水手有限公司(快餐店)

营业中

休息中

前幾天心血來潮, 想起在我長大的石硤尾內的水手茶餐廳, 決定要去一去. 我中學時代的午餐天天也在那兒吃, 那時天天都是人山人海的! 多年過後, 餐廳依舊變化不大, 仍是那位亞姐收銀.仍然是付款後拿單到櫃台拿食物, 當然是價錢依舊實惠啦! 點了鋦豬扒飯套餐, 承惠$28元. 以這價錢來說算是很美味,豬扒夠多汁也濃.凍檸茶也幾好味,加多片檸檬更好.. 看見個牌寫著學生有優惠 ($22),真的是很抵食!! 衛生環境也不錯. 有個阿姐專責時時清潔檯面和地板. 這小餐廳多年屹立不倒當然是有原因 (聽聞70年代已開了), 除了價廉物美還很有懷舊色彩. 今次回來令我想起小時候的趣事! 石硤尾的老街坊一定不會忘記這有記念價值的茶餐廳. 希望老闆繼續努力.

係附近工作,所以每星期都會黎呢到食下午茶!下午茶都幾抵食,20唔駛就有碟野包埋野飲.味道其實係普通架咋,冇驚喜,普通快餐店0既味道lor,黎呢d地方食野唔通有好高期望咩?平平地食得入口0米算!試過好多野食:干炒牛河,雞翼麵,薯條同肉醬意粉,最好食一定係薯條同意粉啦,薯條係即炸的,所以好熱好脆,而意粉係即焗的,又係好熱,d芝士融左係面,好香,不過份量少左d lor!雞翼其實都唔錯,不過有次食竟然唔熟,仲有少少血!快餐店唔好諗住好似大快活0個d咁好服務,呢到冇咩人serve你,收錢亞姐冇笑容仲幾串下.環境都算乾淨,係d枱腳我覺得係設計問題成日頂住對腳.平平地一餐叫做合格架啦!

是日一早起左身去水手食早餐~同朋友二人點左一個菜乾豬骨粥，凍檸蜜，蛋牛麵，仲有個餐蛋治~嘩哈哈哈！有朋友請當然叫多d啦~首先響阿哥攞野手上攞左杯凍檸蜜，嘩~好濃既菜蜜味，呢個水吧應該都好重手下，完全唔係o個d用冰同水搭夠就當一杯既一般茶記，正！再黎個菜乾豬骨粥，勁多排骨！至少有七到八舊！唔知係因為今日真係好lucky~定係佢一直都係咁多料既呢?!佢d排骨仲要一d都唔鞋，滑滑~！粥底夠鮮甜!d粥又夠菜乾味，最重要既係廚房大佬佢冇咩點落味精，因為食晒成碗都唔會口乾！到個蛋牛麵，好重沙嗲味~正！不過牛肉好似落得太多鬆肉粉，好"化"......，d麵唔會太淋，好正！所以又係食到一半先記得影相= =............個餐蛋治仲堅！好大片餐肉~!好足料=3=~又唔會一拎上手就有油流出黎，正！不過因為太飽，所以要拎走~又食又拎今日真係好surprise!!完全估佢唔到呢間充滿懷舊feel既水手個質素會咁出色，朋友話可能係因為半年前換左廚房大佬有關喎!好！！下次一於試下佢d晚餐，睇下新既大佬係唔係真係咁堅先!!期待=3=!!

因為FARM FEST 的shuttle bus，周日才會到窩仔街，才會試過中午幾近爆滿的水手。看看水牌，快餐有7、8款選擇，而且並非只得乜扒物扒，而是有生炒雞絲飯及菜遠牛飯等。送湯或熱飲，收你$28，可說與茶餐廳無異。不過最吸引我的是特價的免治牛肉煎蛋飯，只收$17，超抵食，當然撲去收銀排隊買飛。如一些食友所言，收銀和水吧收飛的都幾晦氣不友善。不過食物算不錯，單是免牛飯的賣相已經殺死人。靚靚太陽蛋在上，免牛多，飯又多，表面完全符合要求。味道則嫌下了太多茄汁，偏酸了。不過$17有這個質素，滿意的了。生炒雞絲飯即炒出來，味道雖普通沒什麼突出，不過配個材料足的西洋菜豬骨湯，亦收貨了。

要到城大辦點事在石峽尾下車後步行到城大路經此店與隔壁的西貢比較這間店實在不起眼可是價錢卻很吸引店內沒有太多食客點了一個炸魚柳沙律跟coke看到碟子上的炸魚柳明白為何店內只有幾位客人魚柳雖然炸得不錯可是既細塊...又薄如紙....吃入口中感到很油膩沙律也不好不新鮮份量也不多coke是全個tea最正常及滿意的食品此間食店...一次就夠了~平也沒有用....份量和水準有待改進

主人與奴隸獸前往南山邨途中遇上傾盆大雨，所以在此快餐店光顧個下午茶及避避雨。想當年，此快餐店的名字應該是叫做『大力水手』，還用了Popeye的圖像作為招牌。而主人最喜歡它們的涼粉紅豆冰，可惜，現在此食店已沒有提供此食品喇！我們點了：1. 腸仔蛋中翼生麵及熱咖啡（HK$17）：此下午茶餐只售十七個大洋，又有麵、腸仔、煎蛋、雞中翼，仲有兩條菜，加上熱咖啡，雖然味道普通，乏善足陳，但主人與奴隸獸已覺得滿意。2. 洋蔥牛扒包（HK$11）：主人掀開牛扒包拍照時，覺得有點兒困惑。我們點的不是洋蔥牛扒包嗎？洋蔥呢？餐牌上亦有一款牛扒包，所以我們懷疑是不是弄錯了，一問之下，原來是指牛扒經洋蔥調味及醃製，所以餡料是看不見洋蔥的。一試之下，確是有淡淡的洋蔥味。可是牛肉過腍，欠缺了口感，不過以此價錢，有大大塊牛肉，亦可算是抵食。雨還沒有停，但距離目的地亦不是太遠，所以冒雨繼續推進吧！！

小時候我就係呢區讀小學,一星期最小會有兩日係大力水手食早餐,當時D波浪薯條,焗朱扒飯,漢堡飽,仲有好多飽都好好食.但係現在食物不但今非昔比,仲有就係唔願做.明明見到有做漢堡飽唧材料,佢都可以同你講話賣哂仲要唔係一次.收銀阿姐態度差就更啦(小時和現在都係同一人),叫你拿食物時D態度差爆,唔知以為我係佢D伙記大大聲叫我快D手做咁.我仲見過(四眼個位人兄)係到小D客.都唔明無進步都算啦,但D服務可以差到咁根本就係想叫人唔好再.

對於呢亭响屋邨附近揾到嘅快餐店，倍感親切。想起以前讀書時期，差唔多日日都會食佢哋D雜扒飯、炸肶薯條等等。今次嚟到，主要都係嚟懷舊懷舊啫...响呢D快餐店，食物水準不能有太大苛求--- 師傅毫不手軟，一大pat洋葱汁pat落兜飯度，變成湯飯一樣，無可奈何；雞肶一早炸定，凍冰冰，肉完全冇味，皮亦不脆...凍茶加入大量碎冰，飲到尾後淡如開水...水準九流，懷舊一流...

返city趕工,夜晚就黎左呢到食.點左個小菜蝦仁炒蛋配例湯,白飯,凍飲都係35$個例湯好大碗,好多料!餸,飯.都好大!味道亦不錯.最岩我地呢d餓鬼食飽飽又要返city搏命luups.partner食咕嚕肉!仲好味呀=]

19/8(日) 7pm原來上次光顧已是一年前的事.是晚想吃得經濟點,又不願下廚,我倆再訪"大力水手".點了西蘭花炒斑腩$30跟湯,什扒餐$32跟凍檸茶作晚餐.青紅蘿蔔煲豬骨湯--一大碗沒味精的老火湯.西蘭花炒斑腩--西蘭花依然嫩綠爽脆,而斑腩炸漿是難得的薄身,肉質不鮮但嫩口,不油不膩,簡樸美味!什扒餐--雞翼兩小隻,豬扒牛扒香腸各一,陣容何奇鼎容!加上椰菜墊底,以及香脆的幼身薯條,$32的貨仔已很有交代!凍檸茶--跟餐加$1;久久沒嘗茶香這般濃郁的檸茶了...冀望此店能為我等街坊延續集體回憶夢!

另一間歷史悠久的港式快餐店,前身叫大力水手.相信沒有邊個協同,聖道,銘賢,甚至上智的校友未去過.搬到去現址已超過廿年.曾聽聞區內另一名女校,曾不成文規定午市嚴禁搭足這間快餐.原因好似係礙於品流複雜.除此之外,相信這店亦是大多"石硤尾聯"舊生的集體回憶.最後的中學生涯在偉智街,有時也會過來午飯,並不見得什麼三山五嶽聚集,可能年代不同,有少許差別.當年小弟就讀之中學,民風也算純樸.餐牌仍是老樣子,價錢當然已不同.下午時段快餐$16,有焗肉醬意粉.比多$10,要多個羅宋湯.汽水機仍是維他汽水,堅定不移.可樂仍是甜.焗肉醬意粉即叫即整,仍是要等.羅宋湯材料足,湯渣多過湯,味道酸甜辣適中.真的不錯.肉醬意粉焗三數分鐘便上桌,不甚入味.份量也不少,$16一個餐亦不能要求什麼.薯條不是其他老香港的波浪薯條,只用French Fries,吃得不過癮.芝士漢堡在偏見之下,好吃過老麥不知多少倍.真正昔日少年之味道.當然即叫即製這一環,已比老麥勝一籌.往事如煙,不經不覺已告別校園十多年,昔日的學生哥成今日的Kidult,對這些老香港快餐店,感情依然貫切至終.大型連鎖互相打崩頭之當然形勢下,這些我輩的"集體回

個收銀阿姐態度差，有機會找少錢，所以大家要留意自己買d乜，計定幾錢!

少見的港式快餐店美味的**窩蛋免治牛肉飯** "0" (尖叫)充滿番茄的香味+ 粒粒牛肉+ 香草還有那個窩蛋~o~

19/8(六) 8:30am今朝心血來潮鮮有在返工前外出食早餐,本想光顧的粥店無開,於是選了此店的粥餐:菜乾豬骨粥拼煎腸粉$16.自助式懷舊快餐店,舊式大膠餐牌鑲於老闆娘櫃檯背後,環境及氣氛與兒時光顧時的情境一樣,感覺熟稔.到廚房台前先拿碗大大的豬骨粥,親和的大叔說道:"阿妹,吃住碗粥先啦!腸粉煎好再叫你呀!"我言聽計從地找了個位置坐下,先嚐嚐豬骨粥.用大湯碗盛上,相當足料,,豬骨有5至6舊,而且肉鮮入味.米煲至開花,稀稠度適中,唯略嫌味道鹹了點.3分鐘後大叔喊著:"阿妹!你個煎腸粉攞得啦!前面有醬料自己鍾意落咩就落咩啦!"腸粉份量亦不少,自助式的醬料,麻醬,甜辣醬皆俱備,味道對辦,唯甜醬偏鹹,腸粉質地頗彈牙,口感薄而滑!除廚房大叔態度親和外,老闆娘與食客及伙計有說有笑,儼如一家人,所以不少街坊朝朝在此打躉.$16吃了個溫情早餐!值得一試!

趕時間返學，故選擇這裡開餐，原因是見幾多街坊幫襯！焗豬扒飯加例湯，焗豬扒飯味道不錯但焗飲不夠干身，例湯幾甜但仍加了些少味精；始終$25一個快餐仲想點。