水剌韓饍 (已結業)

今晚我們去咗尖沙咀山林道「水剌韓饍」食晚飯！我們叫咗炆牛肋骨、辣八爪魚牛肉鍋、牛肉雪濃湯、炒粉絲牛肉！我們點完菜之後店員就攞咗啲餐前小食畀我們！有泡菜、菠菜、酸蘿蔔絲、黑豆、芽菜同最令我意外驚喜嘅牛肉餅！牛肉餅嘅肉味好濃郁同多汁，唔會又乾又韌！所有餐前小食都可以添食！炆牛肋骨嘅味道非常好，炆得非常入味同好腍！係本人嘅必食推介！炒粉絲牛肉嘅粉絲非常彈牙，唔太油膩，炒得好乾身，但牛肉嘅份量太少，少到幾乎揾唔到，就算揾到出嚟，仲幼過肉絲！辣八爪魚牛肉鍋嘅肥牛太肥，份量唔多，八爪魚都算新鮮，但粉絲嘅份量極之少，一人份量都嫌少！牛肉雪濃湯又係份量極度少，牛𦟌只得三薄片！總括嚟講他們出品嘅味道尚算唔錯，但份量真係極之少！

一直很嘗試醬油蟹的貓姐姐因為某韓式飯店太難訂位，在七月底見Yahoo團購有醬油蟹午餐，便立即買了，可是七月底預約，要等到15/8才有得吃。🐷弟弟返中午更，原先🐷🐷的位置由🐷媽媽頂上。團購套餐有一隻醬油蟹，五款前菜，一個鍋物及一大碗紫菜飯。醬油蟹感覺新鮮，味道像吃生蝦刺身，可惜蟹蓋的膏略嫌不足不夠拌飯。五小碟前菜出奇地好味，蒜蓉味很入味有別於一般韓式餐廳的前菜而且可以refill。另外我們再點了一個烤牛肋骨套餐，牛肋骨上枱時熱辣辣很香口。餐牌上另有炆牛骨煲，偷看隔離枱點了好像不錯。午市提供午市套餐，價格比較相宜，大約$60-$150左右。晩市價格比較貴，亦提供韓式烤肉套餐。本來想試一下韓式炸雞，可惜午市沒有提供

今日一班同事食韓國燒肉，呢間位於尖沙咀嘅sura都係第一次食，入到去，book左枱都要等大概四個字，好full，個門面係幾令，但入到去裝修麻麻，一格一格咁，都方便傾計，吾會俾人嘈到，但吾係闊落，我地五個人迫迫地坐！五人嗌左個四人餐，要千六蚊，有石窩飯，有m6牛扒，有雞，帶子，人參雞湯，有炆牛，薄餅同四五碟多小前菜。抵吾抵就見人見志。但塊牛扒真係好好食！！燒得岩岩好，係有人幫我地燒嘅，幫我地切埋，但分五人食，每人食得兩舊仔，但真係好好食丫！帶子都好食，但燒得耐d，好大粒，如果刺身咁食就正啦！哈哈！石窩飯都好食，店員會問下食吾食得辣而幫我地加辣醬，另一提店員多是韓國人，要英文對答！炆牛我係覺得塊m6牛扒之後第二好食嘅，因為勁嫩勁林，但明明好大舊，都煲到咁，好正！整體嚟講，服務一般，只加過一次水，但杯好細，環境一般，食物質素就幾好，但略貴，試過就算，覺得吾洗咁貴。

因為4月時去完韓國，十分想念韓國美食，見食評話是韓國人主理，所以朋友生日兩個人就來食晚飯，不過最方便是可以直接在open rice網上訂位，有email&前一天餐廳會電話confirm, 所以十分方便。我們訂左6：15，去到即時可以入座了，當時已經有2枱客人了、我們點了一份烤肉套餐（包括2款烤肉-牛扒&雞肉，炒粉絲，人蔘雞湯，配烤肉的新鮮菜），另外加點半份炸雞, 叫炸雞又點少得啤酒呢！牛扒由店員代勞，肉質都幾好，但朋友話都係韓牛好食啲😰，不過雞肉就一般。炒粉絲就同韓國一樣味道，只係人蔘雞湯就好失望了，人蔘只有數片，但韓國係一條的呀！而且味道偏淡呢，又無粟子！炸雞就十分香口，蒜蓉味帶甜，好味，不過韓國可以選無骨，不過這裡無😅！不過整體上都幾好，環境清靜，而且餐後，店員送了我們各人一杯果醋幫助消化，前後比左我們四杯😋，好好飲呀！雖然價錢比韓國貴，但係整體都幾好啦！不過見佢午餐平啲，所以會下次來試午餐吧！

即日book位book晚上6點半, 一年前團購食過已經覺得好好味, 個陣好多韓國員工, 依家好似轉番好多本地員工, 但都仲有幾位係韓國人。上到去唔多人, 所以應該唔book枱都會有位, 當然book左保險D啦一點完餐就會上前菜, 前菜6小碟無限refill, refill左3次...都有D唔好意思, 但太好味5個人點左個2人餐($4XX) 有3份燒肉, 一碟沙律, 一盆菜(正宗韓燒食法, 菜包肉一啖過), 海鮮泡菜湯每樣野都好好食, 個沙律有D食唔慣...但唔知點解又會一食再食...湯都好好味! 不過真係2人份量, 5個人唔多夠分...加左份炆牛肋骨(唔辣), 好淋好入味超好食 ($2XX)另外點左個韓式鍋($3XX), 附送一底韓式麵, 一啖飯都冇食過都好飽~最後送上一杯蘋果醋, 消一消濟~完美既一餐埋單唔知點解9折左~每人夾$208就得, 韓式餐廳黎講幾抵食啦!

係我收工趕緊去嘅途中，朋友係 group chat 度彈咗張醬油蟹嘅相出嚟，引我行快兩步，心諗仲咩唔等埋我到先叫呀，攤熱晒會唔會唔好食架！？ 為咗制止啲口水流，快馬加鞭！一上到去，settle down 飲杯熱茶暖暖胃，就即刻同隻蟹打吓交道。呢次係我第一次食生醬油蟹，咸咸哋，都好入味！yummy yummy 隻蟹都算大隻，我哋三個人食，如果食晒就食唔落其他嘢。最後包起咗啲等朋友攞番屋企同細妹分享！了解我係牛癡嘅朋友，都估到我會order生牛肉食，每次去到啲比較高級啲韓食舖我必叫項目之一！個哥哥仔等我哋相機食完就幫手撈埋佢。雪梨條我覺得切到粗得滯，但爽甜嘅，加埋主角鮮味生牛肉同生蛋、蒜片，一流！ 韓燒方面，叫咗鮮帶子同牛肋骨。帶子有八大隻，好新鮮；牛肋骨唔嚡、肉嫰，負責燒嗰位朋友都要讚一下 。我哋仲有叫半隻辣雞 (唔記得咩名) ，同埋一個唔記得咩湯跟飯！啲前菜又可以不停refill，食完飽到我哋要hea多陣抱住個肚先走！

第一次食韓式生蟹唔見了啲蟹蓋，好失望！因為我係專登為了生蟹來食的！雖然一粒蓋都冇，但個味都叫唔差，而且仲有支酒送！溫馨提示：第一次食生蟹，最好與酒一同食用或先食一些食物落肚先，因生的野唔係個個受得到！冷面，竟然可以煮得有味，但絕無一patpat感覺！芝士海鮮餅就冇芝士味，搵都唔係太搵到個啲芝士，同炒味太重！但個蒜香雞好好食，飽到上心口都可以再食一件個隻！正！

韓燒就食得多 想試下多啲韓國地道菜前幾日就去左山林道食韓國菜一入到去 燈光、座位佈局都有別於其他韓國餐廳 比人一種神秘且高尚浪漫嘅感覺 係同行中最為特岀嘅氣氛服務生都幾友善 跟住一坐底就有人斟熱茶比我 估唔到係用韓國嘅麥茶叫左一個燒牛肋骨餐 知道牛肋骨係佢地嘅餐廳名菜 所以特別想試下未上主菜就已經有5碟前菜 款式好多 賣相同味道都好唔錯主菜用鐵板上 上嘅時候仲有嗞嗞聲 陣香味聞到已經流哂口水果然冇失望 啲肉用左特別腌料 好香同好多汁 燒得啱啱好 真係好推介個餐有跟飯之餘仲送一個湯 湯係韓國紫菜湯 好地道食飽之後仲有杯果醋送 飲完好似真係失濟左整體嚟講真係滿分 座位好闊落 食物唔洗講 真係好好味，服務生好主動咁加茶 做野都好快手 値得贊 

最近新興起的1個韓國料理就是醬油蟹了 因為之前1直想要嘗試所以決定來找1間吃醬油蟹的餐廳去嚐嚐!!水剌韓饍之前已經有吃過了 但那時候還沒有醬油蟹 所以這次特地再選這家餐廳來吃 因為味道真的很不錯水剌位於山林道的山林中心2樓 地方也算很大的 我們到的時候位置都已經坐光光了 所以還是建議來吃的先要預定好位置喔這次來的目的就是吃醬油蟹 所以在電話預約位置的時候已經預定了1坐好之後等1會蟹就上來了!!醬油蟹的吃法是生吃了 還真的是第1次吃生的蟹喔 超有趣的!!蟹已經用醬油全部醃製過了 所以本身已經超有味道的 店家都準備好手套和剪刀給我們大吃1頓了開動了!!吃下去其實跟蝦的質感有點像 也是軟軟的 其實殼子也會變得比較軟 1口咬下去就能吃到肉了跟大閘蟹或是長腳蟹等等煮熟了的蟹是完全不1樣的口感喔!!而且醬油的部份是有點咸的卻帶有鮮味 所以真的是很新鮮的感覺吃完醬油蟹之後 就可以開始吃熟食了 烤的 煮的都很好吃所以就按照自己想吃的來點就可以了 這次的重點是蟹 終於嚐到了!!

book左6:15pm~去到原來有happy hour到7:30pmorder 2個happy hour($58 x2)~唔夠飲先再另叫原本我都想再試"檸檬燒酒"~最終都飲飽..無叫到前菜6小碟..要叫先會refill(黑豆, 大豆芽,菜,泡菜,豆腐..第3款好似魔芋)整體前菜唔錯~黑豆小碟第一次見..泡菜都好夠入味依個ma ma地~本身無味道揀依間既原因~除左無限時..座位仲非常寬闊舒適"鮮帶子"($188)肉質好鮮嫩~中等size都好ok"鮮醬油大蝦"($168)蝦好大隻~用料新鮮..肉質爽彈帶鮮味"韓式五花腩"($158)好薄身..燒起皮層好硬~肉質都可以"生菜及醬料"($58)蔬菜好新鮮..每片生菜葉都好大片網燒無痴底~侍應會自動更換加上爐邊有放水~吸走煙味..整個場都無煙霧迷漫感食完韓燒..隨即送上"果醋"有果香..少甜味道不太酸~有助消膩另一半話想飲湯..再點個"海鮮大醬湯(跟白飯)"($118)有蝦,蜆,青口海鮮料及蔬菜~湯底少鹹唔辣..味道唔錯整體食物質素唔錯..價錢合理~服務都ok

是日專程出去尖沙咀為的是取回已訂購的新電話，完成手續後就去食飯，尖沙咀區有不少韓國餐廳，所以一早決定食韓國菜﹗但我不喜歡去那些"那段時期好HIT的餐廳"，所以選擇了走去"韓國街"附近的山林道，裡頭有一間水剌韓饍。上到餐廳後，我便前去接待處告訴台前那位男士我的訂位名字，不過他一臉茫然，啊，聽到他開口說話才知道他是韓國人，也是老闆來的呢。(佢都幾型仔~XD)弄清楚後他就叫店員帶我們入座，不難發現當中有幾位店員都是韓國人，幸好用簡單英文都可以和他們溝通到。奉上的是麥茶，其實我不喜歡飲麥茶，不過這款麥味較淡，我接受到，還添飲了幾杯呢。我們都不是太餓，所以放棄點選非常抵食且豐富都爆的二人餐，改為散點。點餐後，七小碟隨即上枱，很有排場﹗所有小碟都可以續碟，但他們是會全部款式一次過添加，所以哪款不需要添便要主動講出來。芽菜和菠菜都好清新。泡菜充滿辣勁，我吃了少少已經頂不順了。最估不到有牛肉餅，肉味濃郁，醬汁甜美，實在非常好吃，連同另一款煎豆腐，這兩味用來做餸配白飯都足以食飽人了。黑豆好有咬口，甜甜的味道令人不知不覺就吃完一碟。酸蘿蔔絲就沒什麼特別。泡菜煎餅$59(用TableMap訂枱以半價享用)，

今日同事請食飯, 而且佢一向係超級韓國迷, 所以今次由佢帶我地黎呢間充滿韓國風味既水剌韓饍食晏~~餐牌上太多選擇令人眼花繚亂 *V*驚喜既係佢連人蔘雞都有, 仲要係半隻, lunch食岩岩好唔會驚太飽我地一共8人, 就叫左共8個餐+1個小食大家share~~食韓國菜先上枱既一定係各式各樣既前菜, 有辣有唔辣泡菜, 芽菜同菠菜好常見, 特別提下呢度比較特別既有黑豆(甜)同牛肉件黑豆甜甜地 少少硬, 食下食下會不自覺咁食左好多粒~牛肉件幾淋幾入味, 作為前菜好似有少少誇張, 味道幾好石鍋牛肉雜錦拌飯 $68飯粒分明, 配菜夠多, 石鍋保持住成個飯既溫度, 份量多, 好食又抵食人蔘雞湯套餐(半隻) $78因為無耐之前先係韓國食完正宗既人蔘雞, 好自然將呢個比下去湯味同韓國既差太遠不過值得一讚係隻雞好淋好易食同好入味, $78值得一試紅椒醬炒豬肉套餐 $68燴辣雞塊套餐 $68呢兩款因為對我黎講太辣所以都只係每樣食左一啖...而我D食得辣既同事認為一D都唔辣, 好香好入味, 肉同埋洋蔥都夠多燒青魚配湯套餐 $108雖然望落好似得兩小件, 但其實都夠我地8人食既, 每人試少少..估唔到佢會係炸既

山林道係星期六食lunch嘅地方最順道嘅選擇。韓風大熱，試韓菜又係最合理。前菜6小碟好豐富又好味，基本上是所吃過的十餘間韓店中最好味的：芽菜、青菜、黑豆、煎蛋包水瓜、類似糕嘅上面有麵豉、泡菜。黑豆甜甜地又冇過硬嘅問題，連唔太鍾意甜嘅我都食哂。主菜要鐵板燒牛肋骨，唔係腍軟，實淨但冇韌有牛味，份量又夠多，熱辣辣食正！😋海藻湯同個半水狀好似啫喱嘅甜品就普通。店員服務細心，雖不愔廣東話但盡力回答提問。用信用卡有9折但唔夠最低消費冇得碌卡，不過店家好大方咁照比折扣我😆

約左好耐無見嘅朋友食飯，當然要搵一間好坐，食物好食又唔會催人走嘅餐廳啦！上次同媽咪喺sura食左lunch一次，覺得韓餐煮得唔錯，於是今次不如同朋友試下晚餐。3個女人睇住個menu,實在係太多野想食，眼花撩亂之下，見個2人餐份量幾多，又有我地想食嘅野，於是叫左個2人餐再加個海鮮大醬湯 ^^當日我7點到，客人唔算多，環境lee度唔駛講，坐得幾舒服，坐左卡位所以講野好方便^^7點半打後，客人變得好多，心諗好彩有book定位先，如果要等就煩，不過就算人客多待應們都夠，燒野燒到一半見我地個鐵板開始黑黑地我地唔駛出聲就自動自覺幫我地換左幾次 Good Service!! 至於食物水準，的確係中上，比起以前食韓國街嘅韓餐廳黎講，2人menu入面嘅食物都的確唔錯，全部都係水準之作，當中我最愛係海鮮大醬湯同牛肋骨而朋友就鍾意拌飯同炒粉絲。最後3個女人完全食唔晒2人menu嘅野，我同朋友講笑，下次叫多個女仔，4人食個2人餐再叫多粉粉野應該係抵到爛，hehe...埋單3人2百幾，又有燒野食又有湯又有飯仲要傾左甘耐真係覺得好抵！自問本人鍾意食韓菜，加上lee度野食好食同環境good! 下次再同朋友聚會都會想

看見不少食評都大讚食物質素及價錢實惠，故特來一試。由於lunch套餐價錢較平，還有信用咭優惠，所以先試試lunch的質素如何。一小一小碟的伴菜，份量不少。除了平日常見的泡菜，芽菜，菠菜等外，亦有黑豆。伴菜質素與其他韓式料理店的差不多。不過黑豆較少機會吃，而且味道不錯，帶少許甜，所以伴菜很快吃清光。燉牛肋條的牛肉非常入味，牛味亦很重。雖然較多肥羔，不過咬去即可。而燉汁用作伴飯吃，也是一流。整餐食物質素不錯，價錢實惠。餐後更有果醋，令整餐午膳更為完美。