民豐粉麵行

营业中

休息中

次次行過民豐，都俾啲食物香氣吸引，但每次見到好多人就卻步。今日適逢同事喺荃灣買糯米糍同茶果返嚟，終於有機會試試今次試咗花生糯米糍。佢個皮夠晒薄，一咬落去啲花生餡跌晒出嚟味道不錯，個花生餡都夠香，仲有啲黑芝麻，不過略嫌甜咗少少。但整體口感好好，最鍾意都係佢個皮夠晒薄，餡料又夠多，食一粒已經好滿足同事食咗個眉豆茶果話好香，仲話好有家鄉風味。不過今日我已經爆quota，唯有下次再試啦有機會嘅話仲想試埋佢嘅蔥油餅、煎餃

|荃灣老店 煙煙韌韌糯米糍☺️|唔係講笑，呢間老店長期都排晒長龍，雖然最多人買佢嘅餃子湯圓，但佢嘅糯米糍都勁有質素，大大粒皮薄勁爆餡，每粒有7x g 重架😱🤍糯米糍層皮好薄，咬落勁香糯米味又煙韌，黏度甜度適中🖤黑芝麻糯米糍 $5/粒內餡有芝麻粒同秒糖，芝麻勁香，好似抄香過咁，食落sasa聲，偏甜🤎花生糯米糍 $5/粒餡有花生粒同砂糖，花生粒粗身，咬落脆卜卜好香口，三種口味入面最甜❤️豆沙糯米糍 $5/粒豆沙蓉幼滑，好香紅豆味，但個餡相比其他口味就少咗啲，偏甜😋整體CP值非常高，啖啖肉勁滿足，啱晒鍾意食甜嘅朋友仔，當飯食可能$20有找😂

📍荃灣 民豐粉麵行𓇠 韮菜餅 $13 𓇠個餅超大個！韮菜豬肉餡好香，個餅皮唔係超薄，屬於煙韌個種。個餅係煎嘅所以都幾多油，食曬會覺得油膩同好飽🙈𓇠 芝麻糯米糍 $5 𓇠糯米糍脹卜卜，皮薄餡多，重芝麻味，但略嫌稍甜。

忽然間好想食糯米糍，上OpenRice Search屋企附近邊度有得買，就搵到呢間麵粉店，夜晚八點幾衝落去買，好彩仲未閂門。不過糯米糍已經得返紅豆同埋芝麻兩隻味，冇我想食嘅花生添。好啦照樣紅豆同埋芝麻兩樣都買，$5一個，餡料都好足，芝麻略帶苦，所以我鍾意紅豆多啲。不過由於應該係新鮮製造，好唔擺得，我食唔晒，有一個留返第二日夜晚先食，個皮已經稍為硬左，然後餡料已經有少少發酸，不過我諗係自己問題啫，證明佢冇防腐劑囉。

『老店』開業1953年， 再望下招牌店面！ 不難感受當年韻味。『人氣』在於賣多款餃子、水餃、湯圓和各類生麵、河粉，真的非常出名餃子，當年亦非常好吃，長期現人龍，因為今次我沒有買到，下次有機會買返去再同大家試下。所以如果你只是去吃，今次介紹的韭菜餅，係唔使跟龍尾排隊㗎！直接行埋 煎餃子姐姐度，同佢講就可以了。《即煎韭菜餅》 說明即煎當然熱辣辣，小心辣親個嘴，不過傳統鐵板生煎，油份就偏多 ，雖然「皮」感覺略厚，但外層香香脆脆吃落算有咬口煙煙靭靭，有飽肚感亦不錯。 餡「韭菜」夠多夠香，還非常夠熱，肉碎卻很少但都有碎骨， （呢個問題有些嚴重，如果大人都會沒這麼危險, 萬一小朋友 碎骨又尖，就很易受傷，如果製作的師傅，店主負責人，請多加留意。(因為有碎骨呢件事，我返睇其他食評，都有人寫過！) 始終一間老店。名聲不易建立。講味道，其實並不很突出好味，但如果想吃舊香港的街邊小食，就一定要來試下這份懷舊的味道，而且大件夾抵食。臨近端午節另有多款《粽》賣

閒時民豐門口都會排長長人龍，好大部份既人都係買佢既雲吞水餃，我都係有幸系朝早十點買到鮮蝦味，晏少少都賣晒呀，其次佢冬姑味都好食，佢自家粉麵都好唔錯，我屋企打邊爐成日都幫襯佢

香豬肉味既韮菜餅今日去品嚐女朋友介紹既荃灣地道小食—韮菜餅，我起初都問佢係咪韮菜餃🤣一試之下餅皮佢煎到熱得黎有d 香口，食落去好香既豬肉味同韮菜味融為一體。$13蚊/1個，我同女朋友一人一個，食完再叫多個一齊share😋賣餅既呀姐仲好熱情禁介紹佢地既餅餡係新鮮豬肉。打完啲豬肉就搓落啲韮菜度。另外試左蘿蔔榚，係幾新鮮同多蘿蔔絲唔太多沾米粉，大大粒臘腸粒，唔錯。而呢間遠近馳名既老號，韮菜餅條隊都keep 住多人排，另外手包水餃同自家湯圓吸引到唔少人揸車過黎買返去煮。感想：細細個就已經聽過荃灣豆腐花3蚊碗，鬥到你地我活，但荃灣就係人多，呢個區偏偏成就左好多特色小店。

愈來愈多味精，更恐怖係D雲吞入面好多粒都有碎骨，、老人家同小朋友食到好易𠝹傷口。非常失望，不會推介了。燒賣在室外唔知放了幾耐，回家蒸已經發出酸味，沒有吃直接掉了

民豐既糯米糍由細食到大，宜家加到$5粒，不過都仲係大大粒，超爆餡。有豆沙，花生，芝麻餡，我最鍾意花生，夠香有口感，仲有椰絲！芝麻都好香，不過幾甜。糯米糍皮好滑好煙靭，好味！

餡料來說 是足夠的 但一點花生香也沒有 只有糖味 每口都是糖不適合上年紀的人吃糯米皮 普通 比起馬來西亞的 花生碎比較大顆也炒得很香 糖度也剛好 而且糯米皮混合了斑斕葉 勁香又滿足

啱啱行過荃灣街市附近，聞到好香韮菜味👃🏼，就見到前面有條長長既人龍排緊隊買韭菜餅，所以自己都試一試🤣🤣熱辣辣新鮮炸起，餅皮薄兼脆卜卜，吾油膩👍🏻👍🏻一咬落口好多韭菜餡，好香韮菜味😍😍

民豐既餃子同粉麵係荃灣區應該無人不知，每日排隊購買既人龍，不停手努力包餃的姨姨們，就知道是如何大受本區街坊歡迎。因工作需要經過民豐，因時間關係沒有買餃子，而買了粢飯。 因為是即叫即整，所以粢飯很熱，糯米飯很嫩糯，內𥚃包的肉鬆和油炸鬼也很多，足料。 但味道非常淡，完全沒有味道，肉鬆吃不到咸香味粢飯的糯米是沒味道的，所以涵料便是決定整個粢飯好不好吃的關鍵。 這個粢飯只有熱度令人一讚，味道真的令人失望，如果來到民豐還是不建議買這個小吃。

好彩我幾年前買咗財經界尖子出身的女廚神「大師姐」嗰本「全港食材最強」，昨日趁住要去荃灣海連酒樓飲早茶，喺星期日早上九點順便喺嗰區嘅「民豐粉麵行」買咗兩盒15隻白菜冬菇豬肉餡的薄皮水餃&半斤上海幼麵，今日的午餐用咗一盒水餃入面的10隻加埋啲上海麵係屋企煮咗午餐，啲上海麵只係煮左2分幾鐘就熟，食落去味道及質感的感覺好似去咗米芝蓮六星級粉麵店食咗一個水餃麵午餐一樣，我只係用咗史雲生魚湯溝一半水，加埋冬菜中芹菜粒同埋蔥花！我求其整都靚仔到咁！😳😳😳😳👍👍👍👍$33/15隻（一餐如果有麵，每人五隻已經好飽）$24/半斤（夠兩個人食到好飽）事後喺某社交平台分享的時候發現原來我因為星期日早上那麼早才不用排隊，一般平時經常排長龍。

荃灣街市對面，有間食品店嘅煎韮菜餅，聽聞非常美味，一直都冇機會試到，因每次都係食飯後行過。今日中午去荃灣搵野食，係對面街，已聞到陣陣煎韮菜餅香味。見排隊人唔多，於是決定買一個韮菜餅作午餐，另外加芝蔴糯米糍，紅豆糯米糍作甜品韮菜餅，餅皮煎得好脆，好香口，唔油膩（可能d油畀個紙袋吸咗）一口咬開，佢地真係一d都唔吝嗇，餅餡全都係韮菜，韮菜香味好重，鍾意食韮菜嘅人，一定要試。芝蔴、紅豆糯米糍，一口咬落去，啲餡爆晒出嚟，唔太甜

陳日打風太突然，個個都無準備，近近地，一次過連同事過份買咗堆雲吞、水餃。因為係即包，成品好軟，你見佢墊哂紙皮個盒都凹入，所以唔想食肉醬攞返去就要好小心！雲吞、水餃都係四款口味，價錢有兩款一樣，有兩款水餃貴啲，正常水餃又真係應該包到多啲料，但另外兩款又係？菜肉水餃，每隻都幾大，但好油！你見湯底，其實只係熱水，而且皮好厚，菜竟然係梅菜味，好似食梗油浸梅菜肉丸，食完成口油，加好多醋先掂，仲油過大陸過幾間連鎖店。等攞期間仲買咗其他，當時見有包出爐，估計都無心機食中午，雖然八蚊個幾貴，但未食過又難得遇到，就買咗兩個菜肉包。上手都仲暖，正常大小，包身遍厚，無麵粉香，感覺實在同乾，飽肚。肉球少，要第二囗先食到，同上海菜肉水餃一樣料，不過多咗陣梅菜香，比水餃好食，但肉汁唔知去哂邊，真係太乾！甜品都有，雖然佢嘅湯圓大時大節都排長龍，但糯米糍未又係過三款，紅豆、花生，芝麻，只係湯圓細細粒，煮完個皮較厚實，糯米糍直接食，個皮軟粘，食到成口粉，更對胃口，但雪過就無梗好食，唔買得多，五蚊間中買返隻都唔搞湯圓啦！雖然話係打風儲備，但個個都話當日就食哂，果然手工嘢即食係最好。