水門雞飯 (蟾宮大廈)

营业中

休息中

今日去咗铜锣湾行吓经过水门鸡见好耐冇食就入咗去食。我叫咗半只水门鸡加油饭，马拉盏芥兰同埋串烧水门鸡啲肉一啲都唔肥，全部都系瘦肉真材实料，点埋佢个酱汁𩠌油饭一流。呢次第一次食佢哋个马拉盏酱加芥兰，意想不到嘅系马拉盏个酱出奇地好味一啲都唔辣，但睇落就好似好辣，我将个马拉盏酱好似油漆咁涂到成碟芥兰都系非常之好味，虽然个芥兰就咁用清水烚，但系加咗马拉盏酱之后零舍不同。最后加咗串烧分别系鸡肉同猪肉，食佢哋嘅串烧意境都在于个酱汁，出晒名好有味，鸡肉同埋猪肉都落足料烧，配合埋佢哋嘅酱汁天衣无缝。