民華餐廳

营业中

休息中

以前長期爆，店外多人等位。D檯细，我好憎超迫。後期習慣咗，算。而家，唔知係咪北上消費，上次中秋前，同昨天，都無乜人。鴨腿湯飯，唔掂，無乜味。鴨腿煮太熟太硬。條菜更加唔掂，唔夠靚。Service一直都無，食完水都無一杯! 好難再嚟。之前一直吃茶餐，條腸quality very bad, like plastic. It seems there is no improvement, while the service is getting worse

東涌都係得嗰幾間茶餐廳，民華不嬲算係比較好少少嘅，冇選擇底下嘅選擇。點知第一次外賣自取民華嘅冬瓜湯飯，一打開真係俾佢嚇死，送左幾塊軟嘅膠片，浮左喺面，睇見都唔開胃、食唔落開始以為係啲湯太多油，點知一撈上嚟就係膠片…問題係啲膠片喺邊度嚟㗎跌？？？定係撈埋啲湯一齊煮㗎？？點解咁多塊快啲員工都睇唔到㗎？咁簡單嘅外賣都有問題，間餐廳同埋啲員工都好俹簁，可唔可以控制好食物質素呀，食左啲膠落肚都幾嚴重。。。唔知可以去邊度反映

食左個牛肉炒滑蛋飯….牛肉係肉丁黎…算啲肉冇味…都算 連個飯都係生既…我再算試下落啲鼓油食 都係食唔落 成碗飯食左兩啖飲埋杯野就走左了加埋野飲 加碟菜76蚊埋單唔係夜晚黎 真係唔會入去 呢間野冇下次

呢一份係快餐，$50左右，沙嗲牛肉公仔麵，再加炒蛋再加腸仔再加烘底多士，味道好好，要自己手機落單，入面有好多人，相信有好多人都會幫襯，不過入面有一個侍應阿姐，幫我跟單，我食完成個餐杯熱檸水都仲未到，後來佢話我冇落單，不過係手機都見到有落單，佢好大聲話我冇囉，其實我就有，佢態度好差，我非常之唔滿意，我好希望鄧華公司會考慮一下轉一轉呢一位阿姐，如果唔係我都唔會再去食，我亦見佢工作態度懶散，成日點人做嘢，但係自己就行嚟行去唔知做緊乜。

係東涌返工，呢間嘢真係睇住佢由好變到好差，今日lunch去堂食，食沙嗲牛肉麵，點知個沙嗲麵冇沙嗲，最後個麵勁難食，跟餐有個多士，加咗花生醬，點知上到嚟，個多士啲花生醬沾到同跟餐啲炒蛋撈埋一齊，俾狗都唔食…，啲服務員唔會理你，因為繁忙時間要同人搭枱我理解，但佢哋永遠唔會跟單去比食物你，啲食物上到嚟叫你哋食客自己分，其實都已經有手機Apps，點解仲會去錯枱？結果啲嘢我冇食直接俾左$55蚊走人，我之前試過食咖喱牛腩飯唔俾飯我，以前間野唔係咁，真係越嚟越理解，點解啲人會北上消費！

我真是第一次遇到主動收取百分之二十的服務費的餐廳～你收百分之十到十五，我都接受，直接收百分之二十的服務費，店家，你覺得你配不配呀？打著合理的理由，你就明搶。如果服務費能給百分之百，我相信這家店服務費一定自動收百分之百啦～這服務，還自動收取百分之二十的服務費⋯⋯怎麼這麼好意思呢⋯⋯🤣🤣🤣店家如何搵錢？不要臉，錢財自來

今日到東涌民華用膳 收銀服務態度極差 問佢付款時 被佢罵左一大餐 其實平時都有幫襯開 所有樓面及廚房 態度都OK 一般茶餐廳水準嘅服務 但今天預著位 操不純正廣東話口音的收銀 講埋一啲刻薄嘅說話 又話唔係老馮 都係問多一句 ！就罵到人地狗血淋頭 嘩勁惡 好似欠左佢咁 其實民華都係做街坊生意 都唔應該態度咁惡劣啦 ！同埋佢嘅價錢又唔平 不過勝在夠大碟 所以好多藍領同地盤工人都過去食 ！現金香港的零售業服務態度 咁差 唔怪之得所有人都北上消費🥹

依家間餐廳位於東涌地鐵站隔離，行過去嚟講都算幾方便，今日本身諗住食少少比較輕食嘅嘢食，跟住先再返工，就去咗呢一間茶餐廳，可惜用餐經驗非常不愉快。 首先我等咗好耐都冇人幫手落單，唔緊要，咁我咪自己行出去櫃檯嗰度同姐姐講話想食啲咩，反而俾佢喝返我叫我坐低先，我成個人真係呆咗，好少見到啲咁差態度嘅餐廳，最後我叫咗一個蒸飯諗住快快地食完就走，點知都要等15分鐘，等待都唔緊要，但係個飯最後都係凍 都幾失望，下次一定唔會再幫襯

準備搭乘昂平纜車去看大佛！之前就去東涌站食個早餐先，有識途朋友推薦這民華餐廳比我，說他自己本身是非客我哋9點多去到叫左2份餐，1. 滋味常餐$42 薑絲牛肉米牛肉好味薑絲足料，米粉又夠多湯底不太濃味啱哂我 餐肉煎蛋多士厚多士唔加錢good, 煎蛋蛋黃色夠橙有蛋香，餐肉正常 熱檸茶茶味正常，有三片檸2. 糯米雞套餐 $43 糯米雞足料入味，略嫌糯米蒸得太淋 熱檸茶茶味正常，有三片檸整體上菜速度快，味道好，服務正常，快飯之選另外想講東涌站一出來就可以看到一個Outlet，名叫東薈城，裡頭有不少商店，有時間可以到這裡逛逛還不錯。

食過旺角果間 覺得唔錯 所以來東涌見有就揀呢間 點知勁難食 鮮茄牛通個湯底完全無蕃茄味 得酸同鹹味 唔識形容 食左兩啖就放棄左 呀姐帶位又混亂 有人舉想落單幾次 啲呀姐都係睇到扮睇唔到….要出聲叫落單先理你…整體唔會食呢間

夜晚由澳門返香港，到步之後已經10點幾，附近得依間茶餐廳仲開緊。食物質量其實合格嘅，而且難得有茶餐廳可以咁遲關門。但係服務真係好混亂，野食連續三次送過來嘅都唔啱，後尾發現仲幫我地落錯左單。買單嘅時候好心同佢哋講要補番差價，點知姐姐係咁話冇落錯.....

叫涷檸茶，比錯就話冇貨咋菜肉絲米係酸的。服務態度差衛生不要提如果唔係去完迪士尼揾地方醫肚，都唔會來。來完後悔。全港最差茶餐廳。吾相信咁差都生存到。失望，非常失望。

一直覺得呢間幾好食，諗住去幫襯下，呢間平時都多人要等，係門口我問啊姐一位有冇位？ 著黑衫個啊姐話坐呢到，你見唔到有位咩？ 真係同排我前面果兩個人既態度完全唔同！ 冇帶位OK 連態度都咁差 真係唔掂！ 舉手點餐冇人理，睇返評論原來其他人都係咁，劣評！

去大嶼山郊遊，東涌食早餐，民華係其中一個選擇。原因好簡單，佢喺正地鐵巴士總站附近，方便出發。佢仲提供中式點心，比一般茶餐廳更勝一籌。呢到必食係糯米雞，大大隻餡料足，應該有3吋厚，糯米層好厚，入味又唔會煮得太爛，入口感覺大滿足，餡料竟然有咸蛋黃，超級驚喜，仲有原隻雞中翼/叉燒/冬菇等等，非常難得👍👍👍👍比連鎖快餐店啲一吋厚糯米雞高幾班。跟餐要叫熱朱古力，落足朱古力粉，又香又濃。記得搞勻啲，太多粉好易溶唔晒積喺杯底。郊遊消耗體力，叫多一碟山竹牛肉儲備一下。可惜只有兩片山竹小小小小小小碎片墊底...另外，佢仲有正常茶餐廳早餐之餘，亦有薑絲鮮牛米/麵/通，驅走濕濕暖暖既天氣。*門口有紙仔填人數自助攞飛**要搭枱***太旺場，阿姐落單後，記得睇下點餐齊唔齊，有無錯漏

年初三都冇乜選擇，所以黎左民華都係普通茶餐：腸蛋+煉奶多士沙嗲牛肉通凍檸茶如圖，冇乜特別推介，都冇乜特別唔好～服務態度都正常唔錯。初一二加二初三四加一個人認為都公道👍🏻