民華魚蛋粉麵

营业中

休息中

叉燒煎蛋飯外賣左佢新出既飯就係呢個，同佢幅廣告相爭好遠唔會食第二次叉燒夠味， 不過比較瘦，又唔夠燶，但係份量少，衰過燒臘店比少少誠意雙蛋都叫好少少啦，汁又唔夠$40 

今日好多鋪頭冇開門，夜晚肚餓就只好喺樓下食飯啦。夜麻麻經過門口，見到有點心食，就俾佢吸引着。下佢其他鋪頭前好似無蠔仔粥，所以都帶咗蠔仔粥試吓。佢啲蒸飯都幾大碗，又夠熱，唔差過附近出名食蒸飯既老店。我得就係連鎖店，值得一讚嘅係啲豉油有調味架，唔係就咁鹹豉油，hea你。兩個點心都唔錯，在鵪鶉蛋燒賣，好似好耐都冇見過呢個點也啦。蠔仔粥，味道就偏淡，唔夠鮮味同咸味，下次可以唔叫。夜麻麻落街，食咗一餐似樣既飯，都算係咁啦。

由於真係太懶晤想行二十分鐘先有飯食🤦🏻‍♀️小妹淘左個蒸飯神器擺公司 呢排都係周圍買蒸飯番去reheat食做牛餐小妹食得最多 最岩我口味係呢間民華呢到要自己去收銀到買飛 之後再去拎飯既大大碗只係$25蚊 仲有菜我環保啲 會拎自己個既飯盒去買飯今次食鹹蛋肉餅飯 份量好多 其實我一個人係食晤晒 佢既肉餅都做得偏厚身 調味適中 配合埋咸蛋食都晤會好咸 應該有係調味方面諗過👍👍同埋值得一讚 呢間飯應該每一日都會新鮮製造因為我下午再整熱 都無變得好硬 無令到我覺得自己要食外賣好慘既感覺😂😂😂

大埔民華已在大埔舊墟開了多年，而且一直人氣旺，以茶記來說，它食物質素價錢絕對性價比高。食物選擇不少，當中常餐更是每次來吃的首選，另外仲有茶記甚少的一盅兩件，盅頭飯亦是抵食之選！必點常餐：沙爹牛肉通粉 – 這裡的牛肉是鮮牛, 肉質鮮嫩. 不會是用梳打粉腌了很久的肉團. 沙爹汁不會太濃味, 我比較喜歡這裡的通粉是一粒粒彈牙的, 不會煮到好腍. 餐肉炒蛋 – 炒蛋香滑, 蛋汁豐富, 配多士吃一流. 午餐肉香煎了,味道不太咸.牛油多士 – 是厚身的多士, 塗上了牛油, 烘至金黃鬆脆. 常餐配一杯餐飲。另點了這裡招牌西多士：厚身的炸西多士, 黃金色不會過燶, 內裡軟綿. 配上的是煉奶及半溶的牛油, 比平常的糖漿, 這個稍有特色, 喜歡煉奶的要一試. 稍稍欠的是多士沒有燶邊. 有茶記特式就是快靚正, 人流非常密集, 是大埔人的平民飯堂. 食物跟價錢確實是大眾之選呢.

身為土生土長既港女，對於魚蛋粉麵同港式常餐又點會陌生呢xppp呢日同舊同學返左去舊校開分享會，之後就黎返以前讀U不時會黎食常餐既店舖醫肚~~呢到真係好旺場架，次次黎親都坐滿人咁濟！！！！老地方都唔洗點諗食乜架啦，照舊要個常餐啦~~呢日要左薑絲牛肉米跟火腿炒蛋配多士！！牛肉片腍而不嚡，水準依舊！！而炒蛋同舊既香且滑~~仲有最愛既厚切多士：）其中一位舊同學就要左碗牛筋牛腩米，見到size都唔細，份量都幾多！而另一位就要左份咖喱牛筋腩飯~~除左有幾件大大舊既牛筋牛腩之外，仲有仲有青紅椒同紫洋蔥做伴菜添！！我地仲加左10蚊要左碟菜share 最後 當然唔少得要有邪惡但係又抗拒唔到嘅西多士一齊share做甜品啦xpp食完飲埋枝濃滑嘅樽裝鮮奶咁就perfect喇

各自地方都有食街，而大埔食街便在廣福里！ 地點就在大埔火車站A1 出口再步行8分鐘。食快餐店，一搬都去民華因快·靚·正！中午時間餐廳大部份已座滿，只等了一會兒 這裡以服務街坊為主，但職員人情味依然濃厚。價錢比一搬地方更相宜，今天點了套餐有火腿通，太陽蛋 ，牛油多士 HKD 36 湯底濃麵棯，橙色陽蛋有蛋香味凍檸檬茶 加HKD 3西多士 HKD 17 終於今次點了一份! 半溶狀態的牛油在西多士上，入口後香脆特別邊位，而有牛油地方立即填滿口內吃完後更可到附近商場行街以避暑又可以Hae 一日 ～ 實在很方便

前幾日陪媽媽去買菜，經過呢間民華魚蛋粉面，就入去食下野醫醫肚。我成日都食民華，因為好中意呢度嘅常餐，價錢唔算太貴，但又豐富好味。叉燒份量多，唔肥唔瘦夠軟林。面包我中意烘過，厚厚嘅面包外脆內軟再加埋煉奶，好滿足！我最愛嘅炒蛋非民華莫屬！非常滑，唔係全熟，所以好多蛋汁！媽媽就好中意呢度嘅咖喱牛根腩飯，佢話真係全大埔最好食，又唔貴，不過可惜唔跟餐🤣另外叫左少少點心，味道都唔錯，一間茶餐廳竟然可以食點心，都幾surprise 唔可以唔提嘅係呢度嘅西多士！份量十足，勁厚，更片牛油同煉奶，一d都唔孤寒！凍飲套餐+$3，特飲連埋成罐七喜都係+$5，非常抵飲！

最近幫襯完魚蛋粉，今日忍唔住要再黎幫襯喇 😆 不過今次就叫咗另外幾樣好野食，叫咗好出色既西多士同常餐。西多士 ($17) : 見到實物已經流哂口水，西多士炸至呈現金黃色，又靚又大份，食落口蛋味香濃，好食得嚟又唔覺太膩。西多士真係好出色，相信食過既朋友仔大部分都會認同，簡直係臥虎藏龍。😍 😍 😍常餐 ($41) : 揀咗沙嗲牛肉通粉、餐肉炒蛋、即烘牛油多士 ; 炒蛋一貫保持到水準幾滑口，而即烘牛油多士厚身得黎，口感軟熟，沙嗲牛肉通粉味道亦濃郁。

今日同屋企人來左大埔既民華餐廳食午餐😝😝其實e間餐廳好好，有唔同種類既野食點心，粉麵，多士，粥類都有👏👏👏👏👏價錢仲要非常抵食，又好好食！真係物超所值呀🥳🥳🥳🥳🥳🥳牛腩魚片頭撈粗..............大大碟...牛腩非常入味點心唔洗多講！ 正呀唔食就笨👏👏茶餐都好正！炒蛋 餐肉+多脆內軟既多士簡直係絕配....沙嗲牛肉公仔麵 好濃郁的沙嗲味公仔麵入哂味！食過翻尋味👏

呢度係我趕住上堂嘅其中選擇，皆因平夾快，味道唔差。常餐只係$41，點心蒸飯十幾至廿幾蚊，中式粉麵廿幾至三十幾蚊，係咪夠哂平先？🔆多士超級新鮮，又香又軟，常餐可以炒蛋/煎蛋，餐肉/火腿/腸仔，我鍾意將蛋同埋其他配料夾晒落個多士度食，正！🔆豬膶湯底薑絲牛肉通粉 - 呢個係我嘅至愛選擇，湯底係好濃牛肉同薑味，薑味都滲透住每塊牛肉，暫時我都未見過其他茶記有。🔆炸菜肉絲通粉 - 穩陣之選，份量多，炸菜多，湯底不俗。🔆西多外面金黃香甜，蛋香味十足！裏面白色麵包新鮮香軟，望見都流晒口水。🔆雞扎 - 非常划算嘅點心，香滑腐竹皮包著魚肚、雞肉、冬菇等等，酒樓一般都係大點以上，呢度只賣$17😋。🔆上湯紫菜 - 大大碗，紫菜無沙，份量多，一解我想飲湯之苦，都只係$14！

去大埔接朋友收工，搵間茶記簡單食下，地點近大埔市中心，都算易到達，我叫左碗清湯牛筋河粉同煉奶西多士，西多士真係好好食，麵包超厚，炸得外脆內軟👍清湯牛筋都幾好食，河粉份量多，牛筋超稔，入口即溶，大家不妨一試，我仲叫左杯紅豆冰少冰多奶，盛惠22蚊，幾大杯，紅豆份量好多又有咬口，奶味夠濃郁，甜度啱啱好，平時最驚係稀到似水既紅豆冰，推介！我朋友就叫左咖啡牛腩飯同凍檸茶，咖哩味好香好濃，煎蛋仲有流心添！👍

港式茶餐廳出名就係快靚正我平均每個星期都會嚟呢間茶餐廳食一次通常我都會兩個人嚟食跟住一齊share個西多士再每個人各自食個茶餐😛😛😛咁就超級飽啦😎😎大胃飽都一定飽！-紅豆冰好飲！不過我鐘意飲民華既咸檸7-茶餐當中嘅炒蛋分量十足😝炒蛋好味道 配上外皮有少少脆嘅多士夾埋食簡直係一流❤️叉燒通粉有水準既一個茶餐！四十幾蚊對得住個價-到我的最愛：西多士真係食幾多次都唔會厭！雖然好邪惡，但真係好好食，炸到好香口個西多厚度適中，加上大大塊牛油同鍊奶一星期必食一次😜😜

好耐都無食過高質既魚蛋粉喇，今日難得黎開大埔墟梗係要幫襯下啦。可能一黎價錢大眾化，二黎食物質素亦唔差，所以呢間民華魚蛋粉麵每次黎到都係坐無虛席。餐廳除左魚蛋粉出色外，佢既常餐同西多士都係無得輸，不過今次就叫咗魚蛋粉，雖然加咗價，但係都較同區嚟講叫做抵食。魚蛋粉 ($28) : 有炸魚皮、3 粒魚蛋、3 塊魚片、2 塊魚片頭 ; 河粉爽滑之剩份量亦幾多，魚片同魚片頭都係厚切，食落啖啖肉超級正，魚蛋彈牙。👍🏻 👍🏻

十年前住係大埔墟大約五年左右，四處都有美味食店，民華魚蛋粉麵亦係我以前成日買蒸飯既一間店舖，有時送完阿女返學，就同其他家長黎食個早餐。今日去開大埔比野朋友，心血來潮想食個排骨飯。8點多少少黎到店外，竟然要排隊等，睇下附近既餐廳又沒有呢個現象喎！好彩都係等左15分鐘！入到店內剛好走左少少人！鳳瓜排骨飯好香米飯味，飯既軟硬度適中，排骨唔會肥，亦好淋，鳯瓜夠入味！十年如一日既好味！常餐沙嗲牛肉通粉好香沙嗲味帶一點辣，牛肉好淋！常餐配太陽蛋、腸仔、多士，抵食！每去民華都忍不住就叫西多士，厚厚但勁軟既方包炸得外脆內軟，配上牛油鍊奶，我既至愛紅豆冰係帶有椰汁味架，都好好飮喎！兩母女每人唔駛$60，抵食晚餐之選，難怪咁多街坊啦！

下午茶時段總係想食民華, 最鍾意叫佢嘅西多士配紅豆冰嚟叉一叉電😛 佢嘅西多士金黃鬆脆, 即叫即造, 而且味道幾正宗👍🏻 而椰汁紅豆冰, 椰香十足, 超過半杯都係紅豆, 超級足料😋絕對係下午餐之選另外朋友叫咗常餐, 有牛油多士配炒滑蛋同腸仔加雪菜肉絲米粉, 配紅豆冰😁 常餐份量十足, 佢個牛油多士都係即烤, 口感唔會過硬, 配上一層薄牛油, 香味濃郁😋 炒滑蛋好香滑, 食得出好重牛奶味同牛油香, 配埋牛油多士食一流👍🏻