水門雞飯 (蟾宮大廈)

营业中

休息中

夜晚嚟到銅鑼灣行街啦，之後就揾左間想食好耐嘅水門雞飯🥰我哋嗌左半隻雞啦🥳都幾大份，而且雞件好滑！仲有啲雞腸雞腎咁添 如果青瓜多幾片就更好啦🥳另外嗌左個三寶飯！佢一樣有雞雜同海南雞，特別多左炸雞嘅，食落脆口的，點埋個汁撈飯食就好正🎁一定要嗌下芒果糯米飯啦🥭🥭芒果好甜又多汁，配上糯米飯食好夾，食完十分之飽呀😽 #hk #hkfoods #hkfoodie #hkfooddiary#hkfoodblogger#hkdessert#coffee#hkig#goodwest#hkfoodies#hkfoodporn#foodies#hkigers#hkfoodblogshare#好味道#好西#香港好西

悶熱嘅天氣☔️係銅鑼灣搵食，又想食個平民lunch，泰國嘢可謂夏天必揀嘅菜式😝水門雞飯銅鑼灣店喺希慎道好方便，主打雞飯🍚今次揀左雙拼飯，有水門雞+炸雞$56 有埋解暑冬瓜湯，嫩口皮薄的雞肉為主角，配埋香氣十足的泰式米飯，搭配泰式醬汁，好開胃😋😋

每次去到泰國一定食嘅水門雞飯，喺香港開咗咁耐都冇食過，今日就特登去試吓，喺利舞臺行過去就近好多，位置就入少少，不過都唔算難搵～-水門雞飯 $54水門雞飯最愛就係佢個冬瓜湯咸咸地飲落去仲有啲胡椒好正啲雞就中等唔算太滑但又唔鞋雞都幾有味但點埋個酸辣汁都好惹味～啲油飯粒粒分明仲有少少煙靭感-秘汁泰式生蝦 $108生蝦啲汁好開胃酸酸辣辣咁-芒果糯米飯 $58啲芒果超好食！芒果大大隻又冇筋食落啖啖肉咁超甜又多汁🥰🥰仲可以多椰漿正呀💯-凍泰式鴛鴦 $22、凍泰式奶茶 $22係泰國既泰式奶茶一模一樣😋仲唔貴想提神可以飲鴛鴦同奶茶差唔多但多左陣咖啡味飲完即刻想去泰國🥺🥺

成日都話食水門雞飯，今次終於經過銅鑼灣食晏就去食 ， 不過人真係唔少，兩點左右都要排隊，不過等得唔耐，都係大概等咗5至10分鐘睇到個餐牌， 原來唔只有水門雞飯，仲有水門炸雞飯 結果就叫三寶飯 好有趣食水門雞飯都有三寶飯的確係冇令人失望，雞肉嫩滑、雞皮薄，炸雞脆身，雞雜分量又足，連個油飯都覺得好好食，就算淨係食油飯都可以食曬成個飯，唔會太鹹但係又有雞味冬瓜雞湯重胡椒味因為想試多幾樣嘢，另一個就叫咗冬陰功海鮮河粉， 超級多青口，食下食下數落有成六、七隻青木瓜沙律重魚露蝦味睇餐牌見到一個烤麵包16蚊，就叫黎試一試，覺得呢個包都有驚喜， 包身夠脆 ，嗰個醬係沙嗲味，覺得好正， 而且份量剛剛好，唔太多唔太少 飲品各自揀咗一個泰式奶茶同埋美祿出奇地平時覺得泰式奶茶會好甜但係飲落唔甜覺得呢個泰式奶茶超好飲整體覺得雖然要排一陣隊先食到， 都值得排既， 可以再去食過

暫時飛唔到去泰國唔緊要，估唔到有間水門雞飯同泰國既feel差唔多。今日過嚟銅鑼灣開會，無諗過附近會有間平靚正嘅水門雞，lunch time仲要排長龍等位。我地大概2點先落去，終於唔洗等長人龍。餐廳環境格局好有泰國feel，播住泰文歌用枱鐵凳。睇下食乜先，選擇好多，自己用QR code落單就最方便。。三寶雞飯乜都想食嘅我嗌個三寶飯先，入面有雞，炸雞同雞腎雞腸雞血，乜都可以食啲。。飯跟左一碗湯，呢碗湯胡椒味好濃，辣辣地好好飲。呢個薑油飯好好食！唔會好油，濃濃薑味，啲飯粒粒分明，軟硬適中！下次應該要點多飯，真的好好味😋水門雞我轉左雞髀肉，好滑唔會肥，沾汁超好食，炸雞唔會太硬，juicy的好食。清冬蔭公魚片湯清冬蔭公第一次試，都幾特別，真係冬蔭公個味😂魚片好滑，入面仲有啲海鮮菇茹，清湯好鮮甜美味。點左粉絲索晒啲湯汁，唔會太辣！泰式豬腩仔佢係整舊豬腩仔炸好，不過唔會好柴，其實有啲似港式燒腩仔，只係佢整舊都係脆脆，沾上泰醬，作為小食配啤酒一流！泰式咖啡，話梅茶話梅茶酸酸甜甜好好飲，女仔應該會中意嘅味道，因為真係好濃話梅味，夏天飲解渴消暑！未去泰國嘅朋友仔真係可以過嚟食下，價錢平民，大份又好味！

今日去咗銅鑼灣呢邊食飯，就揀咗呢一間喺近希慎嘅水門雞飯，希望試吓地道嘅泰國菜，好彩都冇令我失望，餐廳地址位於希慎道，佢喺地鐵站大概10分鐘路程，完全唔難搵、喺希慎中心對面 我哋喺下午時間到達，好彩都唔使等位，我就叫咗海南雞飯+雞髀，雞髀非常嫩滑，亦都好有雞味，咬落去完全冇好又唔開嘅感覺! 朋友就叫咗炸雞同埋海南雞飯，佢都話炸雞非常好食！之後我哋叫咗炸雞皮，每一件都非常跪！有一種去泰國夜市食嘅感覺！同埋份量都好多，起碼有10件以上！我哋仲叫咗一個泰式炒通菜，每一條都非常爽脆，再加埋辣椒同埋蒜蓉，味道配搭上嚟講非常好食！價錢亦都唔貴 最後要推介嘅食物有單骨雞翼，每一件都做得非常好食，唔會有炸得太乾嘅感覺，每一件都有肉汁，忍唔住食完一件有一件! 最後飲埋泰國嘅地道梳打水，非常配合今日嘅食物 有機會會再返嚟幫襯

今日做野做到冇晒時間，到覺肚餓時已經好晏啦，即刻要搵啲野食。同事話附近間水門雞飯好得，快靚正，所以就即刻去食。過左食飯時間，冇咩人，可以好快有位同食野。黎到更係要食雞，要左半份。 黎到幾靚，雞冇骨，皮肉分明，睇到冇咩肥膏，好放心食。 佢仲要少少雞雜跟，我就鍾意食佢既雞腎多啲，好爽，同勁滑嫩既雞肉好大對比，好夾。 佢仲要跟埋有個楜椒湯，好暖胃。睇有咩菜時竟然有韮菜花，真係好少見，比其他菜吸引多啦。 韮菜花好嫩好甜，加埋佢地自己炸既蒜蓉同秘制豉油，好好味，而且夠大碟，好難得。因為肚餓，要多個炸腩仔，都算唔錯，冇想像中油，但最後都食唔晒。第時肚餓都唔可以太睇得起自己。試左佢地既泰式凍黑咖啡，整體係ok既，但意外係佢甜既。 如果可簡稱甜就好。 不過可能係我唔飲甜先覺麻麻，味道算唔錯的。而食物真係幾好，同事冇介紹錯。

早排幫襯過後一食難忘，今次再同屋企人黎銅鑼灣呢間分店覓食！同樣可以QR code落單，真係好方便！上次食過水門雞飯十分得我心，所以都推介俾屋企人，而我今次就揀左泰式豬手飯，另外仲叫左泰式生蝦、泰式奶茶同埋大菜糕。屋企人對雞飯讚不絕口，特別話個秘製醬汁配搭得好好！而我叫既泰式豬手飯味道偏辣，十分開胃，豬手亦整得夠淋。兩個主食都包一碗湯，冬瓜大大舊，十分清爽。生蝦依然保持水準，好新鮮！屋企人同樣大讚生蝦配既汁料同苦瓜。泰式奶茶味道夠濃，好飲！食完咁多野但唔夠喉😂屋企人仲叫左個大菜糕，大菜糕口感爽口，另外加左好多椰汁，滿足埋想食甜品既胃😋

喺香港要食東南亞菜式，成日都會諗起泰國菜。好多人以為要食泰國菜就一定要去九龍城食，其實未必，今日就為大家介紹一間平靚正嘅泰國菜。咁其實我都係第一次食呢間，今日先知原來水門雞飯係有好多分店。我同女朋友嚟到就點咗個鳳爪沙律，再嗌個海鮮冬陰功，加個蝦炒金邊粉，最緊要一定要嚟返幾串串燒（雞同豬）。另外一人一杯嘢飲。啲食物都好快嚟到，個冬陰功唔會太辣，仲食到好幾款海鮮。炒金邊粉更加係入味，好推薦，一樣份量好夠。串燒都唔錯，仲有醃咗嘅青瓜紅椒洋蔥開胃。食完飽晒滿足，價錢都好親民

水門雞飯 銅鑼灣希慎道2-4號蟾宮大廈地下9號舖Shop 9, G/F, Empire Court, 2-4 Hysan Avenue, Causeway Bay個油飯才伯主角, 煮得好好食, 水份適中,淡淡鹹香, 米飯食入口有彈性。水門雞飯 $54(+10)有雞雜，連湯。個雞去骨嫩滑的，不過佢雞皮是偏淺色，同星馬食到皮是黃皮比較輕盈。雞雜必加，有雞紅，腎同腸，蒜秘製辣醬，超正。 $78 泰式乾炒牛河，河粉條沾滿了醬油，很有鑊氣泰式腩仔 $52，炸得乾身香脆惹味。性價比超高

今日大概2點嚟到，雖然已經過咗午飯時間，但仍然需要排隊， 等左大約5分鐘就有位。香辣鳳爪沙律係我同妹妹嘅至愛， 成日食泰國嘢都會叫。不過呢度沙律比較遜色， 味道較淡， 個人認為可以咸同辣少少。然後我哋叫咗泰北青冬陰魚片湯， 湯底濃郁夠辣， 金邊粉口感不錯。 魚片新鮮， 值得一讚。另外叫咗泰式清湯腩船粉，牛腩夠鮮味，鮮嫩唔肥膩， 湯底好濃。 雖然係普通嘅清湯腩， 但算係出色。雞肉豬肉串燒（三串起）， 睇落乾身，但係食落肉質可以。 配沙嗲醬好食， 不過唔特別驚喜。斑斕大菜糕不錯， 作為椰汁控， 鍾意佢有多汁呢個選項。 爽口， 唔會太甜，味道剛剛好。奶茶我哋叫多奶， 口感濃郁，茶味香濃， 為午餐畫上完美句號。

趁今晚happy Friday~同朋友放工後就去shopping and eating~行到希慎道見到間‘’水門雞飯‘’就入去trying😋🤣😋🤤店內環境勁似泰國風格，播放埋泰國歌曲好有Thailand feel🛺♨️🛺♨️落單可QR code及有餐牌選擇:🐔 水門雞飯 💰54雞肉鮮嫩有咬口，又有雞味！肉質不乾身，油飯非常香，配埋秘製辣汁確一流，加碗冬瓜胡椒餐湯，整碟飯好好味！😋😋😋🐔🐔 牛肉湯牛丸生牛肉船粉 💰50湯底牛肉味濃，迷你版牛丸爽口彈牙，口感超好！ 生牛肉片有四五塊好新鮮！船粉吸曬牛肉湯嘅精華超正！😍👍😍👍🐔🐔🐔 鳳尾蝦泰式金邊粉 💰75大約有五六隻鳳尾蝦，蝦肉新鮮彈牙，酸酸甜甜微辣的金邊粉！味道確惹味！掛住食到一半才醒起影相就知到要值得一試！😝🤣😝🤣🐔🐔🐔🐔 芒果糯米飯 💰58至愛嘅芒果糯米飯~飯質地煙韌暖粒粒！芒果亦好鮮甜，上層仲滲有綠豆粒！食到舐舐脷👅👄👅👄🐔🐔🐔🐔🐔 凍泰式奶茶 💰22甜度適中！唔算好甜！有泰國嘅味道！ 茶味也濃！凍飲仲正！🥤🧋🥤🧋總括來說：這餐泰國晚餐每樣食物都不錯！價錢亦合理！可以一試！

🍽️泰式腩仔 $52水門雞飯嘅炸物好香脆，咬落去會聽到明顯嘅嗦嗦聲😋腩仔肥瘦適中，切開每舊都細細哋，易於進食👍🏻美中不足係豬皮有啲韌，好難咬😣🍽️烤麵包 $16麵包烤得幾脆，個醬少辣，椰香味幾重😌🍽️鳳尾蝦泰式金邊粉 $75炒得好有鑊氣、好惹味，啲蝦都幾爽口👍🏻金邊粉嘅旁邊分開放咗啲花生碎同辣椒碎，可以按個人口味加落去一齊撈，尼點唔錯😌但注意本身個醬都有啲辣，唔建議落太多辣椒碎～🍽️水門雙拼炸雞飯 $56 + $10轉雞髀肉雞髀肉好嫩滑、炸雞同上邊提到嘅腩仔一樣炸得好脆😍個飯吸收晒啲雞油、雞汁，口水直流🤤另外，提供咗兩款醬料俾人蘸，一個味道酸甜，一個鹹味重啲，兩款都好能夠為雞肉提鮮🤩👍🏻🥤凍泰式奶茶 多奶 $22茶味比一般港式奶茶香，另外我哋叫咗奶，口感再滑啲，唔錯😋味道😋 8/10性價比💰 8.5/10環境🔎 7/10服務🫶🏻 7.5/10打卡指數📸 8/10٩(˃̶͈̀௰˂̶͈́)و 推薦指數🥰 8/10

今日黎食泰國過江龍餐廳—水門雞飯水門雞飯係香港開左好多間分店，就知道水準一定有返咁上下！而且性價比好高，五、六十蚊就食到飽晒咁走!之前都食過呢到既海南雞飯，今次再食下其他食物先🥳首先係泰式豬頸肉，啱啱煮好嘅豬頸肉非常香濃，肉質都好嫩，極之Juicy！我覺得食呢到必食既食物!❤️❤️❤️其次係佢哋嘅脆炸雲吞，即係炸好既雲吞好脆好香，裡面嘅肉汁都好多好鮮美🙆🏽‍♀️另外係香辣牛脷生菜包相對比較辣，比較合適食得辣既朋友試下～牛脷以碎肉上，冇左牛脷好厚實既口感，都算幾好咬口😋仲食左班蘭大菜榚班蘭香味好濃郁，口感都好豐富！鍾意大菜榚口感既朋友可以試下唔加椰汁，會感爽口健康❤️最後就介紹埋熱泰式奶茶同黑咖啡兩杯都好甜 正宗泰色飲品🤣總括而言，呢間銅鑼灣水門雞飯真係值得不停encore🥳

個湯勁清 飲落得好少好少好少冬陰功味，加埋D面食落更加冇味。難食到嚇親我。雖然外賣自取，但我都冇等好耐先食，但個湯底真係難食到一個點，清到仲衰過用即食麵粉開岀嚟。成個面難食到食唔落🥲🥲🥲🥲