永利清湯腩 (京瑞廣場1期)

营业中

休息中

今日去沙田賽馬會傑志中心踼波, 十點幾諗住無乜野食, 估唔到普普通通一間茶記咁既餐廳有咁質既牛腩, 直頭slow cook 咁feel, 有初戀既感覺, 牛腩淋到一個點!!!! 有入口即溶既感覺。湯無乜味精, 唔油, 最怕D油立立既感覺, 飲到成咀油。湯好清甜, 仲有菜跟餐, 可選羅白, 大大碗。環境一般, ok 干淨唔太迫, 無卡位唔會坐得耐果隻, 仲有唔知係咪老闆娘, 勁溫柔, 服務庇度超好。開係我屋企附近就正啦, 肯肯定變自家飯堂!

石門呢個地方真係好多嘢食 因為好耐冇食過牛腩河 所以今日就入咗呢一間 都幾出名食牛腩嘅地方 入去我見到個餐牌 爽腩坑腩要加多兩蚊當然要試下 結果我嗌咗 爽腩 果然同街邊出面嘅牛腩有分別 爽腩冇咁多油脂， 肉質淋身， 呢兩蚊抵俾㗎， 如果大家經開都可以入去試下

石門勁多好野食，但今日好想食清湯腩，但石門都有成兩間食清湯腩的店鋪。見到呢一間鋪門大d同似乎真係主打食清湯腩嘅，咁就一於試下好無食啦！$56一個餐，仲要包埋油菜同野飲都幾抵呀！仲要除左食牛腩麵之外，其實麵有好多選擇，又有飯呀同不同的小食咁！叫左一個牛腩伊麵黎食，都唔錯！不過要加$6-8蚊。仲叫左一個牛腩麵，加左兩蚊轉牛坑腩！呢個牛坑腩真係好好食，完全係入口即溶果隻，真係正呀兩碟油菜都ok，野飲都唔錯！值得推介呀

石門都有好幾間食清湯腩，依間人少少又有ikea high chair, 梗係帶仔仔入依間。相比起丸記，依間永利就係集團式，水準不過不失，人少少又坐得舒服，set餐有菜有飲品。牛腩好淋好清好好味，明顯是沒有加味精，可惜沒有蘿蔔送，set餐的菜都新鮮，有餐飲，整體不俗。價錢唔算平但都唔算貴，平時咁當午餐晚餐食就最好不過。因為坐位比丸記舒服，啱哂我依d呀媽懶煮飯時就帶住呀仔過來，所以都食左好幾次，都算係常客。

這間應該是馬鞍山清湯腩的分店 菜單是一樣的，同事介紹所以今晚第一次光顧 咖哩牛筋伊麵牛筋份量都算多，有膠質，咖哩也香缺點是咖哩同牛筋分開煮，唔夠入味 伊麵的湯有點怪味，我們最後決定把伊麵去湯放入咖哩汁入，香口好多！伊麵份量有點少, 可以再多些更好 咖哩牛腩伊麵做法一樣，也是分開煮，未夠入味，但坑腩都算ok! 肉質夠嫩, 只是有部份瘦肉位仍有點硬 整體不過不失如果喜歡吃咖哩牛筋, 還是覺得上環的九記好吃些既