水手有限公司(快餐店)

营业中

休息中

今日男朋友帶我嚟呢度食下午茶, 陪佢重溫一下童年回憶☺️我叫左個熱狗, 熱狗包係夾住煎香左嘅雞肉腸而唔係脆皮熱狗腸, 或者呢個先係傳統嘅味道😋 加埋啲沙律醬, 沙律醬嘅甜味中和左雞肉腸嘅咸味, 唔錯👍🏻茶走香滑, 茶味濃, 甜度剛好👍🏻👍🏻😋我仲試左幾啖男朋友叫嘅蟹柳炒飯, 好香, 個味道好有屋企嘅感覺, 好有親切感。支持小店💪🏻💪🏻

呢間餐廳真係我既童年回憶，細細個已經食緊佢，都而家過左十幾年，仍然屹立不倒，證明佢既水平都唔會差得去邊。今次返到黎，個門面同以前一樣冇變，我嗌左個焗豬扒飯黎食，個茄醬真係一流，好開胃。豬扒亦好細心咁切好晒，配埋一隻煎蛋同炒飯底，真係好食過其他快餐店👍🏻👍🏻

無影相添...之前食過西蘭花炒肉片和腰果炒雞丁，今次再點，都係咁好鑊氣，咁好食~感覺幾似大排檔嘅小菜。所以當老公話想食腰果炒雞丁，我就諗起呢間，介紹佢黎。腰果炒雞丁有紅蘿蔔和西芹~雞丁應該係煎香咗嘅雞扒切粒，所以咁香口，又入味我哋本來就鍾意腰果，炒香咗仲好食~我記得有啲餐廳會炒燶或腰果有啲冧，先知原來要炒得好食唔係咁易...兩個小菜都有碗白飯，湯或餐飲，老公點咗檸茶，我就一定要湯。一大碗青紅蘿蔔豬骨湯，好好飲，正過叫餐飲~

呢到真係開左好耐好耐了之前話汁好彩今次行來見仲係到 緊係入去食野快餐店的感覺😁欣賞個包 好脆 試過先知係好配合加上牛扒的味道 勁多牛扒汁😃juicy很好eat very good市面不多了之前食過女朋友整的方法是牛油下熱鍋 大火煎香牛柳表層,轉中小火煎至喜歡生熟度 取出用錫紙蓋著 備用同一熱鍋 用留下油份炒香洋蔥 下1圈喼汁 再下糖調甜,中和酸味將牛扒切條法包塗上忌廉芝士醬 放入洋蔥 牛扒,塗上芥末醬同今　18蚊過個大大不同🙂

友人出名是燈王，無論投資，還是吃東西，通通都會燈。甚至試過，餐廳幾十年都在，有天路過，之後一週，餐廳竟然結束營業🤦🏾‍♂️。今天，打算去海星茶餐廳，體驗一下這種舊式餐廳的感覺。想不到，原來，星期日的中午，海星關起閘😒，原來是不營業的嗎？朋友，你真的很燈🌟。退而求其次，去了對面轉角位，麥當勞旁邊有一間很久以前已經見過的快餐店，現在的門面好像也翻新了，叫做水手。看來像商店多過餐廳，也不太感到懷舊。這間快餐店，我想應該是裝修了吧，室內環境又白，完全沒有油煙，亦都沒有熏黑了的牆壁。內裏非常新式，桌椅又新，整齊，牆上搵掛有歐陸式掛畫。這店大間，非常廣闊，座位眾多，又是有一個收銀處，顧客自己去買票，然後到水吧那邊交票，然後等。不會等太久，弄好便叫你，然後全部餐具自取。也是水牌📝，是日午餐選擇不少，而其他散叫的人也相對廉宜，見午餐飯有得選配雞脾，便立即點了茄汁雞脾腸仔火腿飯。賣相不錯，茄汁就像燒汁一樣，雞脾🍗也不算太少，雖然看起上來有輕微乾，雞肉還算有點肉汁。總是覺得，這一種雞脾飯，如果可以再配煎蛋，肯定更上一層樓。結果，雞脾也不算太乾，也不會咬到痴牙，雞脾的肉不太少；還配有腸仔及火腿，大大碟飯，總不

在附近睇完中醫，順便上網搵嘢食，見喺隔籬有間叫水手嘅老店，就去搵下，都想去吓懷舊嘅快餐店（因為細個都時時食，不過唔係嚟處出沒），行到門口，以為攪錯，鋪面好新淨，似剛剛裝修過。睇餐牌都係一般快餐，豬扒，雞扒之類，咁是旦叫咗鹹蛋肉餅同鴦走。事頭婆係健談街坊型，爽快落單，出餐極快。講吓食物，一望鹹蛋冇切開，原隻，好少見咁大手筆，一般都係得半隻，不過原隻有個唔好處，要用手剝，兼且唔係好食得哂。肉餅呢，肥廋適中，有椰菜做伴菜，椰菜煮得好嫩好甜，真係想問佢攞多啲。杯鴦走都唔錯，有水準，啡茶適量，甜奶啱啱好，要彈只係未夠香，埋單$38，普通啦，下次行過要試下紅，黑汁，唔知有冇紅白湯呢，嚟啲先係懷舊重點，最好有生炸雞肶，就very骨喇，總括黎講都ok啦

因十一點便吃中午飯，所以到左五點便肚餓。下午茶餐選擇頗多，今日叫了焗蕃茄豬扒飯，熱好立克，＄28。雖然是下午茶餐，但份量同午餐無分別，豬扒肉質頗淋，飯有些少汁相拌，軟硬適中，＄28，抵食！

已有一段時間沒到這間快餐店吃飯了。沒光顧的原因，倒不是味道不好，只是款式太少。菜式已有一年多沒大改變。曾經有一段時間常常光顧，夜晚的$40一人小菜款式，最愛吃的有蝦球炒蛋，及豆腐火腩煲飯。本想着食豆腐火腩煲飯，想不到它突然轉換了款式，貪着新鮮，點了個啫啫雞煲飯。在香港食晚飯，$40的價錢，有湯，有一個小菜，一碗白飯，其實已相當相宜。湯很大碗，味道適中，不太鹹不太淡，也很足料。至於雞煲呢，調味及香味上不俗，附有數片豬潤。但美中不足的是雞肉太少，最後要靠葱來送飯。這間快餐店的菜式大體上味道不俗，雖旁邊便是麥當勞，但人流依然旺盛，值得推介。

水手意粉其實係茄汁醬 醬未算稀 有洋蔥片 火腿 雞扒 豬扒 各一 姐係雜扒喇 加意粉茄汁顯得淡味了一點 忌廉汁粟米炸魚意粉白汁係忌廉汁加粟米粒 醬唔會稀 炸魚係金黃色的脆口內熱 意粉加上白汁冇得輸餐飲凍檸水2杯 唉 水吧唔記得落糖水...

鮮茄炸魚柳飯鮮茄製成醬汁仲有切粒番茄 加上香炸魚柳2塊 炸至金黃色 極少炸粉原塊魚柳 肉醬腸仔意粉肉醬香濃 咸了一點 不過份量多得誇張...腸仔煎的 不會乾而入味 意粉就一般了

忌廉汁雜扒意粉白汁有濃傑忌廉 雜扒有煎豬扒 大片火腿 煎雞扒（近皮位置及皮下較肥）整體扒類合格以上 41蚊有野飲既餐有咁嘅質數正野飲方面要左凍擰荼 荼底較濃厚 檸可能放左成日唔夠新鮮...不過我個人好欣賞佢杯擰荼嘅荼澀味

出身於無電腦, 無INTERNET年代既我, 百分百係飲TBB奶水大 (荼毒)。各位七八十後, 仲記唔記得TBB《香港八X》系列呢? 唔記得?! 咁牛頭角順嫂同「銀禧小食店」呢??《香港八X》- 銀禧小食店: http://www.youtube.com/watch?v=m4jx2fnHL4g 估唔到响大坑東遇到濃濃80年代味道既快餐店, 唔同一般 "扮" 懷舊既食肆, 水手快餐店內籠同員工服務 都係80年代TONE, 極CULT極正斗!!!收銀仲係用叮叮機 (唔係大X樂電腦MON), 收銀阿姐氣場極強, 行到去, 好似小學雞咁, 突然恭敬起來 (其實阿姐極NICE) 。你一口氣叫幾個餐, 阿姐好快手响張小小單上寫兩筆 (你一定唔知寫乜), 水吧就明晒。水吧有支咪, 但水吧哥哥根本無用, 啲嘢一到, 老遠都聽到 "大AL"tone :阿哥, 炒飯, 攞嘢 / 阿姐, 雞脾, 攞嘢。絕對市井, 沒多餘既多謝/ 唔該/ 慢慢食, 完全80年代精神, 我極BUY!所有枱不設調味架, 要糖/ 鹽/ 豉油, 唔該自己行去水吧, 一大盆等你攞到唔攞 (SORRY, 不設小包調味料) 。黃色椅, 極

要去大坑東哥頭開工, 諗住响附近搵D野食門口MENU 見一個SET LUNCH 只係$32, 可以一戰入到去見門庭冷落, 心諗莫非係伏?但只能同隔離嘅麥記二選其一, 都係試返呢間同女朋友一齊去食,個餐包一個飯 + 一湯/飲品兩個湯都足料, 而且大碗, 味道唔錯魚香茄子 + 勝瓜腐竹火腩兩味餸嘅瓜菜都好夠味, 火腩就鹹左D, 肥左D, 呢個係唯一挑剔嘅地方肉絲夠鬆, 難得地出街食肉而唔痴牙

一次飯聚，朋友P提到這間她由兒時食到現在的快餐店。根據她的說法，每次到附近探父母時，一有機會，都會打包盒焗豬扒飯回家。這種隱世小店我最喜歡嘗試，於是星期日和J來「尋味」。不過，結果略為失望。炸魚薯條魚柳雖然份量比較少，但起碼真材實料；薯條就真的令人失望，用的是和麥當勞沒有分別的普通薯條，雖然附上一包亨氏茄汁，但收$HK28一份（還沒有跟餐飲），在石硤尾這舊區絕對不算便宜。焗豬扒飯堂食用來上碟的居然是絕對不環保的即棄兜，真的也太懶了吧！蛋炒飯炒得還可以，只是不夠乾身，豬扒份量夠、肉質尚算「實淨」，但可惜的是豬味略欠。最出色的反而是它的洋蔥蕃茄汁，清甜香濃，整體而言還算合格。這間老牌快餐店，裝修過的確乾淨整潔，而且牆上還罕有的掛有以威尼斯為主題的油畫，理應有點taste吧！可是水吧伙記實在太可惡，叫客人拿食物時（是的，沒伙伴送，一切自助式）大大聲叫「邊個叫嘅焗豬扒飯架！！！，快d嚟拿！」，好像「債主追債」的語氣，真的不好受。如果食物很有水準，我不介意受氣，可惜的是他們暫時還沒這個能耐！PS：事後聽另一友人說他們的羅宋湯有酒店的質素，雖然我甚表懷疑，但下次還會來試，給它多一次機會～

作為香港城市大學的學生(已畢業)，午餐會是一個大問題而我選擇較少人的地點，走到石峽尾，做一個水手何為中式快餐店？？就是到收銀買了飛，自己走到廚房交飛若果人多可以先回座位等候，弄好便會大聲呼叫你這種香港特有的中式快餐文化，我特別鍾意店內設計仿似七、八十年代的西式快餐店與它們不同的是，水手快餐店一直停留了在過去收銀旁是水牌，列滿了琳瑯滿目的菜式對於貪心的我，的確有點困難最後，是次柯打了一碟「鮑魚雞粒炒飯」期望以平凡菜色品嚐出不平凡，而它亦沒令我失望由於人數不多，點了飯交到水吧，不用三分鐘熱騰騰的食物已送到面前雖然快，但不代表質素會因此有所降低炒飯充滿鑊氣，絲絲白煙從炒飯中散發出來白飯經過洪洪烈火鍛鍊，變得略帶金黃而又不帶油膩用料分布均勻，每一口就像食一次小鮑魚雞粒炒飯加上蛋及少許配菜，豐富了口感之餘，更配合了整體味道咸度適中而又能帶出各種味道，每一口皆令人滿足配上一杯熱奶茶，雖算不上頂級，但奶香茶濃、入口滑溜襯托炒飯是絕妙配搭這一頓只需港幣三十元，物超所值