正記菜館

营业中

休息中

今日同朋友一齊去慶祝生日諗左好耐食乜又有5個人 於是就決定食大排擋叫d小菜一齊share食😋好彩時間都算早大約7點左右到左一到就有位坐啦~我地坐左係樓上地方都幾大坐得幾舒服 於是我地就叫左4碟小菜同埋3個白飯黎share食🤘🏻佢雖然唔包野飲但係就有免費既茶同水任斟~野食上得有dd慢 可能係即整既關係啦第1道菜就係蜜糖蒜香牛柳粒($83)佢一上枱就係啱啱炒起既 牛柳粒同埋薯仔上面有一層香噴噴既炸蒜😋然後牛柳粒同薯仔撈埋d蜜糖汁簡直係完美😆雖然佢係甜甜地既但係都好啱送飯 而且d薯仔好似輕輕炸過加埋d蜜糖汁食起甜甜地好似蕃薯咁既味好特別跟手好快就上左第2道菜-椒鹽炒鮮魷($88)呢碟鮮魷炸得脆卜卜超級好食然後加埋d椒鹽炒起勁香又惹味佢仲跟左碟少少既喼汁 點埋黎食竟然更加好味有少少酸酸地真係超開胃 佢炒個陣應該都落左少少蒜所以食起黎好香😛但唯一美中不足既就係d鮮魷得好少但價錢就相對比較貴隔左陣上埋第3道菜-肥牛粉絲煲($75)個煲一上枱既時間係熱辣辣既同埋洋蔥同大蔥味好香 d粉絲撈埋d汁食超級好味送飯又係一流既 但又唔會話好咸 而d肥牛都好軟腍腍唔會話因爲煲太耐而變硬左~~最尾就係比較清既西蘭

幾年前食過正記，隔左好耐都冇食過大排檔，有d掛住大排檔既鑊氣，於是就黎左食啦😆7點幾左右到，去到都已經幾多人，樓上岩岩好仲有幾張台，我地都唔洗等位，但係我地坐低之後10分鐘左右都坐滿晒，睇黎都幾多人黎呢到食。我地一共叫左4個餸，5個人食岩岩好。首先上既係：蒜香蜜汁牛柳粒 $83 👍🏻👍🏻👍🏻👍🏻👍🏻一上望到碟嘢黑蚊蚊，估唔到食落有驚喜。呢碟係有牛柳粒加薯仔，再有d炸蒜同蜜糖汁。一開始食面頭d薯仔已經覺得唔錯，d薯仔係炸過既，再加上蜜糖汁，有微微嘅甜味，非常夾。神奇嘅係食到底d薯仔會變到好似蕃薯嘅味道，因為底嘅蜜糖汁比較多，但係都好味，而牛肉就普通可以接受。但成碟既味道都好豐富，我最鐘意呢碟餸😍第二樣：椒鹽鮮魷 $88椒鹽分量落得岩岩好，唔會太䶢，仲有少少辣味，而且都炸得好脆，魷魚又唔會韌，送飯食都幾正。第三樣：沙嗲粉絲肥牛煲 $75煲入面有肥牛、粉絲、青椒、芽菜、菠蘿，配料都幾多，但個嘅味道同想像中有大出入，個煲係清嘅，食唔到有沙嗲味。但因為前兩個送都比較濃味，食番呢個清既中和下都可以接受，但如果繁係想食沙嗲既味道咁你就唔好叫呢個啦。第四樣：西蘭花花枝片 $83最後用左個菜做收結😋呢碟

上星期難得放3日假，入咗元朗搵朋友玩。跟住夜晚就食朋友推介嘅呢間小菜館。我地4個人叫咗5樣嘢，包括口水雞、蠔餅、豬手、蝦醬炒通菜同埋椒鹽鮮魷。呢到個口水雞同豬手都整得幾出色，口水雞唔太辣但係雞夠滑，汁又開胃。豬手皮脆肉嫩。其他嘢就中上。而且價錢都幾平，飲埋兩支酒，埋單都係每人一百蚊左右。會再嚟幫襯。

九月，隱隱感受到涼意，海鮮也變得肥美起來。在這海鮮季節裏，找一家小廚菜館大擦海鮮便最好不過了。在金輝徑有好幾家人氣菜館，吸引食客的除美食外，還有街邊排檔的熱鬧氣氛。潮豐水準已今非昔比，正記也不算特別出色，但見正記的海鮮相對肥美，想吃海鮮的我倆自然不作它選了。選了數款海鮮後，阿姐便帶我們到對面的店鋪安坐。正記在金輝徑人氣不俗，但近年食環署巡查得緊，不能露天擺放食桌之下，食客只能坐進鋪內了，客人亦因此而流失不少，始終大排檔講求的就是氣氛吧！蒜蓉蒸扇貝($80)肥厚大扇貝，以蒜蓉粉絲同蒸，蔥蒜不夠香口，扇貝倒是相當鮮美，蒸煮火候剛好不會過老，算是不錯。豉油王海蝦($115)份量不多的小蝦，帶一點蝦膏。以豉油、蔥蒜同炒，尚算香口，但略顯油膩。鹵水鵝片($120)送上一座「鵝片山」，鵝片份量多而厚切，也有不少炸豆腐、珠豆花生墊底。雖是冰鮮鵝片，卻是鬆軟有鵝香，略嫌切得太厚了。鹵水濃香入味，即使連墊底的炸豆腐也很有鹵水香，水準不俗。胡椒豬肚雞湯($80)以大鍋盛上，豬肚、雞件不少。豬肚滑嫩爽口，雞件略顯嚡口，湯底胡椒味挺濃，味道相當刺激。豉椒炒蜆($73)細種海蜆，時值入秋關係，蜆身漲卜卜的相當肥

今晚原本係老遠諗住食壽司，點知自己大頭蝦冇book位而又full咗，既來之則安之，就係附近尋找嘢食，近近地就去大坑渠嗰邊大排檔食。入到去，叫咗炸大腸，冇乜特別同出面差不多，然後叫炸豬手，呢個ok，皮超正，最後叫埋四川辣魚雲，呢個都係冇乜特別，我覺得唔夠辣，同份量好少。服務員方面ok，不過以大排檔嚟講，算唔錯，地方都係一樣，比其他茶記嚟講，算幾好。最後環境好嘈，其實係坐我地旁邊有張枱其中一個男人特別大聲，好似用緊咪講嘢，我朋友同我講嘢我係完完全全聽唔到。不過大排檔就係咁啦。

元朗美食多，但係是日千挑萬選下選擇了小菜，正記都算老字號，住元朗表姐成日食，但我都係第一次～是日點了，京都骨，滷水鵝片，涼瓜炒蛋，粟米石斑塊，京都骨，肉質帶點效勁，不會太軟，甜味夠，醬汁也不會太稀，骨頭也不會太多，啖啖肉，勁美味～滷水鵝片，不會太韌，肥瘦週中，滷水味入味，好味！涼瓜炒蛋，這碟菜等比較久，但店員說很受歡迎，味道不錯！苦瓜不會太苦（微甘），蛋煎得很厚，口感非常好～粟米石斑塊，比較沒有特別的菜，味道不過不失，不要份量幾多～4人用餐4小菜，只能說超級超級飽！！要用行路回家才能消化～不過正記火候夠，又有冷氣～實會再encore~~

揸車入去元朗當然搵間大排檔啦 ， 正記大排檔， 後面就有錶位停車場 ，附近亦有兩個 多層停車場 ，真係好方便 。就算坐車離距離輕鐵站巴士站都係你幾分鐘路程，。好多人唔喜歡去大排檔 ，因為又怕熱又怕冇冷氣 ， 但放心佢有好幾間大鋪， 可以話係有冷氣嘅大排檔 。眼見員工數量都不少好快又有人招呼。今次是佢幾個小菜下次下次再試潮州打冷。菜單設計唔錯 ，好鍾意啲菜單有相 ，真係增加不少食慾。金蒜香辣雞 ，真係好香蒜味塊皮好脆， 但係d肉仲係好嫩滑 ，但係真係要食得快啲 ，因為放凍左塊皮會變軟。乾扁四季豆 ，四季豆好爽口 ，加埋肉碎一起炒 好入味。 但我個人比較喜歡食辣 ，我已經叫加辣但係都唔夠。 脆炸咸豬手 ，都幾大隻下 ，皮揸炸得好脆好香口， D肉仲有小保留小小肉汁唔會太乾身。整體嚟講 ，而家既價錢比以前真係貴好多， 可能 成本太高 ，冇辦法唔加價， 早兩年 ，金蒜香辣雞 ，先至60蚊 ，而家要100 ，但仍然非常好食 ，水準保持得到。

星期五晚同三個朋友入左元朗食飯，目的係去食b仔，但始終都要食左正餐先打個底，就係b仔附近既正記食下大牌檔小炒。我地四個人入到餐廳叫左四個餸同一碟通菜，最後都食淨，所以可以講果到既小菜份量都幾多。咁餸我地就嗌左胡椒豬肚雞、魚香茄子、韭菜豬紅同椒鹽鮮魷。胡椒豬肚雞 湯頭味道認真麻麻，無咩胡椒既辣感，係街食到既豬肚同雞件無錯大部分都係冰鮮，而因為佢地係冰鮮，豬肚同雞咬落口淡而無味亦都係我預料之內，之但係連咸菜同胡椒湯都係無咩味，可想而知個湯頭只係有顏色既水，所以我地每人食左幾啖都無理到呢碟菜喇。魚香茄子就不過不失，呢碟菜都好難整得難食既。韭菜豬紅都係失望既，失望既點唔係在於豬紅，係在於佢既汁，個汁杰達達，同豬紅一齊放落口，其實食落口個感覺係好唔舒服，好似好唔新鮮，比我既個感覺係個汁煲過好多次咁。加上，張圖都應該見到，有d豬紅係已經煮到焦儂左。椒鹽鮮魷，係四碟餸裡最值得推介，因為佢大大件，無咩地方要彈，唔怕熱氣係絕對推介。最後就略略講下環境，可能係撞岩果晚食飯，隔離台係一大班中年男人，講野超超超超大聲同係度猜妹，搞到果日我地成班fd傾計係係度嗌出黎，嗌到沙都聲埋，完全傾唔到計，因為個環境係室內

同朋友行元朗，突然想食打冷，就即刻上網曦下有咩好介紹，見到正記好評幾多，於是就試下。去到叫左食潮州打冷必食鵝片、蠔餅，再加左個茄子魚腩煲。鵝片照舊有豆腐片係底。真心講鵝片好食，而個酸嘅調味汁係超好食，完全將鵝片嘅味道帶左去另一個層次。至於豆腐，豆腐皮較厚，而豆腐亦切得較厚身，鹵水味略微淡了些。蠔餅58蚊好大份！有成3大塊，每塊都大過塊面。食得到粒粒蠔仔都脹Bobo，但蠔仔味有點淡。炸醬薄且脆，只是略微黑，可能炸嘅時間多左少少。但加上魚露，無減食物滋味。茄子魚腩煲一樣大大煲。好多魚腩，茄子反而少d。魚腩拋過油，所以表皮過汁後仍有點脆，但缺少了魚香味。原來此煲只是"怡香" 並非"魚香",所以沒有了咸魚的茄子煲就令人若有所失嘅感覺。All in all，返食指數:4粒星(最高5粒) 兩個人食到打哂包，又飽飽都係260蚊，一個字- 抵!

放假一家人出去食晚飯,今次去比較遠的元朗,因為有好多選擇呀,想去有大排檔風貌、叫餸食飯的地方,於是揀左呢間店子。店子分了兩個舖位,舖位也分了上下兩層,晚市時段還有露天的位置呢。即睇有咩食。粟米魚肚羹,$70,有好多魚肚及粟米粒,味道不俗。蠔仔餅,$60,好耐冇食蠔餅了,本身係好鐘意食呀,外層炸得香脆,入面有足料的蠔仔,好味呀,不過係油膩左少許。肉碎蒸蛋,$75,蛋都幾滑,但蛋味較淡,入面有少許的肉碎,配上像美極味道的豉油,味道不俗。椒鹽九肚魚,$90,口感香脆好惹味,內裡魚肉嫩滑,好味呀。西蘭花花枝片,$85,好大粒西蘭花,有點硬,花枝片幾爽口,正常水準呀。沙嗲金菇肥牛煲,$75,沙嗲味太淡了,肥牛份量太少,一般呀。整體價格合理,食物有好味有一般,不過都幾有風味,下次可再戰呀。

今晚又凍又落雨，兩個人去咗食羊腩煲。星期六，八點半，門口好多人排隊，好彩我哋兩個人，啱啱好有張細枱。我哋叫咗細嘅羊腩煲$198 ，一個臘味煲仔飯$55。羊腩煲好腍好入味，唔會好韌，又腍得來有咬口！認真不錯！煲內有腐竹，冬筍，馬蹄，但冬筍只得2舊，馬蹄竟然得1粒！！ 好失望呀，我好鍾意食馬蹄架！煲仔飯好香，吸晒啲臘味味，好正！又煲得乾身！之前來食覺得小菜果啲係麻麻地，不過今次食呢2樣係幾好！但地方真係麻麻啦，我地隔離枱好彩已經食完，頭頂部冷氣忽然好似開咗水喉咁漏水，漏到要搵個水杯水壺裝住！！

入元朗，除左食西餐之外，潮式打冷選擇都好多，今次同2個朋友嚟正記食，4個人可以叫多d餸試，等左15分鐘左右就有枱，平時係擺埋係出面，今日就無啦！坐的環境係迫d,不過勝在有風味，宜家都好少d菜館嚟打冷緊係要叫滷水鵝片，肉質好嫩，唔肥，豆腐墊底，好味!士多啤梨牛柳-估唔到咁好味，牛柳好淋，d汁酸酸甜甜好好味，送飯一流炒聖子-最貴係呢碟，要$120,其實炒得好味但太細隻，無咁抵~~煎蠔餅-好味蒜蓉白菜仔大家食得好飽，份量剛剛好，又唔算貴~有獲氣!唔怪之得咁多人等啦！

今日夜收工, 返到元朗唔知食乜好, 最後去咗正記, 呢度收凌晨5點, 幾夜都有得食。  今晚人唔算多, 叫咗幾2個小菜同蠔仔粥, 價錢差咗但食物水準比以前差咗, 好失望 以前好鍾意喺正記食呢個椒鹽雜燴, 但係今次好失望, 份量細咗唔在講, 食黎食去都係食到魷魚同雞軟骨, 以前好多蝦乾架, 依家.....睇菜單個圖係個煲, 點知黎到唔係, 又係失望, 仲有個勝瓜同魚肚都唔夠淋個蠔仔粥啲蠔仲有好多蠔殼, 個粥底基本上係連泡飯都不如, 仲係一舊舊既飯, 雖然個味道唔錯, 但係都係好失望正記幫襯過好多次, 以前有粥同腸粉食, 好鍾意食佢既蝦米腸, 依家無呢啲嘢食, 淨係得小菜。 我諗我以後都會少啲黎。

間唔中會嚟正記食下飯, 今次冇影相喇~ 因為一嚟到已經狂風掃落葉....起筷 講下食左D咩啦~~ 寫正記係因為星期六, 爆晒場食物質數都好穩定, 大排檔既伙記仲好有禮貌添 鹽水雞, 好味夠滑 $90/半隻椒鹽骨, 大路野    $65椒鹽九肚魚, 炸得夠身  $65鹵水鵝片, 合格  $108蒜蓉波菜, 大路野 $48勝瓜浸蜆, 好食 $65(呢個值得食下)蠔餅, 炸得幾好, 又唔會好油 $65 本來加左個田雞, 但係食晒都未嚟, 因為食左一半後加既~最好就一次過order食物~ 6個人食都係$600

昨晚冬冬哋，又想打邊爐，但得兩個人，就選擇去正記食羊腩煲煲，暖一暖身。 由於去到已經成夜晚9點，唔使等位。一坐低就立即order 羊腩煲，唔使5分鐘，一個又大又多羊肉嘅羊腩煲擺係我面前。羊肉多而且又林又入味，最緊要唔“蘇”。再加上一碟生菜，真係一餐好好味嘅晚餐。