殿糖級 (已結業)

前日去咗殿糖級食甜品。見到個餐單好開心，因為個椰皇好似好大粒，貴少少都冇所謂。於是叫左個椰皇。一上黎，我以為個甜品唔係我既，o左嘴，點解個椰皇可以咁細粒，好似被人呃左既感覺，仲要50幾蚊，好失望。之前係其他糖水舖食過既椰皇係好大粒既，以為呢度都係咁，點知反差會咁大。其實如果唔係椰皇、我建議餐廳可以唔好係餐單度寫椰皇，可以寫椰子，因為椰皇唔係咁係粒架，好似bb仔既拳頭咁細。除此之外，味道一般，有少少淡，性價比好低既一個甜品。希望呢個甜品可以有更多進步空間。

第一次食殿糖級 不過真係好失望椰皇燕窩黑白配Menu 入面極度推介 所以就叫左黎食啦但係個椰「皇」勁細粒直徑只有半部iPhone 6咁大唔稱得上係椰皇味道都係一般 有杏仁個種苦甜味燕窩都係整少食完真係覺得哂左錢榴連腸粉薄薄一層腸粉包住榴連但係個包唔滑 外表都唔靚每一啖都好似淨食緊榴連肉咁

人氣和人流最大的甜品屋，三五好友一起去吃吃喝喝。天气轉暖了，點了一个楊枝甘露雪花冰，看圖片就非常吸引，綿綿冰分量好多，上面淋了一層芒果汁，旁邊好多芒果和西柚，忍不住吃一口綿綿冰，綿綿冰質感特別细，入口即溶。芒果和椰香的味道也特別的濃郁，芒果粒很甜而且很香。吃完真是回味無窮 。椰皇3.6牛乳加燕窩，燕窩有一股特有的淡淡的蛋白香味，椰皇燉的非常的水嫩，濃濃的椰子味夾帶著淡淡牛奶味。

去的時候剛好是下午茶的高峰期，人很多。但環境一點都不嘈雜，服務也比較到味。首先推薦下他家的榴蓮河粉，榴蓮粉絲的最愛，濃郁的榴蓮果肉，配上少許的奶油和椰汁做的河粉，簡直絕配。美中不足的就是稍微甜了點。

這家店甜品種類多樣,奶製品,中糖水,法糕點,台式飲品.我中意的呢是榴蓮類,有榴蓮酥皮拿破崙,榴蓮玉露,榴蓮腸粉,榴蓮班級,榴蓮千層,榴蓮糯米糍種類繁多榴蓮控的福音,班戟味濃皮潤不甜膩,榴蓮腸粉,出品新奇,腸粉真實皮清脆爽口,榴蓮靚似鮮果,榴蓮玉露是楊枝甘露的化身是榴喜好者避署佳品,

晚上和朋友吃過飯後，兩個都已經好飽，但總覺得有甜品既晚上先係一個good night 。因為已經太飽，決定兩個人share 一個魔鬼球。魔鬼球係一個球形既朱古力殻，裝著一球雪糕同朱古力mouse 再加上餅乾粒。雪糕有三個味自選，而我地就揀左朱古力味，實行三重朱古力既體驗。魔鬼球一到，黎唔切拍片，店員就急不及待咁淋上朱古力醬，溶化朱古力外殻。平常來講，朱古力殻應該不太好食，但反而今次有驚喜，朱古力殻應該係用上了比較好質素的朱古力來製作，同堆朱古力mouse 味道和質感都比想像中好多了。反而對朱古力雪糕有點失望，雪糕太冰味淡，感覺上不足料，食落去更食到細冰粒，要扣分！不過總體黎講都可以接受的。可能期望太高，有點落差。不過點呢道甜品既人，大概都係想enjoy 一下視覺上的快感。

自問成家人都係榴槤迷，食盡好多地方嘅榴槤甜品，而呢間算係當中嘅表表者，全家一致讚好~!首先講下個D24榴槤拿破崙，D24係D級榴槤中級數最高嘅，果肉特別飽滿，口感軟硬適中，香甜中帶有濃郁嘅奶油味，夾著入拿破崙嘅脆皮入面，再加埋好creamy嘅吉士醬，口感真係好豐盈~跟住係榴槤千層蛋糕，味道香甜濃郁，質感極滑溜細膩，咬下去口感十足，真材實料，應該是由人手每天新鮮製作先有咁嘅水準~至於榴槤玉露，將厚果肉連同西米、西柚及花奶一齊入口，層次分別而豐富，可以話係楊枝甘露嘅榴槤版！最後係榴槤糯米糍，入口煙韌軟滑，好似冰皮月餅咁綿密甜美，甘甜可口。榴彈粉絲黎到呢度，一定會非常滿足~~~yeah!

幾驚冇位，11點幾都仲咁多人＼(^o^)／…好彩幾分鐘就叫我地，如果唔係會轉場。我朋友話呢度芒果腸粉好食，於是我地就叫左。食左之後我覺得一般，因為我果舊咬落去冇芒果得cream...係味應該改叫忌廉腸粉!?益力多奶凍好正，啲益力多味好鮮好似真係飲緊多多咁。但拼碟既士多啤梨就酸到加零一，如果轉其他野伴碟似乎好啲。豆腐綿花冰係我食過最好食的綿花冰。首先冰質好綿，唔會入口凍到打曬冷顫。食入口物一淡係覺得似牛奶，之後先出現濃濃的豆腐味。不過粟米片淋曬唔脆，唔新鮮，應該換過一批新鮮既會好啲。

原本想食鐵板蛋糕同梳乎厘點知員工話咩清潔中兩樣都冇要叫其他野 諗食乜真係困難 結果 選擇以下兩樣榴槤拿破崙  $48內裏好多榴槤 有吉士 拿破崙上面有咖啡醬 拿破崙食落鬆脆  很有層次感如果旁邊加雪糕更好雜果曲奇木槺布丁 上面有朱古力醬 加 七彩粒水果方面有:芒果 西瓜 蜜瓜 火龍果水果同朱古力醬不夾曲奇木槺布丁非常林 外界多數雪太硬

話說食完間垃圾海鮮酒家後，真係又嬲又唔開心！所以要食d甜野甜下！我們便由西貢揸車出大圍食甜品！因為我唔中意食中式既甜品，所以你問我，我第一時間唸到呢間！因為之前食過！！其實本人最喜歡吃芒果拿破崙，上次兩個人食一個拿破崙，再加一個甜品，飽到癲左！差d食唔哂，因為個拿破崙會＜泄＞！唔知有無打錯字 :-P所以今次，我選擇食小d，但都係要食到拿仔！因為很好吃！！！於是：我選了這個！！四重奏！乜都試d！！正！個雪糕可能雪得太耐，以致有好多冰塊係入面，否則係再好食d既！個芒崙勁脆又無焦到！個心太軟亦好流心，好濃朱古力味，又唔太甜！！但個榴槤金露有點苦，應該係d柚苦！不過也算ok既！好多時都有苦呢個情況出現既！！食完後，我們即刻開心返好多！！專登揸車泥食值得！！啜啜！

一心過黎大圍揾甜品食，下午4點幾路經此地，見坐滿晒人，拉過朋友去試下，點在兩款話推介既甜品無死錯人啦！我點在雪糕配窩夫，樣正常，誰知我諗住切d 俾朋友試，硬到呢。。。 好彩我仲有牙咬，我深信將呢件所謂窩夫掟出街，會掟得死人難食到呢。。。 點解可以甘難食？ 好野 ! 拿破崙 我地已經無咩期望，抱住無咩期望就唔會太失望既心態，兩個字，新鮮！ 唉！80蚊食d 甘既野，真係唔明點解仲坐滿人。

我睇個menu嘅時候，個士多啤梨疏乎里張相好靚，仲有啲真嘅士多啤梨粒喺上面，於是我就點左佢，但係黎到一粒士多啤梨都無，個疏乎里入面好濕，得啲好假嘅士多啤梨味，無晒旦味，仲要過甜，但係間野係無水供應嘅…… 真係好失望！

這天本來是約了幾個知己吃晚餐的，可惜因為大家都很忙碌臨時取消了，改成這個甜品小聚。這天我比較晚才到達，到步的時候朋友們都已經點了食物。她們各點了一個綿花冰，而我就點了芒果拿破崙。首先來的是芒果綿花冰。這裏的綿花冰份量挺大的，如果剛吃完晚餐再一人點一個綿花冰，對於食量一般的女生來說應該不太吃得下。這個芒果綿花冰配上芒果及柚子，感覺像在吃楊枝金露。接著出場的是宇治金時綿花冰。宇治金時綿花冰則配上紅豆 (其他配料忘記了)宇治金時綿花冰有很香濃的綠茶味，不用每一口配上紅豆也很好吃。是喜歡綠茶的朋友的必食之選。最後到了我點的芒果拿破崙出場。整個芒果拿破崙的賣相不錯的，有點高級的感覺。由於是與朋友一同分享，怕直接切會「散哂」，所有把它分成兩層吃。芒果與吉士醬的味道挺夾的，再配上鬆脆的酥餅，味道一流。雖然取消了晚餐，但這個甜品小聚還挺完滿的。

與老婆仔吃完晚飯後我要上一個半小時的堂老婆仔很好等我下課下課後我們一起到了大圍吃甜品今天很奇怪大圍很多餐廳也沒有開剛巧看到這間餐廳又沒有試過所以就進來一試坐下後慢慢看菜單我們最後叫了40元的黃金酥皮拿破崙 和 45元的蘋果脆脆配雪糕剛下單後, 老婆仔的一些朋友也在大圍其中有人知道我們也在大圍又剛巧被她們找到我和老婆仔結果在我毫無準備下與老婆仔的朋友見了面真是有趣食物很快來到, 終止了這個有點尷尬的場面讓我們能把焦點放在眼前的食物上黃金酥皮拿破崙很好吃而且是比想像中好吃外觀也很吸引裡面每一層也有不同的質感其中有一層很脆, 剛剛好的程度不過略嫌不夠熱熱一點會比較好吃蘋果脆脆配雪糕也是很高期待的第一口吃時很好吃的可能是因為熱可是吃著吃著就沒什麼特別到了底部味道更變得很奇怪有點濕, 而且開始有酸味懷疑是蘋果變壞了一面吃也一面有點不安不過最後也全吃了突然發覺距離上一次與老婆仔吃甜品已經很久了這一餐甜品重新喚醒了甜的味蕾甜的感覺除了在心以外還能從舌頭獲得

突然想食甜品,見到尼間名字幾特別,等位唔算好耐..~但裡面D人既態度就.......可惜當日買晒梳乎厘........(T.T)之後叫左個雪花冰,我就覺得朱古力味好濃,友人就覺得略甜XD(亦唔會話好快就溶晒,好比果D連鎖店XD)心太軟配芒果雪糕,原來唔夾,哈哈~~但心太軟本身好細舊......唔抵食