殿糖級 (已結業)

又熱又乾的天氣，仲要落雨令人好 moody! 今日在沒有約朋友下獨自在大圍吃飯，在半飽情況下跑到《殿糖級》吃個甜品才回去。 位於大圍地鐵站A 出口步行5分鐘不論外面要full 返補水mask ，體內也要，於是點了椰皇燉3.6 牛乳雪蛤膏HKD65 滋潤一下啦！原個椰皇表而佈滿滿的雪蛤膏 — 非常足料！ 而裡面就是3.6牛乳，口感好夾而且可以滑進喉嚨！ 邊吃邊再看餐牌，火焰雪山、窩夫、梳乎厘、雪花冰還有特別的雜果黑糖天使麵都幾吸引 ——- 這麼多，睇嚟要又要食左先算，晤減住lol ！

收工同同事按個靚摩再黎嘆個甜品，仲唔係殿堂級享受，門外見到好多特色甜品，好有心思，中式糖水好吸引，一睇就覺得好滋補養生，所以我地揀左個原個椰王燉3.6牛乳加燕窩！一上台，真係原個椰王上，上面舖滿晶瑩剔透既燕窩，好足料，配埋超濃燉牛奶，最後我連椰王入面椰肉都刮出黎食埋，Ｄ椰肉燉到淋晒，好易就食到，食完覺得個人潤晒。另外再叫左個榴槤拿破崙，以朱古力醬作伴碟，用酥皮夾住2層榴槤肉，好香牛油味，酥皮鬆脆有層次，配埋足料榴槤肉，冇以CREAM充好，好驚喜佢用全榴槤肉都咁多到爆出黎，CP值好高！鍾意食榴槤唔好錯過！

果日同朋友 去大圍食晚飯順便慶祝生日，估唔到糖水甜品小店都有蛋糕食， 可以慳返買蛋糕嘅錢， 又可以食甜品， 簡直一舉兩得。我哋叫咗個藍莓芝士蛋糕，份量絕對夠4個人食，軟滑芝士和酸甜藍莓的絕妙組合，叫人一試愛上。酸甜藍莓含有豐富的花青素和維他命C，除左能滿足女生的口腹之欲，又可以抗養化延緩衰老，又可以護眼養眼，簡直一舉兩得。另外我地又叫咗碗合桃糊， 作為女生，我地當然要經常養身，既然都已經秋涼，當然要食番d 補血的食物。呢到雖然唔係傳統煲中式糖水的甜品店，但合桃糊煲得非常杰身，十分足料，又可以溫暖身體，補腎、潤腸。呢餐生日甜品，除左慶生之外，仲係補身的一餐啊。

接觸法式甜品會被其香香甜甜溫和帶點浪慢的口感所欺騙，當知道吃多的時候就太遲了，低估了甜品的魔力，眼前景物耳中音樂皆美好，法式甜品去煩憂。.【殿糖級】呢間曾在不同媒體都有過報導過的五星級甜品專門店，之前已經在其他地區吃過，但今日路經大圍亦發發它的足跡就再度訪一次，時間尚早，所以店內人數不多，坐得非常闊落餐牌上的設計非常繽紛一系列精心炮製自家特色甜品見到都會想嚐試不同的款式。問問店員...佢話全店有九十多款甜品...太誇張了吧...甜品選擇真係非常多種類呀...點了兩樣都是法式類的為主...💜殿糖級心太軟配雪糕 $48心太軟即叫即整製作需時，大概需要10-15分鐘...法式甜點-心太軟...喜愛佢個種即外皮硬脆、內夾醇美熱巧克力漿再配上凍冰冰既香草雪糕，真係Perfect Match...呢度心太軟則用法國 Valrhona朱古力，仲Promise不流心即換。咁有原則抵試呀！熱辣辣呈上，呢個殿糖級心太軟，用上適當的溫度和時間！切開小小睇...香濃的朱古力蛋糕加上流心的朱古力漿，非常幼滑，熱騰騰的口感再配上一球冰凍的雪糕，令人非常滿足。仲有款係招牌作...前酒店師傅主理的西式甜品「拿破崙」💜

同朋友等另一位友人食飯, 所以去左朋友返工既地方一齊hea, 食飯未咁快夠鐘, 口痕想食糖水, 所以黎左呢度喇~由於時間尚早, 冇乜人.O係樓面仲可以八卦下廚房有咩搞作~Menu有好多選擇, 真係花多眼亂, 由於係飯前甜品, 所以唔想太full, 所以冇叫到waffle類,但我見格離枱叫既 waffle好香好吸引!紅棗雪耳燉海底椰天氣涼涼地, 最岩食返D滋補野~加上朋友有幾聲咳, 叫呢個就最岩, 海底椰可以潤下肺.飲落好清甜好舒服, 即刻覺得好滋潤!~魔鬼球呢個我諗應該係鋪頭其中一個好signature既甜品, 好特別!佢上枱時係個朱古力波黎, 店員幫我地淋上熱既朱古力漿, 睇住佢慢慢溶好治癒入面好有驚喜! 熱既朱古力漿加埋雪糕, 真係冰火交融XD而Mousse好滑, 加埋類似apple crumble上面O個D脆脆, 口感好豐富!!朱古力脆皮加埋朱古力漿同朱古力雪糕, 岩哂chocolate lover! 覺得太甜既, 伴碟既士多啤梨可以中和下~坐左冇耐, 成間糖水店都就坐滿, 睇黎都好多人鍾意食飯前甜品

呢間糖水店有好幾間分店，殿堂級個名都夠吸引，飯後緊係甜品走唔甩啦！川貝桂花燉雪梨一上檯都幾驚喜，原個大大粒雪梨😂以為咁大個雪梨要拎出來咬，估唔到咁軟稔，用匙羹輕輕一吉就食到啖啖梨肉加上川貝同桂花點綴，糖水清甜，岩曬呢d乾燥天氣潤潤喉！殿堂級心太軟配雪糕，簡單有心思既Pre-Christmas設計，食甜品係滿足另一個胃，有時可以滿足埋視覺係更開心既👍🏻外層朱古力厚度適中，介乎響軟軟地同脆感中間！識食一定係將熱烘烘既朱古力漿+上雪糕一齊食！ （雪糕有幾個口味 朱古力、雲呢拿...選擇）去既時候大約8點就唔算多人，一過左食飯時間就開始滿座！店外有錶位，我地就泊左近球場，成運路果邊，有半/2小時錶位！

約了朋友在大圍吃晚飯，吃完晚飯就到女仕最愛甜品時間。 之前來殿糖級吃過幾次，朋友吃完也讚好，今晚當然又再來吃個甜點喔～牆壁掛上大大甜品相，好吸睛。甜品種類好多，由中式到西式甜品也有，令人感到有選擇困難症～鮮果原味木糠布甸，木糠好香奶香味，質感軟滑，有入口即溶感覺。 鮮果新鮮又香甜，生果份量也多。香芋雪香雪花冰(香芋冰），有涼粉丶椰果丶紅豆及脆脆片伴食。 芋頭味香濃，雪花冰磨得十分細緻，層次多質感好綿。 日本蜜紅豆大大粒，粒粒起砂好好味。

第一次去殿糖級食糖水, 坐滿晒人,完左一枱又有另一枱,想不到咁多人食。其他食客都是叫西式糖水,只有我們先叫中式糖水,難道這鋪頭是出名西式糖水? 下次得閒再去試下其他糖水。叫左木瓜燉雪耳($32)蛋白杏仁茶($29)川貝蓮子百合燉雪蛤膏($52)

前幾日見食飽晚飯，又想食下甜品，於是喺大圍揾間甜品店，諗住可以滿足一下自己，其實大圍好多甜品店，只係咁啱見哩間都有人排隊，心諗應該幾好嘅，於是就入去試下，點知就中伏我地叫咗個心太軟加vanilla 雪糕，同一個法式燉蛋。個心太軟都可以，只係舊雪糕太多冰粒，我無expect你會俾moxxxpack級數嘅雪糕我食，但我食一條普通嘅雀X雪條都滑過你舊冰粒雪糕。另外，個法式燉蛋就仲難食，無甜味丶無香味，真心講，真係未食過一個法式燉蛋可以咁難食。真係唔會再有下次囉！

當日經過大圍, 覺得有啲肚餓但又唔想食飯。於是去左這間曾經 攞個甜品獎嘅甜品店。地鐵直行好快就到，當日我去之前有少少咳同流鼻水， 於是點咗一個木瓜燉雪耳。木瓜很香甜以及清香，配上雪耳簡直是絕配。食完之後我嘅咳同流鼻水就冇咗，慳咗醫生錢唔少。😘😘😊店內環境普通，但勝在衛生設備做得好好，令食客食得放心。😊食完之後好滿足。老闆人情味重，會主動關心客人的品味。如果大家喜歡我寫嘅食評， 請畀個讚我。我會繼續努力寫多d食評俾大家。

今日入大圍接男友收工，食完飯就黎食個飯後甜品。揭開menu 選擇都幾多，而且價錢唔算貴。✨雜果沖繩黑糖天使麵（$39): 聽到個名幾得意就試下。雜果有芒果，西瓜，火龍果，哈蜜瓜。汁底椰汁味濃，但又唔會好甜。✨黑糖jelly 條食落好QQ透心涼，份量都唔少。雖然黑糖味唔算好突出，但加上椰汁幾好食，有d 似食緊椰肉既感覺。✨雜果oreo 木槺布甸（$45): 個布甸畢落去好似好硬，但食落去係幾軟滑好似食緊雪糕咁既感覺， 中間夾左幾層oreo 味道都幾突出，加埋少少朱古力碎同朱古力醬，食落都唔會覺得漏，呢個都唔錯。

今晚18:00食飯，到21:00就餓了。去完旅行返嚟，帶媽咪去食下糖水甜品同行下。殿糖級心太軟配雪糕 $48拎法國獎？！門面咁寫就叫左啦，等10-15分鐘啦，一定要新鮮既！就咁睇係啡色，加返少少水果會好睇啲。一禁落個心太軟度就爆朱古力獎啦，正！朱古力味濃而唔死甜！外面小蛋糕位都保持到濕潤，唔會乾巴巴。雪糕係dryers朱古力石板街，有加份！因為我地本身以為係普通朱古力味，所以見到有棉花糖時默默加分！川貝蓮子百合燉雪蛤膏 $52冰糖配合，順口同甜度中度。蓮子好多粒，處理得好好，無苦味加好粉。而且無燉過火既甘味，比百合好味，嘻嘻。紅棗既甜可能落哂湯水，就咁食普通。整個嚟講秋風起食都暖胃滋潤既。

係大圍跟家人食飯後晤想甘早回家於是跑去吃個甜品！就近有間聽個名就架勢的《殿糖級》啦！ 環境燈光舒服也有梳化位、職員都好有禮貌魔鬼球 HKD 51 看看餐牌就被「魔鬼球」吸引了！ 內裡有芒果雪糕（可自由選擇味道）、忌廉、慕絲等。把煮好了的熱溶的朱古力倒下去，一熱一凍的感覺在口內溶化！而朱古力外層冷凍後形成堅硬了，脆卜卜。濃濃的朱古力味道偏甜同杰但沒有苦味。今天很滿足呢！ 晤被人吹回家都不察覺10:30 pm, 埋單後飛快地跑回大圍地鐵站，幸好只是5分鍾而已！ 原來港島、新界區都有，下次識得帶朋友了😌

聽講一間甜品拎咗一個心太軟嘅獎所以我特登嚟到大圍試吓地鐵站一出直行就到都好快遲啲呢間糖水舖嘅甜品一直都好出名原個椰皇燉3.6牛乳加燕窩 $$65面層有滿滿嘅燕窩而且個低嘅牛乳仲係好香濃再加上有勁滑嘅嘢椰香加牛奶食落去覺得好夾燕窩就係凍凍地嘅殿堂級心太軟配雪糕$$48期待左好耐嘅一嚟到就聞到好濃嘅朱古力味雪糕個味道都可以自己揀勁香濃嘅朱古力味食落去就會明白點解會拎到獎因為係勁好食唔係整得好滑面層就脆脆地岩曬我既口味

平時散完步都會同男友去食下糖品。而殿糖級既雞蛋布甸同心太軟一直都係小妹食完又食既既心水推薦。今次諗住試新野，點了「魔鬼球」與榴蓮甜品一試！「魔鬼球」其實就係朱古力球入面包住朱古力忌廉、慕絲，雲呢拿雪糕。上「魔鬼球」時會配上熱辣辣的朱古力漿，只要將朱古力漿淋到「魔鬼球」中，朱古力球就會慢慢溶化，就會見到入面包裹的雪糕與忌廉慕絲。玩味十足。食落朱古力味好濃郁，當中的味道與心太軟用的朱古力相同，比較偏甜與濃郁。而小妹推薦既係榴蓮玉露，榴蓮唔算太多，但勝在榴蓮味香濃，配上清淡既玉露和椰香，令成個甜品濃淡適中，仲可以食到當中一絲絲嘅甜味。當中的西米露亦煮得岩岩好，食落煙韌。見原味木糠布甸都係店家既推薦甜品，此木糠布甸相對比坊間賣既偏甜，當中既草莓都算ok，而奶油忌廉口感比較軟滑綿密。