永珍越南食館 (已結業)

與友人相約逛花墟，試試這裡新開的越南泰國餐廳！室內位置寛敞，也有多款食物可供選擇。湯河類套餐$39,飯和炒粉類套餐$48,另外假期加$6！飲品只包普通咖啡奶茶，如果要特飲加$10,滴漏咖啡加$20！蕃茄牛腩飯的牛腩都夠味夠淋，但只有紅蘿蔔沒有蕃茄，應該係加茄膏了。另外，也吃了炒檬粉，很多材料，味道也不俗。服務上係可以做好ｄ，進入後看見在入面有很多位卻叫我們坐近門口，成日有人出出入入不方便傾計。吃牛腩飯也可奉上匙吧。

天氣有啲熱又有啲風 濕濕熱熱咁LUNCH都唔知食咩好 日日都係碟頭飯或者米線食到個人都頹晒 想搵啲野食既開胃又好味既 真係要費啲時間咁岩見到有門越式餐廳 就諗起撈檬粉!!都幾多人食架 可能大家都同我一樣諗法舖仔細細 不過要有既都有 未致於好迫LUNCH SET 仲可以做到呢個價錢 38蚊而家真係越黎越少野可以食到仲要包野飲算唔錯架喇!! 五臟俱存 五顏六色!!!香芧豬扒同撈檬都係最夾味道有蘿蔔絲 生菜 花生碎 好爽口有清涼加埋酸酸甜甜既汁 好開胃!!!! 份量持平啦 唔算好大又唔會唔夠食如果佢啲汁可以自己任加就更加好喇!!! 我嫌少左啲囉

中午經過呢條街兩邊都有好多食肆, 竟然仲有好耐冇食過既永珍!! 記得讀書時成日幫襯九龍城的分店呢!!立即入去懷愐下~叫了碗"越式生牛肉河"~一上來時已經聞到好香喇, 馬上用匙先嘗嘗湯底, 真的唔錯呀, 幾香濃, 又唔會過份地鹹, 還帶一點點洋蔥, 蔥花和芫茜的味道, 令湯底香味更豐富呢. 現在都愈來愈少越南菜館做到好吃的生牛肉河了. 牛肉又薄又嫩滑, 有牛肉香味~ 而且好大塊仲要有好幾塊!河粉都幾滑!$38連熱飲都算抵食!

同朋友去太子花園街行街shopping...未行街前就係附近醫下肚先！我地選擇左間越南野，環境都幾舒適唔會太迫，冷氣都夠！因為今日係星期日，午餐都要加6蚊，我地叫左個生牛湯河，同撈檬（凍食）連兩杯熱飲！整體味道普普通通

7:00 出到太子搵野食 行左一圈 老公話食泰國野 就入左永珍 叫左一碟炸軟殼蟹$118一碗炸雞腿凍檬$49一碗牛舌河$39 叫左都唔夠五分鐘 上哂三樣 炸野同河粉要食左先 一食河粉…嘩 正野 彈牙 好味 湯味道都唔錯 檬粉正常 雞腿都幾好味 仲要一碗有五隻 睇得又食得 唔錯 軟殼蟹都好好味 冇渣既(之前係九龍城食過有渣既軟殼蟹) 呢一餐三樣都好好味 好滿意

自從有次吃過這裡午餐的其中一款"扎肉炒粉絲", 間唔中就會想起它而來光顧的. 味道其實沒有什麼特別的, 但就總是很喜歡聞到和吃到它. 份量好大碟, 唔算炒得好油, 當中加了扎肉, 洋蔥, 芽菜, 韭菜, 少許黑椒粒一齊炒, 聞落惹味, 食落好好味, 加上每次都係即炒, 所以來到枱面香噴噴, 而我懷疑我覺得它特別好食的原因係因為每次食都要等大約15-20分鐘...當其他食客的食物已經陸續到的時候, 我還在飢腸轆轆地等著 . 幸好每次都沒有令我失望, 味道水準仍然保持, 扎肉和粉絲的份量也多, 再撈埋灑在上面的乾蒜一起吃, 味道仲香~口感也更豐富~不過等候食物的時間真係有點長, 如果肚餓的話千萬不要點這款...而且價錢就稍貴了一點點, 尤其星期六日要再另加$6, 但仍會間唔中去食的

間唔中都會來永珍吃午餐, 今次就嗌左"茄露牛腩飯"...個飯一黎到見到咁紅有點驚嚇真係好蕃茄!茄露入面仲有幾舊蕃茄, 幾片大大的紅蘿白, 同埋主角牛腩. 茄露味道好開胃呀, 酸酸甜甜幾好味, 蕃茄味唔會好假, 估計應該真係用新鮮蕃茄淆成的, 蕃茄味好香, 個汁食落感覺幾鮮味. 主角牛腩更加係十分驚喜, 雖然每件都大大舊, 但原來咬落口完全唔"鞋", 好林好嫩滑, 好想知佢係點樣處理牛腩可以令佢咁林..讚!不得不提, 碟白飯好大碟, 雖然個茄露撈飯好好食...但都係食唔晒, 細食的人真係要叫少飯!

無意中發現這餐廳，感覺是很新鮮的，相信是因為這裏的侍應生算是後生，自然也給人有生氣的感覺。內中有不少靚裝飾，增添了不少美感。頭盤食物是芝麻雞，冷冷的，在夏天吃真的不錯。之後的越式春卷當然要與生菜一起吃，一熱一冷，一濃一淡，是很好的配合。這個煎扎肉是第一次吃，很惹味，扎肉也很彈口。除了放湯，煎扎肉也是一個不錯的吃法。越式炒金邊粉與泰式炒金邊粉最大的分別是前者不辣，咸咸的味道不錯，加上炒得一點都不油，很好水準。這一餐的主角就是咖喱豬肉了，咖喱味很香，而又不會辣。豬肉是薄片的那種，很易入口。加上蒜溶包當然是最佳的配搭啦。

他突然說想要吃泰國菜，看到"永珍越南"滿多人光顧，門外的餐牌也算是吸引，我們倆便進店了。店面的燈光是暖黃色的，看上去眼睛還滿舒適，但係與鄰座的距離過於接近，中間的通道也只夠一個人活動，私隱度非常低，是一家不能說秘密的店！我們點了「紅咖喱雞飯」、「海蜇芝麻雞」、「串燒－牛肉、雞腎、豬頸肉、雞軟骨」和「鹹檸檬梳打」。沒想到份量有點多，笨安妮與他幾乎吃不完。但「眼闊！肚窄！大晒鬼！」這句說話總在腦海中飄浮，笨妹都會用上班的飯盒帶走，或是默默把它們吃光光。大家點菜前應先觀察鄰座的份量哦( ¡︵¡)鹹檸檬梳打最先來的，是「鹹檸檬梳打」，味道上沒想像中吸引，但勝在夠鹹，喝下去的感覺滿爽。但這是我首次喝鹹檸檬製品，因此無法對比。海蜇芝麻雞然後，是前菜「海蜇芝麻雞」，那個汁酸酸的滿開胃，加入炸蒜片感覺很香口，而且吃完也沒有口臭-v-。雞絲"鞋口"沒甚麼好評。紅咖喱雞飯紅咖喱雞飯，應稱作椰奶咖哩吧！笨妹討厭椰子味，但對這個咖哩味道還滿意啦。雞肉是非常嫩的雞髀，所以妹的牙骹都軟了xd。飯量很多，兩個人點一份再加小食剛剛好。串燒所有東東都吃完了，串燒還沒到，等得有點久，但總括來說，串燒是有驚喜的，肉質沒有被

行經呢頭隨便走入黎食番一兩味 女友要牛肉丸湯檬 我要蝦醬海鮮炒飯 兩杯凍飲另加3蚊 炒飯飯量多 味道偏淡 蝦醬味不算出 但嬴在夠少味精 牛丸湯檬 味道印象不深 可算是不過不失 三十幾四十蚊一餐都廢事要求多多 食飽走人 兩位加埋一百有找 前後只需二十分鐘

本來想去食日本嘢，點知要等位，咁起唔想等位既情況下，唯有找第二間餐廳啦，見到依間既午餐好似唔錯，就入嚟試下叫左一個午餐-沙爹香茅豬肉河，另外加左越南春卷同埋蒸粉包沙爹香茅豬肉河個沙爹汁好香好濃好正，花生碎夠多, 豬肉份量多河粉夠滑, 午餐嚟講算唔錯越南春卷兩條賣46蚊，其實都幾貴，不過依度既春卷大大條，熱辣辣咁用生菜包住食, 一口食晒勁滿足至於蒸粉包係十分喜歡既越南小食, 依度做得唔錯, 粉包口感煙韌內裏材料豐富, 加上點少許魚露吊起個味道, 好好食最後加埋一枝啤酒，要一百六十蚊埋單，唔算平，不過算幾好食，下次有機會嚟試下食下依度既其他越南小菜先

見新開，所以試下個午餐。門口大大個午餐牌寫住$43包熱飲，甘唔算貴啦。 入到去坐底睇見餐牌細細隻字寫住星期六日另加$6，先覺得搵笨。然後，餐牌上有幅圖幾吸引，就問收銀亞姐係咩黎，佢就話係茄汁牛腩，甘聽落都唔錯，甘咪叫囉。 黎到就知道中左伏，原來係茄汁溝水，一嚿蕃茄都無，無呢誠意，個味重衰過大x活果種茄汁。 牛腩又唔冧，少得黎而且又細嚿。另外重叫左一個煎蛋薄荷葉肉碎飯，黎到先知唔係炒飯，跟著問個收銀，佢好串甘答：「呢個不嬲都係白飯底！」。 我睇返餐牌，的確無個「炒」，甘無計啦。只不過我一向食開果啲香葉肉碎飯係炒，所以大失所望啫。 總括而言，呢間餐廳偷工減料，唔好食，我唔會再幫襯！

行過見新開更一試叫了2個野，一個生牛肉粉絲煲，一個炒粉，等了一陣就到，個生牛肉，差不多全熟，個湯又無味粉量太少，個炒粉好似無落味去炒，又唔熱，食左一半就無食，怪不得無乜人啦想信以後無下次

是日六人來午餐，環境略擠迫，但尚算整潔。午餐選擇都幾多，共20多款，單單炒飯都有3、4款。拼盤：每款各三件，有炸蝦丸（蝦味幾香，但一點都不彈牙⋯）、扎肉、蝦春卷、豬肉蝦片（豬肉十級鹹，而蝦片剛上枱已經係稔的 excuse me？！）、串燒雞肉（硬到咬唔開）和魚餅（沒有平時的香料味，但亦因此變得比較合我口味）。咖哩牛肉飯：竟然是肥牛⋯∑(ﾟДﾟ) 椰漿味濃，沒有咖哩味。不過份量很多就是了。扎肉炒粉絲：幾乾爽，鹹淡剛好。香茅豬肉撈檬：和豬肉蝦片一樣的超鹹豬肉，但和一大碗檬粉跟青瓜和生菜拌勻來吃尚算可以。必須一提，餐廳放魚露是用果汁咁大個壺裝，很阻事呢！(-_^)蝦醬海鮮炒飯：最好吃的一樣，蝦醬味香但不會太鹹。不過！海鮮好hea，還能吃出蝦的雪味。服務：沒有服務。不至於差，但服務生都是踢一踢郁一郁無反應的。

餐廳衛生差，　一步入餐廳有三張吉枱仲未清潔好，　我同老公選其中一張坐，枱上有一套上手用剩嘅碗筷…雖然望落乾淨，但阿姐無意欲去收，加多一套碗筷就算…叫佢抹枱…越抹越污糟，成枱河粉碎！　 要自己用消毒紙巾再抹。叫左一碟香茅雞翼…瘦猛猛嘅 ，$46/4件（另收加一服務費）。味道尚算可以，　但無香茅味…生牛肉湯粉…牛肉同湯底普通，啲河粉碎濕濕，成碗都碎…已經食到無心機，所以無再影相紀錄。侍應生懶散，　另一枱客人剛坐底，我地都聽到個客大叫三次…唔該，都係無人理佢，無奈…仲有第一次見侍應無嘢做時會坐係客席上休息… 懶！得！很！