正記菜館

营业中

休息中

見天氣凍凍地一行幾人諗住去食羊腩煲，點知大中伏兼一肚氣！😡 一個細嘅羊腩煲居然收我$278都算，得嗰幾舊肉，仲要又韌又難食，係我哋食過最差嘅羊腩煲 👎🏻 跟住叫左個魚肚浸勝瓜，勝瓜又係得幾舊，味道仲要淡而無味👎🏻啲野唔好食都算，去餐廳食野仲要受氣😡嗰幾個員工態度極差，啲野食未問完就大聲用呼喝嘅語氣話冇，跟住就用極惡劣嘅態度話「你返大陸食囉」，完全係趕客，所以香港食肆市道差執笠唔係冇原因😠呢間正記都唔係第一次，我啲朋友都話中過伏，地板又多垃圾，唔會再有下一次👎🏻

講起想一班人喺元朗食大排檔/打冷，首選一定係簡呢間喺大西北無人不曉嘅正記菜館啦，最啱叫多幾款小菜同朋友一齊開心share呢份港式地道風味～啫啫滑雞煲💰HK$110滑雞一啲都唔滑，肉質比較乾身，雞件份量唔多，有少少失望～豉椒炒蜆💰HK$98蜆肉都算多而且冇沙，豉椒好惹味～椒鹽九肚魚💰HK$135椒鹽味濃郁，九肚魚炸粉好薄，而家炸到新鮮熱辣辣，口感外脆內嫩，冇得輸～腐乳炒通菜💰HK$70叫咗咁多碟肉，梗係要叫返碟菜中和下，炒通菜唔老又有鑊氣～

兩個麻甩佬又係時候去揾食，今日又係啤酒日，有乜同啤酒最夾，梗係潮式打冷啦！正記係元朗打滾咁多年，質素有哂保證，決定今晚食佢！打冷當然唔少得潮洲鹵水，一個鹵水拼盤包羅萬有，有豆腐，鵝腸，豬頭肉，大腸，大魷，應有盡有，全部都係相當下酒。之後來多個炸蠔餅，香脆可口，咸香味引到我哋兩個一杯又一杯。最後整多個凍烏頭，採用元朗楊氏烏頭，肥美多油，沾上普寧豆醬食，魚油香配上豆香，雙得益彰。兩個人食三碟小菜，不經不覺就飲左幾枝啤酒，傾左幾個小時，男人就係咁簡單。

朋友介紹我去試元朗呢間打冷店，好耐冇食過大牌檔既風味，多款菜式選擇，小炒好有鑊氣，滷水好入味，芝士海蝦伊麵好濃芝士香味，椒鹽魷魚鬚，同蠔餅好香口，係宵夜既好去處

原本諗住去潮豐宵夜既，點知佢地東主有喜，休息一天，唯有過隔離正記試下啦！😉 無晒鵝片，老闆話點鹵水鵝俾隻鵝肶我喎！😏黎到碟鵝堆到成座山咁高，諗住墊左好多野係底啦！點知就得幾舊豆腐🤭，鹵水充分滲透鵝肉，肉香多汁😋，不過啲骨就斬得碎左啲囉喎🙈蠔仔粥點了一窩，雖然窩不是好大，但蠔仔一點都不小，份量還幾多下😂

出去食飯就是睇運氣隨時等三五七個鐘好彩呢次一去到就有位只不過點菜就失手左1️⃣乳鴿炸得個皮脆肉嫩望落細細隻但食落都幾飽肉淮鹽係必備調味個人鍾意點醋/喼汁可惜呢間無配 送左一小片檸檬代替2️⃣豆豉鯪魚炒油麥菜單吃係好送飯豆豉鯪魚似倒左半罐落去炒油麥菜唔會覺得過火 保持左水份3️⃣怡香茄子魚腩煲魚腩炸過 香脆可口茄子切條索汁但面果層偏淡味d4️⃣肉碎蠔仔粥一大碗上枱表面已經見到滿滿材料除左蠔仔 仲有香菇、肉碎等一開始覺得會好重味意想唔到它竟然係解其他菜太鹹嘅重要角色果然一山還有一山高吖🤣

最近經常都好想食小炒，於是去到元朗，試吓呢一間，基本都唔錯…….小炒王 $100 好味度：⭐️⭐️⭐️⭐️除左菜甫有啲偏鹹，大部份都好好味，仲有好大隻蝦乾🦐🦐👍🏻.見到每一張枱都有叫呢一個，於是我哋都試吓……椒鹽魷魚$125 好味度：⭐️⭐️⭐️⭐️好味呢個。。魷魚又唔會太硬，炸得恰到好處😀👍🏻.蝦膏茄子腩仔煲仔飯 $68好味度：⭐️⭐️如果想食煲仔飯的話，就要早d 叫，因為製作需時～蝦膏的味道唔係好夠，所以茄子都無咩味。。而腩仔都無咩蝦膏味～但個飯，有飯焦，正😀😀👍🏻.

好難得一家人一齊入嚟元朗，睇小朋友表演舞台劇，諗住喺附近求其食啲嘢⋯睇睇下原來有大排檔即入😎可能早仲唔使等位！我鍾意食大排檔嘅為夠鑊氣🔥我哋叫咗乳鴿、蠔仔粥、滷水拼盤、椒鹽鮮魷、整多個菜⋯⋯當然唔少得嘅就係啤酒🍺🍺夠晒風味！真係想棟起隻腳🤣🤣有小朋友都係檢點啲好😜一睇呢張相就流口水，啤酒配豬大腸😂😂😂😋呢啲肥嘅間中食一次好，但係真係魅力沒法擋！有冇人同我一樣又未食就將個～肥～字忘記😎😎

今天晚上相約友人入了元朗正記菜館打冷，店舖雖很小因對出有一大片的空地，來到時已見到各間食肆在街上放滿了枱椅亦坐滿了食客好不熱鬧，不過在食肆林立的元朗，這種情景已變成了一種特色。今日叫了蒜蓉炒白菜、椒鹽瀨尿蝦、滷水鵝片、蠔餅、蒜蓉粉絲蒸扇貝。蒜蓉炒白菜水準就一般般，蒜蓉味都算足夠。椒鹽瀨尿蝦就做得十分惹味;不過蝦的個頭就未夠大隻，相對可以吃的蝦肉就較少。滷水鵝片就相當不錯滿滿的一大碟，鵝肉入味而且肉質不老，食落會有那種多渣的感覺。蠔餅賣相也相當不錯颜色炸得金黃黄的，大大塊而且蠔仔夠肉不是用很細隻的那種來炸，咬落很有口感，整塊餅炸得酥脆香口非常惹味。蒜蓉粉絲蒸扇貝的扇貝不算大隻，肉質也夠新鮮;只是個人感覺蒜蓉和粉絲分量過少，如果再多放一些效果就會更加好。整體而言食品質素和價錢的性價比還都可以，因為是大排檔的格局，雖然坐店舖內亦有那種排檔feel的體驗。

店員nice . 餐牌對比平時打冷菜館，大排擋菜館嘅款式冇咁多，不過大路嘅小菜就算冇喺餐牌上，都可以同店員落單。餸菜偏鹹。今次3個人食左5個餸，賣單454 。價錢都ok👍🏻

食物真係整得幾好味，特別係椒鹽九肚魚，外脆內嫩，嫩到入口即溶嘅感覺！炸蒜滿滿超惹味！炸蠔餅，蠔粒粒漲卜卜，大大粒，略嫌小小唔夠脆~炸豬手，外皮好脆，將d油逼曬出黎，內裡煙韌，不錯不錯！韭菜豬紅超好味，又juicy又滑嘟嘟！

難得入元朗 想話食個大排檔估唔到係令我同同行人都失望而離-蠔餅 啲蠔係大粒 但成份野一啲都唔脆仲睇得出係用萬年油 唔係話唔俾重用啲油但見到成塊蠔餅仲黑過我塊面都冇咩胃口想食-椒鹽雜燴成碟野得腰果好食 雞軟骨得一粒其餘都係一咬就皮肉分離嘅鮮魷-鹵水拼盤算係不過不失 但唔夠入味最好食係佢啲花生-沙拉骨上到枱係溫暖狀態 沙拉醫味係夠但肉質口感過分地腍！圖就冇啦 唔想影響大家食慾以上都係純粹想分享我當日嘅食後感可能係我哋黑仔先會遇到呢啲問題

朋友星期五過來食晚飯，諗住入到來元朗叫埋外賣帶上來食。最後大家決定幫襯正記打冷，因為正記夠鑊氣。鵝片的份量都算幾多，而且肉質唔會太老，都幾入味。炸蠔餅亦唔錯，但因為大家食得太慢，凍咗變得無咁好食。蒸扇貝係按件數收錢，我地叫咗3隻，夠大隻而且都夠新鮮。豬紅其實整得好正，只係有小小過咸。個通茶無咩特別，同樣有小小咸咗啲。整體食物的質素OK, 份量夠多，雖然係有小小咸。如果元朗想食打冷，正記係一個唔錯的選擇。

做完運動之後特別肚餓，想食好嘢同友人叫左幾個小菜，之前同屋企人黎過，所以都推薦！次次都會叫拼盤！乜都有啲，大家都可以試下😚叫埋啤酒🍻仲正😝椒鹽九肚魚，脆口又熱辣辣。一咬落去口感又滑溜，略嫌粉漿有啲厚。不過值得一試

講到元朗食宵夜應該冇人唔識正記,佢地既菜色非常多,除左一般大排檔既炒粉麵飯之外,仲有各款潮州鹵水打冷,例如蠔仔粥,鹵水墨魚,鵝片等,各式各樣,任君選擇,鍾意食宵夜既一定要試下