永發茶餐廳

营业中

休息中

幫朋友慶祝生日﹐本來話食自助餐﹐但因女士眾多﹐驚食量少蝕底所以選雞煲朋友們早就坐在最入那張檯﹐左面是一道門通往樓上(以前舊店就係對面既樓上擴展經營範圍﹐依家就直接係樓上﹐方便)﹐右面是廚房/廁所﹐遲到的我就坐在左面﹐D人出出入入都踢凳腳一吓個爐用鐵架圍住﹐可能係防止有水濺熄個火。不過我哋個爐唔生性﹐煲極都唔滾﹐個鐵架又阻住睇唔到係唔係無火﹐唯有舉手。舉左手兼嗌左成分鐘﹐先後有幾個店員對我哋視若無睹﹐或是做住yes man之後放飛機﹐先至有一個埋黎check下﹐之後話“轉頭”﹐跟手上左去。。。第二個如是。。。第三個先至逗下個架﹐攞第二支Gas試﹐先至發現個爐有問題﹗剛煲滾無耐﹐灼緊菜既時候黎加水﹐想浸死晒佢哋咩﹐知唔知4℃-65℃係食物危險溫度黎架﹐結果堅持75℃ 15秒原則的我就等到D菜老晒先有得食而到無水時又無人加水加單一隻細雞同一D菜﹐D野未到時﹐有店員埋黎﹐不過唔係執檯﹐唔係清走D空碟空籃﹐而係淨係攞走個煲蓋﹗全場都係食緊雞煲﹐夠爐夠煲但係唔夠蓋﹗ 結果咪係無蓋用囉﹗D員工金精火眼咁想我哋讓番張檯出黎都無用﹐因為火都唔滾 生日蛋糕﹖有﹐不過費事左住人哋做生意以及受盡員工們的白眼﹐

朋友提過下呢間雞煲，今日路過就去試下，yeah，好好味！去到見到入面十張台都無，又坐滿左，原來上面仲有一層，別有洞天！坐位有少少迫，但可以接受；雖然係室內，但有七八十年代冰室crossover大排檔咁既風味，幾啱我地呢d市井平民。醉雞煲有分「大雞」($180) 同「細雞」($120)，我地得兩個人就叫左個「細雞」。醉煲同雞件係分開上的，個煲滾下滾下個陣，已經聞到好香，因為好肚餓，我地一野倒晒d雞落去！滾兩滾，打開個蓋，真係好鬼香！有酒香，但食落唔會太嗆；有紅棗同圓肉，仲有少量其他藥材，味道好豐富，甜甜地咁，落咩料都好入味，一分之正！叫雞煲都係送份菜，生菜都好新鮮，雖然係送，但份量都唔少。響鈴就只係包裝貨，不過呢個牌子係幾好食既 (但要$30盒)。肥牛就幾抵食，又係$30，雖則個底墊左d菜，但都有十幾塊，而且有厚度架，肥瘦適中，滿意！如果人多可以叫d烏冬或者公仔麵，好好利用個湯底，一定有下次~

聽聞已久的雞煲。終於搵到人一齊去食星期六預左要等位！因為冇得訂位，所以早D去排，７點半拎飛，其實等左15分鐘就嗌入，由於朋友未到齊，要２個以上先入得，如果到齊就同Ｄ店員講！八點入得！有兩層，全部枱都滿人，大概有十幾張枱。唔算好迫！不過上層收唔到電話！我同朋友分別係PCCW, 3, CSL, PEOPLE, SMARTONE!得SMARTONE 收到。但係食飯就唔洗點用電話既其實！呢個係大。雞有分大細，即係一隻雞同半隻雞。隨煲送一碟菜。個煲就一樣大，另外有Ｄ野食可以點，都係丸呀，肥牛果Ｄ！最抵死係有午餐肉！打邊爐食超正同埋會成碟食物排得好靚！唔係分開一碟碟果到好似得辣／唔辣既豉油，佢會問你幾多個辣，一人一兜仔咁。個湯底好甜，好多料！記得Ｄ雞唔好落咁耐，Ｄ肉會唔滑！整體ＯＫ！可以再食