民華餐廳

营业中

休息中

東涌一向都餐廳少，選擇少，要醫肚都唔容易，下午茶時間黎食民華，原來呢到無下午茶餐，價錢係全日常餐計，要45左右，下午茶時間感覺有啲唔抵。叉燒番茄通粉，湯幾濃唔錯，叉燒都可以，同行朋友食雪菜肉絲米，面頭有啲白色泡泡，感覺好似有啲唔開胃。常餐配呢3樣野，個面包烘到勁燶，火腿又好似無煎過咁，個蛋都ok la，未去到好好食。

成日經過間民華餐廳，今日放假終於可以慢慢試一試佢嘅早餐，仲有好多款點心選擇！原來係全日都供應嘅常餐，只係早餐同午餐價錢唔同，當然早餐係平啲啦！個人認為佢哋嘅米粉比公仔麵好味，湯底有蕃茄湯同忌廉湯揀，湯底咁好味當然係配一個清淡啲嘅面，可以試真個湯底！👍🏻轉多士唔使加錢 大大加分😍😍😍而且佢哋嘅多士真係好好味！另外仲點左一籠點心，金錢肚蘿蔔入味，金錢肚亦都好淋！假期真係好多人，係咁忙嘅情況下服務質素都好好，抵讚！

放假瞓到黃朝百晏，就同男友去左東涌的民華餐廳食午餐，兩點黎到就座無虛席，門口已有唔少客人排隊，好受歡迎啊！除咗經典茶餐廳美食之外，仲有多款懷舊點心，食物種類選擇都好多元化常餐呢個火腿炒蛋多士味道無得彈啊！炒蛋好好味！嫩滑炒蛋有牛油香，充滿蛋香仲有蛋汁，同火腿厚方包造成完美配搭，簡單又美味！蕃茄叉燒通粉湯底係好濃郁嘅蕃茄味，叉燒肉質偏瘦。通粉份量勁多，男仔食都會夠飽鮮竹卷沾滿蠔油汁嘅腐竹，包住素菜、馬蹄、同微量的豬肉碎，充滿口感之餘仲好夠味呀，好好食雞札雞札大大件，鮮腐竹外皮都幾滑，有豆香！裏面包着雞件、芋頭、牛肚，餡料好豐富呀！雞件好滑溜，芋頭夠粉糯，牛肚都好新鮮。整體質素非常好鵪鶉蛋燒賣豬肉肥瘦適中，入口好軟腍，豬肉味香濃！配上鵪鶉蛋味道更特別西多士厚切方包沾上蛋漿後炸香，西多好有厚度！外表金黃香脆好誘人！食落蛋香同麵包香都同樣兼備，好好食啊！可以選配煉奶或糖漿，我就揀左煉奶，香甜有奶香，不得了凍咖啡面上有可可粉做點綴，咖啡味正常，奶味比較重熱奶茶都係茶餐廳嘅熱奶茶最好飲，奶滑茶香濃

今天非常之炎熱，去到東涌， 好想搵間茶餐廳食下午茶， 行過附近見到民華茶餐廳，就走進去， 那兒的裝修非常之舒服，我和朋友各自叫了一個西多士 及一杯紅豆冰！西多士非常之好味，它的蛋漿浸入了麵包，炸得非常 脆口，一點油膩也不覺， 加上牛油及糖漿，將整個多士提升了很多！ 因為西多最困難的地方就是要脆得你而不油膩而它都可以早到！ 值得一讚的 老闆很落本， 放了很多蛋，所以西多非常之有蛋味！而紅豆冰更加了不得，紅豆與椰汁嘅比例剛剛好，豆非常之淋， 加上少少冰塊將整個夏天都融化了， 真的是滿足的一天！

東涌想食茶記選擇一向唔多，我見呢間茶記有唔小人食裝修又幾靚咁就入咗嚟入到嚟坐低見好多人都食常餐，於是就跟風叫埋一份佢啲常餐係姐合形式咁叫嘅，我就揀咗午餐肉炒蛋配鮮茄牛肉通粉佢個炒蛋成色好靚，好滑好香蛋味，超好食我估有埋牛油或者牛奶去炒。佢啲蛋嘅份量都好足，夾埋入去個 烘烤過嘅多士上面，好感香脆美味個人覺得午餐肉好唔好食好視乎個皮煎得夠唔夠香脆，佢應該係啱啱煎起仲熱辣辣，個邊煎得好香煎，午餐肉味濃，正鮮茄牛肉通粉個湯底好濃番茄味，配合埋通粉同牛肉一齊食每一啖都好滿足嘢飲叫咗凍檸茶，檸檬片夠多有成4,5塊茶味夠濃做到港式檸檬茶嗰種苦澀嘅味道出色食完個常餐宴意猶未盡就嗌埋個西多士食呢到嘅西多士比平時出面食到嘅厚，雖然係油炸食物但食落唔覺好油膩，蛋香濃郁，食落外脆內軟，配合埋煉奶甜甜地咸咸地咁幾好食

已經係第二次光顧民華餐廳， 真係算係東涌區內CP值最高既常餐🍴今次叫左兩SEt常餐， 西多士同埋兩碟點心。叉燒通粉+ 滑蛋腸仔配多士+ 熱檸水：叉燒肥瘦適中，一碗入面最少有五舊， 好足料，食得出通粉係自家製， 不是平時超市買到咁好有咬口既通粉，不錯👍🏽滑蛋真係好滑， 充滿蛋香，仲有陣牛奶🥛味，好想再encore吾好睇少塊多士， 真係正到無朋友，厚厚既牛油， 外脆內軟既多士，一咬落去咔一聲， 證明係熱辣辣新鮮出爐既包，仲要入面好鬆軟大食績既我地吾夠飽，決定叫個西多士，因為係別人推介必食，果真， 無錯首先係厚多士，我已經比佢金黃色既外表吸引住， 一咬蛋香牛油香出曬黎，重點係入面既煉奶，提出左西多士既吸引力🧲，吾太甜而外脆內軟，難得保持水準金錢肚： 好足料既金錢肚， 起碼食左五舊，好有咬口， 但不是硬而係食得出係新鮮既牛肚而製成，仲有吸曬汁既蘿白做底， 一流豉汁鳳爪： 豉汁味好濃，好入味呀 ， 一食再食， 好焾身， 呀婆都食到既鳳爪一定會再光顧

平時想食常餐 必定黎到民華餐廳  因近我住既地方 而且抵食 係東涌富東廣場地下 上午9點到12點通常都比較多人 想食就要早點過黎排隊拎籌入到去坐低就即刻我平時食既常餐同點心常餐分2個時段 07:00 - 11:00 盛惠$3811:00 - 23:00 盛惠$44以A,B,C中作選擇 最後飲品 蕃茄牛肉通粉一向都係自己最愛湯底濃郁蕃茄鮮味 而且帶一點點酸酸甜甜  牛肉咬口滑嫩而且爽口牛奶炒蛋炒到好滑  煎香咗既午餐肉外皮香脆 配上即烘牛油多士 完美另外自己補差價叫左杯檸樂煲薑 薑味唔算太重 舒緩一下喉部不適西多士$17 係民華餐廳必點既食物用厚切方包同花生醬混合 油炸 表皮炸到金黃色  再配大大件牛油係上面 入口非常香口    豉汁鳳爪$17 同 山竹牛肉$17  都係平常會食既點心價錢鳳爪好香濃豉汁味 咬開容易同骨分開牛肉咬入口爽口彈牙而且肉汁滲透出黎 質素好比一般酒樓 係東涌咁多間食店 民華餐廳真係值得推介比大家 ! 

今日eatmug9 #33一間舖嘅嘢食款式唔洗多當你日日都係煮嗰啲嘢食 自自然然就整得好味如果都仲係難食 咁不如推開隻窗跳落去算喇而民華冰室不嬲都keep 住個水平係度個蕃茄牛麵 更加要推介蕃茄湯底夠濃唔稀 蕃茄味滲晒入塊牛肉同個麵底入面份炒蛋夠creamy 又夠大份最抵死嘅係冇喇喇轉咗個奶醬多畀我咬咗啖先知 唯有同waiter講 補返兩蚊雞作為brunch 民華依啲套餐絕對適合4,5草嘢有份份量唔少 有質素嘅嘢食抵畀喇

位於東涌富東廣場地下21號舖的民華餐廳，是一間抵食的茶餐廳。剛剛是午膳時間來到，可能要在門口等位或需要搭枱。🙆‍♀️點心都是十七元，而且食物很快便送到，幾乎是一下單便送到了，點心都是熱騰騰的，朋友很喜愛吃鵪鶉旦燒賣。這款燒賣在茶樓不算常見，豬肉味道鮮甜，口感不會太乾。不少男士打工仔會點一客糯米雞，份量較為多，更飽肚。糯米雞內有不少配料，如雞翼、冬菇、鹹蛋黃。個人頗喜愛豉汁鳳爪，鳳爪炮製得十分離骨，味道香濃。另外，餐廳另一款抵食的招牌菜是西多士，如果要加煉奶，落單時可向侍應說明。西多士熱騰騰的，多士吸滿了煉奶，還有牛油，口感香滑。

每次去完迪士尼玩，我就會去東涌呢間茶記食飯😋，因為好味又飽肚～今次仲加$2花生醬（多醬）落多士，好滿足！有點心，蒸飯又有通粉常餐，而且價錢合理。豉椒鳳爪$17燒賣$17鳳爪好入味，燒賣top有枸杞令成件事健康左😂常餐$44鮮茄叉燒通粉雪菜肉絲通粉好中意個鮮茄湯底，好足料唔係調味料出黎個種，叉燒又多。仲會配埋餐肉炒蛋蛋好滑🤤我仲會浸落鮮茄湯底度食，好夾～爆多花生醬既多士，而且烘得好香！茶走（奶茶走糖加煉奶）個茶底好正，煉奶份量落得岩好無搶味，呢個茶走我俾滿分！

雖然這兒內裏的位置不少，但是中午時分來吃東西的人就更多，每每都會四人坐滿四人座位，六人塞滿六人座位，店員猶如將客人像俄羅斯方塊一般🇷🇺，盡塞所有座位當中。下單的時候，基本上剛剛下完單，阿姐為旁邊的另一名單人客人下單時，我的多士炒蛋已經端來了😨，快到連餐具都未有，就有食物，當真可怕。但這樣又難免令人想到，會不會是因為貨如輪轉，因此店方都要一早將10份、8份炒蛋多士，煮好放在廚房內，然之後一入單就可以立即拿出來。想不到，原來多士有好多選擇，可以選擇白麵包、湯底多士、你都可以加煉奶、果占、花生醬。這兒的叉燒湯通粉，已經算是比較出色，因為很多時候那些故作經典的舊式茶餐廳，那些叉燒又差又乾，吃得令人不高興。這兒的還算肉質偏好，不乾不鞋；通粉亦保持彈性，不像病人通粉又林又爛炒蛋，亦都因為一早煮起，因此溫度難免不夠熱。多士還好，烤完保持溫度。凍檸茶反而較以前沒那麼好喝，茶味都淡化了，檸檬又沒鮮香，雖檸肉輕易戳剝，但味道欠奉。這樣的$47 常餐都大排長龍，實在難過

常餐呢度我最鐘意食就個常餐一份常餐就有齊我想食既野呢度既常餐可以配搭既選擇都唔少我就更係要最愛既茄牛通一碗超大 淨係食呢個都夠飽蕃茄味道好濃郁, 通粉都好入味而個牛係好嫩滑既, 個蕃茄湯底可以當湯咁飲重點來了就係呢個炒滑蛋配午餐肉炒滑蛋真係冇得輸必須要襯熱食先至食到佢香滑既口感牛乳滑蛋先有既口感!!牛油多士緊係要揀烘底咁先夠香脆同口感都正!!西多士即叫即炸既西多士加埋邪惡既蜜糖真係無敵佢既口感係好脆口, 加左蜜糖之後甜甜的令到食落冇咁濟嗯!!! 必點既

鮮竹卷一客有三舊既鮮竹卷質素好高下入面係滿滿既材料一咬落去食落個口感同味道都係一流!!食冰室必定要點既就是常餐這就是冰室的精髓常餐是一個自己配搭的組合首先選擇主食, 再選擇炒蛋的組合最後就是多士的部分主食我選的是鮮茄牛肉通粉鮮茄味道充足著成個湯底喜歡吃蕃茄的朋友一定會很喜歡牛肉不過不失!! 就是冰室的味道香腸炒蛋冰室必點炒滑蛋是常識吧果然食極唔厭仲想叫多D碟來吃即烘牛油多士烘過的牛油多士是增加了麵包的香脆程度加埋牛油真係好爽的口感西多士和友人叫多碟西多黎SHARE這亦是一個冰室的名物我習慣將糖漿點來吃這樣就不會吃到尾會太甜

可能東涌又近機場又多人返工，早餐時段民華真係好多人，同埋佢真係東涌黎講係都係平既餐廳今日同朋友係民華食個早餐先，裝修好靚，位都好舒服！我地叫咗個常餐同埋西多士一齊share食！常餐叫咗鮮茄牛肉通通粉﹑炒蛋﹑腸仔﹑即烘牛油多士飲熱檸蜜($38+2蚊)睇已經覺得好豐富～牛油多士烘得好脆~ 加埋牛油簡直一流! 蛋又滑又好食! 呢個早餐好吸引~而蕃茄湯好濃又唔會太咸，性格比高，可以話係平靚正之選！加上唔好睇佢咁平，佢牛肉都落得幾多！２個人都食到開始飽飽地！西多士真係黎到必點！牛油溶溶地再加埋西多士果種軟淋淋既感覺真係好好食，又唔會太油炸得岩岩好！

東涌野食唔多，呢日同朋友去離島完一轉，見到有民華，等佢地期間自己黎一黎食個早餐先！前一日無乜點食野，所以今次叫咗個常餐(火腿通+炒蛋+腸仔)配牛油方包同埋飲熱檸水，另外再加多份西多士食！食個有份量嘅早餐先有力氣去玩！先食咗火腿通粉，好有份量，個湯好好味，唔會好咸，食落去都好健康又唔會好油，清清地唔錯！火腿都有好多絕對唔會偷工減料！好好食！由於叫多個西多士嘅關係，所以只係叫咗牛油方包，無皮既方包係最好食既哈哈！蛋好滑又唔老，而腸仔加小小胡椒粉會更加好食～最後當然唔小得西多士，練奶加牛油係上面，再加埋炸得非常好食既西多士，一口氣食晒非常滿足！東涌都有好野食既！