐廳食早餐，叫咗個豬扒雙蛋一丁麵。 雙蛋比豬扒更出色，豬扒畀啲湯浸到林曬。 麵的份量略嫌少咗啲， 就咁睇幅相就已經知喇，完全見唔到啲麵。味道ok，不過不失。