水門雞飯 (蟾宮大廈)

营业中

休息中

曾經係好多地方都見過喱間水門雞飯，但係就從來都冇入去試過，咁岩上次落大雨屋企又冇飯食就叫左幾個菜返屋企加餸。係門口位置都見到唔少人排隊，即刻對食物質素有多D信心~~見到門口痴左幾張菜單，選擇算多。馬拉盞西蘭花炒魷魚鬚其實都有少少預左外賣份量少，但喱間水門雞飯既外賣份量都OK~魷魚鬚都唔係淨係得三幾條，魷魚鬚本身都好彈牙，而驚喜既係用西蘭花黎配搭馬拉盞原來比起通菜更夾更入味，喱個菜式要試!水門雞係喱到一定都要試下佢既水門雞，話哂都係店名，本人唔算好鐘意食雞，但外賣回家試左幾舊都覺得雞肉質地好滑好重雞味，半隻雞份量夠同埋已經起左骨，方便老人家同小朋友食。雞肉/豬肉串燒串燒方面餐廳跟左咖喱汁，同日式串燒唔一樣既係泰式串燒既味道會比較濃，喱到都一樣，味道好入味，師傅對火候控制得都幾好，就算我返屋企再做氣炸鍋翻熱都冇過熟既情況出現。整體黎講喱間餐廳既食物質素都OK，而價錢我認為係平既，如果唔係淨係係叫餸既話都有其他碟頭飯/面既選擇，不失為外賣既好選擇。

今日去咗銅鑼灣行吓經過水門雞見好耐冇食就入咗去食。我叫咗半隻水門雞加油飯，馬拉盞芥蘭同埋串燒水門雞啲肉一啲都唔肥，全部都係瘦肉真材實料，點埋佢個醬汁餸油飯一流。呢次第一次食佢哋個馬拉盞醬加芥蘭，意想不到嘅係馬拉盞個醬出奇地好味一啲都唔辣，但睇落就好似好辣，我將個馬拉盞醬好似油漆咁塗到成碟芥蘭都係非常之好味，雖然個芥蘭就咁用清水烚，但係加咗馬拉盞醬之後零舍不同。最後加咗串燒分別係雞肉同豬肉，食佢哋嘅串燒意境都在於個醬汁，出晒名好有味，雞肉同埋豬肉都落足料燒，配合埋佢哋嘅醬汁天衣無縫。

平時在銅鑼灣返工，水門雞飯是我見常食的午餐之選！位置方便，價錢又合理。當日是平日午市時間，餐廳都幾乎坐滿，決定外賣自取，省卻排隊時間之餘，出餐速度都相當快。當日我試了餐廳的招牌水門雞（半隻），雞肉鮮嫩多汁，肉質彈牙，無論是搭配醬汁或單吃，都能感受到雞肉的鮮美。即使不點醬汁，雞肉本身的味道也十分足夠，令人滿意。另外小菜叫了炸雞皮，外脆內嫩，保留了濃厚的雞油香氣。無論是單吃還是搭配其他菜式，都十分合適。泰式腩仔也非常值得一試。這道菜的肉質肥瘦相間，搭配了獨特的泰式香料，味道層次豐富。馬拉盞肉醬芥蘭苗，芥蘭新鮮，搭配濃郁的肉醬，調味恰到好處，不會過於油膩，既好味又健康。最後，餐飯選了凍泰式咖啡，香口滑順，大大杯份量十足，冰涼提神，打工仔午餐享用。

最近搬左公司以為以後就冇得食水門雞飯, 好在銅鑼灣都有間🥹 今日就特登走落黎幫襯!裝修格局統一好有泰國感覺, 而有好幾位員工都係泰國人, 感覺更加地到🤩1/ 水門冬蔭撈麵 $38佢地下午茶真係抵到意想不到, 呢個價錢包正餐, 飲品同小食😵所以好彩我都仲可以成日食到😆 食落少少微辣, 而且加左青檸帶點微酸好過癮, 每一條麵條都好入味😋跟餐配左炸春卷, 金黃脆口, 內有蝦肉👍🏾飲品就叫左杯美綠(泰國必叫), 其實同柯華田好似但就奶味重的一樣好味!2/ 鮮油咖咉多士 $284小件多士夾住厚厚既牛油, 好邪惡但好美味😋😋大滿足！跟餐叫左個香茅雞翼, 同樣炸得金黃內嫩, 香茅味濃郁!☺️飲品就叫左柚子蜜, 甘甘甜甜好解渴👍🏾3/ 辣肉碎蛋飯 $62同樣係泰國既經典! 佢地還完度有90%, 食落超惹味!! 必叫！4/ 半隻水門雞 $108最後我地叫左半隻水門雞, 黎到呢到係必叫, 因為夠滑又惹, 就連皮都係好薄身唔會遮左雞既肉味👍🏾👍🏾

水門雞飯近排成為我嘅新外賣飯堂🤭差唔多喺每一個旺區都可以搵到佢嘅蹤影，旺角、尖沙咀，銅鑼灣等，地點方便，等有一間喺附近👍🏻👍🏻食物種類繁多，而且性價比高，啱晒小資女👩🏻嗌咗二人份主食、小食連甜品，兩個人都唔使$300😲🐔水門雞飯招牌水門雞飯係必食之選，去骨雞肉皮薄肉嫩，連埋皮一齊食都唔會有油膩感，雞油飯份量十足，調味恰到好處，配埋個雞飯醬，就真係好似喺泰國食咁🤭🐷泰式豬手飯泰式滷水無骨豬手，除咗係骨膠原滿嘴之外，仲係啖啖肉嫁，而且份量絕對不少，滷水豬手超級入味，滷水汁撈飯一流😌🐔雞肉串燒🐷豬肉串燒食泰國菜又點少得沙嗲串燒，每一寸大大吋都只係$14，豬/雞任選，返到屋企打開個盒都已經聞到炭燒嘅香氣，即係都流晒口水，記得要點埋佢配嘅沙嗲醬，另外仲有醃酸菜可以解油膩感👍🏻🥭芒果糯米飯半粒大芒果🥭超級甜，糯米飯🍚加熱後更加軟稔，加埋甜甜椰漿做甜品一流😆😆

食到好西心情就會跟住好☺️呢幾日返工特別攰，一定要食好野慰勞自己😌叫到咁澎湃，你就知我地有幾飢荒🤣🦐🍋‍🟩鳳尾蝦泰式金邊粉 $75食前擠少少青檸汁，將花生碎、辣椒粉拌勻金邊粉，少少酸辣、開胃惹味😋份量足夠二人分享🐔🍚水門雞飯 $54雞肉嫩滑，配埋微辣醬汁味道恰到好處😋難怪友人火速清盤；冬瓜湯清甜，仲有淡淡既胡椒香，飲完意猶未盡🤤🦑原隻烤魷魚 $45賣相吸引😍魷魚燒到岩岩好，爽脆唔韌，食落非常香口，酸辣醬汁增加魷魚既味道層次，Amazing😋有小驚喜❤️🌿班蘭大菜榚 $32口感清爽，加埋濃香椰汁，就算食飽做飯後甜品都唔覺得漏🍎🍐蘋果雪梨水（熱） $22清熱潤喉，味道自然，而且唔會太甜，仲有好多果渣，幾足料

位於銅鑼灣‎利園附近，呢間餐廳散發著泰國嘅街頭風情，裝潢簡約而有特色。水門雞飯另加十蚊轉左雞髀位，肉質滑嫩，搭配嘅米飯吸滿左雞汁，非常香口，再加上特製嘅醬料，鹹香適中，令人大開胃口。鳳尾蝦泰式金邊粉蝦仁新鮮彈牙，金邊粉吸收左微辣嘅泰式醬汁，仲有香茅和泰國香料伴係碟邊，令到份金邊粉嘅泰式風味更加濃郁。胡椒單骨雞翼胡椒香氣十足，雞翼外皮酥脆，肉質嫩滑多汁。蘋果雪梨水清爽解渴，水果嘅甜味平衡左泰國菜嘅辣，非常配合。鮮檸梳打一股清新的檸檬味，梳打氣泡感十足。

平時去開旺角豉油街嗰間🤙🏻基本上同飯堂冇分別，雖然佢叫水門雞飯，但其實除咗水門雞飯之外都有好多選擇！！！私心就覺得呢幾款都幾好食！✨鳳尾蝦泰式金邊粉 $75有四隻中size嘅蝦，比一般乾炒金邊粉較為濕潤，啱我個人嘅口味👍🏻炒得好香好入味！撈埋花生碎同埋辣椒碎好正🙌🏻✨泰式炒通菜 $54揀咗少油少鹽😋感覺好似比平時食辣咗少少，絕對係惹味之選！！每次食東南亞都一定會嗌炒通菜😋🤘🏻✨秘汁泰式生蝦 $108有六隻size都算頗大嘅生蝦🦐👀配上秘製酸辣汁同埋蒜片🤪絕對係重口味之選🥳✨泰式檸茶 $22泰式檸茶一般都比港式嘅檸檬茶甜，但個人都幾鍾意泰式紅茶嘅香味🥳性價比好高嘅飲品🥤

呢間水門雞飯晏晝時間長期要等位🫨 所以我每次食都係叫外賣 話明水門雞飯就一定要食佢嘅水門雞 作為減肥人士 我覺得呢間雞都算唔錯 首先唔會好肥 普遍雞肉都好滑身 就算食埋雞皮都唔算好邪惡 配正常白飯 仲有幾片青瓜做配菜 如果想飲野 就要加錢 叫午餐仲會跟一個胡椒湯 個人就唔算太喜愛 冇咩特別 不過成件事都幾local 價錢就覺得可以接受 如果唔食水門雞仲可以揀其他嘢食 都仲有其他飯類同麵食揀

離遠已經見到大大隻雞吊喺到咁梗係要嗌個招牌嘅水門雞飯每個飯都配有一碗胡椒冬瓜湯熱辣辣幾好飲水門雞，夠晒嫩滑點埋啲醬汁好惹味飯有雞油味 但又唔係好油膩 係啱啱好 好香海鮮冬陰公湯 大大碗冬陰功湯唔會話太酸太辣 容易入口海鮮嘅款式都多 有魷魚 蝦 鮮菇嗌咗金邊粉炸黃門鱔魚皮 Fried Fish Skin比較特別都係配有碗湯嘅可以將啲魚皮浸落碗湯度泰式炒通菜夠晒大碟 亦都好健康，可以叫少鹽都好夠味炒得有鑊氣芒果沙冰好順滑 冇乜冰粒甜度同埋芒果濃郁嘅味道啱啱好仲有杯龍眼水添

經常路過呢度，有日中午收工過咗嚟試，第一次嚟點左份雞胸嘅水門雞飯，淨係記得啲雞好鞋。加點嘅炸雞皮好硬，一啲都唔酥脆。今日路過諗住俾多次機會佢，特登加$10換雞腿，冇諗過都係好難食，食咗第一啖成個人呆咗，一啲都冇雞味，肉好散，忍唔住打開openrice要寫人生第一條差評。原來喺香港留差評都咁難，要寫滿200字先可以。呢度環境作為快餐係OK，地理位置好好，賣呢個價格係好便宜。不過便宜還便宜，冇理由咁樣出品！

鍾情泰國船河，香港普遍嘅泰國餐廳，都做唔到嗰種效果，但呢一間餐廳，都做到9成，仲要唔貴。二人前，叫咗「牛肉湯牛丸生牛肉河粉」同埋「水門雞飯」，再加咗個「炸黃門鳝魚皮」，嘢飲就叫咗「泰式凍檸茶」同埋「傳統Thai Tea」。首先講咗個河粉先，湯夠濃，做到泰式嗰隻黑蚊蚊嘅湯底，牛肉同牛丸都好夠味，有口感，河粉都算滑，但比起係泰國食嘅，始終都係爭少少。雞飯就唔算好特別，不過個汁都做得好好味，另外每人都有一碗雞湯，好好飲，偏辣嘅👍🏻個炸魚皮好好味，因為已經好少地方可以食到有骨魚皮，值得推介👍🏻👍🏻飲品方面就冇泰國咁甜，所以更加啱口味。

今晚想食個晚飯，選擇左呢間店，同友人係門口排第3及4位置，等左15分中倒，有個男店員就叫左我地同前面2位入內，並指示我地去其中一張枱坐下，坐底先見到枱面原來未抹既，其實都冇即時叫店員處理，只係想落單，但等左陣都未有qrcode，所以示意一位帶米色口罩既店員，但佢一行埋黎，只係抹枱，同埋講左句：下次係門口等陣丫。當時我已經即時回應佢：係你地叫我地入黎架喎！但米色口罩店員冇理會就行開左。食物就一般，冇話特別好好食。我知呢間餐廳都多人幫襯，但唔代表客人要受店員既態度，我地有講唔該，冇做任何野，點解要無故受你地氣，被店員責罵。希望餐廳可以留意下，想食個飯姐... 大家好黎好去啦

每次經過水門雞飯都系好多人，好受歡迎～我食過幾次都覺得好似去左泰國食野咁😂好地道，環境、食物味道都好似😍最近發現佢推出左d 新菜式，當中見到有款六星鮮蟹肉炒飯 ~ 當然要嗌啦，真系有已拆好嘅蟹肉，好鮮味啖啖肉👏🏻D飯都炒都好粒粒分明，呢款可以再encore😋 另外仲嗌左份秘汁泰式生蝦🦐一份有6隻，D醬汁好惹味好刺激😆斑蘭大菜糕💚造型好得意，個椰漿真系神來之筆，好濃郁好香，配埋一齊食都幾夾！

今日放工，去CWB處理私務，約咗家姐去呢度食飯。食咗水門雞飯(加雞雜)及炒金邊粉。雞肉唔肥及嫩滑。個湯超勁白胡椒味。金邊粉叫咗走辣但都有少少辣，酸甜味道平衡，唔錯，4大隻蝦靚仔爽口。其中有位戴眼鏡的女侍應，收碗碟後，行去舖最入嘅位置時，唔小心跌咗碟汁落地，啲汁彈到一地都係，但好快就抹返乾淨。我哋就食完嘅時候，出面排緊隊，嗰個女侍應指住最入嗰張4人枱話：「加多張櫈喺度囉？！」當時嗰張4人枱已經坐咗2個男仕，另一邊只係坐到2個，仲想喺無人嗰邊條罅度攝張櫈入去？嗰個位係行入後舖嘅通道旁邊，俾佢都唔想咁坐啦！！另一個男侍應阻止咗。我哋食完即刻走⋯。我家姐話，香港人咪就係因為咁嘅服務，走晒去北上消費！！簡直係趕客！！之後先發現，原來啲汁彈到去我家姐件衫嘅背面，當時佢係背住通道坐。奉勸各位，坐低食嘢時都要留意附近發生乜事。