水源韓國料理 (已結業)

d野食好好味，小菜都好正，好中意佢個薯仔小菜，我個仔都自己食哂，唔留比我老闆娘負責廚房，老闆係樓面。佢地都好好人!同附近幾間韓國菜唔同，款式多!燒肉，部隊鍋都有。不過部隊鍋就唔試過，因為大份。下次有機會多人去食先試

食肉獸又出動喇～有時夜晚想食韓國嘢就會嚟到位於大埔嘅呢間韓國餐廳，我哋會叫一個二人燒烤套餐，因為佢比起單點真係抵食好多，佢有幾份肉啦，包括牛肉，雞肉，有一個石頭鍋拌飯，仲有湯tim，非常之豐富，其實我甚至覺得三個人食都夠😆味道都算可以，性價比滿分

冬天要食燒烤是常識吧，韓國燒烤來講位於大埔嘅呢一間算係唔錯。首先佢係有韓國人經營，第二就係佢性價比非常之高，每次我們都會叫二人套餐，又有牛肉又有石頭鍋拌飯又有湯，份量根本多到你食唔晒。味道亦都唔錯，所以每次黎都會滿座！

突然心血來潮想吃韓式醃生蟹和生牛肉， 刨了食評有備而來， 誰不知⋯⋯⋯⋯預早兩日訂了生蟹， 滿心期待， 可惜只吃到生蟹的喊和鯹味極濃， 放入口停留了數秒， 連第一口也吞不下， 只好失望地放棄！以免肚子難受！生牛肉來了， 買相尚可，可惜吃時肉絲溫度較高， 影響口感， 而梨條亦小汁多渣， 整體質素一般， 可以不吃！於是放棄這兩碟貴而不值的食物， 進而求其次， 吃點冷麵和燒肉， 所有食物不如食評家所講， 叫我再次光臨？ 我情願吃雲吞麵算數！

大埔區內的韓食餐廳不算多水源是我所試的第二間朋友嚐過這裡的菜式，覺得不錯而帶我來啊～店內除了韓燒外，也提供各種的一品料理今晚和朋友就不點燒肉了～～我們點了海鮮豆腐湯﹑甜辣炸雞(半隻)﹑芝士排骨及生蠔飯先送上4碟前菜，有薯仔﹑青瓜﹑大豆芽及泡菜炆薯仔略帶甜味，又稔又入味啊！泡菜的辣度恰好～～開胃的前菜如不夠食，可以refill的！甜辣炸雞(半隻)，雖然餐牌寫的是甜辣其實一點都不辣啊！只會嚐到甜味～～醬汁充足，外皮都算香脆，但脆得來不夠鬆化而且半隻的份量不算多丫！海鮮豆腐湯，送上桌的時候是滾熱辣的味道香濃辣度足蜆的份量算足夠，蜆肉size不算大隻豆腐滑溜，湯料份量充分朋友說這是她今頓晚飯最喜歡的食物～生蠔飯，石鍋上桌，夠熱有4隻蠔，蠔的size夠大隻，帶有蠔味要加上好多辣醬去拌勻才夠味味道普通芝士排骨，鐵板形式送來的時候，芝士就覆蓋了整個鐵板！排骨是ribs的部份，煮得好稔好入味，味道微甜又不油膩好易就能咬開！這份ribs的size是較幼身的一種捲著芝士來吃，也不會覺得太膩！整體來說，食物味道不算差基本上都合格，但未算很出色啊～～有機會也願意來試試其他菜式的！

朋友是韓迷再加上自己上次食過心思思想食這裡的醬油蟹，今日慶祝她生辰就特意帶她來「水源」相信她沒有意見，「水源」由韓國媽媽親手炮製，來這裡食韓國料理應該別有一番韓味！韓食指定動作先來一客韓式小食，芽菜、薯仔，青瓜及泡菜，味道如舊泡菜合我口味😋醬油蟹保持水準，醬油味中帶酒香，鹹鮮味美😋豬手味似粵菜的鹵水豬手，有點鞋口。銀魚乾 😍銀魚過油鑊炒熱加糖，香香甜甜咬落帶小許甘味，補骨加鈣太棒了！蜜味炸雞外層香脆有蜜味可口。蒜味炸雞香脆就是炸粉多了！致愛泡菜湯味道及材料比上次食到的有點失落冷麵味道甜中帶辣，麵條彈牙適合夏日涼拌菜色步隊鍋通常步隊鍋我都係覺得雪櫃有什麼乘餘餸菜就倒落個鍋一鍋熟，加多個韓國麵加多片芝士蓋頂即成，不過正宗韓國步隊鍋還要看看湯底，靈魂所在是香辣要夠味才算是一煲韓國步隊鍋

食左4、5次，終於記得寫簡評。簡單黎講，老板同老板娘好nice，老闆娘好似係韓國人，耐唔耐會同你跟單，睇有冇漏單，食物水準不錯，價錢平民，最鍾意食人蔘雞湯，家庭聚會一定會再來。

早前同朋友食飯時曾提過大埔有食韓國菜好地道，今晚專程到來用膳！坐位都算舒適，店員仲好 Nice 添要幫襯水源最好事前訂檯否則慢慢等韓國四小碟醬油蟹 $130我喜愛個汁👍有小許酒帶醬油麻油甜甜地，醬油蟹這家料理做得比在韓國食到的更出色🤩🤩蛋伴生牛肉$130人生第一次這樣食，生牛肉食過是泰式汁薄切的，這個韓式味道有點偏甜，可能不太習慣只食了小許，最後還是外帶回家炒熟真失禮！😂泡菜湯 $78抵飲足夠有三人份量，內有豬肉豆腐泡菜又香又辣超醒胃！蜜味炸雞 $75超有韓國人廚藝，同我在韓國食時是一樣的，甜甜地脆脆地肉質仲嫩㗎充滿韓國小店氣氛

係大埔谷有人推薦呢間韓國野好食，係韓國人主理既小店，都係做一啲家常菜式，有一晚大家都係無飯家庭，一於去會一會佢。家庭式小店有二三十個位左右，由韓國人主理，成個設計都係行家庭簡約風，另外除左普通家常小菜都仲有得做韓式燒烤。先黎前菜四小碟，每樣都幾好食，泡菜辣度夠，薯仔都又淋又入味，另外仲有芽菜。第一樣黎既係《大醬湯》($78)，有少少失望有種死咸味，無左大醬果隻香味，蜆得好少蔬菜豆腐正常但唔太入味。第二樣主食《炸醬麵》($78)，去到韓國餐廳緊要叫作為國民美食炸醬麵，濃黑既炸醬加埋肉丁撈埋麵條食，岩岩好無燶到，炸醬份量又可以沾滿每條麵條。小食類叫左《海鮮蔥餅》($100)，鐵板黎到真係熱辣辣，仲係聽到渣聲，個餅邊超級脆，餅身唔會好粉亦有唔少八爪魚。店名：水源韓國料理地址：大埔舊墟直街8號榮明花園地下A號舖餐牌:

弟弟生日，選了這間餐廳，訂位時說了要兩隻醬油蟹。當天來到，其實都爆滿了，幸好有訂位，餐廳位置不大，但小一點才能更加兼顧客人。坐低後望著餐牌，每樣都十分吸引，真的很難選擇，因為是弟弟生日，很多菜式都由他發辦了，另外一些就由父親大人決定。我們選了生拌牛肉（這個超級好吃，我誠意推介，這生牛肉一點騷味也沒有，肉質勁滑，不太愛吃生牛肉的我都吃了不少），醬油蟹（這個是我選的，不是老黃賣瓜，這蟹不算太咸，店家會送上白飯一碗，而且說不夠再說一聲，這點真心喜歡，很多餐廳都所謂跟足指引，其實送一個白飯消費者開心，會再幫襯又何樂而不為呢，醬油蟹就是要配白飯！好好吃），芝士炸雞（這個我覺得一般，味道不太夠，但父親大人超喜歡，叫了兩次），人參雞湯（其實我不太喜歡人參的，但這個我可以接受，味道不太濃烈，而且店長看我們最後還剩下雞肉，主動幫我們再加些湯翻熱，這服務態度超暖心丫，這才是小店才有的情懷），牛肉拼盤（這個燒烤用的，牛肉看得出質素不差，份量都算不少了），海鮮炒飯（這個我沒有吃，但應該不差的，父母兩人把它清掉了），豬手（這個我覺得一般，可能已經吃飽了）前菜送了四款，我對泡菜很有要求的，這間超好吃，店長說不夠可

一街都係韓國餐廳，不過食100次都係覺得華而不實，好多時都係食環境多過食食物。朋友介紹下👉🏻今次試左大埔新開嘅韓國人主理餐廳👈🏻老闆老闆娘超級好客，好有禮貌好有親切感(講真之前食過餐廳野食好但無service 我都一定不會番轉頭), 我地一行3人叫左個大拼盤，冷麵，醬油蟹，紫菜包飯。。本身想加其他野，但老闆好老實話再加會食唔曬，叫我地如果真係唔飽先後加。前菜好得，泡菜同薯仔一流👍🏻👍🏻醬油蟹同我之前食過嘅好唔同，唔會太咸，同埋好似有啲紅棗。。嘅味道？好特別，同埋啲肉好實，唔會有好爛嘅感覺！好正冷麵份量好多，3個人一齊食都可以，個湯係酸酸地好清爽嘅感覺，食完覺得好開胃，食左燒肉後感覺都無咁油膩👍🏻👍🏻大拼盤份量好多，本身睇落個色澤好似麻麻地，但食落口超有牛味，好喜歡佢肉汁個味，甜甜地 十個喜歡！！♥︎♥︎♥︎紫菜包飯嘅料好豐富，感覺唔會成舊都係飯，味道很好👍🏻👍🏻3人份量連埋飲品今餐都只係700蚊！！朋友無介紹錯，比起之前吃2000幾蚊嘅店還要好食，地方小小但感覺更舒適，非常平民價，值得推介！老闆話午餐都係50幾蚊，放假有好地方Lunch 啦♥︎

難得book到大埔體育館打羽毛球就早少少去隔離食個lunch先早排去韓國旅行就一直念念不忘韓國拉麵🤤即上Openrice search下 見食評寫韓國人主理就去試一試先😍一坐低就遞上餐牌同小食👍分別有泡菜、茄子同薯仔薯仔真係好好味！薯仔真係好好味！薯仔真係好好味！（好味到要講三次😤）我地當然叫左韓國拉麵配紫菜卷啦🤤係韓劇成日見到OPPA用嘅煲😳我第一次真實見到！！！拉麵食到尾都keep住熱辣辣👍紫菜卷都唔錯 料好足！朋友就叫左炆牛腩有別於香港傳統牛腩做法牛腩係甜嘅！！！好有趣亦都幾好味🤤而且係好淋嘅！！

早前大埔朋友話新開左間韓國野所以專登去左試。係太和站行十分鐘左右就到尚算方便晏晝去到食Lunch,周圍無乜店舖開門入到店內環境都唔錯，裝修簡單可能仲係新開，晚上有燒烤但地面都唔油唔痴立立，值得讚今日因為有五個人所以都點左好多款野食日頭同晚上既menu唔同，晚上有更多野食選擇炆牛肋骨真係好正夠入味又夠林泡菜餅啲泡菜唔酸，加左啲芝麻食落比較香口，仲有啲啲脆口感添。五花肉蓋飯真係煮得好香，肉唔un 其他野都好味不過汽水方面好飲既韓國飲品選擇比較少值得再黎

大埔新開嘅韓國料理，由韓國人主理理應有保証，因為大埔嘅韓國料理水準唔錯，寫呢個食評之前我比咗兩次機會，但冇辦法，要送個劣評比你第一次去食我叫咗海鮮刀削麵小菜有三款，大豆芽菜，翠玉瓜同泡菜味道尚可刀削麵嚟到嘅時候都有一陣海鮮香味先試湯，竟然係淡而冇味再翻翻碗内配料，有蝦有蜆神奇嘅事就發生咗啦蝦頭全部係黑色，家庭主婦應該明白蝦頭要發黑到如此境地，相信佢係冰櫃都放咗好長時間每粒蜆都有沙，草草食完就離開一星期後再比多次機會，今次再試海鮮豆腐湯其實店家服務的確係友善湯嚟到夠滾，抵讚頭一啖湯.......依然係淡而無味蜆仍然係砂可惜雖然佢有炒碼麵但我冇勇氣再試落去

終於喺大埔搵到間有水準嘅韓國餐廳喇！佢地服務態度好好架。老闆娘係韓國人，唔知係咪我地表現得唔識煮野食呢，佢好主動埋黎幫我地燒... 太好人喇！😊第一次食醬油蟹 🦀，都唔錯，唔太咸囉！👍🏻老闆話一般正宗嘅醬油蟹係偏咸，佢叫老闆娘唔好整咁咸，因為香港人食唔到咁咸！太細心喇！😄我地叫左碟烤牛肉拼盤，樣樣都唔錯；我覺得牛舌好好味，老公就覺得板腱肉最好味囉！前菜都有四碟架，仲可以添食一款一次；鐘意食泡菜嘅我，梗係添多碟泡菜啦 😁😁