永年士多 (寶城洋樓)

营业中

休息中

好幾年無食過啦！今次食返覺得有啲餸無之前咁好食🙃好貪心，一碗叫咗6個餸👇🏽幼麵（豬紅、豬皮、蘿蔔、豬腸、魚蛋、牛肚）外賣分湯上個湯依然好有懷舊味道👍🏻但最愛的縮水魚蛋個味好似有啲麻麻地；豬腸和牛肚繼續都是咁好味😋蘿蔔一如以往入曬味，又夠琳；豬皮都好入味，但琳到無晒咬口😐第一次試佢出的樽仔奶茶飲得出和超市買的罐裝奶茶有分別，有茶味，但整體味道不是本人最鍾意，所以一試無妨，但唔會再買😬

車仔麵永遠給人感覺普通。總是在大排擋中不起眼的一員。多數車仔更是雜，亂為精髓。襯托出亂中有序，不同層次食物的感覺。人人不同，人人有不同的配搭。在這裡，反而構出食物的輪廓，是一份份，有序井然的食物。吃到味道仍然是車仔麵，更清新的車仔麵。是別樹一幟的車仔麵。有時間，值得大家一試。

豬腸 韮菜餃 蘿蔔 粗麵 咖喱汁中辣豬腸洗得乾淨，滷得入味，是我必叫的。蘿蔔甜好食。韮菜餃就普通小小，另一必吃就是辣汁，愛辣就會愛佢。魚腐 豬腸 魚蛋 幼麵魚蛋ok，魚腐似麵筋，所以比較推薦食豬雜和辣汁。韮菜豬血韮菜用的是頂部連花的位置，沒有一般的渣，豬血都實淨好食。不過就有點太油。凍檸茶整體來講，比一般車仔麵乾淨好多，一洗裝修前的地痞感覺，環境改善亦在價錢上反映，不過用市面米線的價錢相比，不算太過份。

最好食係鳳爪、魚皮餃，每次黎我都實嗌佢既💪🏻仲有呀，個湯底個味甜度適中，好野味！我知道係肥嫁啦，但照食啦唔理。同埋新裝修左之後真係坐得幾舒適。啲姐姐乜服務得幾好又有禮貌，good❤️

應該4年無去永年食了，因為元朗多咗好多美食。最近朋友搬咗入去，多咗去元朗。有野做所以要快食。但食品有少少唔以前。唔記得影相，只係影咗男友個碗，個牛油多無得輸，但怕肥真係唔好食。佢啲豬皮仍然好入味，份量好足，5、6舊，不過唔爽。但蘿蔔一樣保持高水準，入味，有咖哩味又無渣。試咗新出的米線同魚腐，好爽同譚仔完全唔同feel ，不過本人喜歡軟身少少，可能湯底問題，覺得好唔夾，所以只係食咗半碗。魚腐好味嘅，有口感。但微辣真係完全唔辣，下次要叫少辣。唯一唔好係無人安排位，幾個人入去要分開坐，而且又要自己拎麵，一個人去食都幾慘

諗住呢一間都有少少人氣,經過咪試下囉車仔麵正路叫三餸.包括正常叫開嘅大腸、蘿蔔、仲有呢一間有人講下嘅流心蛋第一啖試啖湯.似係勁胡椒味跟住覺得有啲辣到口腔發脹(之後先知咩事).唔理佢繼續食落去.豬大腸有五舊,味道叫做過得去蘿蔔五蚊銀咁大,得四舊.覺得佢好鬼孤寒.所謂嘅流心蛋.係整好好耐放喺側邊一半熟蛋.我食到中間仲係凍嘅.真係要比零分成碗麵嘅份量應該只係榮記或者肥公嘅七成.仲送三分一條菜心.最頂癮係食完飲兩啖湯之後即刻有強烈嘅嘔吐感.似飲大咗身體想排出酒精嗰種感覺.唔知係咪有一滴香或者超辣化學品嗰類好嘢係入面半小時後上吐下瀉.不敢再幫襯了.

元朗總店永年車仔麵終於裝修好到而家先知！第一時間拉了卡佬去嘆返碗麵～三餸麵再配紅豆奶茶冰絕對是必點呀！ 卡卡食車仔麵必選我最愛的油麵🍜！私心推介永年必點配料💠 豬腸（夠乾淨）💠 豬紅（夠juicy）💠 牛筋（夠軟冧）💠 豬手（夠骨膠原）💠 蘿蔔（甜而無揸）💠 鹵水雞翼（夠入味）不過今次試新配料粟米墨魚蝦卷～唔錯！夠彈牙！🔥食辣的朋友別錯過永年自己調製的咖哩辣醬喔！溫馨提示：記得由小辣開始試呀！因為它的辣味非同小可喔～😋 奶茶紅豆冰一定要飲永年真係由細食到大~雖然裝修後，添置了插畫及好多不同玩味元素的裝飾（每個角落都有打卡靚位）～但那份味道、感覺及回憶依然不變，每次去食都會想回好多好多以前的片段！

$20蚊6舊酸齋，從來未試過咁伏，又難食成口都係糖精， 四個字形容佢不知所謂，呃錢都唔好呃得咁離譜啊！今日盲舂舂走咗去幫襯，諗住咁多年應該啲態度都會好啲，態度仍然咁差

係元朗開左好耐,由以前好好食同好抵食,到而家裝修後,店面靘左,環境乾淨左衛生左,但隨次而來既係價錢貴左好多,而且份量少左,再唔似以前咁平民化,而且味精落得好重手,已經唔想再去了

再訪元朗老字號➖永年士多👩‍🍳係童年細個回憶嘅味道 仲記得以前夾餸姨姨會夾多舊紅腸比我 免費益我🥺🥺新裝修之後第一次去 裝修係行港式冰室路線 有少少似迷你版嘅快餐連鎖店 仲有打卡牆比大家影相 雖然個feel唔同曬😟好彩食物質素都仲keep到😍〰️大碗麵 $67🥣《豬腸 魚旦 蘿蔔 豬紅 豬皮 雞翼 雞翼尖 魷魚 紅腸 菜》大碗麵有成十種餸 超滿足 見到成堆餸係面😍✨推介餸蘿蔔同豬皮勁入味 本身小編唔太中意食豬皮 都比佢吸引到！豬腸唔會太多肥膏 魷魚夠爽 雞翼就大大隻仲好重滷水味👅〰️三餸車仔麵 🍜 $43揀左肥牛 香菇 芝心丸🐮🧀肥牛肥瘦適中 幾新鮮無急凍味 但煮得太熟有啲難咬😅😅香菇幾厚身超香😚芝心丸就好正常✨辣汁識食緊係揀咖喱辣醬🌶食得辣建議揀返小辣或以上 小編一路食一路流鼻水😙不過食辣好爽 而且佢唔係普通麻辣 會有陣好香嘅咖喱味🥘✨麵底小編揀左粗麵同油麵 兩款都唔錯 份量都足夠😉〰️菠蘿冰🍍紅豆冰 每杯+$15菠蘿冰幾好飲 唔會太甜 凍冰冰好啱食辣嘢果陣飲 好似舒緩到少少😜不過下次可能會叫返普通汽水算 嘢飲望落好大杯 但超快飲曬 一杯三兩啖就飲完🤨🧐💰$140 (2人)食物質數 ⭐️⭐️⭐️

🏠永年士多(元朗)突然想感受下車仔麵的情懷，就揀左永年士多外賣試一試，叫了個二人套餐，包兩碗四餸車仔麵，兩個小食和兩杯飲品。🥘四餸車仔麵今次叫左蘿蔔、墨魚丸、雞翼尖、豬紅。雞翼尖好稔，而且有六、七隻，墨魚丸只得兩隻，其他份量正常。湯底揀咗小辣，剛剛好，不過朋友揀既中辣就食得有點困難。湯底叫了麻辣味，吃起來有點甜味，混合一齊稍嫌甜度較高。麵底我揀左米線，是幼身既，口感不錯。朋友揀了「魚蛋」，陳皮味重，肉質厚實，真材實料，有嚼口！🍹永年奶茶樽裝版，茶味重，甜度適中，欣賞！

永年車仔麵🍜就食得多，原來20年前已經有早餐，宜家再推出，一於去試吓先。朝早10點的時間，在附近很容易搵到車位，附近都有大量停車場，很方便。爺爺腸粉餐 + 熱飲 $36 仲可以揀兩款餸燒賣、魚蛋、豬皮、蘿蔔、腸仔、芝士腸 。腸粉很滑溜😋五香肉丁公仔麵 配多士、玉子蛋$36識食梗係配公仔麵，小時候的味道，玉子蛋甜甜地，即係好似日本壽司嘅甜蛋。再嘆番杯凍檸茶，透心涼😊早餐還可以選糯米雞、沙嗲牛肉麵餐，份量夠，選擇多👍🏻

永年士多嘅車仔麵身邊個個朋友都聽過，食過嘅人都話好食，日日都排晒長龍，有日心血來潮去排隊，排左半個鐘左右去到收銀叫野食，點知原來買完係要自己搵位，我地比較好彩，野食岩岩出就等到人食完離座。有啲食客就拎住野食再搵，但根本無位😅我地叫左2碗車仔麵再加一碗豬紅名氣大到令我對佢期望過高，但以車仔麵黎比較返，佢啲餸係好入味同幾有水準嘅，牛腩同豬腸呢啲都入晒味，不過個人覺得韭菜豬紅一般

-五香肉丁米配多士+玉子蛋捲($36+烘底$1）🍜以前中學嗰陣好鍾意去永年食車仔麵🍜，依家竟然有埋早餐🤩。不過原來係20年前就已經有推出過架啦😎。如果早多少少推出翻，我以前翻學就唔洗一路行一路食腸粉啦🤪。其實去之前都係念住叫腸粉個餐嘅😌，因為我真係末試過堂食腸粉😂。點知去到突然想食d濕野😚，所以就諗住叫個沙嗲牛米😌，咁岩冇得賣🤥，最後叫咗個完全冇諗住食嘅肉丁米🤣。雞蛋就揀咗玉子蛋捲🥚，甜甜地配埋個肉丁米都幾特別😗。唔好睇少碗米粉🤓，都真係好似平時車仔麵咁大碗😲，加埋塊多士同雞蛋連我咁大食都食唔晒🤫。-凍奶茶🥤平時出街飲嘢一定會叫奶茶😗，所以個日未訓醒就下意識咁叫咗杯凍奶茶🥱。但唔知大家有冇飲過永年的凍檸茶🍋，係連我呢個好少飲凍檸茶嘅人每次去永年都會叫嘅😂。不過佢啲奶茶都係唔錯嘅😌，而且好鍾意佢啲冰係碎冰🧊，唔會整到杯野淡晒👍🏻。✨之前裝修所以都有一段時間冇黎😜，出面同入面都唔同咗好多😮。最搞笑的係店內blackpink無限 Loop🤣，由入去到走都係播緊blackpink🇰🇷， 仲要有啲唔係收錄歌曲係cover🎤，鍾意blackpink嘅得閒都可以去試下佢哋個早餐順便聽下歌😂。

星期四，囡囡要去元朗考Mock exam🩰。第一次去預備考公開考試，真係要食飽飽先有力氣💪💪。經過 ，原來推出咗經典早餐😍😍，有四款港式早餐任君選擇。(原來20年前已推出，依家再度推出)每款都係36元咋(包飲品)🥰🥰~~❤️爺爺腸粉餐🧡沙嗲牛肉麵💛糯米雞餐💚五香肉丁麵我哋揀咗❤️爺爺腸粉餐❤️包括4條腸粉、兩款經典小食和飲品。經典小食包括燒賣、魚蛋、豬皮、蘿蔔、腸仔和芝士腸。魚蛋細細粒🍢，好咬口彈牙😋。豬皮入味，腸粉亦滑溜😁😁。我同囡囡食到唔停得口，再飲番杯冰檸茶解解喝，一大享受😂😂。之後囡囡精力充沛😆😆，我哋仲去咗附近遊樂場玩完先去考mock🤪🤪。考完mock，老師仲讚佢做得好好👍👍👍。唔知係咪食完腸粉特別有力😂😂😂。希望星期日嘅正式考試🩰一切順利🙏🙏🙏。